ಆಪೋ॒ ಹಿಷ್ಠಾ ಮ॑ಯೋ॒ಭುವಃ॒ । ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಖ್ಷ॑ಸೇ । ಯೋ ವ॑-ಶ್ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ ಹ ನಃ॒ । ಉ॒ಷ॒ತೀರಿ॑ವ ಮಾ॒ತರಃ॑ । ತಸ್ಮಾ॒ ಅರ॑ಙ್ಗಮಾಮವೋ॒ ಯಸ್ಯ॒ ಖ್ಷಯಾ॑ಯ॒ ಜಿ॑ನ್ವಥ । ಆಪೋ॑ ಜ॒ನಯ॑ಥಾ ಚ ನಃ ।

ಪೃ॒ಥಿ॒ವೀ ಶಾ॒ನ್ತಾ ಸಾಗ್ನಿನಾ॑ ಶಾ॒ನ್ತಾ ಸಾಮೇ॑ ಶಾ॒ನ್ತಾ ಶುಚಗ್ಂ॑ ಶಮಯತು ।
ಅ॒ನ್ತರಿ॑ಖ್ಷಗ್ಂ ಶಾ॒ನ್ತ-ನ್ತದ್ವಾ॒ಯುನಾ॑ ಶಾ॒ನ್ತ-ನ್ತನ್ಮೇ॑ ಶಾ॒ನ್ತಗ್ಂ ಶುಚಗ್ಂ॑ ಶಮಯತು ।
ದ್ಯೌಶ್ಶಾ॒ನ್ತಾ॒ ಸಾದಿ॒ತ್ಯೇನ॑ ಶಾ॒ನ್ತಾ ಸಾ ಮೇ॑ ಶಾ॒ನ್ತಾ ಶುಚಗ್ಂ॑ ಶಮಯತು ।

ಪೃ॒ಥಿ॒ವೀ ಶಾನ್ತಿ॑ರ॒ನ್ತರಿ॑ಖ್ಷ॒ಗ್ಂ॒ ಶಾನ್ತಿ॒-
ರ್ದ್ಯೌ-ಶ್ಶಾನ್ತಿ॒ರ್-ದಿಶ॒-ಶ್ಶಾನ್ತಿ॑-ರವಾನ್ತರದಿ॒ಶಾ-ಶ್ಶಾನ್ತಿ॑-
ರ॒ಗ್ನಿ-ಶ್ಶಾನ್ತಿ॑ರ್-ವಾ॒ಯು-ಶ್ಶಾನ್ತಿ॑-ರಾದಿ॒ತ್ಯ-
ಶ್ಶಾನ್ತಿ॑-ಶ್ಚನ್ದ್ರ॒ಮಾ॒-ಶ್ಶಾನ್ತಿ॒ರ್-ನಖ್ಷ॑ತ್ರಾಣಿ॒-
ಶ್ಶಾನ್ತಿ ರಾಪ॒ಶ್ಶಾನ್ತಿ॒-ರೋಷ॑ಧಯ॒-
ಶ್ಶಾನ್ತಿ॒ರ್-ವನ॒ಸ್ಪತ॑ಯ॒-ಶ್ಶಾನ್ತಿ॒ರ್-ಗೌ॑-
ಶ್ಶಾನ್ತಿ॑-ರ॒ಜಾ-ಶಾನ್ತಿ-ರಶ್ವ॒-ಶ್ಶಾನ್ತಿಃ॒ ಪುರು॑ಷ॒-
ಶ್ಶಾನ್ತಿ॒-ಬ್ರಹ್ಮ॒-ಶಾನ್ತಿ॑ರ್-ಬ್ರಾಹ್ಮ॒ಣ-
ಶ್ಶಾನ್ತಿ-ಶಾನ್ತಿ॑-ರೇವ ಶಾನ್ತಿ-ಶಾನ್ತಿ॑-ರ್ಮೇ ಅಸ್ತು॒ ಶಾನ್ತಿಃ॑ ।

ತಯಾ॒ಹಗ್ಂ ಶಾನ್॒ತ್ಯಾ॒ ಸ॑ರ್ವಶಾ॒ನ್ತ್ಯಾ॒
ಮಹ್ಯ॑-ನ್ದ್ವಿ॒ಪದೇ॒ ಚತು॑ಷ್ಪದೇ ಚ॒
ಶಾನ್ತಿ॑-ಙ್ಕರೋಮಿ ಶಾನ್ತಿ॑ರ್ಮೇ ಅಸ್ತು॒ ಶಾನ್ತಿಃ॑ ॥

ಏಹ॒ ಶ್ರೀಶ್ಚ॒ ಹ್ರೀಶ್ಚ॒ ಧೃತಿ॑ಶ್ಚ॒
ತಪೋ॑ ಮೇ॒ಧಾ ಪ್ರ॑ತಿ॒ಷ್ಠಾ ಶ್ರ॒ದ್ಧಾ ಸ॒ತ್ಯಂ
ಧರ್ಮ॑ಶ್ಚೈ॒ತಾನಿ॒ ಮೋತ್ತಿ॑ಷ್ಠನ್ತ॒-ಮನೂತ್ತಿ॑ಷ್ಠನ್ತು॒
ಮಾ ಮಾ॒ಗ್॒ ಶ್ರೀಶ್ಚ॒ ಹ್ರೀಶ್ಚ॒ ಧೃತಿ॑ಶ್ಚ॒
ತಪೋ॑ ಮೇ॒ಧಾ ಪ್ರ॑ತಿ॒ಷ್ಠಾ ಶ್ರ॒ದ್ಧಾ ಸ॒ತ್ಯಂ
ಧರ್ಮ॑ಶ್ಚೈ॒ತಾನಿ॑ ಮಾ॒ ಮಾ ಹಾ॑ಸಿಷುಃ ।

ಉದಾಯು॑ಷಾ ಸ್ವಾ॒ಯುಷೋದೋ॑ಷದೀನಾ॒ಗ್ಂ॒
ರಸೇ॒ನೋತ್ಪ॒ರ್ಜನ್ಯ॑ಸ್ಯ॒ ಶುಷ್ಮೇ॒ಣೋದಸ್ಥಾಮ॒ಮೃತಾ॒ಗ್ಂ॒ ಅನು॑ ।
ತಚ್ಚಖ್ಷು॑ರ್-ದೇ॒ವಹಿ॑ತ-ಮ್ಪು॒ರಸ್ತಾ᳚ಚ್ಚು॒ಕ್ರಮು॒ಚ್ಚರ॑ತ್ ।

ಪಶ್ಯೇ॑ಮ ಶ॒ರದ॑ಶ್ಶ॒ತ-ಞ್ಜೀವೇ॑ಮ ಶ॒ರದ॑ಶ್ಶ॒ತಂ
ನನ್ದಾ॑ಮ ಶ॒ರದ॑ಶ್ಶ॒ತ-ಮ್ಮೋದಾ॑ಮ ಶ॒ರದ॑ಶ್ಶ॒ತಂ
ಭವಾ॑ಮ ಶ॒ರದ॑ಶ್ಶ॒ತಗ್ಂ ಶೃ॒ಣವಾ॑ಮ ಶ॒ರದ॑ಶ್ಶ॒ತಂ
ಪಬ್ರ॑ವಾಮ ಶ॒ರದ॑ಶ್ಶ॒ತಮಜೀ॑ತಾಸ್ಯಾಮ ಶ॒ರದ॑ಶ್ಶ॒ತಂ
ಜೋಕ್ಚ॒ ಸೂರ್ಯ॑-ನ್ದೃ॒ಶೇ ।

ಯ ಉದ॑ಗಾನ್ಮಹ॒ತೋ-ಽರ್ಣವಾ᳚-ದ್ವಿ॒ಭ್ರಾಜ॑ಮಾನಸ್ಸರಿ॒ರಸ್ಯ॒ ಮಧ್ಯಾ॒ಥ್ಸಮಾ॑ ವೃಷ॒ಭೋ ಲೋ॑ಹಿತಾ॒ಖ್ಷಸೂರ್ಯೋ॑ ವಿಪ॒ಶ್ಚಿನ್ಮನ॑ಸಾ ಪುನಾತು ॥

ಬ್ರಹ್ಮ॑ಣ॒ಶ್ಚೋತ॒ನ್ಯಸಿ॒ ಬ್ರಹ್ಮ॑ಣ ಆ॒ಣೀಸ್ಥೋ॒ ಬ್ರಾಹ್ಮ॑ಣ ಆ॒ವಪ॑ನಮಸಿ ಧಾರಿ॒ತೇಯ-ಮ್ಪೃ॑ಥಿ॒ವೀ ಬ್ರಹ್ಮ॑ಣಾ ಮ॒ಹೀ ದಾ॑ರಿ॒ತಮೇ॑ನೇನ ಮ॒ಹದನ್॒ತರಿ॑ಖ್ಷ॒-ನ್ದಿವ॑-ನ್ದಾಧಾರ ಪೃಥಿ॒ವೀಗ್ಂ ಸದೇವಾಂ॒-ಯಁದ॒ಹಂ-ವೇಁದ॒ ತದ॒ಹ-ನ್ಧಾ॑ರಯಾಣಿ॒ ಮಾಮದ್ವೇದೋ-ಽಥಿ॒ ವಿಸ್ರ॑ಸತ್ ।

ಮೇ॒ಧಾ॒ಮ॒ನೀ॒ಷೇ ಮಾವಿ॒ಶತಾಗ್ಂ ಸ॒ಮೀಚೀ॑ ಭೂ॒ತಸ್ಯ॒ ಭವ್ಯ॒ಸ್ಯಾವ॑ರುಧ್ಯೈ॒ ಸರ್ವ॒ಮಾಯು॑ರಯಾಣಿ॒ ಸರ್ವ॒ಮಾಯು॑ರಯಾಣಿ ।

ಆ॒ಭಿರ್ಗೀ॒ರ್ಭಿ-ರ್ಯದತೋ॑ನ ಊ॒ನಮಾಪ್ಯಾ॑ಯಯ ಹರಿವೋ॒ ವರ್ಧ॑ಮಾನಃ ।
ಯ॒ದಾ ಸ್ತೋ॒ತೃಭ್ಯೋ॒ ಮಹಿ॑ ಗೋ॒ತ್ರಾ ರು॒ಜಾಸಿ॑ ಭೂಯಿಷ್ಠ॒ಭಾಜೋ॒ ಅಧ॑ ತೇ ಸ್ಯಾಮ ।
ಬ್ರಹ್ಮ॒ ಪ್ರಾವಾ॑ದಿಷ್ಮ॒ ತನ್ನೋ॒ ಮಾ ಹಾ॑ಸೀತ್ ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

ಓಂ ಸ-ನ್ತ್ವಾ॑ ಸಿಞ್ಚಾಮಿ॒ ಯಜು॑ಷಾ ಪ್ರ॒ಜಾಮಾಯು॒ರ್ಧನ॑-ಞ್ಚ ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

ಓಂ ಶ-ನ್ನೋ॑ ಮಿ॒ತ್ರ-ಶ್ಶಂ-ವಁರು॑ಣಃ ।
ಶ-ನ್ನೋ॑ ಭವತ್ವರ್ಯ॒ಮಾ ।
ಶ-ನ್ನ॒ ಇನ್ದ್ರೋ॒ ಬೃಹ॒ಸ್ಪತಿಃ॑ ।
ಶ-ನ್ನೋ॒ ವಿಷ್ಣು॑ರುರುಕ್ರ॒ಮಃ ।
ನಮೋ॒ ಬ್ರಹ್ಮ॑ಣೇ । ನಮ॑ಸ್ತೇ ವಾಯೋ ।
ತ್ವಮೇ॒ವ ಪ್ರ॒ತ್ಯಖ್ಷ॒-ಮ್ಬ್ರಹ್ಮಾ॑ಸಿ ।
ತ್ವಾಮೇ॒ವ ಪ್ರ॒ತ್ಯಖ್ಷ॒-ಮ್ಬ್ರಹ್ಮ॑ ವದಿಷ್ಯಾಮಿ ।
ಋ॒ತಂ-ವಁ॑ದಿಷ್ಯಾಮಿ । ಸ॒ತ್ಯಂ-ವಁ॑ದಿಷ್ಯಾಮಿ ।
ತನ್ಮಾಮ॑ವತು । ತದ್ವ॒ಕ್ತಾರ॑ಮವತು ।
ಅವ॑ತು॒ ಮಾಮ್ । ಅವ॑ತು ವ॒ಕ್ತಾರಮ್᳚ ॥

ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

ಓ-ನ್ತಚ್ಛಂ॒-ಯೋಁರಾವೃ॑ಣೀಮಹೇ ।
ಗಾ॒ತುಂ-ಯಁ॒ಜ್ಞಾಯ॑ । ಗಾ॒ತುಂ-ಯಁ॒ಜ್ಞಪ॑ತಯೇ ।
ದೈವೀ᳚ ಸ್ವ॒ಸ್ತಿರ॑ಸ್ತು ನಃ । ಸ್ವ॒ಸ್ತಿರ್-ಮಾನು॑ಷೇಭ್ಯಃ ।
ಊ॒ರ್ಧ್ವ-ಞ್ಜಿ॑ಗಾತು ಭೇಷ॒ಜಮ್ ।
ಶ-ನ್ನೋ॑ ಅಸ್ತು ದ್ವಿ॒ಪದೇ᳚ । ಶ-ಞ್ಚತು॒ಷ್ಪದೇ ।
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

ಓಂ ಸ॒ಹ ನಾ॑ ವವತು । ಸ॒ಹ ನೌ॑ ಭುನಕ್ತು ।
ಸ॒ಹ ವೀ॒ರ್ಯ॑-ಙ್ಕರವಾವಹೈ ।
ತೇ॒ಜ॒ಸ್ವಿನಾ॒ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ ॥ (3)
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥ (3)