సురస సుబోధా విశ్వమనోజ్ఞా
లలితా హృద్యా రమణీయా ।
అమృతవాణీ సంస్కృతభాషా
నైవ క్లిష్టా న చ కఠినా ॥

కవికులగురు వాల్మీకి విరచితా
రామాయణ రమణీయ కథా ।
అతీవ సరళా మధుర మఞ్జులా
నైవ క్లిష్టా న చ కఠినా ॥

వ్యాస విరచితా గణేశ లిఖితా
మహాభారతే పుణ్య కథా ।
కౌరవ పాణ్డవ సఙ్గర మథితా
నైవ క్లిష్టా న చ కఠినా ॥

కురుక్షేత్ర సమరాఙ్గణ గీతా
విశ్వవన్దితా భగవద్గీతా ।
అతీవ మధురా కర్మదీపికా
నైవ క్లిష్టా న చ కఠినా ॥

కవి కులగురు నవ రసోన్మేషజా
ఋతు రఘు కుమార కవితా ।
విక్రమ-శాకున్తల-మాళవికా
నైవ క్లిష్టా న చ కఠినా ॥

రచన: వసన్త గాడగీలః