ಪೂರ್ವಾಂಗ ಪೂಜಾ
ಶುಚಿಃ
ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ ।
ಯಃ ಸ್ಮರೇತ್ ಪುಂಡರೀಕಾಕ್ಷಂ ಸ ಬಾಹ್ಯಾಭ್ಯಂತರಃ ಶುಚಿಃ ॥
ಪುಂಡರೀಕಾಕ್ಷ ಪುಂಡರೀಕಾಕ್ಷ ಪುಂಡರೀಕಾಕ್ಷಾಯ ನಮಃ ॥

ಪ್ರಾರ್ಥನಾ
ಶುಕ್ಲಾಂಬರಧರಂ-ವಿಁಷ್ಣುಂ ಶಶಿವರ್ಣಂ ಚತುರ್ಭುಜಮ್ ।
ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾಂತಯೇ ॥
ಅಗಜಾನನ ಪದ್ಮಾರ್ಕಂ ಗಜಾನನಮಹರ್ನಿಶಮ್ ।
ಅನೇಕದಂ ತಂ ಭಕ್ತಾನಾಂ ಏಕದಂತಮುಪಾಸ್ಮಹೇ ॥

ದೇ॒ವೀಂ-ವಾಁಚ॑ಮಜನಯಂತ ದೇ॒ವಾಸ್ತಾಂ-ವಿಁ॒ಶ್ವರೂ॑ಪಾಃ ಪ॒ಶವೋ॑ ವದಂತಿ ।
ಸಾ ನೋ॑ ಮಂ॒ದ್ರೇಷ॒ಮೂರ್ಜಂ॒ ದುಹಾ॑ನಾ ಧೇ॒ನುರ್ವಾಗ॒ಸ್ಮಾನುಪ॒ ಸುಷ್ಟು॒ತೈತು॑ ॥

ಯಃ ಶಿವೋ ನಾಮ ರೂಪಾಭ್ಯಾಂ-ಯಾಁ ದೇವೀ ಸರ್ವಮಂಗಳಾ ।
ತಯೋಃ ಸಂಸ್ಮರಣಾನ್ನಿತ್ಯಂ ಸರ್ವದಾ ಜಯ ಮಂಗಳಮ್ ॥

ತದೇವ ಲಗ್ನಂ ಸುದಿನಂ ತದೇವ
ತಾರಾಬಲಂ ಚಂದ್ರಬಲಂ ತದೇವ ।
ವಿದ್ಯಾಬಲಂ ದೈವಬಲಂ ತದೇವ
ಲಕ್ಷ್ಮೀಪತೇ ತೇಽಂಘ್ರಿಯುಗಂ ಸ್ಮರಾಮಿ ॥

ಗುರುರ್ಬ್ರಹ್ಮಾ ಗುರುರ್ವಿಷ್ಣುಃ ಗುರುರ್ದೇವೋ ಮಹೇಶ್ವರಃ ।
ಗುರುಃ ಸಾಕ್ಷಾತ್ ಪರಬ್ರಹ್ಮ ತಸ್ಮೈ ಶ್ರೀಗುರವೇ ನಮಃ ॥

ಲಾಭಸ್ತೇಷಾಂ ಜಯಸ್ತೇಷಾಂ ಕುತಸ್ತೇಷಾಂ ಪರಾಭವಃ ।
ಏಷಾಮಿಂದೀವರಶ್ಯಾಮೋ ಹೃದಯಸ್ಥೋ ಜನಾರ್ದನಃ ॥

ಸರ್ವಮಂಗಳ ಮಾಂಗಳ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಶರಣ್ಯೇ ತ್ರ್ಯಂಬಕೇ ಗೌರೀ ನಾರಾಯಣಿ ನಮೋಽಸ್ತು ತೇ ॥

ಶ್ರೀಲಕ್ಷ್ಮೀನಾರಾಯಣಾಭ್ಯಾಂ ನಮಃ ।
ಉಮಾಮಹೇಶ್ವರಾಭ್ಯಾಂ ನಮಃ ।
ವಾಣೀಹಿರಣ್ಯಗರ್ಭಾಭ್ಯಾಂ ನಮಃ ।
ಶಚೀಪುರಂದರಾಭ್ಯಾಂ ನಮಃ ।
ಅರುಂಧತೀವಸಿಷ್ಠಾಭ್ಯಾಂ ನಮಃ ।
ಶ್ರೀಸೀತಾರಾಮಾಭ್ಯಾಂ ನಮಃ ।
ಮಾತಾಪಿತೃಭ್ಯೋ ನಮಃ ।
ಸರ್ವೇಭ್ಯೋ ಮಹಾಜನೇಭ್ಯೋ ನಮಃ ।

ಕರ್ಪೂರ ಗೌರಂ ಕರುಣಾವತಾರಂ
ಸಂಸಾರಸಾರಂ ಭುಜಗೇಂದ್ರ ಹಾರಮ್ ।
ಸದಾ ರಮಂತಂ ಹೃದಯಾರವಿಂದೇ
ಭವಂ ಭವಾನೀ ಸಹಿತಂ ನಮಾಮಿ ॥ 1

ವಾಗರ್ಥಾವಿವ ಸಂಪೃಕ್ತೌ ವಾಗರ್ಥ ಪ್ರತಿಪತ್ತಯೇ ।
ಜಗತಃ ಪಿತರೌ ವಂದೇ ಪಾರ್ವತೀ ಪರಮೇಶ್ವರೌ ॥

ವಂದೇ ಮಹೇಶಂ ಸುರಸಿದ್ಧಸೇವಿತಂ
ದೇವಾಂಗನಾ ಗೀತ ಸುನೃತ್ಯ ತುಷ್ಟಮ್ ।
ಪರ್ಯಂಕಗಂ ಶೈಲಸುತಾಸಮೇತಂ
ಕಲ್ಪದ್ರುಮಾರಣ್ಯಗತಂ ಪ್ರಸನ್ನಮ್ ॥ 2

ಧ್ಯಾಯೇನ್ನಿತ್ಯಂ ಮಹೇಶಂ ರಜತಗಿರಿನಿಭಂ ಚಾರುಚಂದ್ರಾವತಂಸಂ
ರತ್ನಕಲ್ಪೋಜ್ಜ್ವಲಾಂಗಂ ಪರಶುವರಮೃಗಾಭೀತಿ ಹಸ್ತಂ ಪ್ರಸನ್ನಮ್ ।
ಪದ್ಮಾಸೀನಂ ಸಮಂತಾತ್ ಸ್ತುತಮಮರಗಣೈರ್ವ್ಯಾಘ್ರಕೃತ್ತಿಂ-ವಁಸಾನಂ
ವಿಶ್ವಾದ್ಯಂ-ವಿಁಶ್ವವಂದ್ಯಂ ನಿಖಿಲ ಭಯಹರಂ ಪಂಚವಕ್ತ್ರಂ ತ್ರಿನೇತ್ರಮ್ ॥ 3

ದೀಪಾರಾಧನಂ
ದೀಪಸ್ತ್ವಂ ಬ್ರಹ್ಮರೂಪೋಽಸಿ ಜ್ಯೋತಿಷಾಂ ಪ್ರಭುರವ್ಯಯಃ ।
ಸೌಭಾಗ್ಯಂ ದೇಹಿ ಪುತ್ರಾಂಶ್ಚ ಸರ್ವಾನ್ಕಾಮಾಂಶ್ಚ ದೇಹಿ ಮೇ ॥
ಭೋ ದೀಪ ದೇವಿ ರೂಪಸ್ತ್ವಂ ಕರ್ಮಸಾಕ್ಷೀ ಹ್ಯವಿಘ್ನಕೃತ್ ।
ಯಾವತ್ಪೂಜಾಂ ಕರಿಷ್ಯಾಮಿ ತಾವತ್ತ್ವಂ ಸುಸ್ಥಿರೋ ಭವ ॥
ದೀಪಾರಾಧನ ಮುಹೂರ್ತಃ ಸುಮುಹೂರ್ತೋಽಸ್ತು ॥
ಪೂಜಾರ್ಥೇ ಹರಿದ್ರಾ ಕುಂಕುಮ ವಿಲೇಪನಂ ಕರಿಷ್ಯೇ ॥

ಆಚಮ್ಯ
ಓಂ ಕೇಶವಾಯ ಸ್ವಾಹಾ ।
ಓಂ ನಾರಾಯಣಾಯ ಸ್ವಾಹಾ ।
ಓಂ ಮಾಧವಾಯ ಸ್ವಾಹಾ ।
ಓಂ ಗೋವಿಂದಾಯ ನಮಃ ।
ಓಂ-ವಿಁಷ್ಣವೇ ನಮಃ ।
ಓಂ ಮಧುಸೂದನಾಯ ನಮಃ ।
ಓಂ ತ್ರಿವಿಕ್ರಮಾಯ ನಮಃ ।
ಓಂ-ವಾಁಮನಾಯ ನಮಃ ।
ಓಂ ಶ್ರೀಧರಾಯ ನಮಃ ।
ಓಂ ಹೃಷೀಕೇಶಾಯ ನಮಃ ।
ಓಂ ಪದ್ಮನಾಭಾಯ ನಮಃ ।
ಓಂ ದಾಮೋದರಾಯ ನಮಃ ।
ಓಂ ಸಂಕರ್​ಷಣಾಯ ನಮಃ ।
ಓಂ-ವಾಁಸುದೇವಾಯ ನಮಃ ।
ಓಂ ಪ್ರದ್ಯುಮ್ನಾಯ ನಮಃ ।
ಓಂ ಅನಿರುದ್ಧಾಯ ನಮಃ ।
ಓಂ ಪುರುಷೋತ್ತಮಾಯ ನಮಃ ।
ಓಂ ಅಧೋಕ್ಷಜಾಯ ನಮಃ ।
ಓಂ ನಾರಸಿಂಹಾಯ ನಮಃ ।
ಓಂ ಅಚ್ಯುತಾಯ ನಮಃ ।
ಓಂ ಜನಾರ್ದನಾಯ ನಮಃ ।
ಓಂ ಉಪೇಂದ್ರಾಯ ನಮಃ ।
ಓಂ ಹರಯೇ ನಮಃ ।
ಓಂ ಶ್ರೀಕೃಷ್ಣಾಯ ನಮಃ ।

ಭೂತೋಚ್ಚಾಟನಂ
ಉತ್ತಿಷ್ಠಂತು ಭೂತಪಿಶಾಚಾಃ ಯ ಏತೇ ಭೂಮಿ ಭಾರಕಾಃ ।
ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥
ಅಪಸರ್ಪಂತು ತೇ ಭೂತಾ ಯೇ ಭೂತಾ ಭೂಮಿಸಂಸ್ಥಿತಾಃ ।
ಯೇ ಭೂತಾ ವಿಘ್ನಕರ್ತಾರಸ್ತೇ ಗಚ್ಛಂತು ಶಿವಾಽಜ್ಞಯಾ ॥

ಪ್ರಾಣಾಯಾಮಂ
ಓಂ ಭೂಃ ಓಂ ಭುವಃ॑ ಓಗ್‍ಂ ಸುವಃ॑ ಓಂ ಮಹಃ॑ ಓಂ ಜನಃ॑ ಓಂ ತಪಃ॑ ಓಗ್‍ಂ ಸತ್ಯಮ್ ।
ಓಂ ತತ್ಸ॑ವಿತು॒ರ್ವರೇ᳚ಣ್ಯಂ॒ ಭ॒ರ್ಗೋ॑ ದೇ॒ವಸ್ಯ॑ ಧೀ॒ಮಹಿ ।
ಧಿಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ ।
ಓಮಾಪೋ॒ ಜ್ಯೋತೀ॒ ರಸೋ॒ಽಮೃತಂ॒ ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಮ್ ॥

ಸಂಕಲ್ಪಂ
ಮಮೋಪಾತ್ತ ಸಮಸ್ತ ದುರಿತಕ್ಷಯದ್ವಾರಾ ಶ್ರೀ ಪರಮೇಶ್ವರ ಪ್ರೀತ್ಯರ್ಥಂ,
ಶುಭೇ ಶೋಭನೇ ಮುಹೂರ್ತೇ ಆದ್ಯಬ್ರಹ್ಮಣಃ ದ್ವಿತೀಯ ಪರಾರ್ಧೇ ಶ್ವೇತವರಾಹ ಕಲ್ಪೇ ವೈವಸ್ವತ ಮನ್ವಂತರೇ ಅಷ್ಟಾವಿಂಶತಿ ತಮೇ ಕಲಿಯುಗೇ ಪ್ರಥಮೇ ಪಾದೇ ಜಂಬೂದ್ವೀಪೇ ಭಾರತವರ್​ಷೇ ಭರತಖಂಡೇ ಮೇರೋಃ ದಕ್ಷಿಣೇ ಪಾರ್​ಶ್ವೇ ಶಕಾಬ್ದೇ ಅಸ್ಮಿನ್ ವರ್ತಮಾನೇ ವ್ಯವಹಾರಿಕೇ ಪ್ರಭವಾದಿ ಷಷ್ಠ್ಯಾಃ ಸಂ​ವಁಥ್ಸರಾಣಾಂ ಮದ್ಧ್ಯೇ ......... ನಾಮಸಂ​ವಁಥ್ಸರೇ ......ಽಯನೇ .......... ಋತೌ ........ ಮಾಸೇ ............ಪಕ್ಷೇ .......... ಶುಭತಿಥೌ. .............. ವಾಸರಯುಕ್ತಾಯಾಂ ............. ನಕ್ಷತ್ರಯುಕ್ತಾಯಾಂ, ಶುಭಯೋಗ ಶುಭಕರಣ ಏವಂ ಗುಣ ಸಕಲ ವಿಶೇಷಣ ವಿಶಿಷ್ಟಾಯಾಂ ಅಸ್ಯಾಂ ...........ಶುಭತಿಥೌ ಮಮೋಪಾತ್ತ ಸಮಸ್ತ ದುರಿತಕ್ಷಯದ್ವಾರಾ ಶ್ರೀ ಪರಮೇಶ್ವರ ಪ್ರೀತ್ಯರ್ಥಂ .......... ನಕ್ಷತ್ರೇ .......ರಾಶೌ ಜಾತಸ್ಯ ..........ಶರ್ಮಣಃ ಮಮ .......... ನಕ್ಷತ್ರೇ ...............ರಾಶೌ .............ಜಾತಯಾಃ ಮಮ ಧರ್ಮಪತ್ನ್ಯಾಶ್ಚ ಆವಯೋಃ ಸಕುಢುಂಬಾಯೋಃ ............... ಸಪುತ್ರಕಯೋಃ ಸಬಂಧುವರ್ಗಯೋಃ ಸಾಶ್ರಿತ-ಜನಯೋಶ್ಚ ಕ್ಷೇಮ-ಸ್ಥೈರ್ಯ-ವೀರ್ಯ-ವಿಜಯ, ಆಯುರಾರೋಗ್ಯ-ಐಶ್ವರ್ಯಾಣಾಂ ಅಭಿವೃದ್ಧ್ಯರ್ಥಂ, ಧರ್ಮಾರ್ಥ-ಕಾಮ-ಮೋಕ್ಷ-ಚತುರ್ವಿಧ ಫಲಪುರುಷಾರ್ಥ ಸಿದ್ಧ್ಯರ್ಥಂ, ಸರ್ವಾರಿಷ್ಟ ಶಾಂತ್ಯರ್ಥಂ, ಸರ್ವಾಭೀಷ್ಟ ಸಿದ್ಧ್ಯರ್ಥಂ, ಸಪರಿವಾರ ಸೋಮಾಸ್ಕಂದ ಪರಮೇಶ್ವರ ಚರಣಾರವಿಂದಯೋಃ ಅಚಂಚಲ-ನಿಷ್ಕಪಟ-ಭಕ್ತಿ ಸಿದ್ಧ್ಯರ್ಥಂ , ಯಾವಚ್ಛಕ್ತಿ ಪರಿವಾರ ಸಹಿತ ರುದ್ರವಿಧಾನೇನ ಧ್ಯಾನ-ಆವಾಹನಾದಿ-ಷೋಡಶೋಪಚಾರ-ಪೂಜಾ ಪುರಸ್ಸರಂ ಮಹಾನ್ಯಾಸಜಪ (ಲಘುನ್ಯಾಸಜಪ) ರುದ್ರಾಭಿಷೇಕ-ಅರ್ಚ್ಚನಾದಿ ಸಹಿತ ಸಾಂಬಶಿವ ಪೂಜಾಂ ಕರಿಷ್ಯೇ ।
ತದಂಗಂ ಕಲಶ-ಶಂಖ-ಆತ್ಮ-ಪೀಠ-ಪೂಜಾಂ ಚ ಕರಿಷ್ಯೇ । (ದ್ವಿ)

(ನಿರ್ವಿಘ್ನ ಪೂಜಾ ಪರಿಸಮಾಪ್ತ್ಯರ್ಥಂ ಆದೌ ಶ್ರೀಮಹಾಗಣಪತಿ ಪೂಜಾಂ ಕರಿಷ್ಯೇ ।)
ಶ್ರೀ ಮಹಾಗಣಪತಿ ಪೂಜಾ ॥

ತದಂಗ ಕಲಶಾರಾಧನಂ ಕರಿಷ್ಯೇ ।

ಕಲಶಾರಾಧನಂ
ಕಲಶೇ ಗಂಧ ಪುಷ್ಪಾಕ್ಷತೈರಭ್ಯರ್ಚ್ಯ ।
ಕಲಶೇ ಉದಕಂ ಪೂರಯಿತ್ವಾ ।
ಕಲಶಸ್ಯೋಪರಿ ಹಸ್ತಂ ನಿಧಾಯ ।

ಕಲಶಸ್ಯ ಮುಖೇ ವಿಷ್ಣುಃ ಕಂಠೇ ರುದ್ರಃ ಸಮಾಶ್ರಿತಃ ।
ಮೂಲೇ ತ್ವಸ್ಯ ಸ್ಥಿತೋ ಬ್ರಹ್ಮಾ ಮಧ್ಯೇ ಮಾತೃಗಣಾಃ ಸ್ಮೃತಾ ॥

ಕುಕ್ಷೌ ತು ಸಾಗರಾಃ ಸರ್ವೇ ಸಪ್ತದ್ವೀಪಾ ವಸುಂಧರಾ ।
ಋಗ್ವೇದೋಽಥ ಯಜುರ್ವೇದೋ ಸಾಮವೇದೋ ಹ್ಯಥರ್ವಣಃ ॥
ಅಂಗೈಶ್ಚ ಸಹಿತಾಃ ಸರ್ವೇ ಕಲಶಾಂಬು ಸಮಾಶ್ರಿತಾಃ ।

ಓಂ ಆಕ॒ಲಶೇ᳚ಷು ಧಾವತಿ ಪ॒ವಿತ್ರೇ॒ ಪರಿ॑ಷಿಚ್ಯತೇ ।
ಉ॒ಕ್ಥೈರ್ಯ॒ಜ್ಞೇಷು॑ ವರ್ಧತೇ ।

ಆಪೋ॒ ವಾ ಇ॒ದಗ್‍ಂ ಸರ್ವಂ॒-ವಿಁಶ್ವಾ॑ ಭೂ॒ತಾನ್ಯಾಪಃ॑
ಪ್ರಾ॒ಣಾ ವಾ ಆಪಃ॑ ಪ॒ಶವ॒ ಆಪೋಽನ್ನ॒ಮಾಪೋಽಮೃ॑ತ॒ಮಾಪಃ॑
ಸ॒ಮ್ರಾಡಾಪೋ॑ ವಿ॒ರಾಡಾಪಃ॑ ಸ್ವ॒ರಾಡಾಪ॒ಶ್ಛಂದಾ॒ಗ್॒‍ಸ್ಯಾಪೋ॒
ಜ್ಯೋತೀ॒ಗ್॒‍ಷ್ಯಾಪೋ॒ ಯಜೂ॒ಗ್॒‍ಷ್ಯಾಪಃ॑ ಸ॒ತ್ಯಮಾಪಃ॒
ಸರ್ವಾ॑ ದೇ॒ವತಾ॒ ಆಪೋ॒ ಭೂರ್ಭುವಃ॒ ಸುವ॒ರಾಪ॒ ಓಮ್ ॥

ಗಂಗೇ ಚ ಯಮುನೇ ಚೈವ ಗೋದಾವರೀ ಸರಸ್ವತೀ ।
ನರ್ಮದೇ ಸಿಂಧು ಕಾವೇರೀ ಜಲೇಽಸ್ಮಿನ್ ಸನ್ನಿಧಿಂ ಕುರು ॥
ಕಾವೇರೀ ತುಂಗಭದ್ರಾ ಚ ಕೃಷ್ಣವೇಣೀ ಚ ಗೌತಮೀ ।
ಭಾಗೀರಥೀತಿ ವಿಖ್ಯಾತಾಃ ಪಂಚಗಂಗಾಃ ಪ್ರಕೀರ್ತಿತಾಃ ॥

ಆಯಾಂತು ಶ್ರೀ ಶಿವಪೂಜಾರ್ಥಂ ಮಮ ದುರಿತಕ್ಷಯಕಾರಕಾಃ ।
ಓಂ ಭೂರ್ಭುವಸ್ಸುವೋ ಭೂರ್ಭುವಸ್ಸುವೋ ಭೂರ್ಭುವಸ್ಸುವಃ ॥
ಓಂ ಓಂ ಓಂ ಕಲಶೋದಕೇನ ಪೂಜಾ ದ್ರವ್ಯಾಣಿ ಸಂಪ್ರೋಕ್ಷ್ಯ,
ದೇವಂ ಸಂಪ್ರೋಕ್ಷ್ಯ, ಆತ್ಮಾನಂ ಚ ಸಂಪ್ರೋಕ್ಷ್ಯ ॥

ಪಂಚಕಲಶ ಸ್ಥಾಪನಂ
ಪಶ್ಚಿಮಂ
ಸ॒ದ್ಯೋ ಜಾ॒ತಂ ಪ್ರ॑ಪದ್ಯಾ॒ಮಿ॒ ಸ॒ದ್ಯೋ ಜಾ॒ತಾಯ॒ ವೈ ನಮೋ॒ ನಮಃ॑ । ಭ॒ವೇ ಭ॑ವೇ॒
ನಾತಿ॑ಭವೇ ಭವಸ್ವ॒ ಮಾಮ್ । ಭ॒ವೋದ್ಭ॑ವಾಯ॒ ನಮಃ॑ ॥ ಓಂ ಭೂರ್ಭುವ॒ಸ್ಸುವ॒ರೋಮ್ ।
ಅಸ್ಮಿನ್ ಪಶ್ಚಿಮಕಲಶೇ ಸದ್ಯೋಜಾತಂ ಧ್ಯಾಯಾಮಿ । ಆವಾಹಯಾಮಿ ।

ಉತ್ತರಂ
ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮಃ॑ ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮಃ॒ ಕಾಲಾ॑ಯ॒ ನಮಃ॒ ಕಲ॑ವಿಕರಣಾಯ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮಃ॒ ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮಃ॑ । ಓಂ ಭೂರ್ಭುವ॒ಸ್ಸುವ॒ರೋಮ್ । ಅಸ್ಮಿನ್ ಉತ್ತರಕಲಶೇ ವಾಮದೇವಂ ಧ್ಯಾಯಾಮಿ । ಆವಾಹಯಾಮಿ ।

ದಕ್ಷಿಣಂ
ಅ॒ಘೋರೇ᳚ಭ್ಯೋ ಽಥ॒ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ । ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒
ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥ ಓಂ ಭೂರ್ಭುವ॒ಸ್ಸುವ॒ರೋಮ್ ।
ಅಸ್ಮಿನ್ ದಕ್ಷಿಣಕಲಶೇ ಅಘೋರಂ ಧ್ಯಾಯಾಮಿ । ಆವಾಹಯಾಮಿ ।

ಪೂರ್ವಂ
ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ । ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಓಂ ಭೂರ್ಭುವ॒ಸ್ಸುವ॒ರೋಮ್ । ಅಸ್ಮಿನ್ ಪೂರ್ವಕಲಶೇ ತತ್ಪುರುಷಂ ಧ್ಯಾಯಾಮಿ । ಆವಾಹಯಾಮಿ ।

ಮದ್ಧ್ಯಮಂ
ಈಶಾನಃ ಸರ್ವ॑ವಿದ್ಯಾ॒ನಾ॒-ಮೀಶ್ವರಃ ಸರ್ವ॑ಭೂತಾ॒ನಾಂ॒ ಬ್ರಹ್ಮಾಧಿ॑ಪತಿ॒ ರ್ಬ್ರಹ್ಮ॒ಣೋಽಧಿ॑ಪತಿ॒ ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿವೋಮ್ ॥ ಓಂ ಭೂರ್ಭುವ॒ಸ್ಸುವ॒ರೋಮ್ ।
ಅಸ್ಮಿನ್ ಮದ್ಧ್ಯಮ ಕಲಶೇ ಈಶಾನಂ ಧ್ಯಾಯಾಮಿ । ಆವಾಹಯಾಮಿ ।

ಪ್ರಾಣಪ್ರತಿಷ್ಠಾ
ಓಂ ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷುಃ॒
ಪುನಃ॑ ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ᳚ಮ್ ।
ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರಂ᳚ತ॒
ಮನು॑ಮತೇ ಮೃ॒ಡಯಾ᳚ ನಃ ಸ್ವ॒ಸ್ತಿ ॥
ಅ॒ಮೃತಂ॒-ವೈಁ ಪ್ರಾ॒ಣಾ ಅ॒ಮೃತ॒ಮಾಪಃ॑
ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ಹ್ವಯತೇ ॥

ಸ್ವಾಮಿನ್ ಸರ್ವಜಗನ್ನಾಥ ಯಾವತ್ ಪೂಜಾವಸಾನಕಮ್ ।
ತಾವತ್ ತ್ವಂ ಪ್ರೀತಿಭಾವೇನ ಲಿಂಗೇಽಸ್ಮಿನ್ ಸಂನ್ನಿಧಿಂ ಕುರು ॥

ಓಂ ತ್ರ್ಯಂ॑ಬಕಂ-ಯಁಜಾಮಹೇ ಸುಗಂ॒ಧಿಂ ಪು॑ಷ್ಟಿ॒ ವರ್ಧ॑ನಮ್ ।
ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ᳚ತ್ ॥

ಆವಾಹಿತೋ ಭವ । ಸ್ಥಾಪಿತೋ ಭವ । ಸನ್ನಿಹಿತೋ ಭವ । ಸನ್ನಿರುದ್ಧೋ ಭವ । ಅವಕುಂಠಿತೋ ಭವ । ಸುಪ್ರೀತೋ ಭವ । ಸುಪ್ರಸನ್ನೋ ಭವ । ವರದೋ ಭವ ।
ಸ್ವಾಗತಂ ಅಸ್ತು । ಪ್ರಸೀದ ಪ್ರಸೀದ ।

ಲಘುನ್ಯಾಸಂ / ಮಹಾನ್ಯಾಸಮ್ ॥

ಧ್ಯಾನಂ
ಕೈಲಾಸೇ ಕಮನೀಯ ರತ್ನ ಖಚಿತೇ ಕಲ್ಪದ್ರುಮೂಲೇ ಸ್ಥಿತಂ
ಕರ್ಪೂರ ಸ್ಫಟಿಕೇಂದು ಸುಂದರ ತನುಂ ಕಾತ್ಯಾಯನೀ ಸೇವಿತಮ್ ।
ಗಂಗೋತ್ತುಂಗ ತರಂಗ ರಂಜಿತ ಜಟಾ ಭಾರಂ ಕೃಪಾಸಾಗರಂ
ಕಂಠಾಲಂಕೃತ ಶೇಷಭೂಷಣಮಹಂ ಮೃತ್ಯುಂಜಯಂ ಭಾವಯೇ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಧ್ಯಾಯಾಮಿ ।

ಆವಾಹನಂ (ಓಂ ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ)
ಓಂಕಾರಾಯ ನಮಸ್ತುಭ್ಯಂ ಓಂಕಾರಪ್ರಿಯ ಶಂಕರ ।
ಆವಾಹನಂ ಗೃಹಾಣೇದಂ ಪಾರ್ವತೀಪ್ರಿಯ ವಲ್ಲಭ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಆವಾಹಯಾಮಿ ।

ಆಸನಂ (ಓಂ ಸ॒ದ್ಯೋಜಾ॒ತಾಯ॒ವೈ ನಮೋ॒ ನಮಃ॑)
ನಮಸ್ತೇ ಗಿರಿಜಾನಾಥ ಕೈಲಾಸಗಿರಿ ಮಂದಿರ ।
ಸಿಂಹಾಸನಂ ಮಯಾ ದತ್ತಂ ಸ್ವೀಕುರುಷ್ವ ಉಮಾಪತೇ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ನವರತ್ನ ಖಚಿತ ಹೇಮ ಸಿಂಹಾಸನಂ ಸಮರ್ಪಯಾಮಿ ।

ಪಾದ್ಯಂ (ಓಂ ಭವೇ ಭ॑ವೇ॒ನ)
ಮಹಾದೇವ ಜಗನ್ನಾಥ ಭಕ್ತಾನಾಮಭಯಪ್ರದ ।
ಪಾದ್ಯಂ ಗೃಹಾಣ ದೇವೇಶ ಮಮ ಸೌಖ್ಯಂ-ವಿಁವರ್ಧಯ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ ।

ಅರ್ಘ್ಯಂ (ಓಂ ಅತಿ॑ ಭವೇ ಭವಸ್ವ॒ಮಾಂ)
ಶಿವಾಪ್ರಿಯ ನಮಸ್ತೇಸ್ತು ಪಾವನಂ ಜಲಪೂರಿತಮ್ ।
ಅರ್ಘ್ಯಂ ಗೃಹಾಣ ಭಗವನ್ ಗಾಂಗೇಯ ಕಲಶಸ್ಥಿತಮ್ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ।

ಆಚಮನಂ (ಓಂ ಭ॒ವೋದ್ಭ॑ವಾಯ॒ ನಮಃ)
ವಾಮಾದೇವ ಸುರಾಧೀಶ ವಂದಿತಾಂಘ್ರಿ ಸರೋರುಹ ।
ಗೃಹಾಣಾಚಮನಂ ದೇವ ಕರುಣಾ ವರುಣಾಲಯ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಮುಖೇ ಆಚಮನೀಯಂ ಸಮರ್ಪಯಾಮಿ ।

ಮಧುಪರ್ಕಂ
ಯಮಾಂತಕಾಯ ಉಗ್ರಾಯ ಭೀಮಾಯ ಚ ನಮೋ ನಮಃ ।
ಮಧುಪರ್ಕಂ ಪ್ರದಾಸ್ಯಾಮಿ ಗೃಹಾಣ ತ್ವಮುಮಾಪತೇ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಮಧುಪರ್ಕಂ ಸಮರ್ಪಯಾಮಿ ।

ಪಂಚಾಮೃತ ಸ್ನಾನಂ
1. ಆಪ್ಯಾಯಸ್ಯೇತಿ ಕ್ಷೀರಂ (milk) –
ಓಂ ಆಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑ಸ್ಸೋಮ॒ ವೃಷ್ಣಿ॑ಯಮ್ ।
ಭವಾ॒ ವಾಜ॑ಸ್ಯ ಸಂಗ॒ಥೇ ॥
ಕ್ಷೀರೇಣ ಸ್ನಪಯಾಮಿ ॥

2. ದಧಿಕ್ರಾವ್ಣೋ ಇತಿ ದಧಿ (yogurt) –
ಓಂ ದ॒ಧಿ॒ಕ್ರಾವ್ಣೋ॑ ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನಃ॑ ।
ಸು॒ರ॒ಭಿ ನೋ॒ ಮುಖಾ॑ ಕರ॒ತ್ಪ್ರಾಣ॒ ಆಯೂಗ್ಂ॑ಷಿ ತಾರಿಷತ್ ॥
ದಧ್ನಾ ಸ್ನಪಯಾಮಿ ॥

3. ಶುಕ್ರಮಸೀತಿ ಆಜ್ಯಂ (ghee) –
ಓಂ ಶು॒ಕ್ರಮ॑ಸಿ॒ ಜ್ಯೋತಿ॑ರಸಿ॒ ತೇಜೋ॑ಸಿ ದೇ॒ವೋವ॑ಸ್ಸವಿ॒ತೋತ್ಪು॑ನಾ॒ತು
ಅಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒ಸ್ಸೂರ್ಯ॑ಸ್ಯ ರ॒ಶ್ಮಿಭಿಃ॑ ।
ಆಜ್ಯೇನ ಸ್ನಪಯಾಮಿ ॥

4. ಮಧುವಾತಾ ಋತಾಯತೇ ಇತಿ ಮಧು (honey) –
ಓಂ ಮಧು॒ವಾತಾ॑ ಋತಾಯ॒ತೇ ಮಧು॑ಕ್ಷರಂತಿ॒ ಸಿಂಧ॑ವಃ ।
ಮಾಧ್ವೀ᳚ರ್ನಃ ಸಂ॒ತ್ವೌಷ॑ಧೀಃ ।
ಮಧು॒ನಕ್ತ॑ಮು॒ತೋಷ॑ಸಿ॒ ಮಧು॑ಮ॒ತ್ಪಾರ್ಥಿ॑ವ॒ಗ್ಂ॒ ರಜಃ॑ ।
ಮಧು॒ದ್ಯೌರ॑ಸ್ತು ನಃ ಪಿ॒ತಾ ।
ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಗ್‍ಂ ಅಸ್ತು॒ ಸೂರ್ಯಃ॑ ।
ಮಾಧ್ವೀ॒ರ್ಗಾವೋ॑ ಭವಂತು ನಃ ।
ಮಧುನಾ ಸ್ನಪಯಾಮಿ ॥

5. ಸ್ವಾದುಃ ಪವಸ್ಯೇತಿ ಶರ್ಕರಾ (sugar) –
ಓಂ ಸ್ವಾ॒ದುಃ ಪ॑ವಸ್ವ ದಿ॒ವ್ಯಾಯ॒ ಜನ್ಮ॑ನೇ ।
ಸ್ವಾ॒ದುರಿಂದ್ರಾ᳚ಯ ಸು॒ಹವೀ᳚ತು ನಾಮ್ನೇ ।
ಸ್ವಾ॒ದುರ್ಮಿ॒ತ್ರಾಯ॒ ವರು॑ಣಾಯ ವಾ॒ಯವೇ॒ ।
ಬೃಹ॒ಸ್ಪತ॑ಯೇ॒ ಮಧು॑ಮಾಂ॒ ಅದಾ᳚ಭ್ಯಃ ।
ಶರ್ಕರೇಣ ಸ್ನಪಯಾಮಿ ॥

ಫಲೋದಕಂ (coconut water)
ಯಾಃ ಫ॒ಲಿನೀ॒ರ್ಯಾ ಅ॑ಫ॒ಲಾ ಅ॑ಪು॒ಷ್ಪಾಯಾಶ್ಚ॑ ಪು॒ಷ್ಪಿಣೀಃ॑ ।
ಬೃಹ॒ಸ್ಪತಿ॑ ಪ್ರಸೂತಾ॒ಸ್ತಾನೋ॑ ಮುನ್ಚಂ॒ತ್ವಗ್‍ಂ ಹ॑ಸಃ ॥
ಫಲೋದಕೇನ ಸ್ನಪಯಾಮಿ ॥

ಶುದ್ಧೋದಕ ಸ್ನಾನಂ – (ಓಂ-ವಾಁಮದೇವಾಯ ನಮಃ)
ಓಂಕಾರ ಪ್ರೀತ ಮನಸೇ ನಮೋ ಬ್ರಹ್ಮಾರ್ಚಿತಾಂಘ್ರಯೇ ।
ಸ್ನಾನಂ ಸ್ವೀಕುರು ದೇವೇಶ ಮಯಾನೀತಂ ನದೀ ಜಲಮ್ ॥
ನಮ॑ಶ್ಶಂ॒ಭವೇ॑ ಚ ಮಯೋ॒ಭವೇ॑ಚ॒ ನಮ॑ಶ್ಶಂಕ॒ರಾಯ॑ ಚ
ಮಯಸ್ಕ॒ರಾಯ॑ ಚ॒ ನಮ॑ಶ್ಶಿ॒ವಾಯ॑ ಚ ಶಿ॒ವತ॑ರಾಯ ಚ ॥

ರುದ್ರಪ್ರಶ್ನಃ – ನಮಕಮ್ ॥
ರುದ್ರಪ್ರಶ್ನಃ – ಚಮಕಮ್ ॥
ಪುರುಷ ಸೂಕ್ತಮ್ ॥
ಶ್ರೀ ಸೂಕ್ತಮ್ ॥

ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ।
ಸ್ನಾನಾನಂತರಂ ಆಚಮನೀಯಂ ಸಮರ್ಪಯಾಮಿ ।

ವಸ್ತ್ರಂ – (ಓಂ ಜ್ಯೇ॒ಷ್ಠಾಯ॒ ನಮಃ)
ನಮೋ ನಾಗವಿಭೂಷಾಯ ನಾರದಾದಿ ಸ್ತುತಾಯ ಚ ।
ವಸ್ತ್ರಯುಗ್ಮಂ ಪ್ರದಾಸ್ಯಾಮಿ ಪಾರ್ಥಿವೇಶ್ವರ ಸ್ವೀಕುರು ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ವಸ್ತ್ರಯುಗ್ಮಂ ಸಮರ್ಪಯಾಮಿ ।
(ವಸ್ತ್ರಾರ್ಥಂ ಅಕ್ಷತಾನ್ ಸಮರ್ಪಯಾಮಿ)

ಯಜ್ಞೋಪವೀತಂ – (ಓಂ ಶ್ರೇ॒ಷ್ಠಾಯ॒ ನಮಃ)
ಯಜ್ಞೇಶ ಯಜ್ಞವಿಧ್ವಂಸ ಸರ್ವದೇವ ನಮಸ್ಕೃತ ।
ಯಜ್ಞಸೂತ್ರಂ ಪ್ರದಾಸ್ಯಾಮಿ ಶೋಭನಂ ಚೋತ್ತರೀಯಕಮ್ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಯಜ್ಞೋಪವೀತಂ ಸಮರ್ಪಯಾಮಿ ।
(ಉಪವೀತಾರ್ಥಂ ಅಕ್ಷತಾನ್ ಸಮರ್ಪಯಾಮಿ)

ಆಭರಣಂ – (ಓಂ ರು॒ದ್ರಾಯ॒ ನಮಃ)
ನಾಗಾಭರಣ ವಿಶ್ವೇಶ ಚಂದ್ರಾರ್ಧಕೃತಮಸ್ತಕ ।
ಪಾರ್ಥಿವೇಶ್ವರ ಮದ್ದತ್ತಂ ಗೃಹಾಣಾಭರಣಂ-ವಿಁಭೋ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಆಭರಣಂ ಸಮರ್ಪಯಾಮಿ ।

ಗಂಧಂ – (ಓಂ ಕಾಲಾ॑ಯ॒ ನಮಃ॑)
ಶ್ರೀ ಗಂಧಂ ತೇ ಪ್ರಯಚ್ಛಾಮಿ ಗೃಹಾಣ ಪರಮೇಶ್ವರ ।
ಕಸ್ತೂರಿ ಕುಂಕುಮೋಪೇತಂ ಶಿವಾಶ್ಲಿಷ್ಟ ಭುಜದ್ವಯ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಶ್ರೀಗಂಧಾದಿ ಪರಿಮಳ ದ್ರವ್ಯಂ ಸಮರ್ಪಯಾಮಿ ।

ಅಕ್ಷತಾನ್ – (ಓಂ ಕಲ॑ವಿಕರಣಾಯ॒ ನಮಃ)
ಅಕ್ಷತಾನ್ ಧವಳಾನ್ ದಿವ್ಯಾನ್ ಶಾಲಿ ತುಂಡುಲ ಮಿಶ್ರಿತಾನ್ ।
ಅಕ್ಷತೋಸಿ ಸ್ವಭಾವೇನ ಸ್ವೀಕುರುಷ್ವ ಮಹೇಶ್ವರ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಧವಳಾಕ್ಷತಾನ್ ಸಮರ್ಪಯಾಮಿ ।

ಪುಷ್ಪಂ – (ಓಂ ಬಲ॑ ವಿಕರಣಾಯ॒ ನಮಃ)
ಸುಗಂಧೀನಿ ಸುಪುಷ್ಪಾಣಿ ಜಾಜೀಬಿಲ್ವಾರ್ಕ ಚಂಪಕೈಃ ।
ನಿರ್ಮಿತಂ ಪುಷ್ಪಮಾಲಂಚ ನೀಲಕಂಠ ಗೃಹಾಣ ಭೋ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಪುಷ್ಪ ಬಿಲ್ವದಳಾನಿ ಸಮರ್ಪಯಾಮಿ ।

ಅಥಾಂಗ ಪೂಜಾ
ಓಂ ಮಹೇಶ್ವರಾಯ ನಮಃ – ಪಾದೌ ಪೂಜಯಾಮಿ ।
ಓಂ ಈಶ್ವರಾಯ ನಮಃ – ಜಂಘೌ ಪೂಜಯಾಮಿ ।
ಓಂ ಕಾಮರೂಪಾಯ ನಮಃ – ಜಾನುನೀ ಪೂಜಯಾಮಿ ।
ಓಂ ಹರಾಯ ನಮಃ – ಊರೂ ಪೂಜಯಾಮಿ ।
ಓಂ ತ್ರಿಪುರಾಂತಕಾಯ ನಮಃ – ಗುಹ್ಯಂ ಪೂಜಯಾಮಿ ।
ಓಂ ಭವಾಯ ನಮಃ – ಕಟಿಂ ಪೂಜಯಾಮಿ ।
ಓಂ-ವ್ಯಾಁಘ್ರಚರ್ಮಾಂಬರಧರಾಯ ನಮಃ – ನಾಭಿಂ ಪೂಜಯಾಮಿ ।
ಓಂ ಕುಕ್ಷಿಸ್ಥ ಬ್ರಹಾಂಡಾಯ ನಮಃ – ಉದರಂ ಪೂಜಯಾಮಿ ।
ಓಂ ಗೌರೀ ಮನಃ ಪ್ರಿಯಾಯ ನಮಃ – ಹೃದಯಂ ಪೂಜಯಾಮಿ ।
ಓಂ ಪಿನಾಕಿನೇ ನಮಃ – ಹಸ್ತೌ ಪೂಜಯಾಮಿ ।
ಓಂ ನಾಗಾವೃತಭುಜದಂಡಾಯ ನಮಃ – ಭುಜೌ ಪೂಜಯಾಮಿ ।
ಓಂ ಶ್ರೀಕಂಠಾಯ ನಮಃ – ಕಂಠಂ ಪೂಜಯಾಮಿ ।
ಓಂ-ವಿಁರೂಪಾಕ್ಷಾಯ ನಮಃ – ಮುಖಂ ಪೂಜಯಾಮಿ ।
ಓಂ ತ್ರಿನೇತ್ರಾಯ ನಮಃ – ನೇತ್ರಾಣಿ ಪೂಜಯಾಮಿ ।
ಓಂ ರುದ್ರಾಯ ನಮಃ – ಲಲಾಟಂ ಪೂಜಯಾಮಿ ।
ಓಂ ಶರ್ವಾಯ ನಮಃ – ಶಿರಃ ಪೂಜಯಾಮಿ ।
ಓಂ ಚಂದ್ರಮೌಳಯೇ ನಮಃ – ಮೌಳಿಂ ಪೂಜಯಾಮಿ ।
ಓಂ ಅರ್ಧನಾರೀಶ್ವರಾಯ ನಮಃ – ತನುಂ ಪೂಜಯಾಮಿ ।
ಓಂ ಶ್ರೀ ಉಮಾಮಹೇಶ್ವರಾಯ ನಮಃ – ಸರ್ವಾಣ್ಯಂಗಾನಿ ಪೂಜಯಾಮಿ ।

ಅಷ್ಟೋತ್ತರಶತನಾಮ ಪೂಜಾ
ಓಂ ಶಿವಾಯ ನಮಃ
ಓಂ ಮಹೇಶ್ವರಾಯ ನಮಃ
ಓಂ ಶಂಭವೇ ನಮಃ
ಓಂ ಪಿನಾಕಿನೇ ನಮಃ
ಓಂ ಶಶಿಶೇಖರಾಯ ನಮಃ
ಓಂ-ವಾಁಮದೇವಾಯ ನಮಃ
ಓಂ-ವಿಁರೂಪಾಕ್ಷಾಯ ನಮಃ
ಓಂ ಕಪರ್ದಿನೇ ನಮಃ
ಓಂ ನೀಲಲೋಹಿತಾಯ ನಮಃ
ಓಂ ಶಂಕರಾಯ ನಮಃ (10)

ಓಂ ಶೂಲಪಾಣಯೇ ನಮಃ
ಓಂ ಖಟ್ವಾಂಗಿನೇ ನಮಃ
ಓಂ-ವಿಁಷ್ಣುವಲ್ಲಭಾಯ ನಮಃ
ಓಂ ಶಿಪಿವಿಷ್ಟಾಯ ನಮಃ
ಓಂ ಅಂಬಿಕಾನಾಥಾಯ ನಮಃ
ಓಂ ಶ್ರೀಕಂಠಾಯ ನಮಃ
ಓಂ ಭಕ್ತವತ್ಸಲಾಯ ನಮಃ
ಓಂ ಭವಾಯ ನಮಃ
ಓಂ ಶರ್ವಾಯ ನಮಃ
ಓಂ ತ್ರಿಲೋಕೇಶಾಯ ನಮಃ (20)

ಓಂ ಶಿತಿಕಂಠಾಯ ನಮಃ
ಓಂ ಶಿವಾಪ್ರಿಯಾಯ ನಮಃ
ಓಂ ಉಗ್ರಾಯ ನಮಃ
ಓಂ ಕಪಾಲಿನೇ ನಮಃ
ಓಂ ಕಾಮಾರಯೇ ನಮಃ
ಓಂ ಅಂಧಕಾಸುರ ಸೂದನಾಯ ನಮಃ
ಓಂ ಗಂಗಾಧರಾಯ ನಮಃ
ಓಂ-ಲಁಲಾಟಾಕ್ಷಾಯ ನಮಃ
ಓಂ ಕಾಲಕಾಲಾಯ ನಮಃ
ಓಂ ಕೃಪಾನಿಧಯೇ ನಮಃ (30)

ಓಂ ಭೀಮಾಯ ನಮಃ
ಓಂ ಪರಶುಹಸ್ತಾಯ ನಮಃ
ಓಂ ಮೃಗಪಾಣಯೇ ನಮಃ
ಓಂ ಜಟಾಧರಾಯ ನಮಃ
ಓಂ ಕೈಲಾಸವಾಸಿನೇ ನಮಃ
ಓಂ ಕವಚಿನೇ ನಮಃ
ಓಂ ಕಠೋರಾಯ ನಮಃ
ಓಂ ತ್ರಿಪುರಾಂತಕಾಯ ನಮಃ
ಓಂ-ವೃಁಷಾಂಕಾಯ ನಮಃ
ಓಂ-ವೃಁಷಭಾರೂಢಾಯ ನಮಃ (40)

ಓಂ ಭಸ್ಮೋದ್ಧೂಳಿತ ವಿಗ್ರಹಾಯ ನಮಃ
ಓಂ ಸಾಮಪ್ರಿಯಾಯ ನಮಃ
ಓಂ ಸ್ವರಮಯಾಯ ನಮಃ
ಓಂ ತ್ರಯೀಮೂರ್ತಯೇ ನಮಃ
ಓಂ ಅನೀಶ್ವರಾಯ ನಮಃ
ಓಂ ಸರ್ವಜ್ಞಾಯ ನಮಃ
ಓಂ ಪರಮಾತ್ಮನೇ ನಮಃ
ಓಂ ಸೋಮಸೂರ್ಯಾಗ್ನಿ ಲೋಚನಾಯ ನಮಃ
ಓಂ ಹವಿಷೇ ನಮಃ
ಓಂ-ಯಁಜ್ಞಮಯಾಯ ನಮಃ (50)

ಓಂ ಸೋಮಾಯ ನಮಃ
ಓಂ ಪಂಚವಕ್ತ್ರಾಯ ನಮಃ
ಓಂ ಸದಾಶಿವಾಯ ನಮಃ
ಓಂ-ವಿಁಶ್ವೇಶ್ವರಾಯ ನಮಃ
ಓಂ-ವೀಁರಭದ್ರಾಯ ನಮಃ
ಓಂ ಗಣನಾಥಾಯ ನಮಃ
ಓಂ ಪ್ರಜಾಪತಯೇ ನಮಃ
ಓಂ ಹಿರಣ್ಯರೇತಸೇ ನಮಃ
ಓಂ ದುರ್ಧರ್​ಷಾಯ ನಮಃ
ಓಂ ಗಿರೀಶಾಯ ನಮಃ (60)

ಓಂ ಗಿರಿಶಾಯ ನಮಃ
ಓಂ ಅನಘಾಯ ನಮಃ
ಓಂ ಭುಜಂಗ ಭೂಷಣಾಯ ನಮಃ
ಓಂ ಭರ್ಗಾಯ ನಮಃ
ಓಂ ಗಿರಿಧನ್ವನೇ ನಮಃ
ಓಂ ಗಿರಿಪ್ರಿಯಾಯ ನಮಃ
ಓಂ ಕೃತ್ತಿವಾಸಸೇ ನಮಃ
ಓಂ ಪುರಾರಾತಯೇ ನಮಃ
ಓಂ ಭಗವತೇ ನಮಃ
ಓಂ ಪ್ರಮಥಾಧಿಪಾಯ ನಮಃ (70)

ಓಂ ಮೃತ್ಯುಂಜಯಾಯ ನಮಃ
ಓಂ ಸೂಕ್ಷ್ಮತನವೇ ನಮಃ
ಓಂ ಜಗದ್ವ್ಯಾಪಿನೇ ನಮಃ
ಓಂ ಜಗದ್ಗುರವೇ ನಮಃ
ಓಂ-ವ್ಯೋಁಮಕೇಶಾಯ ನಮಃ
ಓಂ ಮಹಾಸೇನ ಜನಕಾಯ ನಮಃ
ಓಂ ಚಾರುವಿಕ್ರಮಾಯ ನಮಃ
ಓಂ ರುದ್ರಾಯ ನಮಃ
ಓಂ ಭೂತಪತಯೇ ನಮಃ
ಓಂ ಸ್ಥಾಣವೇ ನಮಃ (80)

ಓಂ ಅಹಿರ್ಬುಧ್ನ್ಯಾಯ ನಮಃ
ಓಂ ದಿಗಂಬರಾಯ ನಮಃ
ಓಂ ಅಷ್ಟಮೂರ್ತಯೇ ನಮಃ
ಓಂ ಅನೇಕಾತ್ಮನೇ ನಮಃ
ಓಂ ಸಾತ್ತ್ವಿಕಾಯ ನಮಃ
ಓಂ ಶುದ್ಧವಿಗ್ರಹಾಯ ನಮಃ
ಓಂ ಶಾಶ್ವತಾಯ ನಮಃ
ಓಂ ಖಂಡಪರಶವೇ ನಮಃ
ಓಂ ಅಜಾಯ ನಮಃ
ಓಂ ಪಾಶವಿಮೋಚಕಾಯ ನಮಃ (90)

ಓಂ ಮೃಡಾಯ ನಮಃ
ಓಂ ಪಶುಪತಯೇ ನಮಃ
ಓಂ ದೇವಾಯ ನಮಃ
ಓಂ ಮಹಾದೇವಾಯ ನಮಃ
ಓಂ ಅವ್ಯಯಾಯ ನಮಃ
ಓಂ ಹರಯೇ ನಮಃ
ಓಂ ಪೂಷದಂತಭಿದೇ ನಮಃ
ಓಂ ಅವ್ಯಗ್ರಾಯ ನಮಃ
ಓಂ ದಕ್ಷಾಧ್ವರಹರಾಯ ನಮಃ
ಓಂ ಹರಾಯ ನಮಃ (100)

ಓಂ ಭಗನೇತ್ರಭಿದೇ ನಮಃ
ಓಂ ಅವ್ಯಕ್ತಾಯ ನಮಃ
ಓಂ ಸಹಸ್ರಾಕ್ಷಾಯ ನಮಃ
ಓಂ ಸಹಸ್ರಪಾದೇ ನಮಃ
ಓಂ ಅಪವರ್ಗಪ್ರದಾಯ ನಮಃ
ಓಂ ಅನಂತಾಯ ನಮಃ
ಓಂ ತಾರಕಾಯ ನಮಃ
ಓಂ ಪರಮೇಶ್ವರಾಯ ನಮಃ (108)

ಓಂ ನಿಧ॑ನಪತಯೇ॒ ನಮಃ । ಓಂ ನಿಧ॑ನಪತಾಂತಿಕಾಯ॒ ನಮಃ ।
ಓಂ ಊರ್ಧ್ವಾಯ॒ ನಮಃ । ಓಂ ಊರ್ಧ್ವಲಿಂಗಾಯ॒ ನಮಃ ।
ಓಂ ಹಿರಣ್ಯಾಯ॒ ನಮಃ । ಓಂ ಹಿರಣ್ಯಲಿಂಗಾಯ॒ ನಮಃ ।
ಓಂ ಸುವರ್ಣಾಯ॒ ನಮಃ । ಓಂ ಸುವರ್ಣಲಿಂಗಾಯ॒ ನಮಃ ।
ಓಂ ದಿವ್ಯಾಯ॒ ನಮಃ । ಓಂ ದಿವ್ಯಲಿಂಗಾಯ॒ ನಮಃ ।
ಓಂ ಭವಾಯ॒ ನಮಃ । ಓಂ ಭವಲಿಂಗಾಯ॒ ನಮಃ ।
ಓಂ ಶರ್ವಾಯ॒ ನಮಃ । ಓಂ ಶರ್ವಲಿಂಗಾಯ॒ ನಮಃ ।
ಓಂ ಶಿವಾಯ॒ ನಮಃ । ಓಂ ಶಿವಲಿಂಗಾಯ॒ ನಮಃ ।
ಓಂ ಜ್ವಲಾಯ॒ ನಮಃ । ಓಂ ಜ್ವಲಲಿಂಗಾಯ॒ ನಮಃ ।
ಓಂ ಆತ್ಮಾಯ॒ ನಮಃ । ಓಂ ಆತ್ಮಲಿಂಗಾಯ॒ ನಮಃ ।
ಓಂ ಪರಮಾಯ॒ ನಮಃ । ಓಂ ಪರಮಲಿಂಗಾಯ॒ ನಮಃ ।

ಓಂ ಭ॒ವಾಯ॑ ದೇ॒ವಾಯ॒ ನಮಃ
– ಓಂ ಭ॒ವಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮಃ॑ ।
ಓಂ ಶ॒ರ್ವಾಯ॑ ದೇ॒ವಾಯ॒ ನಮಃ
– ಓಂ ಶ॒ರ್ವಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮಃ॑ ।
ಓಂ ಈಶಾ॑ನಾಯ ದೇ॒ವಾಯ॒ ನಮಃ
– ಓಂ ಈಶಾ॑ನಸ್ಯ ದೇ॒ವಸ್ಯ॒ ಪತ್ನ್ಯೈ॒ ನಮಃ॑ ।
ಓಂ ಪಶು॒ಪತ॑ಯೇ ದೇ॒ವಾಯ॒ ನಮಃ
– ಓಂ ಪಶು॒ಪತೇ᳚ರ್ದೇ॒ವಸ್ಯ ಪತ್ನ್ಯೈ॒ ನಮಃ॑ ।
ಓಂ ರು॒ದ್ರಾಯ॑ ದೇ॒ವಾಯ॒ ನಮಃ
– ಓಂ ರು॒ದ್ರಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮಃ॑ ।
ಓಂ ಉ॒ಗ್ರಾಯ॑ ದೇ॒ವಾಯ॒ ನಮಃ
– ಓಂ ಉ॒ಗ್ರಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮಃ॑ ।
ಓಂ ಭೀ॒ಮಾಯ॑ ದೇ॒ವಾಯ॒ ನಮಃ
– ಓಂ ಭೀ॒ಮಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮಃ॑ ।
ಓಂ ಮಹ॑ತೇ ದೇ॒ವಾಯ॒ ನಮಃ
– ಓಂ ಮಹ॑ತೋ ದೇ॒ವಸ್ಯ॒ ಪತ್ನ್ಯೈ॒ ನಮಃ॑ ।

ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ನಾನಾ ವಿಧ ಪರಿಮಳ ಪತ್ರ ಪುಷ್ಪಾಕ್ಷತಾನ್ ಸಮರ್ಪಯಾಮಿ ।

ಧೂಪಂ – (ಓಂ ಬಲಾ॑ಯ॒ ನಮಃ)
ಧೂರ॑ಸಿ॒ ಧೂರ್ವ॒ ಧೂರ್ವಂ॑ತಂ॒ ಧೂರ್ವ॒ತಂ-ಯೋಁ᳚ಽಸ್ಮಾನ್ ಧೂರ್ವ॑ತಿ॒ ತಂ ಧೂ᳚ರ್ವ॒ಯಂ-ವಁ॒ಯಂ
ಧೂರ್ವಾ॑ಮ॒ಸ್ತ್ವಂ ದೇ॒ವಾನಾ॑ಮಸಿ॒ ಸಸ್ನಿ॑ತಮಂ॒ ಪಪ್ರಿ॑ತಮಂ॒ ಜುಷ್ಟ॑ತಮಂ॒-ವಁಹ್ನಿ॑ತಮಂ
ದೇವ॒ಹೂತ॑ಮ॒-ಮಹ್ರು॑ತಮಸಿ ಹವಿ॒ರ್ಧಾನಂ॒ ದೃಗ್ಂ ಹ॑ಸ್ವ॒ ಮಾಹ್ವಾ᳚ ರ್ಮಿ॒ತ್ರಸ್ಯ॑ ತ್ವಾ॒ ಚಕ್ಷು॑ಷಾ॒
ಪ್ರೇಕ್ಷೇ॒ ಮಾ ಭೇರ್ಮಾ ಸಂ​ವಿಁ॑ಕ್ತಾ॒ ಮಾ ತ್ವಾ॑ ಹಿಗ್ಂಸಿಷಮ್ ।
ಆವಾಹಿತಾಭ್ಯಃ ಸರ್ವಾಭ್ಯೋ ದೇವತಾಭ್ಯೋ ನಮಃ । ಧೂಪಮಾಘ್ರಾಪಯಾಮಿ ।

ದೀಪಂ – (ಓಂ ಬಲ॑ ಪ್ರಮಥನಾಯ॒ ನಮಃ)
ಉದ್ದೀ᳚ಪ್ಯಸ್ವ ಜಾತವೇದೋಽಪ॒ಘ್ನನ್ ನಿ​ಋ॑ತಿಂ॒ ಮಮ॑ । ಪ॒ಶುಗ್ಗ್​ಶ್ಚ॒ ಮಹ್ಯ॒ಮಾವ॑ಹ॒ ಜೀವ॑ನಂ ಚ॒ ದಿಶೋ॑ ದಿಶ । ಮಾನೋ॑ ಹಿಗ್ಂಸೀ-ಜ್ಜಾತವೇದೋ॒ ಗಾಮಶ್ವಂ॒ ಪುರು॑ಷಂ॒ ಜಗ॑ತ್ । ಅಬಿ॑ಭ್ರ॒ದಗ್ನ॒ ಆಗ॑ಹಿ ಶ್ರಿ॒ಯಾ ಮಾ॒ ಪರಿ॑ಪಾತಯ ।
ಆವಾಹಿತಾಭ್ಯಃ ಸರ್ವಾಭ್ಯೋ ದೇವತಾಭ್ಯೋ ನಮಃ । ಧೂಪಮಾಘ್ರಾಪಯಾಮಿ ।
ಧೂಪ ದೀಪಾನಂತರಂ ಶುದ್ಧಾಚಮನೀಯಂ ಸಮರ್ಪಯಾಮಿ ।

ನೈವೇದ್ಯಂ – (ಓಂ ಸರ್ವ॑ ಭೂತ ದಮನಾಯ॒ ನಮಃ)
ಓಂ ಭೂರ್ಭುವ॒ಸ್ಸುವಃ॒ । ತಥ್ಸ॑ವಿ॒ತು ರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿ॒ಯೋ ಯೋ ನಃ॑ ಪ್ರಚೋ॒ದಯಾ᳚ತ್ । ದೇವ ಸವಿತಃ ಪ್ರಸುವಃ ।
ಸತ್ಯಂ ತ್ವರ್ತೇನ ಪರಿಷಿಂಚಾಮಿ ।
(ಸಾಯಂಕಾಲೇ – ಋತಂ ತ್ವಾ ಸತ್ಯೇನ ಪರಿಷಿಂಚಾಮಿ)

ಅಮೃತಂ ಅಸ್ತು । ಅಮೃತೋಪಸ್ತರಣಮಸಿ ।
ಓಂ ಪ್ರಾಣಾಯ ಸ್ವಾಹಾಃ । ಓಂ ಅಪಾನಾಯ ಸ್ವಾಹಾಃ ।
ಓಂ-ವ್ಯಾಁನಾಯ ಸ್ವಾಹಾಃ । ಓಂ ಉದಾನಾಯ ಸ್ವಾಹಾಃ ।
ಓಂ ಸಮಾನಾಯ ಸ್ವಾಹಾಃ । ಓಂ ಬ್ರಹ್ಮಣೇ ಸ್ವಾಹಾಃ ।
ಮಧು॒ವಾತಾ॑ ಋತಾಯ॒ತೇ ಮಧು॑ಕ್ಷರಂತಿ॒ ಸಿಂಧ॑ವಃ ।
ಮಾದ್ಧ್ವೀ᳚ರ್ನಃ ಸಂ॒ತ್ವೋಷ॑ಧೀಃ । ಮಧು॒ನಕ್ತ॑ ಮು॒ತೋಷಸಿ॒ ಮಧು॑ಮ॒ತ್ ಪಾರ್ಥಿ॑ವ॒ಗ್ಂ॒ ರಜಃ॑ ।
ಮಧು॒ದ್ಯೌರ॑ಸ್ತು ನಃ ಪಿ॒ತಾ । ಮಧು॑ಮಾನ್ನೋ॒ ವನ॒ಸ್ಪತಿ॒ ರ್ಮಧು॑ಮಾಗ್ಂ ಅಸ್ತು॒ ಸೂರ್ಯಃ॑ ।
ಮಾಧ್ವೀ॒ರ್ಗಾವೋ॑ ಭವಂತು ನಃ ॥ ಮಧು ಮಧು ಮಧು ॥
ಆವಾಹಿತಾಭ್ಯಃ ಸರ್ವಾಭ್ಯೋ ದೇವತಾಭ್ಯೋ ನಮಃ ।
(ದಿವ್ಯಾನ್ನಂ, ಘೃತಗುಳಪಾಯಸಂ, ನಾಳಿಕೇರಖಂಡದ್ವಯಂ, ಕದಳೀಫಲಂ ...)
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ । ಮಹಾನೈವೇದ್ಯಂ ನಿವೇದಯಾಮಿ ।

ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ । ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಳಯಾಮಿ । ಪಾದೌ ಪ್ರಕ್ಷಾಳಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ।

ತಾಂಬೂಲಂ – (ಓಂ ಮ॒ನೋನ್ಮ॑ನಾಯ॒ ನಮಃ)
ಪೂಗೀಫಲಸಮಾಯುಕ್ತಂ ನಾಗವಲ್ಲೀದಳೈರ್ಯುತಮ್ ।
ಕರ್ಪೂರಚೂರ್ಣ ಸಂ​ಯುಁಕ್ತಂ ತಾಂಬೂಲಂ ಪ್ರತಿಗೃಹ್ಯತಾಮ್ ।
ಆವಾಹಿತಾಭ್ಯಃ ಸರ್ವಾಭ್ಯೋ ದೇವತಾಭ್ಯೋ ನಮಃ । ತಾಂಬೂಲಂ ನಿವೇದಯಾಮಿ ।
ತಾಂಬೂಲ ಚರ್ವಣಾನಂತರಂ ಶುದ್ಧ ಆಚಮನೀಯಂ ಸಮರ್ಪಯಾಮಿ ।

ನೀರಾಜನಂ
ಸೋಮೋ॒ ವಾ ಏ॒ತಸ್ಯ॑ ರಾ॒ಜ್ಯಮಾದ॑ತ್ತೇ । ಯೋ ರಾಜಾ॒ಸನ್ ರಾ॒ಜ್ಯೋ ವಾ॒ ಸೋಮೇ॑ನ॒
ಯಜ॑ತೇ । ದೇ॒ವ॒ ಸು॒ವಾಮೇ॒ತಾನಿ॑ ಹ॒ವಿಗ್ಂಷಿ॑ ಭವಂತಿ ।
ಏ॒ತಾವಂ॑ತೋ॒ ವೈ ದೇ॒ವಾನಾಗ್ಂ॑ ಸ॒ವಾಃ । ತ ಏ॒ವಾಸ್ಮೈ॑ ಸ॒ವಾನ್ ಪ್ರ॑ಯಚ್ಛಂತಿ ।
ತ ಏ॑ನಂ ಪು॒ನಃ ಸುವಂ॑ತೇ ರಾ॒ಜ್ಯಾಯ॑ । ದೇ॒ವ॒ಸೂ ರಾಜಾ॑ ಭವತಿ ।

ರಾ॒ಜಾ॒ಧಿ॒ರಾ॒ಜಾಯ॑ ಪ್ರಸಹ್ಯ ಸಾ॒ಹಿನೇ᳚ । ನಮೋ॑ ವ॒ಯಂ-ವೈಁ᳚ಶ್ರವ॒ಣಾಯ॑ ಕುರ್ಮಹೇ ।
ಸ ಮೇ॒ ಕಾಮಾ॒ನ್ ಕಾಮ॒ಕಾಮಾ॑ಯ॒ ಮಹ್ಯ᳚ಮ್ । ಕಾ॒ಮೇ॒ಶ್ವ॒ರೋ ವೈ᳚ಶ್ರವ॒ಣೋ ದ॑ದಾತು ।
ಕು॒ಬೇ॒ರಾಯ॑ ವೈಶ್ರವ॒ಣಾಯ॑ । ಮ॒ಹಾ॒ರಾ॒ಜಾಯ॒ ನಮಃ॑ ।

ಅ॒ಘೋರೇ᳚ಭ್ಯೋ ಽಥ॒ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ ।
ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥

ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥

ಈಶಾನಃ ಸರ್ವ॑ವಿದ್ಯಾ॒ನಾ॒-ಮೀಶ್ವರಃ ಸರ್ವ॑ಭೂತಾ॒ನಾಂ॒ ಬ್ರಹ್ಮಾಧಿ॑ಪತಿ॒ ರ್ಬ್ರಹ್ಮ॒ಣೋಽಧಿ॑ಪತಿ॒ ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿವೋಮ್ ॥

ನೀರಾಜನಮಿದಂ ದೇವ ಕರ್ಪೂರಾಮೋದ ಸಂ​ಯುಁತಮ್ ।
ಗೃಹಾಣ ಪರಮಾನಂದ ಹೇರಂಬ ವರದಾಯಕ ॥

ಆವಾಹಿತಾಭ್ಯಃ ಸರ್ವಾಭ್ಯೋ ದೇವತಾಭ್ಯೋ ನಮಃ । ಕರ್ಪೂರ ನೀರಾಜನಂ ದರ್​ಶಯಾಮಿ ।
ನೀರಾಜನಾನಂತರಂ ಶುದ್ಧ ಆಚಮನೀಯಂ ಸಮರ್ಪಯಾಮಿ ।

ಮಂತ್ರಪುಷ್ಪಂ

ಆತ್ಮರಕ್ಷಾ
ಬ್ರಹ್ಮಾ᳚ತ್ಮ॒ನ್ ವದ॑ಸೃಜತ । ತದ॑ಕಾಮಯತ । ಸಮಾ॒ತ್ಮನಾ॑ ಪದ್ಯೇ॒ಯೇತಿ॑ ।
ಆತ್ಮ॒ನ್ನಾ-ತ್ಮ॒ನ್ನಿತ್ಯಾ-ಮಂ॑ತ್ರಯತ । ತಸ್ಮೈ॑ ದಶ॒ಮಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ ।
ಸ ದಶ॑ಹೂತೋಽಭವತ್ । ದಶ॑ಹೂತೋ ಹ॒ವೈ ನಾಮೈ॒ಷಃ । ತಂ-ವಾಁ ಏ॒ತಂ ದಶ॑ಹೂತ॒ಗ್ಂ॒ ಸಂತ᳚ಮ್ ।
ದಶ॑ಹೋ॒ತೇತ್ಯಾ ಚ॑ಕ್ಷತೇ ಪ॒ರೋಕ್ಷೇ॑ಣ । ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ 1

ಆತ್ಮ॒ನ್ನಾ-ತ್ಮ॒ನ್ನಿತ್ಯಾ-ಮಂ॑ತ್ರಯತ । ತಸ್ಮೈ॑ ಸಪ್ತ॒ಮಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ ।
ಸ ಸ॒ಪ್ತಹೂ॑ತೋಽಭವತ್ । ಸ॒ಪ್ತಹೂ॑ತೋ ಹ॒ವೈ ನಾಮೈ॒ಷಃ । ತಂ-ವಾಁ ಏ॒ತಗ್ಂ ಸ॒ಪ್ತಹೂ॑ತ॒ಗ್ಂ॒ ಸಂತ᳚ಮ್ । ಸ॒ಪ್ತಹೋ॒ತೇತ್ಯಾ ಚ॑ಕ್ಷತೇ ಪ॒ರೋಕ್ಷೇ॑ಣ । ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ 2

ಆತ್ಮ॒ನ್ನಾ-ತ್ಮ॒ನ್ನಿತ್ಯಾ-ಮಂ॑ತ್ರಯತ । ತಸ್ಮೈ॑ ಷ॒ಷ್ಠಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ ।
ಸ ಷಡ್ಢೂ॑ತೋಽಭವತ್ । ಷಡ್ಢೂ॑ತೋ ಹ॒ವೈ ನಾಮೈ॒ಷಃ । ತಂ-ವಾಁ ಏ॒ತಗ್ಂ ಷಡ್ಢೂ॑ತ॒ಗ್ಂ॒ ಸಂತ᳚ಮ್ ।
ಷಡ್ಢೋ॒ತೇತ್ಯಾ ಚ॑ಕ್ಷತೇ ಪ॒ರೋಕ್ಷೇ॑ಣ । ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ 3

ಆತ್ಮ॒ನ್ನಾ-ತ್ಮ॒ನ್ನಿತ್ಯಾ-ಮಂ॑ತ್ರಯತ । ತಸ್ಮೈ॑ ಪಂಚ॒ಮಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ ।
ಸ ಪಂಚ॑ಹೂತೋಽಭವತ್ । ಪಂಚ॑ಹೂತೋ ಹ॒ವೈ ನಾಮೈ॒ಷಃ । ತಂ-ವಾಁ ಏ॒ತಂ ಪಂಚ॑ಹೂತ॒ಗ್ಂ॒ ಸಂತ᳚ಮ್ । ಪಂಚ॑ಹೋ॒ತೇತ್ಯಾ ಚ॑ಕ್ಷತೇ ಪ॒ರೋಕ್ಷೇ॑ಣ । ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ 4

ಆತ್ಮ॒ನ್ನಾ-ತ್ಮ॒ನ್ನಿತ್ಯಾ-ಮಂ॑ತ್ರಯತ । ತಸ್ಮೈ॑ ಚತು॒ರ್ಥಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ ।
ಸ ಚತು॑ರ್​ಹೂತೋಽಭವತ್ । ಚತು॑ರ್​ಹೂತೋ ಹ॒ವೈ ನಾಮೈ॒ಷಃ । ತಂ-ವಾಁ ಏ॒ತಂ ಚತು॑ರ್​ಹೂತ॒ಗ್ಂ॒
ಸಂತ᳚ಮ್ । ಚತು॑ರ್​ಹೋ॒ತೇತ್ಯಾ ಚ॑ಕ್ಷತೇ ಪ॒ರೋಕ್ಷೇ॑ಣ । ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ 5

ತಮ॑ಬ್ರವೀತ್ । ತ್ವಂ-ವೈಁ ಮೇ॒ ನೇದಿ॑ಷ್ಠಗ್ಂ ಹೂ॒ತಃ ಪ್ರತ್ಯ॑ಶ್ರೌಷೀಃ ।
ತ್ವಯೈ॑ ನಾನಾಖ್ಯಾ॒ತಾರ॒ ಇತಿ॑ । ತಸ್ಮಾ॒ನ್ನುಹೈ॑ನಾ॒ಗ್ಗ್॒-ಶ್ಚ॑ತು ರ್​ಹೋತಾರ॒ ಇತ್ಯಾಚ॑ಕ್ಷತೇ ।
ತಸ್ಮಾ᳚ಚ್ಛುಶ್ರೂ॒ಷುಃ ಪು॒ತ್ರಾಣಾ॒ಗ್ಂ॒ ಹೃದ್ಯ॑ತಮಃ । ನೇದಿ॑ಷ್ಠೋ॒ ಹೃದ್ಯ॑ತಮಃ ।
ನೇದಿ॑ಷ್ಠೋ॒ ಬ್ರಹ್ಮ॑ಣೋ ಭವತಿ । ಯ ಏ॒ವಂ-ವೇಁದ॑ ॥ 6 (ಆತ್ಮನೇ॒ ನಮಃ॑)

ಓಂ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಓಂ ಕಾ॒ತ್ಯಾ॒ಯ॒ನಾಯ॑ ವಿ॒ದ್ಮಹೇ॑ ಕನ್ಯಕು॒ಮಾರಿ॑ ಧೀಮಹಿ ।
ತನ್ನೋ॑ ದುರ್ಗಿಃ ಪ್ರಚೋ॒ದಯಾ᳚ತ್ ॥

ಯೋ॑ಽಪಾಂ ಪುಷ್ಪಂ॒-ವೇಁದ॑ । ಪುಷ್ಪ॑ವಾನ್ ಪ್ರ॒ಜಾವಾ᳚ನ್ ಪಶು॒ಮಾನ್ ಭ॑ವತಿ ।
ಚಂ॒ದ್ರಮಾ॒ ವಾ ಅ॒ಪಾಂ ಪುಷ್ಪ᳚ಮ್ । ಪುಷ್ಪ॑ವಾನ್ ಪ್ರ॒ಜಾವಾ᳚ನ್ ಪಶು॒ಮಾನ್ ಭ॑ವತಿ ।

ಓಂ᳚ ತದ್ಬ್ರ॒ಹ್ಮ । ಓಂ᳚ ತದ್ವಾ॒ಯುಃ । ಓಂ᳚ ತದಾ॒ತ್ಮಾ । ಓಂ᳚ ತಥ್ಸ॒ತ್ಯಮ್ ।
ಓಂ᳚ ತಥ್ಸರ್ವ᳚ಮ್ । ಓಂ᳚ ತತ್ಪುರೋ॒ರ್ನಮಃ ।

ಅಂತಶ್ಚರತಿ॑ ಭೂತೇ॒ಷು॒ ಗುಹಾಯಾಂ-ವಿಁ॑ಶ್ವಮೂ॒ರ್ತಿಷು । ತ್ವಂ-ಯಁಜ್ಞಸ್ತ್ವಂ-ವಁಷಟ್ಕಾರ ಸ್ತ್ವಮಿಂದ್ರಸ್ತ್ವಗ್ಂ ರುದ್ರಸ್ತ್ವಂ-ವಿಁಷ್ಣುಸ್ತ್ವಂ ಬ್ರಹ್ಮತ್ವಂ॑ ಪ್ರಜಾ॒ಪತಿಃ ।
ತ್ವಂ ತ॑ದಾಪ॒ ಆಪೋ॒ ಜ್ಯೋತೀ॒ರಸೋ॒ಽಮೃತಂ॒ ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಮ್ ।

ಆವಾಹಿತಾಭ್ಯಃ ಸರ್ವಾಭ್ಯೋ ದೇವತಾಭ್ಯೋ ನಮಃ ।
ಪಾದಾರವಿಂದಯೋಃ ದಿವ್ಯ ಸುವರ್ಣ ಮಂತ್ರ ಪುಷ್ಪಾಂಜಲಿಂ ಸಮರ್ಪಯಾಮಿ ।

ಚತುರ್ವೇದ ಪಾರಾಯಣಂ
ಓಮ್ । ಅ॒ಗ್ನಿಮೀ᳚ಳೇ ಪು॒ರೋಹಿ॑ತಂ-ಯಁ॒ಜ್ಞಸ್ಯ॑ ದೇ॒ವಮೃ॒ತ್ವಿಜ᳚ಮ್ । ಹೋತಾ᳚ರಂ ರತ್ನ॒ ಧಾತ॑ಮಮ್ ।

ಓಮ್ । ಇ॒ಷೇತ್ವೋ॒ರ್ಜೇತ್ವಾ॑ ವಾ॒ಯವಃ॑ ಸ್ಥೋ ಪಾ॒ಯವಃ॑ ಸ್ಥ ದೇ॒ವೋ ವ॑ಸ್ಸವಿ॒ತಾ ಪ್ರಾರ್ಪ॑ಯತು॒ ಶ್ರೇಷ್ಠ॑ತಮಾಯ॒ ಕರ್ಮ॑ಣೇ ।

ಓಮ್ । ಅಗ್ನ॒ ಆಯಾ॑ಹಿ ವೀ॒ತಯೇ॑ ಗೃಣಾ॒ನೋ ಹ॒ವ್ಯ ದಾ॑ತಯೇ ।
ನಿಹೋತಾ॑ ಸಥ್ಸಿ ಬ॒ರ್​ಹಿಷಿ॑ ।

ಓಮ್ । ಶನ್ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವಂತು ಪೀ॒ತಯೇ᳚ । ಶಂ​ಯೋಁರ॒ಭಿಸ್ರ॑ವಂತು ನಃ ॥

ಪ್ರದಕ್ಷಿಣಂ
ಈಶಾನಃ ಸರ್ವ॑ವಿದ್ಯಾ॒ನಾ॒ಮೀಶ್ವರಃ ಸರ್ವ॑ಭೂತಾ॒ನಾಂ॒
ಬ್ರಹ್ಮಾಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥

ಪದೇ ಪದೇ ಸರ್ವತಮೋ ನಿಕೃಂತನಂ
ಪದೇ ಪದೇ ಸರ್ವ ಶುಭಪ್ರದಾಯಕಮ್ ।
ಪ್ರಕ್ಷಿಣಂ ಭಕ್ತಿಯುತೇನ ಚೇತಸಾ
ಕರೋಮಿ ಮೃತ್ಯುಂಜಯ ರಕ್ಷ ರಕ್ಷ ಮಾಮ್ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಆತ್ಮಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ।

ಪ್ರಾರ್ಥನಾ
ನಮೋ ಹಿರಣ್ಯಬಾಹವೇ ಹಿರಣ್ಯವರ್ಣಾಯ ಹಿರಣ್ಯರೂಪಾಯ ಹಿರಣ್ಯಪತಯೇಽಂಬಿಕಾಪತಯ ಉಮಾಪತಯೇ ಪಶುಪತಯೇ॑ ನಮೋ॒ ನಮಃ ॥

ಅಥ ತರ್ಪಣಂ
ಭವಂ ದೇವಂ ತರ್ಪಯಾಮಿ
– ಭವಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಶರ್ವಂ ದೇವಂ ತರ್ಪಯಾಮಿ
– ಶರ್ವಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಈಶಾನಂ ದೇವಂ ತರ್ಪಯಾಮಿ
– ಈಶಾನಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಪಶುಪತಿಂ ದೇವಂ ತರ್ಪಯಾಮಿ
– ಪಶುಪತೇರ್ದೇವಸ್ಯ ಪತ್ನೀಂ ತರ್ಪಯಾಮಿ ।
ರುದ್ರಂ ದೇವಂ ತರ್ಪಯಾಮಿ
– ರುದ್ರಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಉಗ್ರಂ ದೇವಂ ತರ್ಪಯಾಮಿ
– ಉಗ್ರಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಭೀಮಂ ದೇವಂ ತರ್ಪಯಾಮಿ
– ಭೀಮಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಮಹಾಂತಂ ದೇವಂ ತರ್ಪಯಾಮಿ
– ಮಹತೋ ದೇವಸ್ಯ ಪತ್ನೀಂ ತರ್ಪಯಾಮಿ ।

ಇತಿ ತರ್ಪಯಿತ್ವಾ ಅಘೋರಾದಿಭಿಸ್ತ್ರಿಭಿರ್ಮಂತ್ರೈಃ ಘೋರ ತನೂರುಪತಿಷ್ಠತೇ ।

ಓಂ ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ ।
ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥
ಓಂ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಈಶಾನಸ್ಸ॑ರ್ವವಿದ್ಯಾ॒ನಾ॒ಮೀಶ್ವರಸ್ಸರ್ವ॑ಭೂತಾ॒ನಾಂ॒ ಬ್ರಹ್ಮಾಽಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥

ಇತಿ ಧ್ಯಾತ್ವಾ ರುದ್ರಗಾಯತ್ರೀಂ-ಯಁಥಾ ಶಕ್ತಿ ಜಪೇತ್ ।

ಓಂ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥

ಇತಿ ಜಪಿತ್ವಾ ಅಥೈನಮಾಶಿಷಮಾಶಾಸ್ತೇ ।

(ತೈ.ಬ್ರಾ.3-5-10-4)
ಆಶಾ᳚ಸ್ತೇ॒ಽಯಂ-ಯಁಜ॑ಮಾನೋ॒ಽಸೌ । ಆಯು॒ರಾಶಾ᳚ಸ್ತೇ ।
ಸು॒ಪ್ರ॒ಜಾ॒ಸ್ತ್ವಮಾಶಾ᳚ಸ್ತೇ । ಸ॒ಜಾ॒ತ॒ವ॒ನ॒ಸ್ಯಾಮಾಶಾ᳚ಸ್ತೇ ।
ಉತ್ತ॑ರಾಂ ದೇವಯ॒ಜ್ಯಾಮಾಶಾ᳚ಸ್ತೇ । ಭೂಯೋ॑ ಹವಿ॒ಷ್ಕರ॑ಣ॒ಮಾಶಾ᳚ಸ್ತೇ ।
ದಿ॒ವ್ಯಂ ಧಾಮಾಶಾ᳚ಸ್ತೇ । ವಿಶ್ವಂ॑ ಪ್ರಿ॒ಯಮಾಶಾ᳚ಸ್ತೇ ।
ಯದ॒ನೇನ॑ ಹ॒ವಿಷಾಽಽಶಾ᳚ಸ್ತೇ । ತದ॑ಸ್ಯಾ॒ತ್ತ॒ದೃ॑ಧ್ಯಾತ್ ।
ತದ॑ಸ್ಮೈ ದೇ॒ವಾ ರಾ॑ಸಂತಾಮ್ । ತದ॒ಗ್ನಿರ್ದೇ॒ವೋ ದೇ॒ವೇಭ್ಯೋ॒ ವನ॑ತೇ ।
ವ॒ಯಮ॒ಗ್ನೇರ್ಮಾನು॑ಷಾಃ । ಇ॒ಷ್ಟಂ ಚ॑ ವೀ॒ತಂ ಚ॑ ।
ಉ॒ಭೇ ಚ॑ ನೋ॒ ದ್ಯಾವಾ॑ಪೃಥಿ॒ವೀ ಅಗ್ಂಹ॑ಸಃ ಸ್ಪಾತಾಮ್ ।
ಇ॒ಹ ಗತಿ॑ರ್ವಾ॒ಮಸ್ಯೇ॒ದಂ ಚ॑ । ನಮೋ॑ ದೇ॒ವೇಭ್ಯಃ॑ ॥

ಉಪಚಾರಪೂಜಾಃ
ಪುನಃ ಪೂಜಾಂ ಕರಿಷ್ಯೇ । ಛತ್ರಮಾಚ್ಛಾದಯಾಮಿ ।
ಚಾಮರೈರ್ವೀಜಯಾಮಿ । ನೃತ್ಯಂ ದರ್​ಶಯಾಮಿ ।
ಗೀತಂ ಶ್ರಾವಯಾಮಿ । ಆಂದೋಳಿಕಾನಾರೋಹಯಾಮಿ ।
ಅಶ್ವಾನಾರೋಹಯಾಮಿ । ಗಜಾನಾರೋಹಯಾಮಿ ।
ಸಮಸ್ತ ರಾಜೋಪಚಾರ ದೇವೋಪಚಾರ ಭಕ್ತ್ಯುಪಚಾರ ಶಕ್ತ್ಯುಪಚಾರ ಮಂತ್ರೋಪಚಾರ ಪೂಜಾಸ್ಸಮರ್ಪಯಾಮಿ ॥

ಲಿಂಗಾಷ್ಟಕಮ್ ॥
ಬಿಲ್ವಾಷ್ಟಕಮ್ ॥

ಕ್ಷಮಾಪ್ರಾರ್ಥನ
ಕರಚರಣಕೃತಂ-ವಾಁಕ್ಕಾಯಜಂ ಕರ್ಮಜಂ-ವಾಁ
ಶ್ರವಣನಯನಜಂ-ವಾಁ ಮಾನಸಂ-ವಾಁಽಪರಾಧಮ್ ।
ವಿಹಿತಮವಿಹಿತಂ-ವಾಁ ಸರ್ವಮೇತತ್ಕ್ಷ್ಮಸ್ವ
ಶಿವ ಶಿವ ಕರುಣಾಬ್ಧೇ ಶ್ರೀಮಹಾದೇವ ಶಂಭೋ ॥ 18॥

ಯಸ್ಯ ಸ್ಮೃತ್ಯಾ ಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು ।
ನ್ಯೂನಂ ಸಂಪೂರ್ಣತಾಂ-ಯಾಁತಿ ಸದ್ಯೋವಂದೇ ಮಹೇಶ್ವರಮ್ ॥
ಮಂತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಮಹೇಶ್ವರ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥

ಅನಯಾ ಸದ್ಯೋಜಾತ ವಿಧಿನಾ ಧ್ಯಾನಾವಹನಾದಿ ಷೋಡಶೋಪಚಾರ ಪೂಜಯಾ ಭಗವಾನ್ ಸರ್ವಾತ್ಮಕಃ ಶ್ರೀ ಉಮಾಮಹೇಶ್ವರಸ್ವಾಮೀ ಸುಪ್ರೀತಃ ಸುಪ್ರಸನ್ನೋ ವರದೋ ಭವತು ।
ಏತತ್ಫಲಂ ಪರಮೇಶ್ವರಾರ್ಪಣಮಸ್ತು ॥
ಉತ್ತರತಶ್ಚಂಡೀಶ್ವರಾಯ ನಮಃ ನಿರ್ಮಾಲ್ಯಂ-ವಿಁಸೃಜ್ಯ ॥

ತೀರ್ಥಂ
ಅಕಾಲಮೃತ್ಯುಹರಣಂ ಸರ್ವವ್ಯಾಧಿ ನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ಶಿವಪಾದೋದಕಂ ಪಾವನಂ ಶುಭಮ್ ॥
ಇತಿ ತ್ರಿವಾರಂ ಪೀತ್ವಾ ಶಿವ ನಿರ್ಮಾಲ್ಯ ರೂಪ ಬಿಲ್ವದಳಂ-ವಾಁ ದಕ್ಷಿಣೇ ಕರ್ಣೇ ಧಾರಯೇತ್ ।

ಓಂ ಶಾಂತಿಃ ಶಾಂತಿಃ ಶಾಂತಿಃ ॥