॥ મૂલમંત્રમ્ ॥
॥ ઓં હ્રીં શ્રીં ક્લીં ગ્લૌં ગં ગણપતયે વરવરદ
સર્વજનં મે વશમાનય સ્વાહા ॥
॥ અથ સ્તોત્રમ્॥
ઓં ઇત્યેતદજસ્ય કંઠવિવરં ભિત્વા બહિર્નિર્ગતં
હ્યોમિત્યેવ સમસ્તકર્મ ઋષિભિઃ પ્રારભ્યતે માનુષૈઃ ।
ઓમિત્યેવ સદા જપંતિ યતયઃ સ્વાતમૈકનિષ્ઠાઃ પરં
હ્યોંકારાકૃતિવક્ત્રમિંદુનિટિલં વિઘ્નેશ્વરં ભવાયે ॥ 1॥
શ્રીંબીજં શ્રમદુઃખજન્મમરણવ્યાધ્યાધિભીનાશકં
મૃત્યુક્રોધનશાંતિબિંદુવિલસદ્વર્ણાકૃતિશ્રીપ્રદમ્ ।
સ્વાંતઃસ્વાત્મશરસ્ય લક્ષ્યમજરસ્વાત્માવબોધપ્રદં
શ્રીશ્રીનાયકસેવિતે ભવદનપ્રેમાસ્પદં ભાવયે ॥ 2॥
હ્રીંબીજં હૃદયત્રિકોણવિલસન્મધ્યાસનસ્થં સદા
ચાકાશાનલવામલોચનનિશાનાથાર્ધવર્ણાત્મકમ્ ।
માયાકાર્યજગત્પ્રકાશકમુમારૂપં સ્વશક્તિપ્રદં
માયાતીતપદપ્રદં હૃદિ ભજે લોકેશ્વરારાધિતમ્ ॥ 3॥
ક્લીંબીજં કલિધાતુવત્કલયતાં સર્વેષ્ટદં દેહિનાં
ધાતૃક્ષ્માયુતશાંતિબિંદુવિલસદ્વર્ણાત્મકં કામદમ્ ।
શ્રીકૃષ્ણપ્રિયમિંદિરાસુતમનઃપ્રીત્યેકહેતું પરં
હૃત્પદ્મે કલયે સદા કલિહરં કાલારિપુત્રપ્રિયમ્ ॥ 4॥
ગ્લૌંબીજં ગુણરૂપનિર્ગુણપરબ્રહ્માદિશક્તેર્મહા-
હંકારાકૃતિદંડિનીપ્રિયમજશ્રીનાથરુદ્રેષ્ટદમ્ ।
સર્વાકર્ષિણિદેવરાજભુવનાર્ણેંદ્વાત્મકં શ્રીકરં
ચિત્તે વિઘ્નનિવારણાય ગિરિજજાતપ્રિયં ભાવયે ॥ 5॥
ગંગાસુતં ગંધમુખોપચારપ્રિયં ખગારોહણભાગિનેયમ્ ।
ગંગાસુતાદ્યં વરગંધતત્ત્વમૂલાંબુજસ્થં હૃદિ ભાવયેઽહમ્ ॥ 6॥
ગણપતયે વરગુણનિધયે સુરગણપતયે નતજનતતયે ।
મણિગણભૂષિતચરણયુગાશ્રિતમલહરણે ચણ તે નમઃ ॥ 7॥
વરાભયે મોદકમેકદંતં કરાંબુજાતૈઃ સતતં ધરંતમ્ ।
વરાંગચંદ્રં પરભક્તિસાંદ્રૈર્જનૈર્ભજંતં કલયે સદાઽંતઃ ॥ 8॥
વરદ નતજનાનાં સંતતં વક્રતુંડ
સ્વરમયનિજગાત્ર સ્વાત્મબોધૈકહેતો ।
કરલસદમૃતાંભોપૂર્ણપત્રાદ્ય મહ્યં
ગરગલસુત શીઘ્રં દેહિ મદ્બોધમીડ્યમ્ ॥ 9॥
સર્વજનં પરિપાલય શર્વજ
પર્વસુધાકરગર્વહર ।
પર્વતનાથસુતાસુત પાલય
ખર્વં મા કુરુ દીનમિમમ્ ॥ 10 ॥
મેદોઽસ્થિમાંસરુધિરાંત્રમયે શરીરે
મેદિન્યબગ્નિમરુદંબરલાસ્યમાને ।
મે દારુણં મદમુખાઘમુમાજ હૃત્વા
મેધાહ્વયાસનવરે વસ દંતિવક્ત્ર ॥ 11॥
વશં કુરુ ત્વં શિવજાત માં તે વશીકૃતાશેષસમસ્તલોક ।
વસાર્ણસંશોભિતમૂલપદ્મલસચ્છ્રિયાઽલિઙ્તવારણાસ્ય ॥ 12॥
આનયાશુપદવારિજાંતિકં માં નયાદિગુણવર્જિતં તવ ।
હાનિહીનપદજામૃતસ્ય તે પાનયોગ્યમિભવક્ત્ર માં કુરુ ॥ 13॥
સ્વાહાસ્વરૂપેણ વિરાજસે ત્વં સુધાશનાનાં પ્રિયકર્મણીડ્યમ્ ।
સ્વધાસ્વરૂપેણ તુ પિત્ર્યકર્મણ્યુમાસુતેજ્યામયવિશ્વમૂર્તે ॥ 14॥
અષ્ટાવિંશતિવર્ણપત્રલસિતં હારં ગણેશપ્રિયં
કષ્ટાઽનિષ્ટહરં ચતુર્દશપદૈઃ પુષ્પૈર્મનોહારકમ્ ।
તુષ્ટ્યાદિપ્રદસદ્ગુરુત્તમપદાંભોજે ચિદાનંદદં
શિષ્ટેષ્ટોઽહમનંતસૂત્રહૃદયાઽઽબદ્ધં સુભક્ત્યાઽર્પયે ॥ 15॥
॥ ઇતિ શ્રીઅનંતાનંદકૃતં શ્રીગુરુચિદાનંદનાથસમર્પિતં
શ્રીમહાગણપતિમૂલમંત્રમાલાસ્તોત્રમ્ ॥
