Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in శుద్ధ తెలుగు. View this in సరళ తెలుగు, with simplified anuswaras for easy reading.

ఈశావాస్యోపనిషద్ (ఈSఒపనిషద్)

ఓం పూర్ణ॒మదః॒ పూర్ణ॒మిదం॒ పూర్ణా॒త్పూర్ణ॒ముద॒చ్యతే |
పూర్ణ॒స్య పూర్ణ॒మాదా॒య పూర్ణ॒మేవావశి॒ష్యతే ‖

ఓం శా॒న్తిః శా॒న్తిః శా॒న్తిః ‖

ఓం ఈ॒శా వా॒స్య॑మి॒దగ్ం సర్వం॒ యత్కిఞ్చ॒ జగ॑త్వాం॒ జగ॑త్ |
తేన॑ త్య॒క్తేన॑ భుఞ్జీథా॒ మా గృ॑ధః॒ కస్య॑స్వి॒ద్ధనమ్᳚ ‖ 1 ‖

కు॒ర్వన్నే॒వేహ కర్మా᳚ణి జిజీవి॒షేచ్చ॒తగ్ం సమాః᳚ |
ఏ॒వం త్వయి॒ నాన్యథే॒తో᳚ఽస్తి॒ న కర్మ॑ లిప్యతే॑ నరే᳚ ‖ 2 ‖

అ॒సు॒ర్యా॒ నామ॒ తే లో॒కా అం॒ధేన॒ తమ॒సాఽఽవృ॑తాః |
తాగ్ంస్తే ప్రేత్యా॒భిగ॑చ్ఛన్తి॒ యే కే చా᳚త్మ॒హనో॒ జనాః᳚ ‖ 3 ‖

అనే᳚జ॒దేకం॒ మన॑సో॒ జవీ᳚యో॒ నైన॑ద్దే॒వా ఆ᳚ప్నువ॒న్పూర్వ॒మర్ష॑త్ |
తద్ధావ॑తో॒ఽన్యానత్యే᳚తి॒ తిష్ఠ॒త్తస్మిన్᳚న॒పో మా᳚త॒రిశ్వా᳚ దధాతి ‖ 4 ‖

తదే᳚జతి॒ తన్నేజ॑తి॒ తద్దూ॒రే తద్వం॑తి॒కే |
తదం॒తర॑స్య॒ సర్వ॑స్య॒ తదు॒ సర్వ॑స్యాస్య బాహ్య॒తః ‖ 5 ‖

యస్తు సర్వా᳚ణి భూ॒తాన్యా॒త్మన్యే॒వాను॒పశ్య॑తి |
స॒ర్వ॒భూ॒తేషు॑ చా॒త్మానం॒ తతో॒ న విహు॑గుప్సతే ‖ 6 ‖

యస్మి॒న్సర్వా᳚ణి భూ॒తాన్యా॒త్మైవాభూ᳚ద్విజాన॒తః |
తత్ర॒ కో మోహః॒ కః శోకః॑ ఏక॒త్వమ॑ను॒పశ్య॑తః ‖ 7 ‖

స పర్య॑గాచ్చు॒క్రమ॑కా॒యమ॑ప్రణ॒మ॑స్నావి॒రగ్ం శు॒ద్ధమపా᳚పవిద్ధమ్ |
క॒విర్మ॑నీ॒షీ ప॑రి॒భూః స్వ॑యం॒భూ-ర్యా᳚థాతథ్య॒తోఽర్థా॒న్
వ్య॑దధాచ్ఛాశ్వ॒తీభ్యః॒ సమా᳚భ్యః ‖ 8 ‖

అం॒ధం తమః॒ ప్రవి॑శన్తి॒ యేఽవి॑ద్యాము॒పాస॑తే |
తతో॒ భూయ॑ ఇవ॒ తే తమో॒ య ఉ॑ వి॒ద్యాయా᳚గ్ం ర॒తాః ‖ 9 ‖

అ॒న్యదే॒వాయురి॒ద్యయా॒ఽన్యదా᳚హు॒రవి॑ద్యయా |
ఇతి॑ శుశుమ॒ ధీరా᳚ణాం॒ యే న॒స్తద్వి॑చచక్షి॒రే ‖ 10 ‖

వి॒ద్యాం చావి॑ద్యాం చ॒ యస్తద్వేదో॒భయ॑గ్ం స॒హ |
అవి॑ద్యయా మృ॒త్యుం తీ॒ర్త్వా వి॒ద్యయాఽమృత॑మశ్నుతే ‖ 11 ‖

అం॒ధం తమః॒ ప్రవి॑శన్తి॒ యేఽసమ్᳚భూతిము॒పాస॑తే |
తతో॒ భూయ॑ ఇవ॒ తే తమో॒ య ఉ॒ సమ్భూ᳚త్యాగ్ం ర॒తాః ‖ 12 ‖

అ॒న్యదే॒వాహుః సమ్᳚భ॒వాద॒న్యదా᳚హు॒రసమ్᳚భవాత్ |
ఇతి॑ శుశ్రుమ॒ ధీరా᳚ణాం॒ యే న॒స్తద్వి॑చచక్షి॒రే ‖ 13 ‖

సమ్భూ᳚తిం చ విణా॒శం చ॒ యస్తద్వేదో॒భయ॑గ్ం స॒హ |
వి॒నా॒శేన॑ మృ॒త్యుం తీ॒ర్త్వా సమ్భూ᳚త్యా॒ఽమృత॑మశ్నుతే ‖ 14 ‖

హి॒ర॒ణ్మయే᳚న॒ పాత్రే᳚ణ స॒త్యస్యాపి॑హితం॒ ముఖమ్᳚ |
తత్వం పూ᳚ష॒న్నపావృ॑ణు స॒త్యధ᳚ర్మాయ దృ॒ష్టయే᳚ ‖ 15 ‖

పూష॑న్నేకర్షే యమ సూర్య॒ ప్రాజా᳚పత్య॒ వ్యూ᳚హ ర॒శ్మీన్
సమూ᳚హ॒ తేజో॒ యత్తే᳚ రూ॒పం కల్యా᳚ణతమం॒ తత్తే᳚ పశ్యామి |
యో॒ఽసావ॒సౌ పురు॑షః॒ సో॒ఽహమ॑స్మి ‖ 16 ‖

వా॒యురని॑లమ॒మృత॒మథేదం భస్మా᳚న్త॒గ్ం॒ శరీ॑రమ్ |
ఓం 3 క్రతో॒ స్మర॑ కృ॒తగ్ం స్మ॑ర॒ క్రతో॒ స్మర॑ కృ॒తగ్ం స్మ॑ర ‖ 17 ‖

అగ్నే॒ నయ॑ సు॒పథా᳚ రా॒యే అ॒స్మాన్ విశ్వా॑ని దేవ వ॒యనా॑ని వి॒ద్వాన్ |
యు॒యో॒ధ్య॒స్మజ్జు॑హురా॒ణమేనో॒ భూయి॑ష్టాం తే॒ నమ॑ఉక్తిం విధేమ ‖ 18 ‖

ఓం పూర్ణ॒మదః॒ పూర్ణ॒మిదం॒ పూర్ణా॒త్పూర్ణ॒ముద॒చ్యతే |
పూర్ణ॒స్య పూర్ణ॒మాదా॒య పూర్ణ॒మేవావశి॒ష్యతే ‖

ఓం శా॒న్తిః శా॒న్తిః శా॒న్తిః ‖












Last Updated: 27 December, 2020