Chandra Sekharashtakam - Grantha

𑌚𑌂𑌦𑍍𑌰𑌶𑍇𑌖𑌰 𑌚𑌂𑌦𑍍𑌰𑌶𑍇𑌖𑌰 𑌚𑌂𑌦𑍍𑌰𑌶𑍇𑌖𑌰 𑌪𑌾𑌹𑌿𑌮𑌾𑌮𑍍 ।
𑌚𑌂𑌦𑍍𑌰𑌶𑍇𑌖𑌰 𑌚𑌂𑌦𑍍𑌰𑌶𑍇𑌖𑌰 𑌚𑌂𑌦𑍍𑌰𑌶𑍇𑌖𑌰 𑌰𑌕𑍍𑌷𑌮𑌾𑌮𑍍 ॥

𑌰𑌤𑍍𑌨𑌸𑌾𑌨𑍁 𑌶𑌰𑌾𑌸𑌨𑌂 𑌰𑌜𑌤𑌾𑌦𑍍𑌰𑌿 𑌶𑍃𑌂𑌗 𑌨𑌿𑌕𑍇𑌤𑌨𑌂
𑌶𑌿𑌂𑌜𑌿𑌨𑍀𑌕𑍃𑌤 𑌪𑌨𑍍𑌨𑌗𑍇𑌶𑍍𑌵𑌰 𑌮𑌚𑍍𑌯𑍁𑌤𑌾𑌨𑌲 𑌸𑌾𑌯𑌕𑌮𑍍 ।
𑌕𑍍𑌷𑌿𑌪𑍍𑌰𑌦𑌗𑍍𑌦 𑌪𑍁𑌰𑌤𑍍𑌰𑌯𑌂 𑌤𑍍𑌰𑌿𑌦𑌶𑌾𑌲𑌯𑍈 𑌰𑌭𑌿𑌵𑌂𑌦𑌿𑌤𑌂
𑌚𑌂𑌦𑍍𑌰𑌶𑍇𑌖𑌰𑌮𑌾𑌶𑍍𑌰𑌯𑍇 𑌮𑌮 𑌕𑌿𑌂 𑌕𑌰𑌿𑌷𑍍𑌯𑌤𑌿 𑌵𑍈 𑌯𑌮𑌃 ॥ 1 ॥

𑌮𑌤𑍍𑌤𑌵𑌾𑌰𑌣 𑌮𑍁𑌖𑍍𑌯𑌚𑌰𑍍𑌮 𑌕𑍃𑌤𑍋𑌤𑍍𑌤𑌰𑍀𑌯 𑌮𑌨𑍋𑌹𑌰𑌂
𑌪𑌂𑌕𑌜𑌾𑌸𑌨 𑌪𑌦𑍍𑌮𑌲𑍋𑌚𑌨 𑌪𑍂𑌜𑌿𑌤𑌾𑌂𑌘𑍍𑌰𑌿 𑌸𑌰𑍋𑌰𑍁𑌹𑌂 ।
𑌦𑍇𑌵 𑌸𑌿𑌂𑌧𑍁 𑌤𑌰𑌂𑌗 𑌶𑍍𑌰𑍀𑌕𑌰 𑌸𑌿𑌕𑍍𑌤 𑌶𑍁𑌭𑍍𑌰 𑌜𑌟𑌾𑌧𑌰𑌂
𑌚𑌂𑌦𑍍𑌰𑌶𑍇𑌖𑌰𑌮𑌾𑌶𑍍𑌰𑌯𑍇 𑌮𑌮 𑌕𑌿𑌂 𑌕𑌰𑌿𑌷𑍍𑌯𑌤𑌿 𑌵𑍈 𑌯𑌮𑌃 ॥ 2 ॥

𑌕𑍁𑌂𑌡𑌲𑍀𑌕𑍃𑌤 𑌕𑍁𑌂𑌡𑌲𑍀𑌶𑍍𑌵𑌰 𑌕𑍁𑌂𑌡𑌲𑌂 𑌵𑍃𑌷𑌵𑌾𑌹𑌨𑌂
𑌨𑌾𑌰𑌦𑌾𑌦𑌿 𑌮𑍁𑌨𑍀𑌶𑍍𑌵𑌰 𑌸𑍍𑌤𑍁𑌤𑌵𑍈𑌭𑌵𑌂 𑌭𑍁𑌵𑌨𑍇𑌶𑍍𑌵𑌰𑌂 ।
𑌅𑌂𑌧𑌕𑌾𑌂𑌤𑌕 𑌮𑌾𑌶𑍍𑌰𑌿𑌤𑌾𑌮𑌰 𑌪𑌾𑌦𑌪𑌂 𑌶𑌮𑌨𑌾𑌂𑌤𑌕𑌂
𑌚𑌂𑌦𑍍𑌰𑌶𑍇𑌖𑌰𑌮𑌾𑌶𑍍𑌰𑌯𑍇 𑌮𑌮 𑌕𑌿𑌂 𑌕𑌰𑌿𑌷𑍍𑌯𑌤𑌿 𑌵𑍈 𑌯𑌮𑌃 ॥ 3 ॥

𑌪𑌂𑌚𑌪𑌾𑌦𑌪 𑌪𑍁𑌷𑍍𑌪𑌗𑌂𑌧 𑌪𑌦𑌾𑌂𑌬𑍁𑌜 𑌦𑍍𑌵𑌯𑌶𑍋𑌭𑌿𑌤𑌂
𑌫𑌾𑌲𑌲𑍋𑌚𑌨 𑌜𑌾𑌤𑌪𑌾𑌵𑌕 𑌦𑌗𑍍𑌧 𑌮𑌨𑍍𑌮𑌧 𑌵𑌿𑌗𑍍𑌰𑌹𑌂 ।
𑌭𑌸𑍍𑌮𑌦𑌿𑌗𑍍𑌦 𑌕𑌳𑍇𑌬𑌰𑌂 𑌭𑌵𑌨𑌾𑌶𑌨𑌂 𑌭𑌵 𑌮𑌵𑍍𑌯𑌯𑌂
𑌚𑌂𑌦𑍍𑌰𑌶𑍇𑌖𑌰𑌮𑌾𑌶𑍍𑌰𑌯𑍇 𑌮𑌮 𑌕𑌿𑌂 𑌕𑌰𑌿𑌷𑍍𑌯𑌤𑌿 𑌵𑍈 𑌯𑌮𑌃 ॥ 4 ॥

𑌯𑌕𑍍𑌷 𑌰𑌾𑌜𑌸𑌖𑌂 𑌭𑌗𑌾𑌕𑍍𑌷 𑌹𑌰𑌂 𑌭𑍁𑌜𑌂𑌗 𑌵𑌿𑌭𑍂𑌷𑌣𑌮𑍍
𑌶𑍈𑌲𑌰𑌾𑌜 𑌸𑍁𑌤𑌾 𑌪𑌰𑌿𑌷𑍍𑌕𑍃𑌤 𑌚𑌾𑌰𑍁𑌵𑌾𑌮 𑌕𑌳𑍇𑌬𑌰𑌮𑍍 ।
𑌕𑍍𑌷𑍇𑌳 𑌨𑍀𑌲𑌗𑌳𑌂 𑌪𑌰𑌶𑍍𑌵𑌧 𑌧𑌾𑌰𑌿𑌣𑌂 𑌮𑍃𑌗𑌧𑌾𑌰𑌿𑌣𑌮𑍍
𑌚𑌂𑌦𑍍𑌰𑌶𑍇𑌖𑌰𑌮𑌾𑌶𑍍𑌰𑌯𑍇 𑌮𑌮 𑌕𑌿𑌂 𑌕𑌰𑌿𑌷𑍍𑌯𑌤𑌿 𑌵𑍈 𑌯𑌮𑌃 ॥ 5 ॥

𑌭𑍇𑌷𑌜𑌂 𑌭𑌵𑌰𑍋𑌗𑌿𑌣𑌾 𑌮𑌖𑌿𑌲𑌾𑌪𑌦𑌾 𑌮𑌪𑌹𑌾𑌰𑌿𑌣𑌂
𑌦𑌕𑍍𑌷𑌯𑌜𑍍𑌞 𑌵𑌿𑌨𑌾𑌶𑌨𑌂 𑌤𑍍𑌰𑌿𑌗𑍁𑌣𑌾𑌤𑍍𑌮𑌕𑌂 𑌤𑍍𑌰𑌿𑌵𑌿𑌲𑍋𑌚𑌨𑌂 ।
𑌭𑍁𑌕𑍍𑌤𑌿 𑌮𑍁𑌕𑍍𑌤𑌿 𑌫𑌲𑌪𑍍𑌰𑌦𑌂 𑌸𑌕𑌲𑌾𑌘 𑌸𑌂𑌘 𑌨𑌿𑌬𑌰𑍍𑌹𑌣𑌂
𑌚𑌂𑌦𑍍𑌰𑌶𑍇𑌖𑌰𑌮𑌾𑌶𑍍𑌰𑌯𑍇 𑌮𑌮 𑌕𑌿𑌂 𑌕𑌰𑌿𑌷𑍍𑌯𑌤𑌿 𑌵𑍈 𑌯𑌮𑌃 ॥ 6 ॥

𑌵𑌿𑌶𑍍𑌵𑌸𑍃𑌷𑍍𑌟𑌿 𑌵𑌿𑌧𑌾𑌯𑌕𑌂 𑌪𑍁𑌨𑌰𑍇𑌵𑌪𑌾𑌲𑌨 𑌤𑌤𑍍𑌪𑌰𑌂
𑌸𑌂𑌹𑌰𑌂 𑌤𑌮𑌪𑌿 𑌪𑍍𑌰𑌪𑌂𑌚 𑌮𑌶𑍇𑌷𑌲𑍋𑌕 𑌨𑌿𑌵𑌾𑌸𑌿𑌨𑌂 ।
𑌕𑍍𑌰𑍀𑌡𑌯𑌂𑌤 𑌮𑌹𑌰𑍍𑌨𑌿𑌶𑌂 𑌗𑌣𑌨𑌾𑌥 𑌯𑍂𑌥 𑌸𑌮𑌨𑍍𑌵𑌿𑌤𑌂
𑌚𑌂𑌦𑍍𑌰𑌶𑍇𑌖𑌰𑌮𑌾𑌶𑍍𑌰𑌯𑍇 𑌮𑌮 𑌕𑌿𑌂 𑌕𑌰𑌿𑌷𑍍𑌯𑌤𑌿 𑌵𑍈 𑌯𑌮𑌃 ॥ 𑍭 ॥

𑌭𑌕𑍍𑌤𑌵𑌤𑍍𑌸𑌲 𑌮𑌰𑍍𑌚𑌿𑌤𑌂 𑌨𑌿𑌧𑌿𑌮𑌕𑍍𑌷𑌯𑌂 𑌹𑌰𑌿𑌦𑌂𑌬𑌰𑌂
𑌸𑌰𑍍𑌵𑌭𑍂𑌤 𑌪𑌤𑌿𑌂 𑌪𑌰𑌾𑌤𑍍𑌪𑌰 𑌮𑌪𑍍𑌰𑌮𑍇𑌯 𑌮𑌨𑍁𑌤𑍍𑌤𑌮𑌂 ।
𑌸𑍋𑌮𑌵𑌾𑌰𑌿𑌨 𑌭𑍋𑌹𑍁𑌤𑌾𑌶𑌨 𑌸𑍋𑌮 𑌪𑌾𑌦𑍍𑌯𑌖𑌿𑌲𑌾𑌕𑍃𑌤𑌿𑌂
𑌚𑌂𑌦𑍍𑌰𑌶𑍇𑌖𑌰 𑌏𑌵 𑌤𑌸𑍍𑌯 𑌦𑌦𑌾𑌤𑌿 𑌮𑍁𑌕𑍍𑌤𑌿 𑌮𑌯𑌤𑍍𑌨𑌤𑌃 ॥ 𑍮 ॥

Last Updated: 28 December, 2020