গিরিতনয়াসুত গাংগপয়োদিত গংধসুবাসিত বালতনো
গুণগণভূষণ কোমলভাষণ ক্রৌংচবিদারণ কুংদতনো ।
গজমুখসোদর দুর্জযদানবসংঘবিনাশক দিব্যতনো
জয় জয় হে গুহ ষণ্মুখ সুংদর দেহি রতিং তব পাদয়ুগে ॥ 1 ॥

প্রতিগিরিসংস্থিত ভক্তহৃদিস্থিত পুত্রধনপ্রদ রম্যতনো
ভবভযমোচক ভাগ্যবিধাযক ভূসুতবার সুপূজ্যতনো ।
বহুভুজশোভিত বংধবিমোচক বোধফলপ্রদ বোধতনো
জয় জয় হে গুহ ষণ্মুখ সুংদর দেহি রতিং তব পাদয়ুগে ॥ 2 ॥

শমধনমানিত মৌনিহৃদালয় মোক্ষকৃদালয় মুগ্ধতনো
শতমখপালক শংকরতোষক শংখসুবাদক শক্তিতনো ।
দশশতমন্মথ সন্নিভসুংদর কুংডলমংডিত কর্ণবিভো
জয় জয় হে গুহ ষণ্মুখ সুংদর দেহি রতিং তব পাদয়ুগে ॥ 3 ॥

গুহ তরুণারুণচেলপরিষ্কৃত তারকমারক মারতনো
জলনিধিতীরসুশোভিবরালয় শংকরসন্নুত দেবগুরো ।
বিহিতমহাধ্বরসামনিমংত্রিত সৌম্যহৃদংতর সোমতনো
জয় জয় হে গুহ ষণ্মুখ সুংদর দেহি রতিং তব পাদয়ুগে ॥ 4 ॥

লবলিকয়া সহ কেলিকলাপর দেবসুতার্পিত মাল্যতনো
গুরুপদসংস্থিত শংকরদর্শিত তত্ত্বমযপ্রণবার্থবিভো ।
বিধিহরিপূজিত ব্রহ্মসুতার্পিত ভাগ্যসুপূরক যোগিতনো
জয় জয় হে গুহ ষণ্মুখ সুংদর দেহি রতিং তব পাদয়ুগে ॥ 5 ॥

কলিজনপালন কংজসুলোচন কুক্কুটকেতন কেলিতনো
কৃতবলিপালন বর্হিণবাহন ফালবিলোচনশংভুতনো ।
শরবণসংভব শত্রুনিবর্হণ চংদ্রসমানন শর্মতনো
জয় জয় হে গুহ ষণ্মুখ সুংদর দেহি রতিং তব পাদয়ুগে ॥ 6 ॥

সুখদমনংতপদান্বিত রামসুদীক্ষিত সত্কবিপদ্যমিদং
শরবণ সংভব তোষদমিষ্টদমষ্টসুসিদ্ধিদমার্তিহরম্ ।
পঠতি শৃণোতি চ ভক্তিয়ুতো যদি ভাগ্যসমৃদ্ধিমথো লভতে
জয় জয় হে গুহ ষণ্মুখ সুংদর দেহি রতিং তব পাদয়ুগে ॥ 7 ॥

ইতি শ্রীঅনংতরামদীক্ষিত কৃতং ষণ্মুখ ষট্কম্ ॥