ക്രിയാസിദ്ധിഃ സത്ത്വേ ഭവതി മഹതാന്നോപകരണേ ।
സേവാദീക്ഷിത ! ചിരപ്രതിജ്ഞ !
മാ വിസ്മര ഭോ സൂക്തിമ് ॥

ന ധനം ന ബലം നാപി സംപദാ ന സ്യാജ്ജനാനുകംപാ
സിദ്ധാ ന സ്യാത് കാര്യഭൂമികാ ന സ്യാദപി പ്രോത്സാഹഃ
ആവൃണോതു വാ വിഘ്നവാരിധിസ്ത്വം മാ വിസ്മര സൂക്തിമ് ॥ 1 ॥

ആത്മബലം സ്മര ബാഹുബലം ധര പരമുഖപ്രേക്ഷീ മാ ഭൂഃ
ക്വചിദപി മാ ഭൂദാത്മവിസ്മൃതിഃ ന സ്യാല്ലക്ഷ്യാച്ച്യവനമ് ।
ആസാദയ ജനമാനസപ്രീതിം സുചിരം സംസ്മര സൂക്തിമ് ॥ 2 ॥

അരുണസാരഥിം വികലസാധനം സൂര്യം സംസ്മര നിത്യം
ശൂരപൂരുഷാന് ദൃഢാനജേയാന് പദാത്പദം സ്മര ഗച്ഛന്
സാമാന്യേതരദൃഗ്ഭ്യസ്സോദര, സിധ്യതി കാര്യമപൂർവമ് ॥ 3 ॥

രചന: ശ്രീ ജനാര്ദന ഹേഗ്ഡേ