അസ്യ ശ്രീവാരാഹീകവചസ്യ ത്രിലോചന ഋഷിഃ, അനുഷ്ടുപ് ഛംദഃ, ശ്രീവാരാഹീ ദേവതാ, ഓം ബീജം, ഗ്ലൌം ശക്തിഃ, സ്വാഹേതി കീലകം, മമ സർവശത്രുനാശനാര്ഥേ ജപേ വിനിയോഗഃ ॥

ധ്യാനമ് ।
ധ്യാത്വേംദ്രനീലവര്ണാഭാം ചംദ്രസൂര്യാഗ്നിലോചനാമ് ।
വിധിവിഷ്ണുഹരേംദ്രാദി മാതൃഭൈരവസേവിതാമ് ॥ 1 ॥

ജ്വലന്മണിഗണപ്രോക്തമകുടാമാവിലംബിതാമ് ।
അസ്ത്രശസ്ത്രാണി സർവാണി തത്തത്കാര്യോചിതാനി ച ॥ 2 ॥

ഏതൈഃ സമസ്തൈർവിവിധം ബിഭ്രതീം മുസലം ഹലമ് ।
പാത്വാ ഹിംസ്രാന് ഹി കവചം ഭുക്തിമുക്തിഫലപ്രദമ് ॥ 3 ॥

പഠേത്ത്രിസംധ്യം രക്ഷാര്ഥം ഘോരശത്രുനിവൃത്തിദമ് ।
വാര്താലീ മേ ശിരഃ പാതു ഘോരാഹീ ഫാലമുത്തമമ് ॥ 4 ॥

നേത്രേ വരാഹവദനാ പാതു കര്ണൌ തഥാംജനീ ।
ഘ്രാണം മേ രുംധിനീ പാതു മുഖം മേ പാതു ജംഭിനീ ॥ 5 ॥

പാതു മേ മോഹിനീ ജിഹ്വാം സ്തംഭിനീ കംഠമാദരാത് ।
സ്കംധൌ മേ പംചമീ പാതു ഭുജൌ മഹിഷവാഹനാ ॥ 6 ॥

സിംഹാരൂഢാ കരൌ പാതു കുചൌ കൃഷ്ണമൃഗാംചിതാ ।
നാഭിം ച ശംഖിനീ പാതു പൃഷ്ഠദേശേ തു ചക്രിണി ॥ 7 ॥

ഖഡ്ഗം പാതു ച കട്യാം മേ മേഢ്രം പാതു ച ഖേദിനീ ।
ഗുദം മേ ക്രോധിനീ പാതു ജഘനം സ്തംഭിനീ തഥാ ॥ 8 ॥

ചംഡോച്ചംഡശ്ചോരുയുഗ്മം ജാനുനീ ശത്രുമര്ദിനീ ।
ജംഘാദ്വയം ഭദ്രകാളീ മഹാകാളീ ച ഗുല്ഫയോഃ ॥ 9 ॥

പാദാദ്യംഗുളിപര്യംതം പാതു ചോന്മത്തഭൈരവീ ।
സർവാംഗം മേ സദാ പാതു കാലസംകര്ഷണീ തഥാ ॥ 10 ॥

യുക്തായുക്തസ്ഥിതം നിത്യം സർവപാപാത്പ്രമുച്യതേ ।
സർവേ സമര്ഥ്യ സംയുക്തം ഭക്തരക്ഷണതത്പരമ് ॥ 11 ॥

സമസ്തദേവതാ സർവം സവ്യം വിഷ്ണോഃ പുരാര്ധനേ ।
സർവശത്രുവിനാശായ ശൂലിനാ നിര്മിതം പുരാ ॥ 12 ॥

സർവഭക്തജനാശ്രിത്യ സർവവിദ്വേഷസംഹതിഃ ।
വാരാഹീ കവചം നിത്യം ത്രിസംധ്യം യഃ പഠേന്നരഃ ॥ 13 ॥

തഥാ വിധം ഭൂതഗണാ ന സ്പൃശംതി കദാചന ।
ആപദഃ ശത്രുചോരാദി ഗ്രഹദോഷാശ്ച സംഭവാഃ ॥ 14 ॥

മാതാ പുത്രം യഥാ വത്സം ധേനുഃ പക്ഷ്മേവ ലോചനമ് ।
തഥാംഗമേവ വാരാഹീ രക്ഷാ രക്ഷാതി സർവദാ ॥ 15 ॥

ഇതി ശ്രീരുദ്രയാമലതംത്രേ ശ്രീ വാരാഹീ കവചമ് ॥