namō'stu dēvī vārāhī jayaikārasvarūpiṇi ।
japitvā bhūmirūpēṇa namō bhagavatī priyē ॥ 1 ॥

jaya krōḍāstu vārāhī dēvī tvaṃ cha namāmyaham ।
jaya vārāhi viśvēśī mukhyavārāhi tē namaḥ ॥ 2 ॥

mukhyavārāhi vandē tvāṃ andhē andhini tē namaḥ ।
sarvaduṣṭapraduṣṭānāṃ vāk‍stambhanakarī namaḥ ॥ 3 ॥

namaḥ stambhini stambhē tvāṃ jṛmbhē jṛmbhiṇi tē namaḥ ।
rundhē rundhini vandē tvāṃ namō dēvī tu mōhinī ॥ 4 ॥

svabhaktānāṃ hi sarvēṣāṃ sarvakāmapradē namaḥ ।
bāhvōḥ stambhakarī vandē tvāṃ jihvāstambhakāriṇī ॥ 5 ॥

stambhanaṃ kuru śatrūṇāṃ kuru mē śatrunāśanam ।
śīghraṃ vaśyaṃ cha kurutē yō'gnau vāchātmikē namaḥ ॥ 6 ॥

ṭhachatuṣṭayarūpē tvāṃ śaraṇaṃ sarvadā bhajē ।
hōmātmakē phaḍrūpēṇa jaya ādyānanē śivē ॥ 7 ॥

dēhi mē sakalān kāmān vārāhī jagadīśvarī ।
namastubhyaṃ namastubhyaṃ namastubhyaṃ namō namaḥ ॥ 8 ॥

idamādyānanā stōtraṃ sarvapāpavināśanam ।
paṭhēdyaḥ sarvadā bhaktyā pātakairmuchyatē tathā ॥ 9 ॥

labhantē śatravō nāśaṃ duḥkharōgāpamṛtyavaḥ ।
mahadāyuṣyamāpnōti alakṣmīrnāśamāpnuyāt ॥ 10 ॥

iti śrī ādivārāhī stōtram ।