මෘදපි ච චංදනමස්මින් දේශේ ග්රාමෝ ග්රාමඃ සිද්ධවනම් ।
යත්ර ච බාලා දේවීස්වරූපා බාලාඃ සර්වේ ශ්රීරාමාඃ ॥

හරිමංදිරමිදමඛිලශරීරං
ධනශක්තී ජනසේවායෛ
යත්ර ච ක්රීඩායෛ වනරාජඃ
ධේනුර්මාතා පරමශිවා
නිත්යං ප්රාතඃ ශිවගුණගානං
දීපනුතිඃ ඛලු ශත්රුපරා ॥ 1 ॥

භාග්යවිධායි නිජාර්ජිතකර්ම
යත්ර ශ්රමඃ ශ්රියමර්ජයති
ත්යාගධනානාං තපෝනිධීනාං
ගාථාං ගායති කවිවාණී
ගංගාජලමිව නිත්යනිර්මලං
ජ්ඤානං ශංසති යතිවාණී ॥ 2 ॥

යත්ර හි නෛව ස්වදේහවිමෝහඃ
යුද්ධරතානාං වීරාණාං
යත්ර හි කෘෂකඃ කාර්යරතඃ සන්
පශ්යති ජීවනසාඵල්යං
ජීවනලක්ෂ්යං න හි ධනපදවී
යත්ර ච පරශිවපදසේවා ॥ 3 ॥

රචන: ශ්රී ජනාර්දන හේග්ඩේ