ಓಂ ಅಥಾತ್ಮಾನಗ್ಂ ಶಿವಾತ್ಮಾನಂ ಶ್ರೀ ರುದ್ರರೂಪ-ನ್ಧ್ಯಾಯೇತ್ ॥

ಶುದ್ಧಸ್ಫಟಿಕ ಸಙ್ಕಾಶ-ನ್ತ್ರಿನೇತ್ರ-ಮ್ಪಞ್ಚ ವಕ್ತ್ರಕಮ್ ।
ಗಙ್ಗಾಧರ-ನ್ದಶಭುಜಂ ಸರ್ವಾಭರಣ ಭೂಷಿತಮ್ ॥

ನೀಲಗ್ರೀವಂ ಶಶಾಙ್ಕಾಙ್ಕ-ನ್ನಾಗ ಯಜ್ಞೋಪ ವೀತಿನಮ್ ।
ವ್ಯಾಘ್ರ ಚರ್ಮೋತ್ತರೀಯ-ಞ್ಚ ವರೇಣ್ಯಮಭಯ ಪ್ರದಮ್ ॥

ಕಮಣ್ಡಲ್-ವಖ್ಷ ಸೂತ್ರಾಣಾ-ನ್ಧಾರಿಣಂ ಶೂಲಪಾಣಿನಮ್ ।
ಜ್ವಲನ್ತ-ಮ್ಪಿಙ್ಗಳಜಟಾ ಶಿಖಾ ಮುದ್ದ್ಯೋತ ಧಾರಿಣಮ್ ॥

ವೃಷ ಸ್ಕನ್ಧ ಸಮಾರೂಢಂ ಉಮಾ ದೇಹಾರ್ಥ ಧಾರಿಣಮ್ ।
ಅಮೃತೇನಾಪ್ಲುತಂ ಶಾನ್ತ-ನ್ದಿವ್ಯಭೋಗ ಸಮನ್ವಿತಮ್ ॥

ದಿಗ್ದೇವತಾ ಸಮಾಯುಕ್ತಂ ಸುರಾಸುರ ನಮಸ್ಕೃತಮ್ ।
ನಿತ್ಯ-ಞ್ಚ ಶಾಶ್ವತಂ ಶುದ್ಧ-ನ್ಧ್ರುವ-ಮಖ್ಷರ-ಮವ್ಯಯಮ್ ।
ಸರ್ವ ವ್ಯಾಪಿನ-ಮೀಶಾನಂ ರುದ್ರಂ-ವೈಁ ವಿಶ್ವರೂಪಿಣಮ್ ।
ಏವ-ನ್ಧ್ಯಾತ್ವಾ ದ್ವಿಜ-ಸ್ಸಮ್ಯ-ಕ್ತತೋ ಯಜನಮಾರಭೇತ್ ॥

ಅಥಾತೋ ರುದ್ರ ಸ್ನಾನಾರ್ಚನಾಭಿಷೇಕ ವಿಧಿಂ-ವ್ಯಾಁ᳚ಖ್ಷ್ಯಾಸ್ಯಾಮಃ ।
ಆದಿತ ಏವ ತೀರ್ಥೇ ಸ್ನಾತ್ವಾ,
ಉದೇತ್ಯ ಶುಚಿಃ ಪ್ರಯತೋ ಬ್ರಹ್ಮಚಾರೀ ಶುಕ್ಲವಾಸಾ ದೇವಾಭಿಮುಖ-ಸ್ಸ್ಥಿತ್ವಾ,
ಆತ್ಮನಿ ದೇವತಾ-ಸ್ಸ್ಥಾಪಯೇತ್ ॥

ಪ್ರಜನನೇ ಬ್ರಹ್ಮಾ ತಿಷ್ಠತು ।
ಪಾದಯೋರ್ವಿಷ್ಣುಸ್ತಿಷ್ಠತು ।
ಹಸ್ತಯೋರ್​ಹರಸ್ತಿಷ್ಠತು ।
ಬಾಹ್ವೋರಿನ್ದ್ರಸ್ತಿಷ್ಟತು ।
ಜಠರೇ-ಽಅಗ್ನಿಸ್ತಿಷ್ಠತು ।
ಹೃದ॑ಯೇ ಶಿವಸ್ತಿಷ್ಠತು ।
ಕಣ್ಠೇ ವಸವಸ್ತಿಷ್ಠನ್ತು ।
ವಕ್ತ್ರೇ ಸರಸ್ವತೀ ತಿಷ್ಠತು ।
ನಾಸಿಕಯೋ-ರ್ವಾಯುಸ್ತಿಷ್ಠತು ।
ನಯನಯೋ-ಶ್ಚನ್ದ್ರಾದಿತ್ಯೌ ತಿಷ್ಟೇತಾಮ್ ।
ಕರ್ಣಯೋರಶ್ವಿನೌ ತಿಷ್ಟೇತಾಮ್ ।
ಲಲಾಟೇ ರುದ್ರಾಸ್ತಿಷ್ಠನ್ತು ।
ಮೂರ್ಥ್ನ್ಯಾದಿತ್ಯಾಸ್ತಿಷ್ಠನ್ತು ।
ಶಿರಸಿ ಮಹಾದೇವಸ್ತಿಷ್ಠತು ।
ಶಿಖಾಯಾಂ-ವಾಁಮದೇವಾಸ್ತಿಷ್ಠತು ।
ಪೃಷ್ಠೇ ಪಿನಾಕೀ ತಿಷ್ಠತು ।
ಪುರತ-ಶ್ಶೂಲೀ ತಿಷ್ಠತು ।
ಪಾರ್​ಶ್ವಯೋ-ಶ್ಶಿವಾಶಙ್ಕರೌ ತಿಷ್ಠೇತಾಮ್ ।
ಸರ್ವತೋ ವಾಯುಸ್ತಿಷ್ಠತು ।
ತತೋ ಬಹಿ-ಸ್ಸರ್ವತೋ-ಽಗ್ನಿರ್ಜ್ವಾಲಾಮಾಲಾ-ಪರಿವೃತಸ್ತಿಷ್ಠತು ।
ಸರ್ವೇಷ್ವಙ್ಗೇಷು ಸರ್ವಾ ದೇವತಾ ಯಥಾಸ್ಥಾನ-ನ್ತಿಷ್ಠನ್ತು ।
ಮಾಗ್ಂ ರಖ್ಷನ್ತು ।

ಅ॒ಗ್ನಿರ್ಮೇ॑ ವಾ॒ಚಿ ಶ್ರಿ॒ತಃ । ವಾಘೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ವಾ॒ಯುರ್ಮೇ᳚ ಪ್ರಾ॒ಣೇ ಶ್ರಿ॒ತಃ । ಪ್ರಾ॒ಣೋ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಸೂರ್ಯೋ॑ ಮೇ॒ ಚಖ್ಷುಷಿ ಶ್ರಿ॒ತಃ । ಚಖ್ಷು॒ರ್​ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಚ॒ನ್ದ್ರಮಾ॑ ಮೇ॒ ಮನ॑ಸಿ ಶ್ರಿ॒ತಃ । ಮನೋ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ದಿಶೋ॑ ಮೇ॒ ಶ್ರೋತ್ರೇ᳚ ಶ್ರಿ॒ತಾಃ । ಶ್ರೋತ್ರ॒ಗ್ಂ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಆಪೋಮೇ॒ ರೇತಸಿ ಶ್ರಿ॒ತಾಃ । ರೇತೋ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಪೃ॒ಥಿ॒ವೀ ಮೇ॒ ಶರೀ॑ರೇ ಶ್ರಿ॒ತಾ । ಶರೀ॑ರ॒ಗ್ಂ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಓ॒ಷ॒ಧಿ॒ ವ॒ನ॒ಸ್ಪತಯೋ॑ ಮೇ॒ ಲೋಮ॑ಸು ಶ್ರಿ॒ತಾಃ । ಲೋಮಾ॑ನಿ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಇನ್ದ್ರೋ॑ ಮೇ॒ ಬಲೇ᳚ ಶ್ರಿ॒ತಃ । ಬಲ॒ಗ್ಂ॒ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಪ॒ರ್ಜನ್ಯೋ॑ ಮೇ॒ ಮೂ॒ರ್ದ್ನಿ ಶ್ರಿ॒ತಃ । ಮೂ॒ರ್ಧಾ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಈಶಾ॑ನೋ ಮೇ॒ ಮ॒ನ್ಯೌ ಶ್ರಿ॒ತಃ । ಮ॒ನ್ಯುರ್​ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಆ॒ತ್ಮಾ ಮ॑ ಆ॒ತ್ಮನಿ॑ ಶ್ರಿ॒ತಃ । ಆ॒ತ್ಮಾ ಹೃದ॑ಯೇ । ಹೃದ॑ಯ॒-ಮ್ಮಯಿ॑ । ಅ॒ಹಮ॒ಮೃತೇ᳚ । ಅ॒ಮೃತ॒-ಮ್ಬ್ರಹ್ಮ॑ಣಿ ।
ಪುನ॑ರ್ಮ ಆ॒ತ್ಮಾ ಪುನ॒ರಾಯು॒ ರಾಗಾ᳚ತ್ । ಪುನಃ॑ ಪ್ರಾ॒ಣಃ ಪುನ॒ರಾಕೂ॑ತ॒ಮಾಗಾ᳚ತ್ । ವೈ॒ಶ್ವಾ॒ನ॒ರೋ ರ॒ಶ್ಮಿಭಿ॑ರ್ವಾವೃಧಾ॒ನಃ । ಅ॒ನ್ತಸ್ತಿ॑ಷ್ಠ॒ತ್ವಮೃತ॑ಸ್ಯ ಗೋ॒ಪಾಃ ॥

ಅಸ್ಯ ಶ್ರೀ ರುದ್ರಾಧ್ಯಾಯ ಪ್ರಶ್ನ ಮಹಾಮನ್ತ್ರಸ್ಯ,
ಅಘೋರ ಋಷಿಃ,
ಅನುಷ್ಟು-ಪ್ಛನ್ದಃ,
ಸಙ್ಕರ್​ಷಣ ಮೂರ್ತಿ ಸ್ವರೂಪೋ ಯೋ-ಽಸಾವಾದಿತ್ಯಃ ಪರಮಪುರುಷ-ಸ್ಸ ಏಷ ರುದ್ರೋ ದೇವತಾ ।
ನಮ-ಶ್ಶಿವಾಯೇತಿ ಬೀಜಮ್ ।
ಶಿವತರಾಯೇತಿ ಶಕ್ತಿಃ ।
ಮಹಾದೇವಾಯೇತಿ ಕೀಲಕಮ್ ।
ಶ್ರೀ ಸಾಮ್ಬ ಸದಾಶಿವ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

ಓಂ ಅಗ್ನಿಹೋತ್ರಾತ್ಮನೇ ಅಙ್ಗುಷ್ಠಾಭ್ಯಾ-ನ್ನಮಃ ।
ದರ್​ಶಪೂರ್ಣ ಮಾಸಾತ್ಮನೇ ತರ್ಜನೀಭ್ಯಾ-ನ್ನಮಃ ।
ಚಾತುರ್ಮಾಸ್ಯಾತ್ಮನೇ ಮಧ್ಯಮಾಭ್ಯಾ-ನ್ನಮಃ ।
ನಿರೂಢ ಪಶುಬನ್ಧಾತ್ಮನೇ ಅನಾಮಿಕಾಭ್ಯಾ-ನ್ನಮಃ ।
ಜ್ಯೋತಿಷ್ಟೋಮಾತ್ಮನೇ ಕನಿಷ್ಠಿಕಾಭ್ಯಾ-ನ್ನಮಃ ।
ಸರ್ವಕ್ರತ್ವಾತ್ಮನೇ ಕರತಲ ಕರಪೃಷ್ಠಾಭ್ಯಾ-ನ್ನಮಃ ॥

ಅಗ್ನಿಹೋತ್ರಾತ್ಮನೇ ಹೃದಯಾಯ ನಮಃ ।
ದರ್​ಶಪೂರ್ಣ ಮಾಸಾತ್ಮನೇ ಶಿರಸೇ ಸ್ವಾಹಾ ।
ಚಾತುರ್ಮಾಸ್ಯಾತ್ಮನೇ ಶಿಖಾಯೈ ವಷಟ್ ।
ನಿರೂಢ ಪಶುಬನ್ಧಾತ್ಮನೇ ಕವಚಾಯ ಹುಮ್ ।
ಜ್ಯೋತಿಷ್ಟೋಮಾತ್ಮನೇ ನೇತ್ರತ್ರಯಾಯ ವೌಷಟ್ ।
ಸರ್ವಕ್ರತ್ವಾತ್ಮನೇ ಅಸ್ತ್ರಾಯಫಟ್ । ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ॥

ಧ್ಯಾನಂ
ಆಪಾತಾಳ-ನಭಸ್ಸ್ಥಲಾನ್ತ-ಭುವನ-ಬ್ರಹ್ಮಾಣ್ಡ-ಮಾವಿಸ್ಫುರತ್-
ಜ್ಯೋತಿ-ಸ್ಸ್ಫಾಟಿಕ-ಲಿಙ್ಗ-ಮೌಳಿ-ವಿಲಸತ್-ಪೂರ್ಣೇನ್ದು-ವಾನ್ತಾಮೃತೈಃ ।
ಅಸ್ತೋಕಾಪ್ಲುತ-ಮೇಕ-ಮೀಶ-ಮನಿಶಂ ರುದ್ರಾನು-ವಾಕಾಞ್ಜಪನ್
ಧ್ಯಾಯೇ-ದೀಪ್ಸಿತ-ಸಿದ್ಧಯೇ ಧ್ರುವಪದಂ-ವಿಁಪ್ರೋ-ಽಭಿಷಿಞ್ಚೇ-ಚ್ಚಿವಮ್ ॥

ಬ್ರಹ್ಮಾಣ್ಡ ವ್ಯಾಪ್ತದೇಹಾ ಭಸಿತ ಹಿಮರುಚಾ ಭಾಸಮಾನಾ ಭುಜಙ್ಗೈಃ
ಕಣ್ಠೇ ಕಾಲಾಃ ಕಪರ್ದಾಃ ಕಲಿತ-ಶಶಿಕಲಾ-ಶ್ಚಣ್ಡ ಕೋದಣ್ಡ ಹಸ್ತಾಃ ।
ತ್ರ್ಯಖ್ಷಾ ರುದ್ರಾಖ್ಷಮಾಲಾಃ ಪ್ರಕಟಿತವಿಭವಾ-ಶ್ಶಾಮ್ಭವಾ ಮೂರ್ತಿಭೇದಾಃ
ರುದ್ರಾ-ಶ್ಶ್ರೀರುದ್ರಸೂಕ್ತ-ಪ್ರಕಟಿತವಿಭವಾ ನಃ ಪ್ರಯಚ್ಚನ್ತು ಸೌಖ್ಯಮ್ ॥

ಓ-ಙ್ಗ॒ಣಾನಾ᳚-ನ್ತ್ವಾ ಗ॒ಣಪ॑ತಿಗ್ಂ ಹವಾಮಹೇ ಕ॒ವಿ-ಙ್ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಮ್ ।
ಜ್ಯೇ॒ಷ್ಠ॒ರಾಜ॒-ಮ್ಬ್ರಹ್ಮ॑ಣಾ-ಮ್ಬ್ರಹ್ಮಣಸ್ಪದ॒ ಆ ನ॑-ಶ್ಶೃ॒ಣ್ವನ್ನೂ॒ತಿಭಿ॑ಸ್ಸೀದ॒ ಸಾದ॑ನಮ್ ॥
ಮಹಾಗಣಪತಯೇ॒ ನಮಃ ॥

ಶ-ಞ್ಚ॑ ಮೇ॒ ಮಯ॑ಶ್ಚ ಮೇ ಪ್ರಿ॒ಯ-ಞ್ಚ॑ ಮೇ-ಽನುಕಾ॒ಮಶ್ಚ॑ ಮೇ॒ ಕಾಮ॑ಶ್ಚ ಮೇ ಸೌಮನಸ॒ಶ್ಚ॑ ಮೇ ಭ॒ದ್ರ-ಞ್ಚ॑ ಮೇ॒ ಶ್ರೇಯ॑ಶ್ಚ ಮೇ॒ ವಸ್ಯ॑ಶ್ಚ ಮೇ॒ ಯಶ॑ಶ್ಚ ಮೇ॒ ಭಗ॑ಶ್ಚ ಮೇ॒ ದ್ರವಿ॑ಣ-ಞ್ಚ ಮೇ ಯ॒ನ್ತಾ ಚ॑ ಮೇ ಧ॒ರ್ತಾ ಚ॑ ಮೇ॒ ಖ್ಷೇಮ॑ಶ್ಚ ಮೇ॒ ಧೃತಿ॑ಶ್ಚ ಮೇ॒ ವಿಶ್ವ॑-ಞ್ಚ ಮೇ॒ ಮಹ॑ಶ್ಚ ಮೇ ಸಂ॒​ವಿಁಚ್ಚ॑ ಮೇ॒ ಜ್ಞಾತ್ರ॑-ಞ್ಚ ಮೇ॒ ಸೂಶ್ಚ॑ ಮೇ ಪ್ರ॒ಸೂಶ್ಚ॑ ಮೇ॒ ಸೀರ॑-ಞ್ಚ ಮೇ ಲ॒ಯಶ್ಚ॑ ಮ ಋ॒ತ-ಞ್ಚ॑ ಮೇ॒-ಽಮೃತ॑-ಞ್ಚ ಮೇ-ಽಯ॒ಖ್ಷ್ಮ-ಞ್ಚ॒ ಮೇ-ಽನಾ॑ಮಯಚ್ಚ ಮೇ ಜೀ॒ವಾತು॑ಶ್ಚ ಮೇ ದೀರ್ಘಾಯು॒ತ್ವ-ಞ್ಚ॑ ಮೇ-ಽನಮಿ॒ತ್ರ-ಞ್ಚ॒ ಮೇ-ಽಭ॑ಯ-ಞ್ಚ ಮೇ ಸು॒ಗ-ಞ್ಚ॑ ಮೇ॒ ಶಯ॑ನ-ಞ್ಚ ಮೇ ಸೂ॒ಷಾ ಚ॑ ಮೇ॒ ಸು॒ದಿನ॑-ಞ್ಚ ಮೇ ॥

ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥