ലോകവീരം മഹാപൂജ്യം സർവരക്ഷാകരം വിഭുമ് ।
പാർവതീ ഹൃദയാനംദം ശാസ്താരം പ്രണമാമ്യഹമ് ॥ 1 ॥

വിപ്രപൂജ്യം വിശ്വവംദ്യം വിഷ്ണുശംഭോഃ പ്രിയം സുതമ് ।
ക്ഷിപ്രപ്രസാദനിരതം ശാസ്താരം പ്രണമാമ്യഹമ് ॥ 2 ॥

മത്തമാതംഗഗമനം കാരുണ്യാമൃതപൂരിതമ് ।
സർവവിഘ്നഹരം ദേവം ശാസ്താരം പ്രണമാമ്യഹമ് ॥ 3 ॥

അസ്മത്കുലേശ്വരം ദേവമ്-അസ്മച്ഛത്രു വിനാശനമ് ।
അസ്മദിഷ്ടപ്രദാതാരം ശാസ്താരം പ്രണമാമ്യഹമ് ॥ 4 ॥

പാംഡ്യേശവംശതിലകം കേരലേ കേലിവിഗ്രഹമ് ।
ആര്തത്രാണപരം ദേവം ശാസ്താരം പ്രണമാമ്യഹമ് ॥ 5 ॥

പംചരത്നാഖ്യമേതദ്യോ നിത്യം ശുദ്ധഃ പഠേന്നരഃ ।
തസ്യ പ്രസന്നോ ഭഗവാന് ശാസ്താ വസതി മാനസേ ॥

ഇതി ശ്രീ ശാസ്താ പംചരത്നമ് ।

——

അഥ ശാസ്താ നമസ്കാര ശ്ലോകാഃ ।

ത്രയംബകപുരാധീശം ഗണാധിപസമന്വിതമ് ।
ഗജാരൂഢമഹം വംദേ ശാസ്താരം പ്രണമാമ്യഹമ് ॥ 1 ॥

ശിവവീര്യസമുദ്ഭൂതം ശ്രീനിവാസതനൂദ്ഭവമ് ।
ശിഖിവാഹാനുജം വംദേ ശാസ്താരം പ്രണമാമ്യഹമ് ॥ 2 ॥

യസ്യ ധന്വംതരിര്മാതാ പിതാ ദേവോ മഹേശ്വരഃ ।
തം ശാസ്താരമഹം വംദേ മഹാരോഗനിവാരണമ് ॥ 3 ॥

ഭൂതനാഥ സദാനംദ സർവഭൂതദയാപര ।
രക്ഷ രക്ഷ മഹാബാഹോ ശാസ്ത്രേ തുഭ്യം നമോ നമഃ ॥ 4 ॥