ශ්රීමද්රාමපාදාරවිංදමධුපඃ ශ්රීමධ්වවංශාධිපඃ
සච්චිෂ්යෝඩුගණෝඩුපඃ ශ්රිතජගද්ගීර්වාණසත්පාදපඃ ।
අත්යර්ථං මනසා කෘතාච්යුතජපඃ පාපාංධකාරාතපඃ
ශ්රීමත්සද්ගුරුරාඝවේංද්රයතිරාට් කුර්යාද්ධ්රුවං මංගළම් ॥ 1 ॥

කර්මංදීංද්රසුධීංද්රසද්ගුරුකරාංභෝජෝද්භවඃ සංතතං
ප්රාජ්යධ්යානවශීකෘතාඛිලජගද්වාස්තව්යලක්ෂ්මීධවඃ ।
සච්ඡාස්ත්රාදි විදූෂකාඛිලමෘෂාවාදීභකංඨීරවඃ
ශ්රීමත්සද්ගුරුරාඝවේංද්රයතිරාට් කුර්යාද්ධ්රුවං මංගළම් ॥ 2 ॥

සාලංකාරකකාව්යනාටකකලාකාණාදපාතංජල-
ත්රය්යර්ථස්මෘතිජෛමිනීයකවිතාසංකීතපාරංගතඃ ।
විප්රක්ෂත්රවිඩංඝ්රිජාතමුඛරානේකප්රජාසේවිතඃ
ශ්රීමත්සද්ගුරුරාඝවේංද්රයතිරාට් කුර්යාද්ධ්රුවං මංගළම් ॥ 3 ॥

රංගෝත්තුංගතරංගමංගලකර ශ්රීතුංගභද්රාතට-
ප්රත්යක්ස්ථද්විජපුංගවාලය ලසන්මංත්රාලයාඛ්යේ පුරේ ।
නව්යේංද්රෝපලනීලභව්යකරසද්වෘංදාවනාංතර්ගතඃ
ශ්රීමත්සද්ගුරුරාඝවේංද්රයතිරාට් කුර්යාද්ධ්රුවං මංගළම් ॥ 4 ॥

විද්වද්රාජශිරඃකිරීටඛචිතානර්ඝ්යෝරුරත්නප්රභා
රාගාඝෞඝහපාදුකාද්වයචරඃ පද්මාක්ෂමාලාධරඃ ।
භාස්වද්දංටකමංඩලූජ්ජ්වලකරෝ රක්තාංබරාඩංබරඃ
ශ්රීමත්සද්ගුරුරාඝවේංද්රයතිරාට් කුර්යාද්ධ්රුවං මංගළම් ॥ 5 ॥

යද්වෘංදාවනසත්ප්රදක්ෂිණනමස්කාරාභිෂේකස්තුති-
ධ්යානාරාධනමෘද්විලේපනමුඛානේකෝපචාරාන් සදා ।
කාරං කාරමභිප්රයාංති චතුරෝ ලෝකාඃ පුමර්ථාන් සදා
ශ්රීමත්සද්ගුරුරාඝවේංද්රයතිරාට් කුර්යාද්ධ්රුවං මංගළම් ॥ 6 ॥

වේදව්යාසමුනීශමධ්වයතිරාට් ටීකාර්යවාක්යාමෘතං
ජ්ඤාත්වාऽද්වෛතමතං හලාහලසමං ත්යක්ත්වා සමාඛ්යාප්තයේ ।
සංඛ්යාවත්සුඛදාං දශෝපනිෂදාං ව්යාඛ්යාං සමාඛ්යන්මුදා
ශ්රීමත්සද්ගුරුරාඝවේංද්රයතිරාට් කුර්යාද්ධ්රුවං මංගළම් ॥ 7 ॥

ශ්රීමද්වෛෂ්ණවලෝකජාලකගුරුඃ ශ්රීමත්පරිව්රාඩ්ගුරුඃ
ශාස්ත්රේ දේවගුරුඃ ශ්රිතාමරතරුඃ ප්රත්යූහගෝත්රස්වරුඃ ।
චේතෝऽතීතශිරුස්තථා ජිතවරුස්සත්සෞඛ්යසංපත්කරුඃ
ශ්රීමත්සද්ගුරුරාඝවේංද්රයතිරාට් කුර්යාද්ධ්රුවං මංගළම් ॥ 8 ॥

යස්සංධ්යාස්වනිශං ගුරෝර්යතිපතේඃ සන්මංගලස්යාෂ්ටකං
සද්යඃ පාපහරං ස්වසේවි විදුෂාං භක්ත්යෛතදාභාෂිතම් ।
භක්ත්යා වක්ති සුසංපදං ශුභපදං දීර්ඝායුරාරෝග්යකං
කීර්තිං පුත්රකලත්රබාංධවසුහෘන්මූර්තිඃ ප්රයාති ධ්රුවම් ॥

ඉති ශ්රීමදප්පණාචාර්යකෘතං රාඝවේංද්රමංගළාෂ්ටකං සංපූර්ණම් ।