śrīmadakalaṅka paripūrṇa śaśikōṭi-
śrīdhara manōhara saṭāpaṭala kānta।
pālaya kṛpālaya bhavāmbudhi-nimagnaṃ
daityavarakāla narasiṃha narasiṃha ॥ 1 ॥

pādakamalāvanata pātaki-janānāṃ
pātakadavānala patatrivara-kētō।
bhāvana parāyaṇa bhavārtiharayā māṃ
pāhi kṛpayaiva narasiṃha narasiṃha ॥ 2 ॥

tuṅganakha-paṅkti-dalitāsura-varāsṛk
paṅka-navakuṅkuma-vipaṅkila-mahōraḥ ।
paṇḍitanidhāna-kamalālaya namastē
paṅkajaniṣaṇṇa narasiṃha narasiṃha ॥ 3 ॥

mauliṣu vibhūṣaṇamivāmara varāṇāṃ
yōgihṛdayēṣu cha śirassunigamānām ।
rājadaravinda-ruchiraṃ padayugaṃ tē
dēhi mama mūrdhni narasiṃha narasiṃha ॥ 4 ॥

vārijavilōchana madantima-daśāyāṃ
klēśa-vivaśīkṛta-samasta-karaṇāyām ।
ēhi ramayā saha śaraṇya vihagānāṃ
nāthamadhiruhya narasiṃha narasiṃha ॥ 5 ॥

hāṭaka-kirīṭa-varahāra-vanamālā
dhāraraśanā-makarakuṇḍala-maṇīndraiḥ ।
bhūṣitamaśēṣa-nilayaṃ tava vapurmē
chētasi chakāstu narasiṃha narasiṃha ॥ 6 ॥

indu ravi pāvaka vilōchana ramāyāḥ
mandira mahābhuja-lasadvara-rathāṅga।
sundara chirāya ramatāṃ tvayi manō mē
nandita surēśa narasiṃha narasiṃha ॥ 7 ॥

mādhava mukunda madhusūdana murārē
vāmana nṛsiṃha śaraṇaṃ bhava natānām ।
kāmada ghṛṇin nikhilakāraṇa nayēyaṃ
kālamamarēśa narasiṃha narasiṃha ॥ 8 ॥

aṣṭakamidaṃ sakala-pātaka-bhayaghnaṃ
kāmadaṃ aśēṣa-duritāmaya-ripughnam ।
yaḥ paṭhati santatamaśēṣa-nilayaṃ tē
gachChati padaṃ sa narasiṃha narasiṃha ॥ 9 ॥