අස්ය ශ්රීවාරාහීකවචස්ය ත්රිලෝචන ඍෂිඃ, අනුෂ්ටුප් ඡංදඃ, ශ්රීවාරාහී දේවතා, ඕං බීජං, ග්ලෞං ශක්තිඃ, ස්වාහේති කීලකං, මම සර්වශත්රුනාශනාර්ථේ ජපේ විනියෝගඃ ॥

ධ්යානම් ।
ධ්යාත්වේංද්රනීලවර්ණාභාං චංද්රසූර්යාග්නිලෝචනාම් ।
විධිවිෂ්ණුහරේංද්රාදි මාතෘභෛරවසේවිතාම් ॥ 1 ॥

ජ්වලන්මණිගණප්රෝක්තමකුටාමාවිලංබිතාම් ।
අස්ත්රශස්ත්රාණි සර්වාණි තත්තත්කාර්යෝචිතානි ච ॥ 2 ॥

ඒතෛඃ සමස්තෛර්විවිධං බිභ්රතීං මුසලං හලම් ।
පාත්වා හිංස්රාන් හි කවචං භුක්තිමුක්තිඵලප්රදම් ॥ 3 ॥

පඨේත්ත්රිසංධ්යං රක්ෂාර්ථං ඝෝරශත්රුනිවෘත්තිදම් ।
වාර්තාලී මේ ශිරඃ පාතු ඝෝරාහී ඵාලමුත්තමම් ॥ 4 ॥

නේත්රේ වරාහවදනා පාතු කර්ණෞ තථාංජනී ।
ඝ්රාණං මේ රුංධිනී පාතු මුඛං මේ පාතු ජංභිනී ॥ 5 ॥

පාතු මේ මෝහිනී ජිහ්වාං ස්තංභිනී කංඨමාදරාත් ।
ස්කංධෞ මේ පංචමී පාතු භුජෞ මහිෂවාහනා ॥ 6 ॥

සිංහාරූඪා කරෞ පාතු කුචෞ කෘෂ්ණමෘගාංචිතා ।
නාභිං ච ශංඛිනී පාතු පෘෂ්ඨදේශේ තු චක්රිණි ॥ 7 ॥

ඛඩ්ගං පාතු ච කට්යාං මේ මේඪ්රං පාතු ච ඛේදිනී ।
ගුදං මේ ක්රෝධිනී පාතු ජඝනං ස්තංභිනී තථා ॥ 8 ॥

චංඩෝච්චංඩශ්චෝරුයුග්මං ජානුනී ශත්රුමර්දිනී ।
ජංඝාද්වයං භද්රකාළී මහාකාළී ච ගුල්ඵයෝඃ ॥ 9 ॥

පාදාද්යංගුළිපර්යංතං පාතු චෝන්මත්තභෛරවී ।
සර්වාංගං මේ සදා පාතු කාලසංකර්ෂණී තථා ॥ 10 ॥

යුක්තායුක්තස්ථිතං නිත්යං සර්වපාපාත්ප්රමුච්යතේ ।
සර්වේ සමර්ථ්ය සංයුක්තං භක්තරක්ෂණතත්පරම් ॥ 11 ॥

සමස්තදේවතා සර්වං සව්යං විෂ්ණෝඃ පුරාර්ධනේ ।
සර්වශත්රුවිනාශාය ශූලිනා නිර්මිතං පුරා ॥ 12 ॥

සර්වභක්තජනාශ්රිත්ය සර්වවිද්වේෂසංහතිඃ ।
වාරාහී කවචං නිත්යං ත්රිසංධ්යං යඃ පඨේන්නරඃ ॥ 13 ॥

තථා විධං භූතගණා න ස්පෘශංති කදාචන ।
ආපදඃ ශත්රුචෝරාදි ග්රහදෝෂාශ්ච සංභවාඃ ॥ 14 ॥

මාතා පුත්රං යථා වත්සං ධේනුඃ පක්ෂ්මේව ලෝචනම් ।
තථාංගමේව වාරාහී රක්ෂා රක්ෂාති සර්වදා ॥ 15 ॥

ඉති ශ්රීරුද්රයාමලතංත්රේ ශ්රී වාරාහී කවචම් ॥