ચંડમુંડ વધો નામ સપ્તમોધ્યાયઃ ॥

ધ્યાનં
ધ્યાયેં રત્ન પીઠે શુકકલ પઠિતં શ્રુણ્વતીં શ્યામલાંગીં।
ન્યસ્તૈકાંઘ્રિં સરોજે શશિ શકલ ધરાં વલ્લકીં વાદ યંતીં
કહલારાબદ્ધ માલાં નિયમિત વિલસચ્ચોલિકાં રક્ત વસ્ત્રાં।
માતંગીં શંખ પાત્રાં મધુર મધુમદાં ચિત્રકોદ્ભાસિ ભાલાં।

ઋષિરુવાચ।

આજ્ઞપ્તાસ્તે તતોદૈત્યા-શ્ચંડમુંડપુરોગમાઃ।
ચતુરંગબલોપેતા યયુરભ્યુદ્યતાયુધાઃ॥1॥

દદૃશુસ્તે તતો દેવી-મીષદ્ધાસાં વ્યવસ્થિતામ્।
સિંહસ્યોપરિ શૈલેંદ્ર-શૃંગે મહતિકાંચને॥2॥

તેદૃષ્ટ્વાતાંસમાદાતુ-મુદ્યમંંચક્રુરુદ્યતાઃ
આકૃષ્ટચાપાસિધરા-સ્તથાઽન્યે તત્સમીપગાઃ॥3॥

તતઃ કોપં ચકારોચ્ચૈ-રંબિકા તાનરીન્પ્રતિ।
કોપેન ચાસ્યા વદનં મષીવર્ણમભૂત્તદા॥4॥

ભ્રુકુટીકુટિલાત્તસ્યા લલાટફલકાદ્દ્રુતમ્।
કાળી કરાળ વદના વિનિષ્ક્રાંતાઽસિપાશિની ॥5॥

વિચિત્રખટ્વાંગધરા નરમાલાવિભૂષણા।
દ્વીપિચર્મપરીધાના શુષ્કમાંસાઽતિભૈરવા॥6॥

અતિવિસ્તારવદના જિહ્વાલલનભીષણા।
નિમગ્નારક્તનયના નાદાપૂરિતદિઙ્મુખા ॥6॥

સા વેગેનાઽભિપતિતા ઘૂતયંતી મહાસુરાન્।
સૈન્યે તત્ર સુરારીણા-મભક્ષયત તદ્બલમ્ ॥8॥

પાર્ષ્ણિગ્રાહાંકુશગ્રાહિ-યોધઘંટાસમન્વિતાન્।
સમાદાયૈકહસ્તેન મુખે ચિક્ષેપ વારણાન્ ॥9॥

તથૈવ યોધં તુરગૈ રથં સારથિના સહ।
નિક્ષિપ્ય વક્ત્રે દશનૈશ્ચર્વયત્યતિભૈરવં ॥10॥

એકં જગ્રાહ કેશેષુ ગ્રીવાયામથ ચાપરં।
પાદેનાક્રમ્યચૈવાન્યમુરસાન્યમપોથયત્ ॥11॥

તૈર્મુક્તાનિચ શસ્ત્રાણિ મહાસ્ત્રાણિ તથાસુરૈઃ।
મુખેન જગ્રાહ રુષા દશનૈર્મથિતાન્યપિ ॥12॥

બલિનાં તદ્બલં સર્વમસુરાણાં દુરાત્મનાં
મમર્દાભક્ષયચ્ચાન્યાનન્યાંશ્ચાતાડયત્તથા ॥13॥

અસિના નિહતાઃ કેચિત્કેચિત્ખટ્વાંગતાડિતાઃ।
જગ્મુર્વિનાશમસુરા દંતાગ્રાભિહતાસ્તથા ॥14॥

ક્ષણેન તદ્ભલં સર્વ મસુરાણાં નિપાતિતં।
દૃષ્ટ્વા ચંડોઽભિદુદ્રાવ તાં કાળીમતિભીષણાં ॥15॥

શરવર્ષૈર્મહાભીમૈર્ભીમાક્ષીં તાં મહાસુરઃ।
છાદયામાસ ચક્રૈશ્ચ મુંડઃ ક્ષિપ્તૈઃ સહસ્રશઃ ॥16॥

તાનિચક્રાણ્યનેકાનિ વિશમાનાનિ તન્મુખમ્।
બભુર્યથાર્કબિંબાનિ સુબહૂનિ ઘનોદરં ॥17॥

તતો જહાસાતિરુષા ભીમં ભૈરવનાદિની।
કાળી કરાળવદના દુર્દર્શશનોજ્જ્વલા ॥18॥

ઉત્થાય ચ મહાસિંહં દેવી ચંડમધાવત।
ગૃહીત્વા ચાસ્ય કેશેષુ શિરસ્તેનાસિનાચ્છિનત્ ॥19॥

અથ મુંડોઽભ્યધાવત્તાં દૃષ્ટ્વા ચંડં નિપાતિતમ્।
તમપ્યપાત યદ્ભમૌ સા ખડ્ગાભિહતંરુષા ॥20॥

હતશેષં તતઃ સૈન્યં દૃષ્ટ્વા ચંડં નિપાતિતમ્।
મુંડંચ સુમહાવીર્યં દિશો ભેજે ભયાતુરમ્ ॥21॥

શિરશ્ચંડસ્ય કાળી ચ ગૃહીત્વા મુંડ મેવ ચ।
પ્રાહ પ્રચંડાટ્ટહાસમિશ્રમભ્યેત્ય ચંડિકામ્ ॥22॥

મયા તવા ત્રોપહૃતૌ ચંડમુંડૌ મહાપશૂ।
યુદ્ધયજ્ઞે સ્વયં શુંભં નિશુંભં ચહનિષ્યસિ ॥23॥

ઋષિરુવાચ॥

તાવાનીતૌ તતો દૃષ્ટ્વા ચંડ મુંડૌ મહાસુરૌ।
ઉવાચ કાળીં કળ્યાણી લલિતં ચંડિકા વચઃ ॥24॥

યસ્માચ્ચંડં ચ મુંડં ચ ગૃહીત્વા ત્વમુપાગતા।
ચામુંડેતિ તતો લોકે ખ્યાતા દેવી ભવિષ્યસિ ॥25॥

॥ જય જય શ્રી માર્કંડેય પુરાણે સાવર્નિકે મન્વંતરે દેવિ મહત્મ્યે ચંડમુંડ વધો નામ સપ્તમોધ્યાય સમાપ્તમ્ ॥

આહુતિ
ઓં ક્લીં જયંતી સાંગાયૈ સશક્તિકાયૈ સપરિવારાયૈ સવાહનાયૈ કાળી ચામુંડા દેવ્યૈ કર્પૂર બીજાધિષ્ઠાયૈ મહાહુતિં સમર્પયામિ નમઃ સ્વાહા ॥