ஷடா³தா⁴ரபங்கேருஹாந்தர்விராஜ-
-த்ஸுஷும்னாந்தராலேதிதேஜோல்லஸந்தீம் ।
ஸுதா⁴மண்ட³லம் த்³ராவயந்தீம் பிப³ந்தீம்
ஸுதா⁴மூர்திமீடே³ சிதா³னந்த³ரூபாம் ॥ 1 ॥
ஜ்வலத்கோடிபா³லார்கபா⁴ஸாருணாங்கீ³ம்
ஸுலாவண்யஶ்ருங்கா³ரஶோபா⁴பி⁴ராமாம் ।
மஹாபத்³மகிஞ்ஜல்கமத்⁴யே விராஜ-
-த்த்ரிகோணே நிஷண்ணாம் பஜ⁴ே ஶ்ரீப⁴வானீம் ॥ 2 ॥
க்வணத்கிங்கிணீனூபுரோத்³பா⁴ஸிரத்ன-
-ப்ரபா⁴லீட⁴லாக்ஷார்த்³ரபாதா³ப்³ஜயுக்³மம் ।
அஜேஶாச்யுதாத்³யை: ஸுரை: ஸேவ்யமானம்
மஹாதே³வி மன்மூர்த்⁴னி தே பா⁴வயாமி ॥ 3 ॥
ஸுஶோணாம்ப³ராப³த்³த⁴னீவீவிராஜ-
-ன்மஹாரத்னகாஞ்சீகலாபம் நிதம்ப³ம் ।
ஸ்பு²ரத்³த³க்ஷிணாவர்தனாபி⁴ம் ச திஸ்ரோ
வலீரம்ப³ தே ரோமராஜிம் பஜ⁴ேஹம் ॥ 4 ॥
லஸத்³வ்ருத்தமுத்துங்க³மாணிக்யகும்போ⁴-
-பமஶ்ரி ஸ்தனத்³வந்த்³வமம்பா³ம்பு³ஜாக்ஷி ।
பஜ⁴ே து³க்³த⁴பூர்ணாபி⁴ராமம் தவேத³ம்
மஹாஹாரதீ³ப்தம் ஸதா³ ப்ரஸ்னுதாஸ்யம் ॥ 5 ॥
ஶிரீஷப்ரஸூனோல்லஸத்³பா³ஹுத³ண்டை³-
-ர்ஜ்வலத்³பா³ணகோத³ண்ட³பாஶாங்குஶைஶ்ச ।
சலத்கங்கணோதா³ரகேயூரபூ⁴ஷோ-
-ஜ்ஜ்வலத்³பி⁴ர்லஸந்தீம் பஜ⁴ே ஶ்ரீப⁴வானீம் ॥ 6 ॥
ஶரத்பூர்ணசந்த்³ரப்ரபா⁴பூர்ணபி³ம்பா³-
-த⁴ரஸ்மேரவக்த்ராரவிந்தா³ம் ஸுஶாந்தாம் ।
ஸுரத்னாவளீஹாரதாடங்கஶோபா⁴ம்
மஹாஸுப்ரஸன்னாம் பஜ⁴ே ஶ்ரீப⁴வானீம் ॥ 7 ॥
ஸுனாஸாபுடம் ஸுந்த³ரப்⁴ரூலலாடம்
தவௌஷ்ட²ஶ்ரியம் தா³னத³க்ஷம் கடாக்ஷம் ।
லலாடே லஸத்³க³ந்த⁴கஸ்தூரிபூ⁴ஷம்
ஸ்பு²ரச்ச்²ரீமுகா²ம்போ⁴ஜமீடே³ஹமம்ப³ ॥ 8 ॥
சலத்குந்தலாந்தர்ப்⁴ரமத்³ப்⁴ருங்க³ப்³ருந்த³ம்
க⁴னஸ்னிக்³த⁴த⁴ம்மில்லபூ⁴ஷோஜ்ஜ்வலம் தே ।
ஸ்பு²ரன்மௌளிமாணிக்யப³த்³தே⁴ந்து³ரேகா²-
-விலாஸோல்லஸத்³தி³வ்யமூர்தா⁴னமீடே³ ॥ 9 ॥
இதி ஶ்ரீப⁴வானி ஸ்வரூபம் தவேத³ம்
ப்ரபஞ்சாத்பரம் சாதிஸூக்ஷ்மம் ப்ரஸன்னம் ।
ஸ்பு²ரத்வம்ப³ டி³ம்ப⁴ஸ்ய மே ஹ்ருத்ஸரோஜே
ஸதா³ வாங்மயம் ஸர்வதேஜோமயம் ச ॥ 1௦ ॥
க³ணேஶாபி⁴முக்²யாகி²லை: ஶக்திப்³ருந்தை³-
-ர்வ்ருதாம் வை ஸ்பு²ரச்சக்ரராஜோல்லஸந்தீம் ।
பராம் ராஜராஜேஶ்வரி த்ரைபுரி த்வாம்
ஶிவாங்கோபரிஸ்தா²ம் ஶிவாம் பா⁴வயாமி ॥ 11 ॥
த்வமர்கஸ்த்வமிந்து³ஸ்த்வமக்³னிஸ்த்வமாப-
-ஸ்த்வமாகாஶபூ⁴வாயவஸ்த்வம் மஹத்த்வம் ।
த்வத³ன்யோ ந கஶ்சித் ப்ரபஞ்சோஸ்தி ஸர்வம்
ஸதா³னந்த³ஸம்வித்ஸ்வரூபம் பஜ⁴ேஹம் ॥ 12 ॥
ஶ்ருதீனாமக³ம்யே ஸுவேதா³க³மஜ்ஞா
மஹிம்னோ ந ஜானந்தி பாரம் தவாம்ப³ ।
ஸ்துதிம் கர்துமிச்சா²மி தே த்வம் ப⁴வானி
க்ஷமஸ்வேத³மத்ர ப்ரமுக்³த:⁴ கிலாஹம் ॥ 13 ॥
கு³ருஸ்த்வம் ஶிவஸ்த்வம் ச ஶக்திஸ்த்வமேவ
த்வமேவாஸி மாதா பிதா ச த்வமேவ ।
த்வமேவாஸி வித்³யா த்வமேவாஸி ப³ந்து⁴-
-ர்க³திர்மே மதிர்தே³வி ஸர்வம் த்வமேவ ॥ 14 ॥
ஶரண்யே வரேண்யே ஸுகாருண்யமூர்தே
ஹிரண்யோத³ராத்³யைரக³ண்யே ஸுபுண்யே ।
ப⁴வாரண்யபீ⁴தேஶ்ச மாம் பாஹி ப⁴த்³ரே
நமஸ்தே நமஸ்தே நமஸ்தே ப⁴வானி ॥ 15 ॥
இதீமாம் மஹச்ச்²ரீப⁴வானீபு⁴ஜங்க³ம்
ஸ்துதிம் ய: படே²த்³ப⁴க்தியுக்தஶ்ச தஸ்மை ।
ஸ்வகீயம் பத³ம் ஶாஶ்வதம் வேத³ஸாரம்
ஶ்ரியம் சாஷ்டஸித்³தி⁴ம் ப⁴வானீ த³தா³தி ॥ 16 ॥
ப⁴வானீ ப⁴வானீ ப⁴வானீ த்ரிவாரம்
உதா³ரம் முதா³ ஸர்வதா³ யே ஜபந்தி ।
ந ஶோகம் ந மோஹம் ந பாபம் ந பீ⁴தி:
கதா³சித்கத²ஞ்சித்குதஶ்சிஜ்ஜனானாம் ॥ 17 ॥
॥ இதி ஶ்ரீமச்ச²ங்கராசார்யவிரசிதா ப⁴வானீ பு⁴ஜங்க³ம் ஸம்பூர்ணம் ॥
