𑌬𑍍𑌰𑌹𑍍𑌮𑍋𑌵𑌾𑌚 ।
𑌨𑌮𑌃 𑌪𑌿𑌤𑍍𑌰𑍇 𑌜𑌨𑍍𑌮𑌦𑌾𑌤𑍍𑌰𑍇 𑌸𑌰𑍍𑌵𑌦𑍇𑌵𑌮𑌯𑌾𑌯 𑌚 ।
𑌸𑍁𑌖𑌦𑌾𑌯 𑌪𑍍𑌰𑌸𑌨𑍍𑌨𑌾𑌯 𑌸𑍁𑌪𑍍𑌰𑍀𑌤𑌾𑌯 𑌮𑌹𑌾𑌤𑍍𑌮𑌨𑍇 ॥ 1 ॥

𑌸𑌰𑍍𑌵𑌯𑌜𑍍𑌞𑌸𑍍𑌵𑌰𑍂𑌪𑌾𑌯 𑌸𑍍𑌵𑌰𑍍𑌗𑌾𑌯 𑌪𑌰𑌮𑍇𑌷𑍍𑌠𑌿𑌨𑍇 ।
𑌸𑌰𑍍𑌵𑌤𑍀𑌰𑍍𑌥𑌾𑌵𑌲𑍋𑌕𑌾𑌯 𑌕𑌰𑍁𑌣𑌾𑌸𑌾𑌗𑌰𑌾𑌯 𑌚 ॥ 2 ॥

𑌨𑌮𑌃 𑌸𑌦𑌾𑌽𑌽𑌶𑍁𑌤𑍋𑌷𑌾𑌯 𑌶𑌿𑌵𑌰𑍂𑌪𑌾𑌯 𑌤𑍇 𑌨𑌮𑌃 ।
𑌸𑌦𑌾𑌽𑌪𑌰𑌾𑌧𑌕𑍍𑌷𑌮𑌿𑌣𑍇 𑌸𑍁𑌖𑌾𑌯 𑌸𑍁𑌖𑌦𑌾𑌯 𑌚 ॥ 3 ॥

𑌦𑍁𑌰𑍍𑌲𑌭𑌂 𑌮𑌾𑌨𑍁𑌷𑌮𑌿𑌦𑌂 𑌯𑍇𑌨 𑌲𑌬𑍍𑌧𑌂 𑌮𑌯𑌾 𑌵𑌪𑍁𑌃 ।
𑌸𑌂𑌭𑌾𑌵𑌨𑍀𑌯𑌂 𑌧𑌰𑍍𑌮𑌾𑌰𑍍𑌥𑍇 𑌤𑌸𑍍𑌮𑍈 𑌪𑌿𑌤𑍍𑌰𑍇 𑌨𑌮𑍋 𑌨𑌮𑌃 ॥ 4 ॥

𑌤𑍀𑌰𑍍𑌥𑌸𑍍𑌨𑌾𑌨𑌤𑌪𑍋𑌹𑍋𑌮𑌜𑌪𑌾𑌦𑍀𑌨𑍍 𑌯𑌸𑍍𑌯 𑌦𑌰𑍍𑌶𑌨𑌮𑍍 ।
𑌮𑌹𑌾𑌗𑍁𑌰𑍋𑌶𑍍𑌚 𑌗𑍁𑌰𑌵𑍇 𑌤𑌸𑍍𑌮𑍈 𑌪𑌿𑌤𑍍𑌰𑍇 𑌨𑌮𑍋 𑌨𑌮𑌃 ॥ 5 ॥

𑌯𑌸𑍍𑌯 𑌪𑍍𑌰𑌣𑌾𑌮 𑌸𑍍𑌤𑌵𑌨𑌾𑌤𑍍 𑌕𑍋𑌟𑌿𑌶𑌃 𑌪𑌿𑌤𑍃𑌤𑌰𑍍𑌪𑌣𑌮𑍍 ।
𑌅𑌶𑍍𑌵𑌮𑍇𑌧𑌶𑌤𑍈𑌸𑍍𑌤𑍁𑌲𑍍𑌯𑌂 𑌤𑌸𑍍𑌮𑍈 𑌪𑌿𑌤𑍍𑌰𑍇 𑌨𑌮𑍋 𑌨𑌮𑌃 ॥ 6 ॥

𑌇𑌦𑌂 𑌸𑍍𑌤𑍋𑌤𑍍𑌰𑌂 𑌪𑌿𑌤𑍃𑌃 𑌪𑍁𑌣𑍍𑌯𑌂 𑌯𑌃 𑌪𑌠𑍇𑌤𑍍 𑌪𑍍𑌰𑌯𑌤𑍋 𑌨𑌰𑌃 ।
𑌪𑍍𑌰𑌤𑍍𑌯𑌹𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌪𑌿𑌤𑍃𑌶𑍍𑌰𑌾𑌦𑍍𑌧𑌦𑌿𑌨𑍇𑌽𑌪𑌿 𑌚 ॥ 𑍭 ॥

𑌸𑍍𑌵𑌜𑌨𑍍𑌮𑌦𑌿𑌵𑌸𑍇 𑌸𑌾𑌕𑍍𑌷𑌾𑌤𑍍 𑌪𑌿𑌤𑍁𑌰𑌗𑍍𑌰𑍇 𑌸𑍍𑌥𑌿𑌤𑍋𑌽𑌪𑌿 𑌵𑌾 ।
𑌨 𑌤𑌸𑍍𑌯 𑌦𑍁𑌰𑍍𑌲𑌭𑌂 𑌕𑌿𑌂𑌚𑌿𑌤𑍍 𑌸𑌰𑍍𑌵𑌜𑍍𑌞𑌤𑍍𑌵𑌾𑌦𑌿 𑌵𑌾𑌂𑌛𑌿𑌤𑌮𑍍 ॥ 𑍮 ॥

𑌨𑌾𑌨𑌾𑌪𑌕𑌰𑍍𑌮 𑌕𑍃𑌤𑍍𑌵𑌾𑌽𑌪𑌿 𑌯𑌃 𑌸𑍍𑌤𑍌𑌤𑌿 𑌪𑌿𑌤𑌰𑌂 𑌸𑍁𑌤𑌃 ।
𑌸 𑌧𑍃𑌵𑌂 𑌪𑍍𑌰𑌵𑌿𑌧𑌾𑌯𑍈𑌵 𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌂 𑌸𑍁𑌖𑍀 𑌭𑌵𑍇𑌤𑍍 ।
𑌪𑌿𑌤𑍃𑌪𑍍𑌰𑍀𑌤𑌿𑌕𑌰𑍈𑌰𑍍𑌨𑌿𑌤𑍍𑌯𑌂 𑌸𑌰𑍍𑌵𑌕𑌰𑍍𑌮𑌾𑌣𑍍𑌯𑌥𑌾𑌰𑍍𑌹𑌤𑌿 ॥ 𑍯 ॥

𑌇𑌤𑌿 𑌬𑍃𑌹𑌦𑍍𑌧𑌰𑍍𑌮𑌪𑍁𑌰𑌾𑌣𑌾𑌂𑌤𑌰𑍍𑌗𑌤 𑌬𑍍𑌰𑌹𑍍𑌮𑌕𑍃𑌤 𑌪𑌿𑌤𑍃 𑌸𑍍𑌤𑍋𑌤𑍍𑌰𑌮𑍍 ।