સુવર્ણ વર્ણ સુંદરં સિતૈક દંત-બંધુરં
ગૃહીત પાશ-મંકુશં વરપ્રદા-ઽભયપ્રધમ્ ।
ચતુર્ભુજં ત્રિલોચનં ભુજંગ-મોપવીતિનં
પ્રફુલ્લ વારિજાસનં ભજામિ સિંધુરાનનમ્ ॥
કિરીટ હાર કુંડલં પ્રદીપ્ત બાહુ ભૂષણં
પ્રચંડ રત્ન કંકણં પ્રશોભિતાંઘ્રિ-યષ્ટિકમ્ ।
પ્રભાત સૂર્ય સુંદરાંબર-દ્વય પ્રધારિણં
સરત્ન હેમનૂપુર પ્રશોભિતાંઘ્રિ-પંકજમ્ ॥
સુવર્ણ દંડ મંડિત પ્રચંડ ચારુ ચામરં
ગૃહ પ્રતીર્ણ સુંદરં યુગક્ષણ પ્રમોદિતમ્ ।
કવીંદ્ર ચિત્તરંજકં મહા વિપત્તિ ભંજકં
ષડક્ષર સ્વરૂપિણં ભજેદ્ગજેંદ્ર રૂપિણમ્ ॥
વિરિંચિ વિષ્ણુ વંદિતં વિરુપલોચન સ્તુતિં
ગિરીશ દર્શનેચ્છયા સમાર્પિતં પરાશાયા ।
નિરંતરં સુરાસુરૈઃ સુપુત્ર વામલોચનૈઃ
મહામખેષ્ટ-મિષ્ટ-કર્મનુ ભજામિ તુંદિલમ્ ॥
મદૌઘ લુબ્ધ ચંચલાર્ક મંજુ ગુંજિતા રવં
પ્રબુદ્ધ ચિત્તરંજકં પ્રમોદ કર્ણચાલકમ્ ।
અનન્ય ભક્તિ માનનં પ્રચંડ મુક્તિ દાયકં
નમામિ નિત્ય-માદરેણ વક્રતુંડ નાયકમ્ ॥
દારિદ્ર્ય વિદ્રાવણ માશુ કામદં
સ્તોત્રં પઠેદેત-દજસ્ર-માદરાત્ ।
પુત્રી કળત્ર સ્વજનેષુ મૈત્રી
પુમાન્-ભવે-દેકદંત વરપ્રાસાદાત્ ॥
ઇતિ શ્રીમચ્છંકરાચાર્ય વિરચિતં દારિદ્ર્ય દહન ગણપતિ સ્તોત્રં સંપૂર્ણમ્ ॥
