શ્રી ગણેશાય નમઃ શ્રી સરસ્વત્યૈ નમઃ
શ્રીપાદવલ્લભ નરસિંહસરસ્વતિ
શ્રીગુરુ દત્તાત્રેયાય નમઃ

દત્તાત્રેયં મહાત્માનં વરદં ભક્તવત્સલમ્ ।
પ્રપન્નાર્તિહરં વંદે સ્મર્તૃગામિ સનોવતુ ॥ 1 ॥

દીનબંધું કૃપાસિંધું સર્વકારણકારણમ્ ।
સર્વરક્ષાકરં વંદે સ્મર્તૃગામિ સનોવતુ ॥ 2 ॥

શરણાગતદીનાર્ત પરિત્રાણપરાયણમ્ ।
નારાયણં વિભું વંદે સ્મર્તૃગામિ સનોવતુ ॥ 3 ॥

સર્વાનર્થહરં દેવં સર્વમંગળ મંગળમ્ ।
સર્વક્લેશહરં વંદે સ્મર્તૃગામિ સનોવતુ ॥ 4 ॥

બ્રહ્મણ્યં ધર્મતત્ત્વજ્ઞં ભક્તકીર્તિવિવર્ધનમ્ ।
ભક્તાઽભીષ્ટપ્રદં વંદે સ્મર્તૃગામિ સનોવતુ ॥ 5 ॥

શોષણં પાપપંકસ્ય દીપનં જ્ઞાનતેજસઃ ।
તાપપ્રશમનં વંદે સ્મર્તૃગામિ સનોવતુ ॥ 6 ॥

સર્વરોગપ્રશમનં સર્વપીડાનિવારણમ્ ।
વિપદુદ્ધરણં વંદે સ્મર્તૃગામિ સનોવતુ ॥ 7 ॥

જન્મસંસારબંધઘ્નં સ્વરૂપાનંદદાયકમ્ ।
નિશ્શ્રેયસપદં વંદે સ્મર્તૃગામિ સનોવતુ ॥ 8 ॥

જય લાભ યશઃ કામ દાતુર્દત્તસ્ય યઃ સ્તવમ્ ।
ભોગમોક્ષપ્રદસ્યેમં પ્રપઠેત્ સુકૃતી ભવેત્ ॥9 ॥

ઇતિ શ્રી દત્તસ્તવમ્ ।