1. 𑌧𑌾𑌤𑌾
𑌧𑌾𑌤𑌾 𑌕𑍃𑌤𑌸𑍍𑌥𑌲𑍀 𑌹𑍇𑌤𑌿𑌰𑍍𑌵𑌾𑌸𑍁𑌕𑍀 𑌰𑌥𑌕𑍃𑌨𑍍𑌮𑍁𑌨𑍇 ।
𑌪𑍁𑌲𑌸𑍍𑌤𑍍𑌯𑌸𑍍𑌤𑍁𑌂𑌬𑍁𑌰𑍁𑌰𑌿𑌤𑌿 𑌮𑌧𑍁𑌮𑌾𑌸𑌂 𑌨𑌯𑌂𑌤𑍍𑌯𑌮𑍀 ॥
𑌧𑌾𑌤𑌾 𑌶𑍁𑌭𑌸𑍍𑌯 𑌮𑍇 𑌦𑌾𑌤𑌾 𑌭𑍂𑌯𑍋 𑌭𑍂𑌯𑍋𑌽𑌪𑌿 𑌭𑍂𑌯𑌸𑌃 ।
𑌰𑌶𑍍𑌮𑌿𑌜𑌾𑌲𑌸𑌮𑌾𑌶𑍍𑌲𑌿𑌷𑍍𑌟𑌃 𑌤𑌮𑌸𑍍𑌤𑍋𑌮𑌵𑌿𑌨𑌾𑌶𑌨𑌃 ॥
2. 𑌅𑌰𑍍𑌯𑌮𑍍
𑌅𑌰𑍍𑌯𑌮𑌾 𑌪𑍁𑌲𑌹𑍋𑌽𑌥𑍌𑌜𑌾𑌃 𑌪𑍍𑌰𑌹𑍇𑌤𑌿 𑌪𑍁𑌂𑌜𑌿𑌕𑌸𑍍𑌥𑌲𑍀 ।
𑌨𑌾𑌰𑌦𑌃 𑌕𑌚𑍍𑌛𑌨𑍀𑌰𑌶𑍍𑌚 𑌨𑌯𑌂𑌤𑍍𑌯𑍇𑌤𑍇 𑌸𑍍𑌮 𑌮𑌾𑌧𑌵𑌮𑍍 ॥
𑌮𑍇𑌰𑍁𑌶𑍃𑌂𑌗𑌾𑌂𑌤𑌰𑌚𑌰𑌃 𑌕𑌮𑌲𑌾𑌕𑌰𑌬𑌾𑌂𑌧𑌵𑌃 ।
𑌅𑌰𑍍𑌯𑌮𑌾 𑌤𑍁 𑌸𑌦𑌾 𑌭𑍂𑌤𑍍𑌯𑍈 𑌭𑍂𑌯𑌸𑍍𑌯𑍈 𑌪𑍍𑌰𑌣𑌤𑌸𑍍𑌯 𑌮𑍇 ॥
3. 𑌮𑌿𑌤𑍍𑌰𑌃
𑌮𑌿𑌤𑍍𑌰𑍋𑌽𑌤𑍍𑌰𑌿𑌃 𑌪𑍌𑌰𑍁𑌷𑍇𑌯𑍋𑌽𑌥 𑌤𑌕𑍍𑌷𑌕𑍋 𑌮𑍇𑌨𑌕𑌾 𑌹𑌹𑌃 ।
𑌰𑌥𑌸𑍍𑌵𑌨 𑌇𑌤𑌿 𑌹𑍍𑌯𑍇𑌤𑍇 𑌶𑍁𑌕𑍍𑌰𑌮𑌾𑌸𑌂 𑌨𑌯𑌂𑌤𑍍𑌯𑌮𑍀 ॥
𑌨𑌿𑌶𑌾𑌨𑌿𑌵𑌾𑌰𑌣𑌪𑌟𑍁𑌃 𑌉𑌦𑌯𑌾𑌦𑍍𑌰𑌿𑌕𑍃𑌤𑌾𑌶𑍍𑌰𑌯𑌃 ।
𑌮𑌿𑌤𑍍𑌰𑍋𑌽𑌸𑍍𑌤𑍁 𑌮𑌮 𑌮𑍋𑌦𑌾𑌯 𑌤𑌮𑌸𑍍𑌤𑍋𑌮𑌵𑌿𑌨𑌾𑌶𑌨𑌃 ॥
4. 𑌵𑌰𑍁𑌣𑌃
𑌵𑌸𑌿𑌷𑍍𑌠𑍋 𑌹𑍍𑌯𑌰𑍁𑌣𑍋 𑌰𑌂𑌭𑌾 𑌸𑌹𑌜𑌨𑍍𑌯𑌸𑍍𑌤𑌥𑌾 𑌹𑍁𑌹𑍁𑌃 ।
𑌶𑍁𑌕𑍍𑌰𑌶𑍍𑌚𑌿𑌤𑍍𑌰𑌸𑍍𑌵𑌨𑌶𑍍𑌚𑍈𑌵 𑌶𑍁𑌚𑌿𑌮𑌾𑌸𑌂 𑌨𑌯𑌂𑌤𑍍𑌯𑌮𑍀 ॥
𑌸𑍂𑌰𑍍𑌯𑌸𑍍𑌯𑌂𑌦𑌨𑌮𑌾𑌰𑍂𑌢 𑌅𑌰𑍍𑌚𑌿𑌰𑍍𑌮𑌾𑌲𑍀 𑌪𑍍𑌰𑌤𑌾𑌪𑌵𑌾𑌨𑍍 ।
𑌕𑌾𑌲𑌭𑍂𑌤𑌃 𑌕𑌾𑌮𑌰𑍂𑌪𑍋 𑌹𑍍𑌯𑌰𑍁𑌣𑌃 𑌸𑍇𑌵𑍍𑌯𑌤𑍇 𑌮𑌯𑌾 ॥
5. 𑌇𑌂𑌦𑍍𑌰𑌃
𑌇𑌂𑌦𑍍𑌰𑍋 𑌵𑌿𑌶𑍍𑌵𑌾𑌵𑌸𑍁𑌃 𑌶𑍍𑌰𑍋𑌤𑌾 𑌏𑌲𑌾𑌪𑌤𑍍𑌰𑌸𑍍𑌤𑌥𑌾𑌽𑌂𑌗𑌿𑌰𑌾𑌃 ।
𑌪𑍍𑌰𑌮𑍍𑌲𑍋𑌚𑌾 𑌰𑌾𑌕𑍍𑌷𑌸𑍋𑌵𑌰𑍍𑌯𑍋 𑌨𑌭𑍋𑌮𑌾𑌸𑌂 𑌨𑌯𑌂𑌤𑍍𑌯𑌮𑍀 ॥
𑌸𑌹𑌸𑍍𑌰𑌰𑌶𑍍𑌮𑌿𑌸𑌂𑌵𑍀𑌤𑌂 𑌇𑌂𑌦𑍍𑌰𑌂 𑌵𑌰𑌦𑌮𑌾𑌶𑍍𑌰𑌯𑍇 ।
𑌶𑌿𑌰𑌸𑌾 𑌪𑍍𑌰𑌣𑌮𑌾𑌮𑍍𑌯𑌦𑍍𑌯 𑌶𑍍𑌰𑍇𑌯𑍋 𑌵𑍃𑌦𑍍𑌧𑌿𑌪𑍍𑌰𑌦𑌾𑌯𑌕𑌮𑍍 ॥
6. 𑌵𑌿𑌵𑌸𑍍𑌵𑌾𑌨𑍍
𑌵𑌿𑌵𑌸𑍍𑌵𑌾𑌨𑍁𑌗𑍍𑌰𑌸𑍇𑌨𑌶𑍍𑌚 𑌵𑍍𑌯𑌾𑌘𑍍𑌰 𑌆𑌸𑌾𑌰𑌣𑍋 𑌭𑍃𑌗𑍁𑌃 ।
𑌅𑌨𑍁𑌮𑍍𑌲𑍋𑌚𑌾𑌃 𑌶𑌂𑌖𑌪𑌾𑌲𑍋 𑌨𑌭𑌸𑍍𑌯𑌾𑌖𑍍𑌯𑌂 𑌨𑌯𑌂𑌤𑍍𑌯𑌮𑍀 ॥
𑌜𑌗𑌨𑍍𑌨𑌿𑌰𑍍𑌮𑌾𑌣𑌕𑌰𑍍𑌤𑌾𑌰𑌂 𑌸𑌰𑍍𑌵𑌦𑌿𑌗𑍍𑌵𑍍𑌯𑌾𑌪𑍍𑌤𑌤𑍇𑌜𑌸𑌮𑍍 ।
𑌨𑌭𑍋𑌗𑍍𑌰𑌹𑌮𑌹𑌾𑌦𑍀𑌪𑌂 𑌵𑌿𑌵𑌸𑍍𑌵𑌂𑌤𑌂 𑌨𑌮𑌾𑌮𑍍𑌯𑌹𑌮𑍍 ॥
. 𑌤𑍍𑌵𑌷𑍍𑌟𑌾
𑌤𑍍𑌵𑌷𑍍𑌟𑌾 𑌋𑌚𑍀𑌕𑌤𑌨𑌯𑌃 𑌕𑌂𑌬𑌲𑌾𑌖𑍍𑌯𑌸𑍍𑌤𑌿𑌲𑍋𑌤𑍍𑌤𑌮𑌾 ।
𑌬𑍍𑌰𑌹𑍍𑌮𑌾𑌪𑍇𑌤𑍋𑌽𑌥 𑌶𑌤𑌜𑌿𑌤𑍍 𑌧𑍃𑌤𑌰𑌾𑌷𑍍𑌟𑍍𑌰 𑌇𑌷𑌂𑌭𑌰𑌾 ॥
𑌤𑍍𑌵𑌷𑍍𑌟𑌾 𑌶𑍁𑌭𑌾𑌯 𑌮𑍇 𑌭𑍂𑌯𑌾𑌤𑍍 𑌶𑌿𑌷𑍍𑌟𑌾𑌵𑌲𑌿𑌨𑌿𑌷𑍇𑌵𑌿𑌤𑌃 ।
𑌨𑌾𑌨𑌾𑌶𑌿𑌲𑍍𑌪𑌕𑌰𑍋 𑌨𑌾𑌨𑌾𑌧𑌾𑌤𑍁𑌰𑍂𑌪𑌃 𑌪𑍍𑌰𑌭𑌾𑌕𑌰𑌃 ।
. 𑌵𑌿𑌷𑍍𑌣𑍁𑌃
𑌵𑌿𑌷𑍍𑌣𑍁𑌰𑌶𑍍𑌵𑌤𑌰𑍋 𑌰𑌂𑌭𑌾 𑌸𑍂𑌰𑍍𑌯𑌵𑌰𑍍𑌚𑌾𑌶𑍍𑌚 𑌸𑌤𑍍𑌯𑌜𑌿𑌤𑍍 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌖𑌾𑌪𑍇𑌤 𑌊𑌰𑍍𑌜𑌮𑌾𑌸𑌂 𑌨𑌯𑌂𑌤𑍍𑌯𑌮𑍀 ॥
𑌭𑌾𑌨𑍁𑌮𑌂𑌡𑌲𑌮𑌧𑍍𑌯𑌸𑍍𑌥𑌂 𑌵𑍇𑌦𑌤𑍍𑌰𑌯𑌨𑌿𑌷𑍇𑌵𑌿𑌤𑌮𑍍 ।
𑌗𑌾𑌯𑌤𑍍𑌰𑍀𑌪𑍍𑌰𑌤𑌿𑌪𑌾𑌦𑍍𑌯𑌂 𑌤𑌂 𑌵𑌿𑌷𑍍𑌣𑍁𑌂 𑌭𑌕𑍍𑌤𑍍𑌯𑌾 𑌨𑌮𑌾𑌮𑍍𑌯𑌹𑌮𑍍 ॥
. 𑌅𑌂𑌶𑍁𑌮𑌾𑌨𑍍
𑌅𑌥𑌾𑌂𑌶𑍁𑌃 𑌕𑌶𑍍𑌯𑌪𑌸𑍍𑌤𑌾𑌰𑍍𑌕𑍍𑌷𑍍𑌯 𑌋𑌤𑌸𑍇𑌨𑌸𑍍𑌤𑌥𑍋𑌰𑍍𑌵𑌶𑍀 ।
𑌵𑌿𑌦𑍍𑌯𑍁𑌚𑍍𑌛𑌤𑍍𑌰𑍁𑌰𑍍𑌮𑌹𑌾𑌶𑌂𑌖𑌃 𑌸𑌹𑍋𑌮𑌾𑌸𑌂 𑌨𑌯𑌂𑌤𑍍𑌯𑌮𑍀 ॥
𑌸𑌦𑌾 𑌵𑌿𑌦𑍍𑌰𑌾𑌵𑌣𑌰𑌤𑍋 𑌜𑌗𑌨𑍍𑌮𑌂𑌗𑌳𑌦𑍀𑌪𑌕𑌃 ।
𑌮𑍁𑌨𑍀𑌂𑌦𑍍𑌰𑌨𑌿𑌵𑌹𑌸𑍍𑌤𑍁𑌤𑍍𑌯𑍋 𑌭𑍂𑌤𑌿𑌦𑍋𑌽𑌂𑌶𑍁𑌰𑍍𑌭𑌵𑍇𑌨𑍍𑌮𑌮 ॥
10. 𑌭𑌗𑌃
𑌭𑌗𑌃 𑌸𑍍𑌫𑍂𑌰𑍍𑌜𑍋𑌽𑌰𑌿𑌷𑍍𑌟𑌨𑍇𑌮𑌿𑌃 𑌊𑌰𑍍𑌣 𑌆𑌯𑍁𑌶𑍍𑌚 𑌪𑌂𑌚𑌮𑌃 ।
𑌕𑌰𑍍𑌕𑍋𑌟𑌕𑌃 𑌪𑍂𑌰𑍍𑌵𑌚𑌿𑌤𑍍𑌤𑌿𑌃 𑌪𑍌𑌷𑌮𑌾𑌸𑌂 𑌨𑌯𑌂𑌤𑍍𑌯𑌮𑍀 ॥
𑌤𑌿𑌥𑌿 𑌮𑌾𑌸 𑌋𑌤𑍂𑌨𑌾𑌂 𑌚 𑌵𑌤𑍍𑌸𑌰𑌾𑌽𑌯𑌨𑌯𑍋𑌰𑌪𑌿 ।
𑌘𑌟𑌿𑌕𑌾𑌨𑌾𑌂 𑌚 𑌯𑌃 𑌕𑌰𑍍𑌤𑌾 𑌭𑌗𑍋 𑌭𑌾𑌗𑍍𑌯𑌪𑍍𑌰𑌦𑍋𑌽𑌸𑍍𑌤𑍁 𑌮𑍇 ॥
11. 𑌪𑍂𑌷
𑌪𑍂𑌷𑌾 𑌧𑌨𑌂𑌜𑌯𑍋 𑌵𑌾𑌤𑌃 𑌸𑍁𑌷𑍇𑌣𑌃 𑌸𑍁𑌰𑍁𑌚𑌿𑌸𑍍𑌤𑌥𑌾 ।
𑌘𑍃𑌤𑌾𑌚𑍀 𑌗𑍌𑌤𑌮𑌶𑍍𑌚𑍇𑌤𑌿 𑌤𑌪𑍋𑌮𑌾𑌸𑌂 𑌨𑌯𑌂𑌤𑍍𑌯𑌮𑍀 ।
𑌪𑍂𑌷𑌾 𑌤𑍋𑌷𑌾𑌯 𑌮𑍇 𑌭𑍂𑌯𑌾𑌤𑍍 𑌸𑌰𑍍𑌵𑌪𑌾𑌪𑌾𑌽𑌪𑌨𑍋𑌦𑌨𑌾𑌤𑍍 ।
𑌸𑌹𑌸𑍍𑌰𑌕𑌰𑌸𑌂𑌵𑍀𑌤𑌃 𑌸𑌮𑌸𑍍𑌤𑌾𑌶𑌾𑌂𑌤𑌰𑌾𑌂𑌤𑌰𑌃 ॥
12. 𑌪𑌰𑍍𑌜𑌨𑍍𑌯𑌃
𑌕𑍍𑌰𑌤𑍁𑌰𑍍𑌵𑌾𑌰𑍍𑌚𑌾 𑌭𑌰𑌦𑍍𑌵𑌾𑌜𑌃 𑌪𑌰𑍍𑌜𑌨𑍍𑌯𑌃 𑌸𑍇𑌨𑌜𑌿𑌤𑍍 𑌤𑌥𑌾 ।
𑌵𑌿𑌶𑍍𑌵𑌶𑍍𑌚𑍈𑌰𑌾𑌵𑌤𑌶𑍍𑌚𑍈𑌵 𑌤𑌪𑌸𑍍𑌯𑌾𑌖𑍍𑌯𑌂 𑌨𑌯𑌂𑌤𑍍𑌯𑌮𑍀 ॥
𑌪𑍍𑌰𑌪𑌂𑌚𑌂 𑌪𑍍𑌰𑌤𑌪𑌨𑍍 𑌭𑍂𑌯𑍋 𑌵𑍃𑌷𑍍𑌟𑌿𑌭𑌿𑌰𑍍𑌮𑌾𑌦𑌯𑌨𑍍 𑌪𑍁𑌨𑌃 ।
𑌜𑌗𑌦𑌾𑌨𑌂𑌦𑌜𑌨𑌕𑌃 𑌪𑌰𑍍𑌜𑌨𑍍𑌯𑌃 𑌪𑍂𑌜𑍍𑌯𑌤𑍇 𑌮𑌯𑌾 ॥
𑌧𑍍𑌯𑌾𑌯𑍇𑌸𑍍𑌸𑌦𑌾 𑌸𑌵𑌿𑌤𑍃𑌮𑌂𑌡𑌲𑌮𑌧𑍍𑌯𑌵𑌰𑍍𑌤𑍀
𑌨𑌾𑌰𑌾𑌯𑌣𑌸𑍍𑌸𑌰𑌸𑌿𑌜𑌾𑌸𑌨 𑌸𑌨𑍍𑌨𑌿𑌵𑌿𑌷𑍍𑌟𑌃।
𑌕𑍇𑌯𑍂𑌰𑌵𑌾𑌨𑍍 𑌮𑌕𑌰𑌕𑍁𑌂𑌡𑌲𑌵𑌾𑌨𑍍 𑌕𑌿𑌰𑍀𑌟𑍀
𑌹𑌾𑌰𑍀 𑌹𑌿𑌰𑌣𑍍𑌮𑌯𑌵𑌪𑍁𑌃 𑌧𑍃𑌤𑌶𑌂𑌖𑌚𑌕𑍍𑌰𑌃 ॥
