નમોઽસ્તુ દેવી વારાહી જયૈકારસ્વરૂપિણિ ।
જપિત્વા ભૂમિરૂપેણ નમો ભગવતી પ્રિયે ॥ 1 ॥

જય ક્રોડાસ્તુ વારાહી દેવી ત્વં ચ નમામ્યહમ્ ।
જય વારાહિ વિશ્વેશી મુખ્યવારાહિ તે નમઃ ॥ 2 ॥

મુખ્યવારાહિ વંદે ત્વાં અંધે અંધિનિ તે નમઃ ।
સર્વદુષ્ટપ્રદુષ્ટાનાં વાક્‍સ્તંભનકરી નમઃ ॥ 3 ॥

નમઃ સ્તંભિનિ સ્તંભે ત્વાં જૃંભે જૃંભિણિ તે નમઃ ।
રુંધે રુંધિનિ વંદે ત્વાં નમો દેવી તુ મોહિની ॥ 4 ॥

સ્વભક્તાનાં હિ સર્વેષાં સર્વકામપ્રદે નમઃ ।
બાહ્વોઃ સ્તંભકરી વંદે ત્વાં જિહ્વાસ્તંભકારિણી ॥ 5 ॥

સ્તંભનં કુરુ શત્રૂણાં કુરુ મે શત્રુનાશનમ્ ।
શીઘ્રં વશ્યં ચ કુરુતે યોઽગ્નૌ વાચાત્મિકે નમઃ ॥ 6 ॥

ઠચતુષ્ટયરૂપે ત્વાં શરણં સર્વદા ભજે ।
હોમાત્મકે ફડ્રૂપેણ જય આદ્યાનને શિવે ॥ 7 ॥

દેહિ મે સકલાન્ કામાન્ વારાહી જગદીશ્વરી ।
નમસ્તુભ્યં નમસ્તુભ્યં નમસ્તુભ્યં નમો નમઃ ॥ 8 ॥

ઇદમાદ્યાનના સ્તોત્રં સર્વપાપવિનાશનમ્ ।
પઠેદ્યઃ સર્વદા ભક્ત્યા પાતકૈર્મુચ્યતે તથા ॥ 9 ॥

લભંતે શત્રવો નાશં દુઃખરોગાપમૃત્યવઃ ।
મહદાયુષ્યમાપ્નોતિ અલક્ષ્મીર્નાશમાપ્નુયાત્ ॥ 10 ॥

ઇતિ શ્રી આદિવારાહી સ્તોત્રમ્ ।