ଵିନାଯକୋ ଵିଘ୍ନରାଜୋ ଗୌରୀପୁତ୍ରୋ ଗଣେଶ୍ଵରଃ ।
ସ୍କଂଦାଗ୍ରଜୋଽଵ୍ଯଯଃ ପୂତୋ ଦକ୍ଷୋଽଧ୍ଯକ୍ଷୋ ଦ୍ଵିଜପ୍ରିଯଃ ॥ 1 ॥
ଅଗ୍ନିଗର୍ଵଚ୍ଛିଦିଂଦ୍ରଶ୍ରୀପ୍ରଦୋ ଵାଣୀପ୍ରଦୋଽଵ୍ଯଯଃ
ସର୍ଵସିଦ୍ଧିପ୍ରଦ-ଶ୍ଶର୍ଵତନଯଃ ଶର୍ଵରୀପ୍ରିଯଃ ॥ 2 ॥
ସର୍ଵାତ୍ମକଃ ସୃଷ୍ଟିକର୍ତା ଦେଵୋଽନେକାର୍ଚିତଶ୍ଶିଵଃ ।
ଶୁଦ୍ଧୋ ବୁଦ୍ଧିପ୍ରିଯ-ଶ୍ଶାଂତୋ ବ୍ରହ୍ମଚାରୀ ଗଜାନନଃ ॥ 3 ॥
ଦ୍ଵୈମାତ୍ରେଯୋ ମୁନିସ୍ତୁତ୍ଯୋ ଭକ୍ତଵିଘ୍ନଵିନାଶନଃ ।
ଏକଦଂତ-ଶ୍ଚତୁର୍ବାହୁ-ଶ୍ଚତୁର-ଶ୍ଶକ୍ତିସଂଯୁତଃ ॥ 4 ॥
ଲଂବୋଦର-ଶ୍ଶୂର୍ପକର୍ଣୋ ହର-ର୍ବ୍ରହ୍ମଵିଦୁତ୍ତମଃ ।
କାଲୋ ଗ୍ରହପତିଃ କାମୀ ସୋମସୂର୍ଯାଗ୍ନିଲୋଚନଃ ॥ 5 ॥
ପାଶାଂକୁଶଧର-ଶ୍ଚଂଡୋ ଗୁଣାତୀତୋ ନିରଂଜନଃ ।
ଅକଲ୍ମଷ-ସ୍ସ୍ଵଯଂସିଦ୍ଧ-ସ୍ସିଦ୍ଧାର୍ଚିତପଦାଂବୁଜଃ ॥ 6 ॥
ବୀଜପୂରଫଲାସକ୍ତୋ ଵରଦ-ଶ୍ଶାଶ୍ଵତଃ କୃତୀ ।
ଵିଦ୍ଵତ୍ ପ୍ରିଯୋ ଵୀତଭଯୋ ଗଦୀ ଚକ୍ରୀକ୍ଷୁଚାପଧୃତ୍ ॥ 7 ॥
ଶ୍ରୀଦୋଽଜ ଉତ୍ପଲକରଃ ଶ୍ରୀପତିଃ ସ୍ତୁତିହର୍ଷିତଃ ।
କୁଲାଦ୍ରିଭେତ୍ତା ଜଟିଲଃ କଲିକଲ୍ମଷନାଶନଃ ॥ 8 ॥
ଚଂଦ୍ରଚୂଡାମଣିଃ କାଂତଃ ପାପହାରୀ ସମାହିତଃ ।
ଅଶ୍ରିତ-ଶ୍ରୀକର-ସ୍ସୌମ୍ଯୋ ଭକ୍ତଵାଂଛିତଦାଯକଃ ॥ 9 ॥
ଶାଂତଃ କୈଵଲ୍ଯସୁଖଦ-ସ୍ସଚ୍ଚିଦାନଂଦଵିଗ୍ରହଃ ।
ଜ୍ଞାନୀ ଦଯାଯୁତୋ ଦାଂତୋ ବ୍ରହ୍ମଦ୍ଵେଷଵିଵର୍ଜିତଃ ॥ 10 ॥
ପ୍ରମତ୍ତଦୈତ୍ଯଭଯଦଃ ଶ୍ରୀକଂଠୋ ଵିବୁଧେଶ୍ଵରଃ ।
ରମାର୍ଚିତୋ ନିଧି-ର୍ନାଗରାଜଯଜ୍ଞୋପଵୀତଵାନ୍ ॥ 11 ॥
ସ୍ଥୂଲକଂଠଃ ସ୍ଵଯଂକର୍ତା ସାମଘୋଷପ୍ରିଯଃ ପରଃ ।
ସ୍ଥୂଲତୁଂଡୋଽଗ୍ରଣୀ-ର୍ଧୀରୋ ଵାଗୀଶଃ-ସିଦ୍ଧିଦାଯକଃ ॥ 12 ॥
ଦୂର୍ଵାବିଲ୍ଵପ୍ରିଯୋଽଵ୍ଯକ୍ତମୂର୍ତି-ରଦ୍ଭୁତମୂର୍ତିମାନ୍ ।
ଶୈଲେଂଦ୍ରତନୁଜୋତ୍ସଂଗଖେଲନୋତ୍ସୁକମାନସଃ ॥ 13 ॥
ସ୍ଵଲାଵଣ୍ଯସୁଧାସାରଜିତମନ୍ମଥଵିଗ୍ରହଃ ।
ସମସ୍ତଜଗଦାଧାରୋ ମାଯୀ ମୂଷକଵାହନଃ ॥ 14 ॥
ହୃଷ୍ଟ-ସ୍ତୁଷ୍ଟଃ ପ୍ରସନ୍ନାତ୍ମା ସର୍ଵସିଦ୍ଧିପ୍ରଦାଯକଃ ।
ଅଷ୍ଟୋତ୍ତରଶତେନୈଵଂ ନାମ୍ନାଂ ଵିଘ୍ନେଶ୍ଵରଂ ଵିଭୁମ୍ ॥ 15 ॥
ତୁଷ୍ଟାଵ ଶଂକରଃ ପୁତ୍ରଂ ତ୍ରିପୁରଂ ହଂତୁମୁଦ୍ଯତଃ ।
ଯଃ ପୂଜଯେଦନେନୈଵ ଭକ୍ତ୍ଯା ସିଦ୍ଧିଵିନାଯକମ୍ ॥ 16 ॥
ଦୂର୍ଵାଦଳୈ-ର୍ବିଲ୍ଵପତ୍ରୈଃ ପୁଷ୍ପୈର୍ଵା ଚଂଦନାକ୍ଷତୈଃ ।
ସର୍ଵାନ୍କାମାନଵାପ୍ନୋତି ସର୍ଵଵିଘ୍ନୈଃ ପ୍ରମୁଚ୍ଯତେ ॥
ଇତି ଵିଘ୍ନେଶ୍ଵରାଷ୍ଟୋତ୍ତର ଶତନାମସ୍ତୋତ୍ରଂ ସଂପୂର୍ଣମ୍
Browse Related Categories:
