નમામીશમીશાન નિર્વાણરૂપં
વિભું વ્યાપકં બ્રહ્મવેદ-સ્વરૂપમ્ ।
નિજં નિર્ગુણં નિર્વિકલ્પં નિરીહં
ચિદાકાશ-માકાશવાસં ભજેઽહમ્ ॥ 1 ॥

નિરાકારમોંકારમૂલં તુરીયં
ગિરાજ્ઞાનગોતીતમીશં ગિરીશમ્ ।
કરાલં મહાકાલકાલં કૃપાલું
ગુણાગાર-સંસારપારં નતોઽહમ્ ॥ 2 ॥

તુષારાદ્રિ-સંકાશગૌરં ગભીરં
મનોભૂતકોટિ-પ્રભાસી શરીરમ્ ।
સ્ફુરન્મૌલિકલ્લોલિની ચારુગંગા
લસદ્ભાલ-બાલેંદુ કંઠે ભુજંગમ્ ॥ 3 ॥

ચલત્કુંડલં શુભ્રનેત્રં વિશાલં
પ્રસન્નાનનં નીલકંઠં દયાલુમ્ ।
મૃગાધીશ-ચર્માંબરં મુંડમાલં
પ્રિયં શંકરં સર્વનાથં ભજામિ ॥ 4 ॥

પ્રચંડં પ્રકૃષ્ટં પ્રગલ્ભં પરેશં
અખંડં ભજે ભાનુકોટિપ્રકાશમ્ ।
ત્રયી-શૂલ-નિર્મૂલનં શૂલપાણિં
ભજેઽહં ભવાનીપતિં ભાવગમ્યમ્ ॥ 5 ॥

કલાતીત-કલ્યાણ-કલ્પાંતકારી
સદા સજ્જનાનંદ-દાતા પુરારી ।
ચિદાનંદ સંદોહમોહાપહારી
પ્રસીદ પ્રસીદ પ્રભો મન્મથારી ॥ 6 ॥

ન યાવદુમાનાથ-પાદારવિંદં
ભજંતીહ લોકે પરે વા નરાણામ્ ।
ન તાવત્સુખં શાંતિ સંતાપનાશં
પ્રસીદ પ્રભો સર્વભૂતાધિવાસમ્ ॥ 7 ॥

ન જાનામિ યોગં જપં નૈવ પૂજાં
નતોઽહં સદા સર્વદા દેવ તુભ્યમ્ ।
જરા-જન્મ-દુઃખૌઘતાતપ્યમાનં
પ્રભો પાહિ શાપાન્નમામીશ શંભો ॥ 8 ॥

રુદ્રાષ્ટકમિદં પ્રોક્તં વિપ્રેણ હરતુષ્ટયે ।
યે પઠંતિ નરા ભક્ત્યા તેષાં શંભુઃ પ્રસીદતિ ॥ 9 ॥

॥ ઇતિ શ્રીરામચરિતમાનસે ઉત્તરકાંડે શ્રીગોસ્વામિ તુલસીદાસકૃતં
શ્રીરુદ્રાષ્ટકં સંપૂર્ણમ્ ॥