𑌓𑌂 𑌭॒𑌦𑍍𑌰𑌂 𑌕𑌰𑍍𑌣𑍇॑𑌭𑌿𑌃 𑌶𑍃𑌣𑍁॒𑌯𑌾𑌮॑ 𑌦𑍇𑌵𑌾𑌃 । 𑌭॒𑌦𑍍𑌰𑌂 𑌪॑𑌶𑍍𑌯𑍇𑌮𑌾॒𑌕𑍍𑌷𑌭𑌿॒𑌰𑍍𑌯𑌜॑𑌤𑍍𑌰𑌾𑌃 । 𑌸𑍍𑌥𑌿॒𑌰𑍈𑌰𑌂𑌗𑍈᳚𑌸𑍍𑌤𑍁𑌷𑍍𑌟𑍁॒𑌵𑌾𑌗𑍍​𑌮𑍍 𑌸॑𑌸𑍍𑌤॒𑌨𑍂𑌭𑌿𑌃॑ । 𑌵𑍍𑌯𑌶𑍇॑𑌮 𑌦𑍇॒𑌵𑌹𑌿॑𑌤𑌂॒-𑌯𑌁𑌦𑌾𑌯𑍁𑌃॑ । 𑌸𑍍𑌵॒𑌸𑍍𑌤𑌿 𑌨॒ 𑌇𑌂𑌦𑍍𑌰𑍋॑ 𑌵𑍃॒𑌦𑍍𑌧𑌶𑍍𑌰॑𑌵𑌾𑌃 । 𑌸𑍍𑌵॒𑌸𑍍𑌤𑌿 𑌨𑌃॑ 𑌪𑍂॒𑌷𑌾 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌸𑍍𑌵॒𑌸𑍍𑌤𑌿 𑌨॒𑌸𑍍𑌤𑌾𑌰𑍍𑌕𑍍𑌷𑍍𑌯𑍋॒ 𑌅𑌰𑌿॑𑌷𑍍𑌟𑌨𑍇𑌮𑌿𑌃 । 𑌸𑍍𑌵॒𑌸𑍍𑌤𑌿 𑌨𑍋॒ 𑌬𑍃𑌹॒𑌸𑍍𑌪𑌤𑌿॑𑌰𑍍𑌦𑌧𑌾𑌤𑍁 । 𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

𑌓𑌂 𑌅𑌥 𑌸𑍂𑌰𑍍𑌯𑌾𑌥𑌰𑍍𑌵𑌾𑌂𑌗𑌿𑌰𑌸𑌂-𑌵𑍍𑌯𑌾𑌁᳚𑌖𑍍𑌯𑌾𑌸𑍍𑌯𑌾॒𑌮𑌃 । 𑌬𑍍𑌰𑌹𑍍𑌮𑌾 𑌋॒𑌷𑌿𑌃 । 𑌗𑌾𑌯॑𑌤𑍍𑌰𑍀 𑌛𑌂॒𑌦𑌃 । 𑌆𑌦𑌿॑𑌤𑍍𑌯𑍋 𑌦𑍇॒𑌵𑌤𑌾 । 𑌹𑌂𑌸𑌃॑ 𑌸𑍋॒𑌽𑌹𑌮𑌗𑍍𑌨𑌿𑌨𑌾𑌰𑌾𑌯𑌣 𑌯𑍁॑𑌕𑍍𑌤𑌂 𑌬𑍀॒𑌜𑌮𑍍 । 𑌹𑍃𑌲𑍍𑌲𑍇॑𑌖𑌾 𑌶॒𑌕𑍍𑌤𑌿𑌃 । 𑌵𑌿𑌯𑌦𑌾𑌦𑌿𑌸𑌰𑍍𑌗𑌸𑌂​𑌯𑍁𑌁॑𑌕𑍍𑌤𑌂 𑌕𑍀॒𑌲𑌕𑌮𑍍 । 𑌚𑌤𑍁𑌰𑍍𑌵𑌿𑌧𑌪𑍁𑌰𑍁𑌷𑌾𑌰𑍍𑌥 𑌸𑌿𑌦𑍍𑌧𑍍𑌯𑌰𑍍𑌥𑍇 𑌵𑌿॑𑌨𑌿𑌯𑍋॒𑌗𑌃 ।

𑌷𑌟𑍍‍𑌸𑍍𑌵𑌰𑌾𑌰𑍂𑌢𑍇॑𑌨 𑌬𑍀𑌜𑍇॒𑌨 𑌷𑌡𑌂॑𑌗𑌂 𑌰॒𑌕𑍍𑌤𑌾𑌂𑌬𑍁॑𑌜𑌸𑌂𑌸𑍍𑌥𑌿॒𑌤𑌂 𑌸𑌪𑍍𑌤𑌾𑌶𑍍𑌵॑𑌰𑌥𑌿॒𑌨𑌂 𑌹𑌿𑌰॑𑌣𑍍𑌯𑌵॒𑌰𑍍𑌣𑌂 𑌚॑𑌤𑍁𑌰𑍍𑌭𑍁॒𑌜𑌂 𑌪𑌦𑍍𑌮𑌦𑍍𑌵𑌯𑌾𑌽𑌭𑌯𑌵𑌰॑𑌦𑌹॒𑌸𑍍𑌤𑌂 𑌕𑌾𑌲𑌚𑌕𑍍𑌰॑𑌪𑍍𑌰𑌣𑍇𑌤𑌾॒𑌰𑌂 𑌶𑍍𑌰𑍀𑌸𑍂𑌰𑍍𑌯𑌨𑌾𑌰𑌾𑌯॒𑌣𑌂-𑌯𑌁 𑌏॑𑌵𑌂-𑌵𑍇𑌁॒𑌦 𑌸 𑌵𑍈 𑌬𑍍𑌰𑌾᳚𑌹𑍍𑌮॒𑌣𑌃 ।

𑌓𑌂 𑌭𑍂𑌰𑍍𑌭𑍁𑌵𑌃॒ 𑌸𑍁𑌵𑌃॑ । 𑌤𑌤𑍍𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯𑌂॒ 𑌭𑌰𑍍𑌗𑍋॑ 𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 । 𑌧𑌿𑌯𑍋॒ 𑌯𑍋 𑌨𑌃॑ 𑌪𑍍𑌰𑌚𑍋॒𑌦𑌯𑌾᳚𑌤𑍍 । 𑌸𑍂𑌰𑍍𑌯॑ 𑌆॒𑌤𑍍𑌮𑌾 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॑𑌶𑍍𑌚 । 𑌸𑍂𑌰𑍍𑌯𑌾॒𑌦𑍍𑌵𑍈 𑌖𑌲𑍍𑌵𑌿॒𑌮𑌾𑌨𑌿॒ 𑌭𑍂𑌤𑌾॑𑌨𑌿॒ 𑌜𑌾𑌯𑌂॑𑌤𑍇 । 𑌸𑍂𑌰𑍍𑌯𑌾᳚𑌦𑍍𑌯॒𑌜𑍍𑌞𑌃 𑌪𑌰𑍍𑌜𑌨𑍍𑌯𑍋᳚𑌽𑌨𑍍𑌨𑌮𑌾॒𑌤𑍍𑌮𑌾 ।

𑌨𑌮॑𑌸𑍍𑌤𑍇 𑌆𑌦𑌿𑌤𑍍𑌯 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒ 𑌕𑌰𑍍𑌮॑ 𑌕𑌰𑍍𑌤𑌾𑌸𑌿 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒ 𑌬𑍍𑌰𑌹𑍍𑌮𑌾॑𑌽𑌸𑌿 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒-𑌵𑌿𑌁𑌷𑍍𑌣𑍁॑𑌰𑌸𑌿 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒ 𑌰𑍁𑌦𑍍𑌰𑍋॑𑌽𑌸𑌿 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷॒𑌮𑍃𑌗॑𑌸𑌿 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒-𑌯𑌁𑌜𑍁॑𑌰𑌸𑌿 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒ 𑌸𑌾𑌮𑌾॑𑌸𑌿 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷॒𑌮𑌥॑𑌰𑍍𑌵𑌾𑌸𑌿 । 𑌤𑍍𑌵𑌮𑍇॒𑌵 𑌸𑌰𑍍𑌵𑌂॑ 𑌛𑌂𑌦𑍋॒𑌽𑌸𑌿 । 𑌆॒𑌦𑌿॒𑌤𑍍𑌯𑌾𑌦𑍍𑌵𑌾॑𑌯𑍁𑌰𑍍𑌜𑌾॒𑌯𑌤𑍇 । 𑌆॒𑌦𑌿॒𑌤𑍍𑌯𑌾𑌦𑍍𑌭𑍂॑𑌮𑌿𑌰𑍍𑌜𑌾॒𑌯𑌤𑍇 । 𑌆॒𑌦𑌿॒𑌤𑍍𑌯𑌾𑌦𑌾𑌪𑍋॑ 𑌜𑌾𑌯𑌂॒𑌤𑍇 । 𑌆॒𑌦𑌿॒𑌤𑍍𑌯𑌾𑌜𑍍𑌜𑍍𑌯𑍋𑌤𑌿॑𑌰𑍍𑌜𑌾𑌯॒𑌤𑍇 ।
𑌆॒𑌦𑌿॒𑌤𑍍𑌯𑌾𑌦𑍍𑌵𑍍𑌯𑍋𑌮 𑌦𑌿𑌶𑍋॑ 𑌜𑌾𑌯𑌂॒𑌤𑍇 ।

𑌆॒𑌦𑌿॒𑌤𑍍𑌯𑌾𑌦𑍍𑌦𑍇॑𑌵𑌾 𑌜𑌾𑌯𑌂॒𑌤𑍇 । 𑌆॒𑌦𑌿॒𑌤𑍍𑌯𑌾𑌦𑍍𑌵𑍇॑𑌦𑌾 𑌜𑌾𑌯𑌂॒𑌤𑍇 । 𑌆॒𑌦𑌿॒𑌤𑍍𑌯𑍋 𑌵𑌾 𑌏॒𑌷 𑌏॒𑌤𑌨𑍍𑌮𑌂॒𑌡𑌲𑌂॒ 𑌤𑌪॑𑌤𑌿 । 𑌅॒𑌸𑌾𑌵𑌾॑𑌦𑌿॒𑌤𑍍𑌯𑍋 𑌬𑍍𑌰॒𑌹𑍍𑌮𑌾 । 𑌆॒𑌦𑌿॒𑌤𑍍𑌯𑍋𑌽𑌂𑌤𑌃𑌕𑌰𑌣 𑌮𑌨𑍋𑌬𑍁𑌦𑍍𑌧𑌿 𑌚𑌿𑌤𑍍𑌤𑌾॑𑌹𑌂𑌕𑌾॒𑌰𑌾𑌃 । 𑌆॒𑌦𑌿॒𑌤𑍍𑌯𑍋 𑌵𑍈 𑌵𑍍𑌯𑌾𑌨𑌃 𑌸𑌮𑌾𑌨𑍋𑌦𑌾𑌨𑍋𑌽𑌪𑌾॑𑌨𑌃 𑌪𑍍𑌰𑌾॒𑌣𑌃 ।
𑌆॒𑌦𑌿॒𑌤𑍍𑌯𑍋 𑌵𑍈 𑌶𑍍𑌰𑍋𑌤𑍍𑌰 𑌤𑍍𑌵𑌕𑍍 𑌚𑌕𑍍𑌷𑍂𑌰𑌸॑𑌨𑌘𑍍𑌰𑌾॒𑌣𑌾𑌃 । 𑌆॒𑌦𑌿॒𑌤𑍍𑌯𑍋 𑌵𑍈 𑌵𑌾𑌕𑍍𑌪𑌾𑌣𑌿𑌪𑌾𑌦𑌪𑌾॑𑌯𑍂𑌪॒𑌸𑍍𑌥𑌾𑌃 । 𑌆॒𑌦𑌿॒𑌤𑍍𑌯𑍋 𑌵𑍈 𑌶𑌬𑍍𑌦𑌸𑍍𑌪𑌰𑍍​𑌶𑌰𑍂𑌪𑌰॑𑌸𑌗𑌂॒𑌧𑌾𑌃 । 𑌆॒𑌦𑌿॒𑌤𑍍𑌯𑍋 𑌵𑍈 𑌵𑌚𑌨𑌾𑌦𑌾𑌨𑌾𑌗𑌮𑌨 𑌵𑌿𑌸॑𑌰𑍍𑌗𑌾𑌨𑌂॒𑌦𑌾𑌃 । 𑌆𑌨𑌂𑌦𑌮𑌯𑍋 𑌵𑌿𑌜𑍍𑌞𑌾𑌨𑌮𑌯𑍋 𑌵𑌿𑌜𑍍𑌞𑌾𑌨𑌘𑌨॑ 𑌆𑌦𑌿॒𑌤𑍍𑌯𑌃 । 𑌨𑌮𑍋 𑌮𑌿𑌤𑍍𑌰𑌾𑌯 𑌭𑌾𑌨𑌵𑍇 𑌮𑍃𑌤𑍍𑌯𑍋᳚𑌰𑍍𑌮𑌾 𑌪𑌾॒𑌹𑌿 । 𑌭𑍍𑌰𑌾𑌜𑌿𑌷𑍍𑌣𑌵𑍇 𑌵𑌿𑌶𑍍𑌵𑌹𑍇𑌤॑𑌵𑍇 𑌨॒𑌮𑌃 ।

𑌸𑍂𑌰𑍍𑌯𑌾𑌦𑍍𑌭𑌵𑌂𑌤𑌿॑ 𑌭𑍂𑌤𑌾॒𑌨𑌿 𑌸𑍂𑌰𑍍𑌯𑍇𑌣 𑌪𑌾𑌲𑌿॑𑌤𑌾𑌨𑌿॒ 𑌤𑍁 । 𑌸𑍂𑌰𑍍𑌯𑍇 𑌲𑌯𑌂 𑌪𑍍𑌰𑌾᳚𑌪𑍍𑌨𑍁𑌵𑌂॒𑌤𑌿 𑌯𑌃 𑌸𑍂𑌰𑍍𑌯𑌃 𑌸𑍋𑌽𑌹॑𑌮𑍇𑌵॒ 𑌚 । 𑌚𑌕𑍍𑌷𑍁॑𑌰𑍍𑌨𑍋 𑌦𑍇॒𑌵𑌃 𑌸॑𑌵𑌿॒𑌤𑌾 𑌚𑌕𑍍𑌷𑍁॑𑌰𑍍𑌨 𑌉॒𑌤 𑌪॒𑌰𑍍𑌵𑌤𑌃॑ । 𑌚𑌕𑍍𑌷𑍁॑𑌰𑍍𑌧𑌾॒𑌤𑌾 𑌦॑𑌧𑌾𑌤𑍁 𑌨𑌃 ।

𑌆॒𑌦𑌿॒𑌤𑍍𑌯𑌾𑌯॑ 𑌵𑌿॒𑌦𑍍𑌮𑌹𑍇॑ 𑌸𑌹𑌸𑍍𑌰𑌕𑌿𑌰॒𑌣𑌾𑌯॑ 𑌧𑍀𑌮𑌹𑌿 । 𑌤𑌨𑍍𑌨𑌃॑ 𑌸𑍂𑌰𑍍𑌯𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ।

𑌸॒𑌵𑌿॒𑌤𑌾 𑌪॒𑌶𑍍𑌚𑌾𑌤𑍍𑌤𑌾᳚𑌤𑍍 𑌸𑌵𑌿॒𑌤𑌾 𑌪𑍁॒𑌰𑌸𑍍𑌤𑌾᳚𑌤𑍍 𑌸𑌵𑌿॒𑌤𑍋𑌤𑍍𑌤॒𑌰𑌾𑌤𑍍𑌤𑌾᳚𑌤𑍍 𑌸𑌵𑌿॒𑌤𑌾𑌽𑌧॒𑌰𑌾𑌤𑍍𑌤𑌾᳚𑌤𑍍 𑌸𑌵𑌿॒𑌤𑌾 𑌨𑌃॑ 𑌸𑍁𑌵𑌤𑍁 𑌸॒𑌰𑍍𑌵𑌤𑌾᳚𑌤𑌿𑌗𑍍​𑌮𑍍 𑌸𑌵𑌿॒𑌤𑌾 𑌨𑍋᳚ 𑌰𑌾𑌸𑌤𑌾𑌂 𑌦𑍀𑌰𑍍𑌘॒𑌮𑌾𑌯𑍁𑌃॑ ।

𑌓𑌮𑌿𑌤𑍍𑌯𑍇𑌕𑌾𑌕𑍍𑌷॑𑌰𑌂 𑌬𑍍𑌰॒𑌹𑍍𑌮 । 𑌘𑍃𑌣𑌿॒𑌰𑌿𑌤𑌿॒ 𑌦𑍍𑌵𑍇 𑌅॒𑌕𑍍𑌷𑌰𑍇᳚ । 𑌸𑍂𑌰𑍍𑌯॒ 𑌇𑌤𑍍𑌯𑌕𑍍𑌷॑𑌰𑌦𑍍𑌵॒𑌯𑌮𑍍 । 𑌆॒𑌦𑌿॒𑌤𑍍𑌯 𑌇𑌤𑌿॒ 𑌤𑍍𑌰𑍀𑌣𑍍𑌯𑌕𑍍𑌷॑𑌰𑌾𑌣𑌿 । 𑌏𑌤𑌸𑍍𑌯𑍈𑌵 𑌸𑍂𑌰𑍍𑌯𑌸𑍍𑌯𑌾𑌷𑍍𑌟𑌾𑌕𑍍𑌷॑𑌰𑍋 𑌮॒𑌨𑍁𑌃 ।

𑌯𑌃 𑌸𑌦𑌾𑌹𑌰𑌹॑𑌰𑍍𑌜𑌪॒𑌤𑌿 𑌸 𑌵𑍈 𑌬𑍍𑌰𑌾𑌹𑍍𑌮॑𑌣𑍋 𑌭॒𑌵𑌤𑌿 𑌸 𑌵𑍈 𑌬𑍍𑌰𑌾𑌹𑍍𑌮॑𑌣𑍋 𑌭॒𑌵𑌤𑌿 । 𑌸𑍂𑌰𑍍𑌯𑌾𑌭𑌿𑌮𑍁॑𑌖𑍋 𑌜॒𑌪𑍍𑌤𑍍𑌵𑌾 𑌮𑌹𑌾𑌵𑍍𑌯𑌾𑌧𑌿 𑌭𑌯𑌾᳚𑌤𑍍 𑌪𑍍𑌰𑌮𑍁॒𑌚𑍍𑌯𑌤𑍇 । 𑌅𑌲॑𑌕𑍍𑌷𑍍𑌮𑍀𑌰𑍍𑌨॒𑌶𑍍𑌯𑌤𑌿 । 𑌅𑌭𑌕𑍍𑌷𑍍𑌯 𑌭𑌕𑍍𑌷𑌣𑌾𑌤𑍍 𑌪𑍂॑𑌤𑍋 𑌭॒𑌵𑌤𑌿 । 𑌅𑌗𑌮𑍍𑌯𑌾𑌗𑌮𑌨𑌾𑌤𑍍 𑌪𑍂॑𑌤𑍋 𑌭॒𑌵𑌤𑌿 । 𑌪𑌤𑌿𑌤 𑌸𑌂𑌭𑌾𑌷𑌣𑌾𑌤𑍍 𑌪𑍂॑𑌤𑍋 𑌭॒𑌵𑌤𑌿 । 𑌅𑌸𑌤𑍍 𑌸𑌂𑌭𑌾𑌷𑌣𑌾𑌤𑍍 𑌪𑍂॑𑌤𑍋 𑌭॒𑌵𑌤𑌿 । 𑌅𑌸𑌤𑍍 𑌸𑌂𑌭𑌾𑌷𑌣𑌾𑌤𑍍𑌪𑍂॑𑌤𑍋 𑌭॒𑌵𑌤𑌿 ।

𑌮𑌧𑍍𑌯𑌾𑌹𑍍𑌨𑍇 𑌸𑍂𑌰𑍍𑌯𑌾𑌭𑌿॑𑌮𑍁𑌖𑌃 𑌪॒𑌠𑍇𑌤𑍍 । 𑌸𑌦𑍍𑌯𑍋𑌤𑍍𑌪𑌨𑍍𑌨𑌪𑌂𑌚𑌮𑌹𑌾𑌪𑌾𑌤𑌕𑌾᳚𑌤𑍍 𑌪𑍍𑌰𑌮𑍁॒𑌚𑍍𑌯𑌤𑍇 । 𑌸𑍈𑌷𑌾 𑌸𑌾𑌵𑌿॑𑌤𑍍𑌰𑍀𑌂-𑌵𑌿𑌁॒𑌦𑍍𑌯𑌾𑌂 𑌨 𑌕𑌿𑌂𑌚𑌿𑌦𑌪𑌿 𑌨 𑌕𑌸𑍍𑌮𑍈𑌚𑌿॑𑌤𑍍 𑌪𑍍𑌰𑌶𑌂॒𑌸𑌯𑍇𑌤𑍍 । 𑌯 𑌏॒𑌤𑌾𑌂 𑌮𑌹𑌾𑌭𑌾𑌗𑌃 𑌪𑍍𑌰𑌾॑𑌤𑌃 𑌪॒𑌠𑌤𑌿 𑌸 𑌭𑌾𑌗𑍍𑌯॑𑌵𑌾𑌨𑍍 𑌜𑌾॒𑌯𑌤𑍇 𑌪॑𑌶𑍂𑌨𑍍𑌵𑌿𑌂॒𑌦𑌤𑌿 । 𑌵𑍇𑌦𑌾᳚𑌰𑍍𑌥𑌂-𑌲𑌁॒𑌭𑌤𑍇 । 𑌤𑍍𑌰𑌿𑌕𑌾𑌲𑌮𑍇॑𑌤𑌜𑍍𑌜॒𑌪𑍍𑌤𑍍𑌵𑌾 𑌕𑍍𑌰𑌤𑍁𑌶𑌤𑌫𑌲𑌮॑𑌵𑌾𑌪𑍍𑌨𑍋॒𑌤𑌿 । 𑌹𑌸𑍍𑌤𑌾𑌦𑌿॑𑌤𑍍𑌯𑍇 𑌜॒𑌪𑌤𑌿 𑌸 𑌮𑌹𑌾𑌮𑍃॑𑌤𑍍𑌯𑍁𑌂 𑌤॒𑌰𑌤𑌿 𑌸 𑌮𑌹𑌾𑌮𑍃॑𑌤𑍍𑌯𑍁𑌂 𑌤॒𑌰𑌤𑌿 𑌯 𑌏॑𑌵𑌂-𑌵𑍇𑌁॒𑌦 । 𑌇𑌤𑍍𑌯𑍁॑𑌪॒𑌨𑌿𑌷॑𑌤𑍍 ।

𑌓𑌂 𑌭॒𑌦𑍍𑌰𑌂 𑌕𑌰𑍍𑌣𑍇॑𑌭𑌿𑌃 𑌶𑍃𑌣𑍁॒𑌯𑌾𑌮॑ 𑌦𑍇𑌵𑌾𑌃 । 𑌭॒𑌦𑍍𑌰𑌂 𑌪॑𑌶𑍍𑌯𑍇𑌮𑌾॒𑌕𑍍𑌷𑌭𑌿॒𑌰𑍍𑌯𑌜॑𑌤𑍍𑌰𑌾𑌃 । 𑌸𑍍𑌥𑌿॒𑌰𑍈𑌰𑌂𑌗𑍈᳚𑌸𑍍𑌤𑍁𑌷𑍍𑌟𑍁॒𑌵𑌾𑌗𑍍​𑌮𑍍 𑌸॑𑌸𑍍𑌤॒𑌨𑍂𑌭𑌿𑌃॑ । 𑌵𑍍𑌯𑌶𑍇॑𑌮 𑌦𑍇॒𑌵𑌹𑌿॑𑌤𑌂॒-𑌯𑌁𑌦𑌾𑌯𑍁𑌃॑ । 𑌸𑍍𑌵॒𑌸𑍍𑌤𑌿 𑌨॒ 𑌇𑌂𑌦𑍍𑌰𑍋॑ 𑌵𑍃॒𑌦𑍍𑌧𑌶𑍍𑌰॑𑌵𑌾𑌃 । 𑌸𑍍𑌵॒𑌸𑍍𑌤𑌿 𑌨𑌃॑ 𑌪𑍂॒𑌷𑌾 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌸𑍍𑌵॒𑌸𑍍𑌤𑌿 𑌨॒𑌸𑍍𑌤𑌾𑌰𑍍𑌕𑍍𑌷𑍍𑌯𑍋॒ 𑌅𑌰𑌿॑𑌷𑍍𑌟𑌨𑍇𑌮𑌿𑌃 । 𑌸𑍍𑌵॒𑌸𑍍𑌤𑌿 𑌨𑍋॒ 𑌬𑍃𑌹॒𑌸𑍍𑌪𑌤𑌿॑𑌰𑍍𑌦𑌧𑌾𑌤𑍁 । 𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥