॥ இதி ஶ்ரீமஹாபா4ரதே உத்3யோக3பர்வணி ப்ரஜாக3ரபர்வணி
விது3ரவாக்யே ஏகோனசத்வாரிம்ஶோத்4யாய: ॥
த்4ருதராஷ்ட்ர உவாச ।
அனீஶ்வரோயஂ புருஷோ ப4வாப4வே
ஸூத்ரப்ரோதா தா3ருமயீவ யோஷா ।
தா4த்ரா ஹி தி3ஷ்டஸ்ய வஶே கிலாயம்
தஸ்மாத்3வத3 த்வஂ ஶ்ரவணே க்4ருதோஹம் ॥ 1॥
விது3ர உவாச ।
அப்ராப்தகாலஂ வசனம் ப்3ருஹஸ்பதிரபி ப்3ருவன் ।
லப4தே பு3த்3த்4யவஜ்ஞானமவமானஂ ச பா4ரத ॥ 2॥
ப்ரியோ ப4வதி தா3னேன ப்ரியவாதே3ன சாபர: ।
மன்த்ரஂ மூலப3லேனான்யோ ய: ப்ரிய: ப்ரிய ஏவ ஸ: ॥ 3॥
த்3வேஷ்யோ ந ஸாது4ர்ப4வதி ந மேதா4வீ ந பண்டி3த: ।
ப்ரியே ஶுபா4னி கர்மாணி த்3வேஷ்யே பாபானி பா4ரத ॥ 4॥
ந ஸ க்ஷயோ மஹாராஜ ய: க்ஷயோ வ்ருத்3தி4மாவஹேத் ।
க்ஷய: ஸ த்விஹ மன்தவ்யோ யஂ லப்3த்4வா ப3ஹு நாஶயேத் ॥ 5॥
ஸம்ருத்3தா4 கு3ணத: கே சித்3ப4வன்தி த4னதோபரே ।
த4னவ்ருத்3தா4ன்கு3ணைர்ஹீனான்த்4ருதராஷ்ட்ர விவர்ஜயேத் ॥ 6॥
த்4ருதராஷ்ட்ர உவாச ।
ஸர்வஂ த்வமாயதீ யுக்தம் பா4ஷஸே ப்ராஜ்ஞஸம்மதம் ।
ந சோத்ஸஹே ஸுதஂ த்யக்துஂ யதோ த4ர்மஸ்ததோ ஜய: ॥ 7॥
விது3ர உவாச ।
ஸ்வபா4வகு3ணஸம்பன்னோ ந ஜாது வினயான்வித: ।
ஸுஸூக்ஷ்மமபி பூ4தானாமுபமர்தஂ3 ப்ரயோக்ஷ்யதே ॥ 8॥
பராபவாத3 நிரதா: பரது3:கோ2த3யேஷு ச ।
பரஸ்பரவிரோதே4 ச யதன்தே ஸததோதி2தா: ॥ 9॥
ஸ தோ3ஷம் த3ர்ஶனஂ யேஷாஂ ஸம்வாஸே ஸுமஹத்3ப4யம் ।
அர்தா2தா3னே மஹான்தோ3ஷ: ப்ரதா3னே ச மஹத்3ப4யம் ॥ 1௦॥
யே பாபா இதி விக்2யாதா: ஸம்வாஸே பரிக3ர்ஹிதா: ।
யுக்தாஶ்சான்யைர்மஹாதோ3ஷைர்யே நராஸ்தான்விவர்ஜயேத் ॥ 11॥
நிவர்தமானே ஸௌஹார்தே3 ப்ரீதிர்னீசே ப்ரணஶ்யதி ।
யா சைவ ப2லனிர்வ்ருத்தி: ஸௌஹ்ருதே3 சைவ யத்ஸுக2ம் ॥ 12॥
யததே சாபவாதா3ய யத்னமாரப4தே க்ஷயே ।
அல்பேப்யபக்ருதே மோஹான்ன ஶான்திமுபக3ச்ச2தி ॥ 13॥
தாத்3ருஶை: ஸங்க3தஂ நீசைர்ன்ருஶம்ஸைரக்ருதாத்மபி4: ।
நிஶாம்ய நிபுணம் பு3த்3த்4யா வித்3வான்தூ3ராத்3விவர்ஜயேத் ॥ 14॥
யோ ஜ்ஞாதிமனுக்3ருஹ்ணாதி த3ரித்3ரம் தீ3னமாதுரம் ।
ஸபுத்ரபஶுபி4ர்வ்ருத்3தி4ஂ யஶஶ்சாவ்யயமஶ்னுதே ॥ 15॥
ஜ்ஞாதயோ வர்த4னீயாஸ்தைர்ய இச்ச2ன்த்யாத்மன: ஶுப4ம் ।
குலவ்ருத்3தி4ஂ ச ராஜேன்த்3ர தஸ்மாத்ஸாது4 ஸமாசர ॥ 16॥
ஶ்ரேயஸா யோக்ஷ்யஸே ராஜன்குர்வாணோ ஜ்ஞாதிஸத்க்ரியாம் ।
விகு3ணா ஹ்யபி ஸம்ரக்ஷ்யா ஜ்ஞாதயோ ப4ரதர்ஷப4 ॥ 17॥
கிஂ புனர்கு3ணவன்தஸ்தே த்வத்ப்ரஸாதா3பி4காங்க்ஷிண: ।
ப்ரஸாதஂ3 குரு தீ3னானாஂ பாண்ட3வானாஂ விஶாஂ பதே ॥ 18॥
தீ3யன்தாம் க்3ராமகா: கே சித்தேஷாஂ வ்ருத்த்யர்த2மீஶ்வர ।
ஏவஂ லோகே யஶ:ப்ராப்தோ ப4விஷ்யத்ஸி நராதி4ப ॥ 19॥
வ்ருத்3தே4ன ஹி த்வயா கார்யஂ புத்ராணாஂ தாத ரக்ஷணம் ।
மயா சாபி ஹிதஂ வாச்யஂ வித்3தி4 மாஂ த்வத்3தி4தைஷிணம் ॥ 2௦॥
ஜ்ஞாதிபி4ர்விக்3ரஹஸ்தாத ந கர்தவ்யோ ப4வார்தி2னா ।
ஸுகா2னி ஸஹ போ4ஜ்யானி ஜ்ஞாதிபி4ர்ப4ரதர்ஷப4 ॥ 21॥
ஸம்போ4ஜனஂ ஸங்கத2னஂ ஸம்ப்ரீதிS ச பரஸ்பரம் ।
ஜ்ஞாதிபி4: ஸஹ கார்யாணி ந விரோத:4 கதஂ2 சன ॥ 22॥
ஜ்ஞாதயஸ்தாரயன்தீஹ ஜ்ஞாதயோ மஜ்ஜயன்தி ச ।
ஸுவ்ருத்தாஸ்தாரயன்தீஹ து3ர்வ்ருத்தா மஜ்ஜயன்தி ச ॥ 23॥
ஸுவ்ருத்தோ ப4வ ராஜேன்த்3ர பாண்ட3வான்ப்ரதி மானத3 ।
அத4ர்ஷணீய: ஶத்ரூணாஂ தைர்வ்ருதஸ்த்வம் ப4விஷ்யஸி ॥ 24॥
ஶ்ரீமன்தஂ ஜ்ஞாதிமாஸாத்3ய யோ ஜ்ஞாதிரவஸீத3தி ।
தி3க்3த4ஹஸ்தஂ ம்ருக3 இவ ஸ ஏனஸ்தஸ்ய வின்த3தி ॥ 25॥
பஶ்சாத3பி நரஶ்ரேஷ்ட2 தவ தாபோ ப4விஷ்யதி ।
தான்வா ஹதான்ஸுதான்வாபி ஶ்ருத்வா தத3னுசின்தய ॥ 26॥
யேன க2ட்வாஂ ஸமாரூட:4 பரிதப்யேத கர்மணா ।
ஆதா3வேவ ந தத்குர்யாத3த்4ருவே ஜீவிதே ஸதி ॥ 27॥
ந கஶ்சின்னாபனயதே புமானந்யத்ர பா4ர்க3வாத் ।
ஶேஷஸம்ப்ரதிபத்திஸ்து பு3த்3தி4மத்ஸ்வேவ திஷ்ட2தி ॥ 28॥
து3ர்யோத4னேன யத்3யேதத்பாபஂ தேஷு புரா க்ருதம் ।
த்வயா தத்குலவ்ருத்3தே4ன ப்ரத்யானேயஂ நரேஶ்வர ॥ 29॥
தாம்ஸ்த்வஂ பதே3 ப்ரதிஷ்டா2ப்ய லோகே விக3தகல்மஷ: ।
ப4விஷ்யஸி நரஶ்ரேஷ்ட2 பூஜனீயோ மனீஷிணாம் ॥ 3௦॥
ஸுவ்யாஹ்ருதானி தீ4ராணாம் ப2லத: ப்ரவிசின்த்ய ய: ।
அத்4யவஸ்யதி கார்யேஷு சிரஂ யஶஸி திஷ்ட2தி ॥ 31॥
அவ்ருத்திஂ வினயோ ஹன்தி ஹன்த்யனர்தஂ2 பராக்ரம: ।
ஹன்தி நித்யஂ க்ஷமா க்ரோத4மாசாரோ ஹன்த்யலக்ஷணம் ॥ 32॥
பரிச்ச2தே3ன க்ஷத்ரேண வேஶ்மனா பரிசர்யயா ।
பரீக்ஷேத குலஂ ராஜன்போ4ஜனாச்சா2த3னேன ச ॥ 33॥
யயோஶ்சித்தேன வா சித்தஂ நைப்4ருதஂ நைப்4ருதேன வா ।
ஸமேதி ப்ரஜ்ஞயா ப்ரஜ்ஞா தயோர்மைத்ரீ ந ஜீர்யதே ॥ 34॥
து3ர்பு3த்3தி4மக்ருதப்ரஜ்ஞம் ச2ன்னஂ கூபஂ த்ருணைரிவ ।
விவர்ஜயீத மேதா4வீ தஸ்மின்மைத்ரீ ப்ரணஶ்யதி ॥ 35॥
அவலிப்தேஷு மூர்கே2ஷு ரௌத்3ரஸாஹஸிகேஷு ச ।
ததை2வாபேத த4ர்மேஷு ந மைத்ரீமாசரேத்3பு3த:4 ॥ 36॥
க்ருதஜ்ஞம் தா4ர்மிகஂ ஸத்யமக்ஷுத்3ரம் த்3ருட4ப4க்திகம் ।
ஜிதேன்த்3ரியஂ ஸ்தி2தஂ ஸ்தி2த்யாஂ மித்ரமத்யாகி3 சேஷ்யதே ॥ 37॥
இன்த்3ரியாணாமனுத்ஸர்கோ3 ம்ருத்யுனா ந விஶிஷ்யதே ।
அத்யர்தஂ2 புனருத்ஸர்க:3 ஸாத3யேத்3தை3வதான்யபி ॥ 38॥
மார்த3வஂ ஸர்வபூ4தானாமனஸூயா க்ஷமா த்4ருதி: ।
ஆயுஷ்யாணி பு3தா4: ப்ராஹுர்மித்ராணாஂ சாவிமானநா ॥ 39॥
அபனீதஂ ஸுனீதேன யோர்தஂ2 ப்ரத்யானினீஷதே ।
மதிமாஸ்தா2ய ஸுத்3ருடா4ஂ தத3காபுருஷ வ்ரதம் ॥ 4௦॥
ஆயத்யாஂ ப்ரதிகாரஜ்ஞஸ்ததா3த்வே த்3ருட4னிஶ்சய: ।
அதீதே கார்யஶேஷஜ்ஞோ நரோர்தை2ர்ன ப்ரஹீயதே ॥ 41॥
கர்மணா மனஸா வாசா யத3பீ4க்ஷ்ணஂ நிஷேவதே ।
ததே3வாபஹரத்யேனஂ தஸ்மாத்கல்யாணமாசரேத் ॥ 42॥
மங்க3லாலம்ப4னஂ யோக:3 ஶ்ருதமுத்தா2னமார்ஜவம் ।
பூ4திமேதானி குர்வன்தி ஸதாஂ சாபீ4க்ஷ்ண த3ர்ஶனம் ॥ 43॥
அனிர்வேத:3 ஶ்ரியோ மூலம் து3:க2னாஶே ஸுக2ஸ்ய ச ।
மஹான்ப4வத்யனிர்விண்ண: ஸுகஂ2 சாத்யன்தமஶ்னுதே ॥ 44॥
நாத: ஶ்ரீமத்தரஂ கிஂ சித3ன்யத்பத்2யதமஂ ததா2 ।
ப்ரப4 விஷ்ணோர்யதா2 தாத க்ஷமா ஸர்வத்ர ஸர்வதா3 ॥ 45॥
க்ஷமேத3ஶக்த: ஸர்வஸ்ய ஶக்திமான்த4ர்மகாரணாத் ।
அர்தா2னர்தௌ2 ஸமௌ யஸ்ய தஸ்ய நித்யஂ க்ஷமா ஹிதா ॥ 46॥
யத்ஸுகஂ2 ஸேவமானோபி த4ர்மார்தா2ப்4யாஂ ந ஹீயதே ।
காமஂ தது3பஸேவேத ந மூட4 வ்ரதமாசரேத் ॥ 47॥
து3:கா2ர்தேஷு ப்ரமத்தேஷு நாஸ்திகேஷ்வலஸேஷு ச ।
ந ஶ்ரீர்வஸத்யதா3ன்தேஷு யே சோத்ஸாஹ விவர்ஜிதா: ॥ 48॥
ஆர்ஜவேன நரஂ யுக்தமார்ஜவாத்ஸவ்யபத்ரபம் ।
அஶக்திமன்தஂ மன்யன்தோ த4ர்ஷயன்தி குபு3த்3த4ய: ॥ 49॥
அத்யார்யமதிதா3தாரமதிஶூரமதிவ்ரதம் ।
ப்ரஜ்ஞாபி4மானினஂ சைவ ஶ்ரீர்ப4யான்னோபஸர்பதி ॥ 5௦॥
அக்3னிஹோத்ரப2லா வேதா3: ஶீலவ்ருத்தப2லஂ ஶ்ருதம் ।
ரதிபுத்ர ப2லா தா3ரா த3த்தபு4க்த ப2லம் த4னம் ॥ 51॥
அத4ர்மோபார்ஜிதைரர்தை2ர்ய: கரோத்யௌர்த்4வ தே3ஹிகம் ।
ந ஸ தஸ்ய ப2லஂ ப்ரேத்ய பு4ங்க்தேர்த2ஸ்ய து3ராக3மாத் ॥ 52॥
கானார வனது3ர்கே3ஷு க்ருச்ச்2ராஸ்வாபத்ஸு ஸம்ப்4ரமே ।
உத்3யதேஷு ச ஶஸ்த்ரேஷு நாஸ்தி ஶேஷவதாம் ப4யம் ॥ 53॥
உத்தா2னஂ ஸம்யமோ தா3க்ஷ்யமப்ரமாதோ3 த்4ருதி: ஸ்ம்ருதி: ।
ஸமீக்ஷ்ய ச ஸமாரம்போ4 வித்3தி4 மூலம் ப4வஸ்ய தத் ॥ 54॥
தபோப3லஂ தாபஸானாம் ப்3ரஹ்ம ப்3ரஹ்மவிதா3ம் ப3லம் ।
ஹிம்ஸா ப3லமஸாதூ4னாஂ க்ஷமாகு3ணவதாம் ப3லம் ॥ 55॥
அஷ்டௌ தான்யவ்ரதக்4னானி ஆபோ மூலம் ப2லஂ பய: ।
ஹவிர்ப்3ராஹ்மண காம்யா ச கு3ரோர்வசனமௌஷத4ம் ॥ 56॥
ந தத்பரஸ்ய ஸன்த3த்4யாத்ப்ரதிகூலஂ யதா3த்மன: ।
ஸங்க்3ரஹேணைஷ த4ர்ம: ஸ்யாத்காமாத3ன்ய: ப்ரவர்ததே ॥ 57॥
அக்ரோதே4ன ஜயேத்க்ரோத4மஸாது4ஂ ஸாது4னா ஜயேத் ।
ஜயேத்கத3ர்யம் தா3னேன ஜயேத்ஸத்யேன சான்ருதம் ॥ 58॥
ஸ்த்ரீ தூ4ர்தகேலஸே பீ4ரௌ சண்டே3 புருஷமானினி ।
சௌரே க்ருதக்4னே விஶ்வாஸோ ந கார்யோ ந ச நாஸ்திகே ॥ 59॥
அபி4வாத3னஶீலஸ்ய நித்யஂ வ்ருத்3தோ4பஸேவின: ।
சத்வாரி ஸம்ப்ரவர்த4ன்தே கீர்திராயுர்யஶோப3லம் ॥ 6௦॥
அதிக்லேஶேன யேர்தா2: ஸ்யுர்த4ர்மஸ்யாதிக்ரமேண ச ।
அரேர்வா ப்ரணிபாதேன மா ஸ்ம தேஷு மன: க்ருதா2: ॥ 61॥
அவித்3ய: புருஷ: ஶோச்ய: ஶோச்யஂ மிது2னமப்ரஜம் ।
நிராஹாரா: ப்ரஜா: ஶோச்யா: ஶோச்யஂ ராஷ்ட்ரமராஜகம் ॥ 62॥
அத்4வா ஜரா தே3ஹவதாஂ பர்வதானாஂ ஜலஂ ஜரா ।
அஸம்போ4கோ3 ஜரா ஸ்த்ரீணாஂ வாக்ஷல்யஂ மனஸோ ஜரா ॥ 63॥
அனாம்னாய மலா வேதா3 ப்3ராஹ்மணஸ்யாவ்ரதஂ மலம் ।
கௌதூஹலமலா ஸாத்4வீ விப்ரவாஸ மலா: ஸ்த்ரிய: ॥ 64॥
ஸுவர்ணஸ்ய மலஂ ரூப்யஂ ரூப்யஸ்யாபி மலஂ த்ரபு ।
ஜ்ஞேயஂ த்ரபு மலஂ ஸீஸஂ ஸீஸஸ்யாபி மலஂ மலம் ॥ 65॥
ந ஸ்வப்னேன ஜயேன்னித்3ராஂ ந காமேன ஸ்த்ரியஂ ஜயேத் ।
நேன்த4னேன ஜயேத3க்3னிஂ ந பானேன ஸுராஂ ஜயேத் ॥ 66॥
யஸ்ய தா3னஜிதஂ மித்ரமமித்ரா யுதி4 நிர்ஜிதா: ।
அன்னபானஜிதா தா3ரா: ஸப2லஂ தஸ்ய ஜீவிதம் ॥ 67॥
ஸஹஸ்ரிணோபி ஜீவன்தி ஜீவன்தி ஶதினஸ்ததா2 ।
த்4ருதராஷ்ட்ரஂ விமுஞ்சேச்சா2ஂ ந கதஂ2 சின்ன ஜீவ்யதே ॥ 68॥
யத்ப்ருதி2வ்யாஂ வ்ரீஹி யவஂ ஹிரண்யஂ பஶவ: ஸ்த்ரிய: ।
நாலமேகஸ்ய தத்ஸர்வமிதி பஶ்யன்ன முஹ்யதி ॥ 69॥
ராஜன்பூ4யோ ப்3ரவீமி த்வாஂ புத்ரேஷு ஸமமாசர ।
ஸமதா யதி3 தே ராஜன்ஸ்வேஷு பாண்டு3ஸுதேஷு ச ॥ 7௦॥
॥ இதி ஶ்ரீமஹாபா4ரதே உத்3யோக3பர்வணி ப்ரஜாக3ரபர்வணி
விது3ரவாக்யே ஏகோனசத்வாரிம்ஶோத்4யாய: ॥ 39॥
Browse Related Categories:
