𑌶𑍍𑌰𑍀𑌮𑌦𑌕𑌲𑌂𑌕 𑌪𑌰𑌿𑌪𑍂𑌰𑍍𑌣 𑌶𑌶𑌿𑌕𑍋𑌟𑌿-
𑌶𑍍𑌰𑍀𑌧𑌰 𑌮𑌨𑍋𑌹𑌰 𑌸𑌟𑌾𑌪𑌟𑌲 𑌕𑌾𑌂𑌤।
𑌪𑌾𑌲𑌯 𑌕𑍃𑌪𑌾𑌲𑌯 𑌭𑌵𑌾𑌂𑌬𑍁𑌧𑌿-𑌨𑌿𑌮𑌗𑍍𑌨𑌂
𑌦𑍈𑌤𑍍𑌯𑌵𑌰𑌕𑌾𑌲 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 1 ॥

𑌪𑌾𑌦𑌕𑌮𑌲𑌾𑌵𑌨𑌤 𑌪𑌾𑌤𑌕𑌿-𑌜𑌨𑌾𑌨𑌾𑌂
𑌪𑌾𑌤𑌕𑌦𑌵𑌾𑌨𑌲 𑌪𑌤𑌤𑍍𑌰𑌿𑌵𑌰-𑌕𑍇𑌤𑍋।
𑌭𑌾𑌵𑌨 𑌪𑌰𑌾𑌯𑌣 𑌭𑌵𑌾𑌰𑍍𑌤𑌿𑌹𑌰𑌯𑌾 𑌮𑌾𑌂
𑌪𑌾𑌹𑌿 𑌕𑍃𑌪𑌯𑍈𑌵 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 2 ॥

𑌤𑍁𑌂𑌗𑌨𑌖-𑌪𑌂𑌕𑍍𑌤𑌿-𑌦𑌲𑌿𑌤𑌾𑌸𑍁𑌰-𑌵𑌰𑌾𑌸𑍃𑌕𑍍
𑌪𑌂𑌕-𑌨𑌵𑌕𑍁𑌂𑌕𑍁𑌮-𑌵𑌿𑌪𑌂𑌕𑌿𑌲-𑌮𑌹𑍋𑌰𑌃 ।
𑌪𑌂𑌡𑌿𑌤𑌨𑌿𑌧𑌾𑌨-𑌕𑌮𑌲𑌾𑌲𑌯 𑌨𑌮𑌸𑍍𑌤𑍇
𑌪𑌂𑌕𑌜𑌨𑌿𑌷𑌣𑍍𑌣 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 3 ॥

𑌮𑍌𑌲𑌿𑌷𑍁 𑌵𑌿𑌭𑍂𑌷𑌣𑌮𑌿𑌵𑌾𑌮𑌰 𑌵𑌰𑌾𑌣𑌾𑌂
𑌯𑍋𑌗𑌿𑌹𑍃𑌦𑌯𑍇𑌷𑍁 𑌚 𑌶𑌿𑌰𑌸𑍍𑌸𑍁𑌨𑌿𑌗𑌮𑌾𑌨𑌾𑌮𑍍 ।
𑌰𑌾𑌜𑌦𑌰𑌵𑌿𑌂𑌦-𑌰𑍁𑌚𑌿𑌰𑌂 𑌪𑌦𑌯𑍁𑌗𑌂 𑌤𑍇
𑌦𑍇𑌹𑌿 𑌮𑌮 𑌮𑍂𑌰𑍍𑌧𑍍𑌨𑌿 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 4 ॥

𑌵𑌾𑌰𑌿𑌜𑌵𑌿𑌲𑍋𑌚𑌨 𑌮𑌦𑌂𑌤𑌿𑌮-𑌦𑌶𑌾𑌯𑌾𑌂
𑌕𑍍𑌲𑍇𑌶-𑌵𑌿𑌵𑌶𑍀𑌕𑍃𑌤-𑌸𑌮𑌸𑍍𑌤-𑌕𑌰𑌣𑌾𑌯𑌾𑌮𑍍 ।
𑌏𑌹𑌿 𑌰𑌮𑌯𑌾 𑌸𑌹 𑌶𑌰𑌣𑍍𑌯 𑌵𑌿𑌹𑌗𑌾𑌨𑌾𑌂
𑌨𑌾𑌥𑌮𑌧𑌿𑌰𑍁𑌹𑍍𑌯 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 5 ॥

𑌹𑌾𑌟𑌕-𑌕𑌿𑌰𑍀𑌟-𑌵𑌰𑌹𑌾𑌰-𑌵𑌨𑌮𑌾𑌲𑌾
𑌧𑌾𑌰𑌰𑌶𑌨𑌾-𑌮𑌕𑌰𑌕𑍁𑌂𑌡𑌲-𑌮𑌣𑍀𑌂𑌦𑍍𑌰𑍈𑌃 ।
𑌭𑍂𑌷𑌿𑌤𑌮𑌶𑍇𑌷-𑌨𑌿𑌲𑌯𑌂 𑌤𑌵 𑌵𑌪𑍁𑌰𑍍𑌮𑍇
𑌚𑍇𑌤𑌸𑌿 𑌚𑌕𑌾𑌸𑍍𑌤𑍁 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 6 ॥

𑌇𑌂𑌦𑍁 𑌰𑌵𑌿 𑌪𑌾𑌵𑌕 𑌵𑌿𑌲𑍋𑌚𑌨 𑌰𑌮𑌾𑌯𑌾𑌃
𑌮𑌂𑌦𑌿𑌰 𑌮𑌹𑌾𑌭𑍁𑌜-𑌲𑌸𑌦𑍍𑌵𑌰-𑌰𑌥𑌾𑌂𑌗।
𑌸𑍁𑌂𑌦𑌰 𑌚𑌿𑌰𑌾𑌯 𑌰𑌮𑌤𑌾𑌂 𑌤𑍍𑌵𑌯𑌿 𑌮𑌨𑍋 𑌮𑍇
𑌨𑌂𑌦𑌿𑌤 𑌸𑍁𑌰𑍇𑌶 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 𑍭 ॥

𑌮𑌾𑌧𑌵 𑌮𑍁𑌕𑍁𑌂𑌦 𑌮𑌧𑍁𑌸𑍂𑌦𑌨 𑌮𑍁𑌰𑌾𑌰𑍇
𑌵𑌾𑌮𑌨 𑌨𑍃𑌸𑌿𑌂𑌹 𑌶𑌰𑌣𑌂 𑌭𑌵 𑌨𑌤𑌾𑌨𑌾𑌮𑍍 ।
𑌕𑌾𑌮𑌦 𑌘𑍃𑌣𑌿𑌨𑍍 𑌨𑌿𑌖𑌿𑌲𑌕𑌾𑌰𑌣 𑌨𑌯𑍇𑌯𑌂
𑌕𑌾𑌲𑌮𑌮𑌰𑍇𑌶 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 𑍮 ॥

𑌅𑌷𑍍𑌟𑌕𑌮𑌿𑌦𑌂 𑌸𑌕𑌲-𑌪𑌾𑌤𑌕-𑌭𑌯𑌘𑍍𑌨𑌂
𑌕𑌾𑌮𑌦𑌂 𑌅𑌶𑍇𑌷-𑌦𑍁𑌰𑌿𑌤𑌾𑌮𑌯-𑌰𑌿𑌪𑍁𑌘𑍍𑌨𑌮𑍍 ।
𑌯𑌃 𑌪𑌠𑌤𑌿 𑌸𑌂𑌤𑌤𑌮𑌶𑍇𑌷-𑌨𑌿𑌲𑌯𑌂 𑌤𑍇
𑌗𑌚𑍍𑌛𑌤𑌿 𑌪𑌦𑌂 𑌸 𑌨𑌰𑌸𑌿𑌂𑌹 𑌨𑌰𑌸𑌿𑌂𑌹 ॥ 𑍯 ॥