రాగం: హంసధ్వని
29 ధీర శన్కరాభరణం జన్య
ఆ: స రి2 గ3 ప ని3 స
అవ: స ని3 ప గ3 రి2 స
తాళం: ఆది / కండ చాపు

పల్లవి
చాలదా హరి నామ సౌఖ్యామృతము దమకు ।
చాలదా హితవైన చవులెల్లను నొసగ ॥ (3)

చరణం 1
ఇది యొకటి హరి నామ మింతైన జాలదా
చెదరకీ జన్మముల చెరలు విడిపించ । (2)
మదినొకటె హరినామ మంత్రమది చాలదా । (2)
పదివేల నరక కూపముల వెడలించ ॥

చాలదా హరి నామ సౌఖ్యామృతము దమకు ।
చాలదా హితవైన చవులెల్లను నొసగ ॥

చరణం 2
కలదొకటి హరినామ కనకాద్రి చాలదా ।
తొలగుమని దారిద్ర్యదోషంబు చెరుచ ।
తెలివొకటి హరినామదీప మది చాలదా ।
కలుషంపు కఠిన చీకటి పారద్రోల ॥

చాలదా హరి నామ సౌఖ్యామృతము దమకు ।
చాలదా హితవైన చవులెల్లను నొసగ ॥

చరణం 3
తగువేంకటేశు కీర్తనమొకటి చాలదా ।
జగములో కల్పభూజంబు వలె నుండ । (2)
సొగసి యీవిభుని దాసుల కరుణ చాలదా । (2)
నగవు జూపులను నున్నతమెపుడు జూప ॥

చాలదా హరి నామ సౌఖ్యామృతము దమకు ।
చాలదా హితవైన చవులెల్లను నొసగ ॥ (2)

గోవింద హరి జయ గోపాల హరి జయ ...