ଶିଵୋଽହଂ ଶିଵୋଽହଂ, ଶିଵୋଽହଂ ଶିଵୋଽହଂ, ଶିଵୋଽହଂ ଶିଵୋଽହଂ
ମନୋ ବୁଧ୍ଯହଂକାର ଚିତ୍ତାନି ନାହଂ
ନ ଚ ଶ୍ରୋତ୍ର ଜିହ୍ଵେ ନ ଚ ଘ୍ରାଣନେତ୍ରେ ।
ନ ଚ ଵ୍ଯୋମ ଭୂମିର୍-ନ ତେଜୋ ନ ଵାଯୁଃ
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 1 ॥
ନ ଚ ପ୍ରାଣ ସଂଜ୍ଞୋ ନ ଵୈପଂଚଵାଯୁଃ
ନ ଵା ସପ୍ତଧାତୁର୍-ନ ଵା ପଂଚକୋଶାଃ ।
ନଵାକ୍ପାଣି ପାଦୌ ନ ଚୋପସ୍ଥ ପାଯୂ
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 2 ॥
ନ ମେ ଦ୍ଵେଷରାଗୌ ନ ମେ ଲୋଭମୋହୋ
ମଦୋ ନୈଵ ମେ ନୈଵ ମାତ୍ସର୍ଯଭାଵଃ ।
ନ ଧର୍ମୋ ନ ଚାର୍ଧୋ ନ କାମୋ ନ ମୋକ୍ଷଃ
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 3 ॥
ନ ପୁଣ୍ଯଂ ନ ପାପଂ ନ ସୌଖ୍ଯଂ ନ ଦୁଃଖଂ
ନ ମଂତ୍ରୋ ନ ତୀର୍ଥଂ ନ ଵେଦା ନ ଯଜ୍ଞଃ ।
ଅହଂ ଭୋଜନଂ ନୈଵ ଭୋଜ୍ଯଂ ନ ଭୋକ୍ତା
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 4 ॥
ନ ମୃତ୍ଯୁଶଂକା ନ ମେ ଜାତି ଭେଦଃ
ପିତା ନୈଵ ମେ ନୈଵ ମାତା ନ ଜନ୍ମଃ ।
ନ ବଂଧୁର୍-ନ ମିତ୍ରଂ ଗୁରୁର୍ନୈଵ ଶିଷ୍ଯଃ
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 5 ॥
ଅହଂ ନିର୍ଵିକଲ୍ପୋ ନିରାକାର ରୂପୋ
ଵିଭୂତ୍ଵାଚ୍ଚ ସର୍ଵତ୍ର ସର୍ଵେଂଦ୍ରିଯାଣାମ୍ ।
ନ ଵା ବଂଧନଂ ନୈଵର୍-ମୁକ୍ତି ନ ବଂଧଃ ।
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 6 ॥
ଶିଵୋଽହଂ ଶିଵୋଽହଂ, ଶିଵୋଽହଂ ଶିଵୋଽହଂ, ଶିଵୋଽହଂ ଶିଵୋଽହଂ
Browse Related Categories:
