॥ அத2 ஶ்ரீமஹாபா4ரதே உத்3யோக3பர்வணி ப்ரஜாக3ரபர்வணி விது3ரனீதிவாக்யே த்ரயஸ்த்ரிம்ஶோத்4யாய: ॥
வைஶம்பாயன உவாச ।
த்3வா:ஸ்தஂ2 ப்ராஹ மஹாப்ராஜ்ஞோ த்4ருதராஷ்ட்ரோ மஹீபதி: ।
விது3ரம் த்3ரஷ்டுமிச்சா2மி தமிஹானய மாசிரம் ॥ 1॥
ப்ரஹிதோ த்4ருதராஷ்ட்ரேண தூ3த: க்ஷத்தாரமப்3ரவீத் ।
ஈஶ்வரஸ்த்வாஂ மஹாராஜோ மஹாப்ராஜ்ஞ தி3த்3ருக்ஷதி ॥ 2॥
ஏவமுக்தஸ்து விது3ர: ப்ராப்ய ராஜனிவேஶனம் ।
அப்3ரவீத்3த்4ருதராஷ்ட்ராய த்3வா:ஸ்த2 மாஂ ப்ரதிவேத3ய ॥ 3॥
த்3வா:ஸ்த2 உவாச ।
விது3ரோயமனுப்ராப்தோ ராஜேன்த்3ர தவ ஶாஸனாத் ।
த்3ரஷ்டுமிச்ச2தி தே பாதௌ3 கிஂ கரோது ப்ரஶாதி4 மாம் ॥ 4॥
த்4ருதராஷ்ட்ர உவாச ।
ப்ரவேஶய மஹாப்ராஜ்ஞஂ விது3ரம் தீ3ர்க4த3ர்ஶினம் ।
அஹஂ ஹி விது3ரஸ்யாஸ்ய நாகால்யோ ஜாது த3ர்ஶனே ॥ 5॥
த்3வா:ஸ்த2 உவாச ।
ப்ரவிஶான்த: புரஂ க்ஷத்தர்மஹாராஜஸ்ய தீ4மத: ।
ந ஹி தே த3ர்ஶனேகால்யோ ஜாது ராஜா ப்3ரவீதி மாம் ॥ 6॥
வைஶம்பாயன உவாச ।
தத: ப்ரவிஶ்ய விது3ரோ த்4ருதராஷ்ட்ர நிவேஶனம் ।
அப்3ரவீத்ப்ராஞ்ஜலிர்வாக்யஂ சின்தயானஂ நராதி4பம் ॥ 7॥
விது3ரோஹஂ மஹாப்ராஜ்ஞ ஸம்ப்ராப்தஸ்தவ ஶாஸனாத் ।
யதி3 கிஂ சன கர்தவ்யமயமஸ்மி ப்ரஶாதி4 மாம் ॥ 8॥
த்4ருதரஷ்த்ர உவாச ।
ஸஞ்ஜயோ விது3ர ப்ராப்தோ க3ர்ஹயித்வா ச மாம் க3த: ।
அஜாதஶத்ரோ: ஶ்வோ வாக்யஂ ஸபா4மத்4யே ஸ வக்ஷ்யதி ॥ 9॥
தஸ்யாத்3ய குருவீரஸ்ய ந விஜ்ஞாதஂ வசோ மயா ।
தன்மே த3ஹதி கா3த்ராணி தத3கார்ஷீத்ப்ரஜாக3ரம் ॥ 1௦॥
ஜாக்3ரதோ த3ஹ்யமானஸ்ய ஶ்ரேயோ யதி3ஹ பஶ்யஸி ।
தத்3ப்3ரூஹி த்வஂ ஹி நஸ்தாத த4ர்மார்த2குஶலோ ஹ்யஸி ॥ 11॥
யத: ப்ராப்த: ஸஞ்ஜய: பாண்ட3வேப்4யோ
ந மே யதா2வன்மனஸ: ப்ரஶான்தி: ।
ஸவேன்த்3ரியாண்யப்ரக்ருதிம் க3தானி
கிஂ வக்ஷ்யதீத்யேவ ஹி மேத்3ய சின்தா ॥ 12॥
தன்மே ப்3ரூஹி விது3ர த்வஂ யதா2வன்
மனீஷிதஂ ஸர்வமஜாதஶத்ரோ: ।
யதா2 ச நஸ்தாத ஹிதம் ப4வேச்ச
ப்ரஜாஶ்ச ஸர்வா: ஸுகி2தா ப4வேயு: ॥- ॥
விது3ர உவாச ।
அபி4யுக்தம் ப3லவதா து3ர்ப3லஂ ஹீனஸாத4னம் ।
ஹ்ருதஸ்வஂ காமினஂ சோரமாவிஶன்தி ப்ரஜாக3ரா: ॥ 13॥
கச்சிதே3தைர்மஹாதோ3ஷைர்ன ஸ்ப்ருஷ்டோஸி நராதி4ப ।
கச்சின்ன பரவித்தேஷு க்3ருத்4யன்விபரிதப்யஸே ॥ 14॥
த்4ருதராஷ்ட்ர உவாச ।
ஶ்ரோதுமிச்சா2மி தே த4ர்ம்யஂ பரஂ நை:ஶ்ரேயஸஂ வச: ।
அஸ்மின்ராஜர்ஷிவம்ஶே ஹி த்வமேக: ப்ராஜ்ஞஸம்மத: ॥ 15॥
விது3ர உவாச ।
ரஜா லக்ஷணஸம்பன்னஸ்த்ரைலோக்யஸ்யாதி4போ ப4வேத் ।
ப்ரேஷ்யஸ்தே ப்ரேஷிதஶ்சைவ த்4ருதராஷ்ட்ர யுதி4ஷ்டி2ர: ॥- ॥
விபரீததரஶ்ச த்வம் பா4க3தே4யே ந ஸம்மத: ।
அர்சிஷாஂ ப்ரக்ஷயாச்சைவ த4ர்மாத்மா த4ர்மகோவித:3 ॥- ॥
ஆன்ருஶம்ஸ்யாத3னுக்ரோஶாத்3த4ர்மாத்ஸத்யாத்பராக்ரமாத் ।
கு3ருத்வாத்த்வயி ஸம்ப்ரேக்ஷ்ய ப3ஹூன்க்லேஷாம்ஸ்திதிக்ஷதே ॥- ॥
து3ர்யோத4னே ஸௌப3லே ச கர்ணே து3:ஶாஸனே ததா2 ।
ஏதேஷ்வைஶ்வர்யமாதா4ய கதஂ2 த்வம் பூ4திமிச்ச2ஸி ॥- ॥
ஏகஸ்மாத்வ்ருக்ஷாத்3யஜ்ஞபத்ராணி ராஜன்
ஸ்ருக்ச த்3ரௌணீ பேட2னீபீட3னே ச ।
ஏதஸ்மாத்3ராஜன்ப்3ருவதோ மே நிபோ3த4
ஏகஸ்மாத்3வை ஜாயதேஸச்ச ஸச்ச ॥- ॥
ஆத்மஜ்ஞானஂ ஸமாரம்ப4ஸ்திதிக்ஷா த4ர்மனித்யதா ।
யமர்தா2ன்னாபகர்ஷன்தி ஸ வை பண்தி3த உச்யதே ॥- ॥
நிஷேவதே ப்ரஶஸ்தானி நின்தி3தானி ந ஸேவதே ।
அனாஸ்திக: ஶ்ரத்3த3தா4ன ஏதத்பண்டி3த லக்ஷணம் ॥ 16॥
க்ரோதோ4 ஹர்ஷஶ்ச த3ர்பஶ்ச ஹ்ரீஸ்தம்போ4 மான்யமானிதா ।
யமர்தா2ன்னாபகர்ஷன்தி ஸ வை பண்டி3த உச்யதே ॥ 17॥
யஸ்ய க்ருத்யஂ ந ஜானந்தி மன்த்ரஂ வா மன்த்ரிதஂ பரே ।
க்ருதமேவாஸ்ய ஜானந்தி ஸ வை பண்டி3த உச்யதே ॥ 18॥
யஸ்ய க்ருத்யஂ ந விக்4னந்தி ஶீதமுஷ்ணம் ப4யஂ ரதி: ।
ஸம்ருத்3தி4ரஸம்ருத்3தி4ர்வா ஸ வை பண்டி3த உச்யதே ॥ 19॥
யஸ்ய ஸம்ஸாரிணீ ப்ரஜ்ஞா த4ர்மார்தா2வனுவர்ததே ।
காமாத3ர்தஂ2 வ்ருணீதே ய: ஸ வை பண்டி3த உச்யதே ॥ 2௦॥
யதா2ஶக்தி சிகீர்ஷன்தி யதா2ஶக்தி ச குர்வதே ।
ந கிஂ சித3வமன்யன்தே பண்டி3தா ப4ரதர்ஷப4 ॥ 21॥
க்ஷிப்ரஂ விஜானாதி சிரஂ ஶருணோதி
விஜ்ஞாய சார்த2ம் பஜ4தே ந காமாத் ।
நாஸம்ப்ருஷ்டோ வ்யௌபயுங்க்தே பரார்தே2
தத்ப்ரஜ்ஞானஂ ப்ரத2மஂ பண்டி3தஸ்ய ॥ 22॥
நாப்ராப்யமபி4வாஞ்ச2ன்தி நஷ்டஂ நேச்ச2ன்தி ஶோசிதும் ।
ஆபத்ஸு ச ந முஹ்யன்தி நரா: பண்டி3த பு3த்3த4ய: ॥ 23॥
நிஶ்சித்ய ய: ப்ரக்ரமதே நான்தர்வஸதி கர்மண: ।
அவன்த்4ய காலோ வஶ்யாத்மா ஸ வை பண்டி3த உச்யதே ॥ 24॥
ஆர்ய கர்மணி ராஜ்யன்தே பூ4திகர்மாணி குர்வதே ।
ஹிதஂ ச நாப்4யஸூயன்தி பண்டி3தா ப4ரதர்ஷப4 ॥ 25॥
ந ஹ்ருஷ்யத்யாத்மஸம்மானே நாவமானேன தப்யதே ।
கா3ங்கோ3 ஹ்ரத3 இவாக்ஷோப்4யோ ய: ஸ பண்டி3த உச்யதே ॥ 26॥
தத்த்வஜ்ஞ: ஸர்வபூ4தானாஂ யோகஜ3்ஞ: ஸர்வகர்மணாம் ।
உபாயஜ்ஞோ மனுஷ்யாணாஂ நர: பண்டி3த உச்யதே ॥ 27॥
ப்ரவ்ருத்த வாக்சித்ரகத2 ஊஹவான்ப்ரதிபா4னவான் ।
ஆஶு க்3ரன்த2ஸ்ய வக்தா ச ஸ வை பண்டி3த உச்யதே ॥ 28॥
ஶ்ருதஂ ப்ரஜ்ஞானுகஂ3 யஸ்ய ப்ரஜ்ஞா சைவ ஶ்ருதானுகா3 ।
அஸம்பி4ன்னார்ய மர்யாத:3 பண்டி3தாக்2யாஂ லபே4த ஸ: ॥ 29॥
அர்தஂ2 மஹான்தமாஸத்3ய வித்3யாமைஶ்வர்யமேவ ச ।
விசரத்யஸமுன்னத்3தோ4 யஸ்ய பண்டி3த உச்யதே ॥- ॥
அஶ்ருதஶ்ச ஸமுன்னத்3தோ4 த3ரித்3ரஶ்ச மஹாமனா: ।
அர்தா2ம்ஶ்சாகர்மணா ப்ரேப்ஸுர்மூட4 இத்யுச்யதே பு3தை4: ॥ 3௦॥
ஸ்வமர்தஂ2 ய: பரித்யஜ்ய பரார்த2மனுதிஷ்ட2தி ।
மித்2யா சரதி மித்ரார்தே2 யஶ்ச மூட:4 ஸ உச்யதே ॥ 31॥
அகாமாஂ காமயதி ய: காமயானாஂ பரித்யஜேத் ।
ப3லவன்தஂ ச யோ த்3வேஷ்டி தமாஹுர்மூட4சேதஸம் ॥- ॥
அகாமான்காமயதி ய: காமயானான்பரித்3விஷன் ।
ப3லவன்தஂ ச யோ த்3வேஷ்டி தமாஹுர்மூட4சேதஸம் ॥ 32॥
அமித்ரஂ குருதே மித்ரஂ மித்ரம் த்3வேஷ்டி ஹினஸ்தி ச ।
கர்ம சாரப4தே து3ஷ்டஂ தமாஹுர்மூட4சேதஸம் ॥ 33॥
ஸம்ஸாரயதி க்ருத்யானி ஸர்வத்ர விசிகித்ஸதே ।
சிரஂ கரோதி க்ஷிப்ரார்தே2 ஸ மூடோ4 ப4ரதர்ஷப4 ॥ 34॥
ஶ்ராத்3தஂ4 பித்ருப்4யோ ந த3தா3தி தை3வதானி நார்சதி ।
ஸுஹ்ருன்மித்ரஂ ந லப4தே தமாஹுர்மூட4சேதஸம் ॥- ॥
அனாஹூத: ப்ரவிஶதி அப்ருஷ்டோ ப3ஹு பா4ஷதே ।
விஶ்வஸத்யப்ரமத்தேஷு மூட4 சேதா நராத4ம: ॥ 35॥
பரஂ க்ஷிபதி தோ3ஷேண வர்தமான: ஸ்வயஂ ததா2 ।
யஶ்ச க்ருத்4யத்யனீஶ: ஸன்ஸ ச மூட4தமோ நர: ॥ 36॥
ஆத்மனோ ப3லமாஜ்ஞாய த4ர்மார்த2பரிவர்ஜிதம் ।
அலப்4யமிச்ச2ன்னைஷ்கர்ம்யான்மூட4 பு3த்3தி4ரிஹோச்யதே ॥ 37॥
அஶிஷ்யஂ ஶாஸ்தி யோ ராஜன்யஶ்ச ஶூன்யமுபாஸதே ।
கத3ர்யம் பஜ4தே யஶ்ச தமாஹுர்மூட4சேதஸம் ॥ 38॥
அர்தஂ2 மஹான்தமாஸாத்3ய வித்3யாமைஶ்வர்யமேவ வா ।
விசரத்யஸமுன்னத்3தோ4 ய: ஸ பண்டி3த உச்யதே ॥ 39॥
ஏக: ஸம்பன்னமஶ்னாதி வஸ்தே வாஸஶ்ச ஶோப4னம் ।
யோஸம்விபஜ4்ய ப்4ருத்யேப்4ய: கோ ந்ருஶம்ஸதரஸ்தத: ॥ 4௦॥
ஏக: பாபானி குருதே ப2லம் பு4ங்க்தே மஹாஜன: ।
போ4க்தாரோ விப்ரமுச்யன்தே கர்தா தோ3ஷேண லிப்யதே ॥ 41॥
ஏகஂ ஹன்யான்ன வாஹன்யாதி3ஷுர்முக்தோ த4னுஷ்மதா ।
பு3த்3தி4ர்பு3த்3தி4மதோத்ஸ்ருஷ்டா ஹன்யாத்3ராஷ்ட்ரஂ ஸராஜகம் ॥ 42॥
ஏகயா த்3வே வினிஶ்சித்ய த்ரீம்ஶ்சதுர்பி4ர்வஶே குரு ।
பஞ்ச ஜித்வா விதி3த்வா ஷட்ஸப்த ஹித்வா ஸுகீ2 ப4வ ॥ 43॥
ஏகஂ விஷரஸோ ஹன்தி ஶஸ்த்ரேணைகஶ்ச வத்4யதே ।
ஸராஷ்ட்ரஂ ஸ ப்ரஜஂ ஹன்தி ராஜானஂ மன்த்ரவிஸ்ரவ: ॥ 44॥
ஏக: ஸ்வாது3 ந பு4ஞ்ஜீத ஏகஶ்சார்தா2ன்ன சின்தயேத் ।
ஏகோ ந க3ச்சே2த3த்4வானஂ நைக: ஸுப்தேஷு ஜாக்3ருயாத் ॥ 45॥
ஏகமேவாத்3விதீயஂ தத்3யத்3ராஜன்னாவபு3த்4யஸே ।
ஸத்யஂ ஸ்வர்க3ஸ்ய ஸோபானஂ பாராவாரஸ்ய நௌரிவ ॥ 46॥
ஏக: க்ஷமாவதாம் தோ3ஷோ த்3விதீயோ நோபலப்4யதே ।
யதே3னஂ க்ஷமயா யுக்தமஶக்தஂ மன்யதே ஜன: ॥ 47॥
ஸோஸ்ய தோ3ஷோ ந மன்தவ்ய: க்ஷமா ஹி பரமம் ப3லம் ।
க்ஷமா கு3ணோ ஹ்யஶக்தானாஂ ஶக்தானாம் பூ4ஷணஂ ததா2 ॥- ॥
க்ஷமா வஶீக்ருதிர்லோகே க்ஷமயா கிஂ ந ஸாத்4யதே ।
ஶான்திஶங்க:2 கரே யஸ்ய கிஂ கரிஷ்யதி து3ர்ஜன: ॥- ॥
அத்ருணே பதிதோ வஹ்னி: ஸ்வயமேவோபஶாம்யதி ।
அக்ஷமாவான்பரம் தோ3ஷைராத்மானஂ சைவ யோஜயேத் ॥- ॥
ஏகோ த4ர்ம: பரஂ ஶ்ரேய: க்ஷமைகா ஶான்திருத்தமா ।
வித்3யைகா பரமா த்3ருஷ்டிரஹிம்ஸைகா ஸுகா2வஹா ॥ 48॥
த்3வாவிமௌ க்3ரஸதே பூ4மி: ஸர்போ பி3லஶயானிவ ।
ராஜானஂ சாவிரோத்3தா4ரம் ப்3ராஹ்மணஂ சாப்ரவாஸினம் ॥ 49॥
த்3வே கர்மணீ நர: குர்வன்னஸ்மில்லோகே விரோசதே ।
அப்3ருவன்பருஷஂ கிஂ சித3ஸதோ நார்த2யம்ஸ்ததா2 ॥ 5௦॥
த்3வாவிமௌ புருஷவ்யாக்4ர பரப்ரத்யய காரிணௌ ।
ஸ்த்ரிய: காமித காமின்யோ லோக: பூஜித பூஜக: ॥ 51॥
த்3வாவிமௌ கண்டகௌ தீக்ஷ்ணௌ ஶரீரபரிஶோஷணௌ ।
யஶ்சாத4ன: காமயதே யஶ்ச குப்யத்யனீஶ்வர: ॥ 52॥
த்3வாவேவ ந விராஜேதே விபரீதேன கர்மணா ।
க்3ருஹஸ்த2ஶ்ச நிராரம்ப:4 கார்யவாம்ஶ்சைவ பி4க்ஷுக: ॥- ॥
த்3வாவிமௌ புருஷௌ ராஜன்ஸ்வர்க3ஸ்ய பரி திஷ்ட2த: ।
ப்ரபு4ஶ்ச க்ஷமயா யுக்தோ த3ரித்3ரஶ்ச ப்ரதா3னவான் ॥ 53॥
ந்யாயாக3தஸ்ய த்3ரவ்யஸ்ய போ3த்3த4வ்யௌ த்3வாவதிக்ரமௌ ।
அபாத்ரே ப்ரதிபத்திஶ்ச பாத்ரே சாப்ரதிபாத3னம் ॥ 54॥
த்3வாவம்ப4ஸி நிவேஷ்டவ்யௌ க3லே ப3த்3த்4வா த்3ருடஂ4 ஶிலாம் ।
த4னவன்தமதா3தாரம் த3ரித்3ரஂ சாதபஸ்வினம் ॥- ॥
த்3வாவிமௌ புருஷவ்யாக்4ர ஸுர்யமண்ட3லபே4தி3னௌ ।
பரிவ்ராட்3யோக3யுக்தஶ்ச ரணே சாபி4முகோ2 ஹத: ॥- ॥
த்ரயோ ந்யாயா மனுஷ்யாணாஂ ஶ்ரூயன்தே ப4ரதர்ஷப4 ।
கனீயான்மத்4யம: ஶ்ரேஷ்ட2 இதி வேத3விதோ3 விது3: ॥ 55॥
த்ரிவிதா4: புருஷா ராஜன்னுத்தமாத4மமத்4யமா: ।
நியோஜயேத்3யதா2வத்தாம்ஸ்த்ரிவிதே4ஷ்வேவ கர்மஸு ॥ 56॥
த்ரய ஏவாத4னா ராஜன்பா4ர்யா தா3ஸஸ்ததா2 ஸுத: ।
யத்தே ஸமதி4க3ச்ச2ன்தி யஸ்ய தே தஸ்ய தத்3த4னம் ॥ 57॥
ஹரணஂ ச பரஸ்வானாஂ பரதா3ராபி4மர்ஶனம் ।
ஸுஹ்ருத3ஶ்ச பரித்யாக3ஸ்த்ரயோ தோ3ஷா க்ஷயாவஹ: ॥- ॥
த்ரிவிதஂ4 நரகஸ்யேத3ம் த்3வாரஂ நாஶனமாத்மன: ।
காம: க்ரோத4ஸ்ததா2 லோப4ஸ்தஸ்மாதே3தத்த்ரயஂ த்யஜேத் ॥- ॥
வரப்ரதா3னஂ ராஜ்யாஂ ச புத்ரஜன்ம ச பா4ரத ।
ஶத்ரோஶ்ச மோக்ஷணஂ க்ருச்ச்2ராத்த்ரீணி சைகஂ ச தத்ஸமம் ॥- ॥
ப4க்தஂ ச பஜ3மானஂ ச தவாஸ்மீதி வாதி3னம் ।
த்ரீனேதான் ஶரணஂ ப்ராப்தான்விஷமேபி ந ஸன்த்யஜேத் ॥- ॥
சத்வாரி ராஜ்ஞா து மஹாப3லேன
வர்ஜ்யான்யாஹு: பண்டி3தஸ்தானி வித்3யாத் ।
அல்பப்ரஜ்ஞை: ஸஹ மன்த்ரஂ ந குர்யான்
ந தீ3ர்க4ஸூத்ரைரலஸைஶ்சாரணைஶ்ச ॥ 58॥
சத்வாரி தே தாத க்3ருஹே வஸன்து
ஶ்ரியாபி4ஜுஷ்டஸ்ய க்3ருஹஸ்த2 த4ர்மே ।
வ்ருத்3தோ4 ஜ்ஞாதிரவஸன்ன: குலீன:
ஸகா2 த3ரித்3ரோ ப4கி3னீ சானபத்யா ॥ 59॥
சத்வார்யாஹ மஹாராஜ ஸத்3யஸ்கானி ப்3ருஹஸ்பதி: ।
ப்ருச்ச2தே த்ரித3ஶேன்த்3ராய தானீமானி நிபோ3த4 மே ॥ 6௦॥
தே3வதானாஂ ச ஸங்கல்பமனுபா4வஂ ச தீ4மதாம் ।
வினயஂ க்ருதவித்3யானாஂ வினாஶஂ பாபகர்மணாம் ॥ 61॥
சத்வாரி கர்மாண்யப4யங்கராணி
ப4யஂ ப்ரயச்ச2ன்த்யயதா2க்ருதானி ।
மானாக்3னிஹோத்ரஂ உத மானமௌனம்
மானேனாதீ4தமுத மானயஜ்ஞ: ॥- ॥
பஞ்சாக்3னயோ மனுஷ்யேண பரிசர்யா: ப்ரயத்னத: ।
பிதா மாதாக்3னிராத்மா ச கு3ருஶ்ச ப4ரதர்ஷப4 ॥ 62॥
பஞ்சைவ பூஜயல்லோகே யஶ: ப்ராப்னோதி கேவலம் ।
தே3வான்பித்ரூன்மனுஷ்யாம்ஶ்ச பி4க்ஷூனதிதி2பஞ்சமான் ॥ 63॥
பஞ்ச த்வானுக3மிஷ்யன்தி யத்ர யத்ர க3மிஷ்யஸி ।
மித்ராண்யமித்ரா மத்4யஸ்தா2 உபஜீவ்யோபஜீவின: ॥ 64॥
பஞ்சேன்த்3ரியஸ்ய மர்த்யஸ்ய சி2த்3ரஂ சேதே3கமின்த்3ரியம் ।
ததோஸ்ய ஸ்ரவதி ப்ரஜ்ஞா த்3ருதே: பாதா3தி3வோத3கம் ॥ 65॥
ஷட்3தோ3ஷா: புருஷேணேஹ ஹாதவ்யா பூ4திமிச்ச2தா ।
நித்3ரா தன்த்3ரீ ப4யஂ க்ரோத4 ஆலஸ்யம் தீ3ர்க4ஸூத்ரதா ॥ 66॥
ஷடி3மான்புருஷோ ஜஹ்யாத்3பி4ன்னாஂ நாவமிவார்ணவே ।
அப்ரவக்தாரமாசார்யமனதீ4யானம்ருத்விஜம் ॥ 67॥
அரக்ஷிதாரஂ ராஜானம் பா4ர்யாஂ சாப்ரிய வாதி3னீம் ।
க்3ராமகாரஂ ச கோ3பாலஂ வனகாமஂ ச நாபிதம் ॥ 68॥
ஷடே3வ து கு3ணா: பும்ஸா ந ஹாதவ்யா: கதா3சன ।
ஸத்யம் தா3னமனாலஸ்யமனஸூயா க்ஷமா த்4ருதி: ॥ 69॥
அர்தா2க3மோ நித்யமரோகி3தா ச
ப்ரியா ச பா4ர்யா ப்ரியவாதி3னீ ச ।
வஶ்யஶ்ச புத்ரோர்த2கரீ ச வித்3யா
ஷட் ஜீவலோகஸ்ய ஸுகா2னி ராஜன் ॥- ॥
ஷண்ணாமாத்மனி நித்யானாமைஶ்வர்யஂ யோதி4க3ச்ச2தி ।
ந ஸ பாபை: குதோனர்தை2ர்யுஜ்யதே விஜிதேன்த்3ரிய: ॥ 7௦॥
ஷடி3மே ஷட்ஸு ஜீவன்தி ஸப்தமோ நோபலப்4யதே ।
சோரா: ப்ரமத்தே ஜீவன்தி வ்யாதி4தேஷு சிகித்ஸகா: ॥ 71॥
ப்ரமதா3: காமயானேஷு யஜமானேஷு யாஜகா: ।
ராஜா விவத3மானேஷு நித்யஂ மூர்கே2ஷு பண்டி3தா: ॥ 72॥
ஷடி3மானி வினஶ்யன்தி முஹூர்தமனவேக்ஷணாத் ।
கா3வ: ஸேவா க்ருஷிர்பா4ர்யா வித்3யா வ்ருஷலஸங்க3தி: ॥- ॥
ஷடே3தே ஹ்யவமன்யன்தே நித்யஂ பூர்வோபகாரிணம் ।
ஆசார்யஂ ஶிக்ஷிதா ஶிஷ்யா: க்ருததா3ரஶ்ச மாதரம் ॥- ॥
நாரிஂ விக3தகாமஸ்து க்ருதார்தா2ஶ்ச ப்ரயோஜகம் ।
நாவஂ நிஸ்தீர்ணகான்தாரா நாதுராஶ்ச சிகித்ஸகம் ॥- ॥
ஆரோக்3யமான்ருண்யமவிப்ரவாஸ:
ஸத்3பி4ர்மனுஷ்யை: ஸஹ ஸம்ப்ரயோக:3 ।
ஸ்வப்ரத்யயா வ்ருத்திரபீ4தவாஸ:
ஷட் ஜீவலோகஸ்ய ஸுகா2னி ராஜன் ॥- ॥
ஈர்ஷுர்க்4ருணீ நஸன்துஷ்ட: க்ரோத4னோ நித்யஶங்கித: ।
பரபா4க்3யோபஜீவீ ச ஷடே3தே நித்யது3:கி2தா: ॥- ॥
ஸப்த தோ3ஷா: ஸதா3 ராஜ்ஞா ஹாதவ்யா வ்யஸனோத3யா: ।
ப்ராயஶோ யைர்வினஶ்யன்தி க்ருதமூலாஶ்ச பார்தி2வா: ॥ 73॥
ஸ்த்ரியோக்ஷா ம்ருக3யா பானஂ வாக்பாருஷ்யஂ ச பஞ்சமம் ।
மஹச்ச த3ண்ட3பாருஷ்யமர்த2தூ3ஷணமேவ ச ॥ 74॥
அஷ்டௌ பூர்வனிமித்தானி நரஸ்ய வினஶிஷ்யத: ।
ப்3ராஹ்மணான்ப்ரத2மம் த்3வேஷ்டி ப்3ராஹ்மணைஶ்ச விருத்4யதே ॥ 75॥
ப்3ராஹ்மண ஸ்வானி சாத3த்தே ப்3ராஹ்மணாம்ஶ்ச ஜிகா4ம்ஸதி ।
ரமதே நின்த3யா சைஷாஂ ப்ரஶம்ஸாஂ நாபி4னந்த3தி ॥ 76॥
நைதான்ஸ்மரதி க்ருத்யேஷு யாசிதஶ்சாப்4யஸூயதி ।
ஏதான்தோ3ஷான்னர: ப்ராஜ்ஞோ பு3த்3த்4யா பு3த்3த்4வா விவர்ஜயேத் ॥ 77॥
அஷ்டாவிமானி ஹர்ஷஸ்ய நவ நீதானி பா4ரத ।
வர்தமானானி த்3ருஶ்யன்தே தான்யேவ ஸுஸுகா2ன்யபி ॥ 78॥
ஸமாக3மஶ்ச ஸகி2பி4ர்மஹாம்ஶ்சைவ த4னாக3ம: ।
புத்ரேண ச பரிஷ்வங்க:3 ஸன்னிபாதஶ்ச மைது2னே ॥ 79॥
ஸமயே ச ப்ரியாலாப: ஸ்வயூதே2ஷு ச ஸன்னதி: ।
அபி4ப்ரேதஸ்ய லாப4ஶ்ச பூஜா ச ஜனஸம்ஸதி3 ॥ 8௦॥
அஷ்டௌ கு3ணா: புருஷம் தீ3பயன்தி
ப்ரஜ்ஞா ச கௌல்யஂ ச த3ம: ஶ்ருதஂ ச ।
பராக்ரமஶ்சாப3ஹுபா4ஷிதா ச
தா3னஂ யதா2ஶக்தி க்ருதஜ்ஞதா ச ॥- ॥
நவத்3வாரமிதஂ3 வேஶ்ம த்ரிஸ்தூ2ணஂ பஞ்ச ஸாக்ஷிகம் ।
க்ஷேத்ரஜ்ஞாதி4ஷ்டி2தஂ வித்3வான்யோ வேத3 ஸ பர: கவி: ॥ 81॥
த3ஶ த4ர்மஂ ந ஜானந்தி த்4ருதராஷ்ட்ர நிபோ3த4 தான் ।
மத்த: ப்ரமத்த உன்மத்த: ஶ்ரான்த: க்ருத்3தோ4 பு3பு4க்ஷித: ॥ 82॥
த்வரமாணஶ்ச பீ4ருஶ்ச லுப்3த:4 காமீ ச தே த3ஶ ।
தஸ்மாதே3தேஷு பா4வேஷு ந ப்ரஸஜ்ஜேத பண்டி3த: ॥ 83॥
அத்ரைவோதா3ஹரன்தீமமிதிஹாஸஂ புராதனம் ।
புத்ரார்த2மஸுரேன்த்3ரேண கீ3தஂ சைவ ஸுத4ன்வனா ॥ 84॥
ய: காமமன்யூ ப்ரஜஹாதி ராஜா
பாத்ரே ப்ரதிஷ்டா2பயதே த4னஂ ச ।
விஶேஷவிச்ச்2ருதவான்க்ஷிப்ரகாரீ
தஂ ஸர்வலோக: குருதே ப்ரமாணம் ॥ 85॥
ஜானாதி விஶ்வாஸயிதுஂ மனுஷ்யான்
விஜ்ஞாத தோ3ஷேஷு த3தா4தி த3ண்ட3ம் ।
ஜானாதி மாத்ராஂ ச ததா2 க்ஷமாஂ ச
தஂ தாத்3ருஶஂ ஶ்ரீர்ஜுஷதே ஸமக்3ரா ॥ 86॥
ஸுது3ர்ப3லஂ நாவஜானாதி கஞ்சித்3-
யுக்தோ ரிபுஂ ஸேவதே பு3த்3தி4பூர்வம் ।
ந விக்3ரஹஂ ரோசயதே ப3லஸ்தை2:
காலே ச யோ விக்ரமதே ஸ தீ4ர: ॥ 87॥
ப்ராப்யாபதஂ3 ந வ்யத2தே கதா3 சித்3
உத்3யோக3மன்விச்ச2தி சாப்ரமத்த: ।
து3:கஂ2 ச காலே ஸஹதே ஜிதாத்மா
து4ரன்த4ரஸ்தஸ்ய ஜிதா: ஸபத்னா: ॥ 88॥
அனர்த2கஂ விப்ர வாஸம் க்3ருஹேப்4ய:
பாபை: ஸன்தி4ஂ பரதா3ராபி4மர்ஶம் ।
த3ம்பஂ4 ஸ்தைன்யஂ பைஶுனஂ மத்3ய பானம்
ந ஸேவதே ய: ஸ ஸுகீ2 ஸதை3வ ॥ 89॥
ந ஸம்ரம்பே4ணாரப4தேர்த2வர்க3ம்
ஆகாரித: ஶம்ஸதி தத்2யமேவ ।
ந மாத்ரார்தே2 ரோசயதே விவாத3ம்
நாபூஜித: குப்யதி சாப்யமூட:4 ॥ 9௦॥
ந யோப்4யஸூயத்யனுகம்பதே ச
ந து3ர்ப3ல: ப்ராதிபா4வ்யஂ கரோதி ।
நாத்யாஹ கிஂ சித்க்ஷமதே விவாத3ம்
ஸர்வத்ர தாத்3ருக்3லப4தே ப்ரஶம்ஸாம் ॥ 91॥
யோ நோத்3த4தஂ குருதே ஜாது வேஷம்
ந பௌருஷேணாபி விகத்த2தேன்யான் ।
ந மூர்ச்சி2த: கடுகான்யாஹ கிஂ சித்
ப்ரியஂ ஸதா3 தஂ குருதே ஜனோபி ॥ 92॥
ந வைரமுத்3தீ3பயதி ப்ரஶான்தம்
ந த3ர்மமாரோஹதி நாஸ்தமேதி ।
ந து3ர்க3தோஸ்மீதி கரோதி மன்யும்
தமார்ய ஶீலஂ பரமாஹுரக்3ர்யம் ॥ 93॥
ந ஸ்வே ஸுகே2 வை குருதே ப்ரஹர்ஷம்
நான்யஸ்ய து3:கே2 ப4வதி ப்ரதீத: ।
த3த்த்வா ந பஶ்சாத்குருதேனுதாபம்
ந கத்த2தே ஸத்புருஷார்ய ஶீல: ॥ 94॥
தே3ஶாசாரான்ஸமயாஞ்ஜாதித4ர்மான்
பு3பூ4ஷதே யஸ்து பராவரஜ்ஞ: ।
ஸ தத்ர தத்ராதி4க3த: ஸதை3வ
மஹாஜனஸ்யாதி4பத்யஂ கரோதி ॥ 95॥
த3ம்பஂ4 மோஹஂ மத்ஸரஂ பாபக்ருத்யம்
ராஜத்3விஷ்டஂ பைஶுனஂ பூக3வைரம் ।
மத்தோன்மத்தைர்து3ர்ஜனைஶ்சாபி வாத3ம்
ய: ப்ரஜ்ஞாவான்வர்ஜயேத்ஸ ப்ரதா4ன: ॥ 96॥
த3மஂ ஶௌசம் தை3வதஂ மங்க3லானி
ப்ராயஶ்சித்தஂ விவிதா4ல்லோகவாதா3ன் ।
ஏதானி ய: குருதே நைத்யகானி
தஸ்யோத்தா2னம் தே3வதா ராத4யன்தி ॥ 97॥
ஸமைர்விவாஹஂ குருதே ந ஹீனை:
ஸமை: ஸக்2யஂ வ்யவஹாரஂ கதா2ஶ்ச ।
கு3ணைர்விஶிஷ்டாம்ஶ்ச புரோ த3தா4தி
விபஶ்சிதஸ்தஸ்ய நயா: ஸுனீதா: ॥ 98॥
மிதம் பு4ங்க்தே ஸம்விபஜ4்யாஶ்ரிதேப்4யோ
மிதஂ ஸ்வபித்யமிதஂ கர்மக்ருத்வா ।
த3தா3த்யமித்ரேஷ்வபி யாசித: ஸம்-
ஸ்தமாத்மவன்தஂ ப்ரஜஹாத்யனர்தா2: ॥ 99॥
சிகீர்ஷிதஂ விப்ரக்ருதஂ ச யஸ்ய
நான்யே ஜனா: கர்ம ஜானந்தி கிஂ சித் ।
மன்த்ரே கு3ப்தே ஸம்யக3னுஷ்டி2தே ச
ஸ்வல்போ நாஸ்ய வ்யத2தே கஶ்சித3ர்த:2 ॥ 1௦௦॥
ய: ஸர்வபூ4தப்ரஶமே நிவிஷ்ட:
ஸத்யோ ம்ருது3ர்தா3னக்ருச்சு2த்3த4 பா4வ: ।
அதீவ ஸஞ்ஜ்ஞாயதே ஜ்ஞாதிமத்4யே
மஹாமணிர்ஜாத்ய இவ ப்ரஸன்ன: ॥ 1௦1॥
ய ஆத்மனாபத்ரபதே ப்4ருஶஂ நர:
ஸ ஸர்வலோகஸ்ய கு3ருர்ப4வத்யுத ।
அனந்த தேஜா: ஸுமனா: ஸமாஹித:
ஸ்வதேஜஸா ஸூர்ய இவாவபா4ஸதே ॥ 1௦2॥
வனே ஜாதா: ஶாபத3க்3த4ஸ்ய ராஜ்ஞ:
பாண்டோ3: புத்ரா: பஞ்ச பஞ்சேன்த்3ர கல்பா: ।
த்வயைவ பா3லா வர்தி4தா: ஶிக்ஷிதாஶ்ச
தவாதே3ஶஂ பாலயன்த்யாம்பி3கேய ॥ 1௦3॥
ப்ரதா3யைஷாமுசிதஂ தாத ராஜ்யம்
ஸுகீ2 புத்ரை: ஸஹிதோ மோத3மான: ।
ந தே3வானாஂ நாபி ச மானுஷாணாம்
ப4விஷ்யஸி த்வஂ தர்கணீயோ நரேன்த்3ர ॥ 1௦4॥
॥ இதி ஶ்ரீமஹாபா4ரதே உத்3யோக3பர்வணி ப்ரஜாக3ரபர்வணி
விது3ரனீதிவாக்யே த்ரயஸ்த்ரிம்ஶோத்4யாய: ॥ 33 ॥
Browse Related Categories:
