લોકવીરં મહાપૂજ્યં સર્વરક્ષાકરં વિભુમ્ ।
પાર્વતી હૃદયાનંદં શાસ્તારં પ્રણમામ્યહમ્ ॥ 1 ॥

વિપ્રપૂજ્યં વિશ્વવંદ્યં વિષ્ણુશંભોઃ પ્રિયં સુતમ્ ।
ક્ષિપ્રપ્રસાદનિરતં શાસ્તારં પ્રણમામ્યહમ્ ॥ 2 ॥

મત્તમાતંગગમનં કારુણ્યામૃતપૂરિતમ્ ।
સર્વવિઘ્નહરં દેવં શાસ્તારં પ્રણમામ્યહમ્ ॥ 3 ॥

અસ્મત્કુલેશ્વરં દેવમ્-અસ્મચ્છત્રુ વિનાશનમ્ ।
અસ્મદિષ્ટપ્રદાતારં શાસ્તારં પ્રણમામ્યહમ્ ॥ 4 ॥

પાંડ્યેશવંશતિલકં કેરલે કેલિવિગ્રહમ્ ।
આર્તત્રાણપરં દેવં શાસ્તારં પ્રણમામ્યહમ્ ॥ 5 ॥

પંચરત્નાખ્યમેતદ્યો નિત્યં શુદ્ધઃ પઠેન્નરઃ ।
તસ્ય પ્રસન્નો ભગવાન્ શાસ્તા વસતિ માનસે ॥

ઇતિ શ્રી શાસ્તા પંચરત્નમ્ ।

——

અથ શાસ્તા નમસ્કાર શ્લોકાઃ ।

ત્રયંબકપુરાધીશં ગણાધિપસમન્વિતમ્ ।
ગજારૂઢમહં વંદે શાસ્તારં પ્રણમામ્યહમ્ ॥ 1 ॥

શિવવીર્યસમુદ્ભૂતં શ્રીનિવાસતનૂદ્ભવમ્ ।
શિખિવાહાનુજં વંદે શાસ્તારં પ્રણમામ્યહમ્ ॥ 2 ॥

યસ્ય ધન્વંતરિર્માતા પિતા દેવો મહેશ્વરઃ ।
તં શાસ્તારમહં વંદે મહારોગનિવારણમ્ ॥ 3 ॥

ભૂતનાથ સદાનંદ સર્વભૂતદયાપર ।
રક્ષ રક્ષ મહાબાહો શાસ્ત્રે તુભ્યં નમો નમઃ ॥ 4 ॥