(ಋ.1.10.15.1)
ಉದೀ॑ರತಾ॒ಮವ॑ರ॒ ಉತ್ಪರಾ॑ಸ॒ ಉನ್ಮ॑ಧ್ಯ॒ಮಾಃ ಪಿ॒ತರ॑-ಸ್ಸೋ॒ಮ್ಯಾಸಃ॑ ।
ಅಸುಂ॒-ಯಁ ಈ॒ಯುರ॑ವೃ॒ಕಾ ಋ॑ತ॒ಜ್ಞಾಸ್ತೇ ನೋ॑-ಽವನ್ತು ಪಿ॒ತರೋ॒ ಹವೇ॑ಷು ॥ 01
ಇ॒ದ-ಮ್ಪಿ॒ತೃಭ್ಯೋ॒ ನಮೋ॑ ಅಸ್ತ್ವ॒ದ್ಯ ಯೇ ಪೂರ್ವಾ॑ಸೋ॒ ಯ ಉಪ॑ರಾಸ ಈ॒ಯುಃ ।
ಯೇ ಪಾರ್ಥಿ॑ವೇ॒ ರಜ॒ಸ್ಯಾ ನಿಷ॑ತ್ತಾ॒ ಯೇ ವಾ॑ ನೂ॒ನಂ ಸು॑ವೃ॒ಜನಾ॑ಸು ವಿ॒ಖ್ಷು ॥ 02
ಆಹ-ಮ್ಪಿ॒ತೄನ್ಸು॑ವಿ॒ದತ್ರಾಂ॑ ಅವಿತ್ಸಿ॒ ನಪಾ॑ತ-ಞ್ಚ ವಿ॒ಕ್ರಮ॑ಣ-ಞ್ಚ॒ ವಿಷ್ಣೋಃ॑ ।
ಬ॒ರ್ಹಿ॒ಷದೋ॒ ಯೇ ಸ್ವ॒ಧಯಾ॑ ಸು॒ತಸ್ಯ॒ ಭಜ॑ನ್ತ ಪಿ॒ತ್ವಸ್ತ ಇ॒ಹಾಗ॑ಮಿಷ್ಠಾಃ ॥ 03
ಬರ್ಹಿ॑ಷದಃ ಪಿತರ ಊ॒ತ್ಯ(1॒॑ )ರ್ವಾಗಿ॒ಮಾ ವೋ॑ ಹ॒ವ್ಯಾ ಚ॑ಕೃಮಾ ಜು॒ಷಧ್ವ॑ಮ್ ।
ತ ಆ ಗ॒ತಾವ॑ಸಾ॒ ಶನ್ತ॑ಮೇ॒ನಾಥಾ॑ ನ॒-ಶ್ಶಂ-ಯೋಁರ॑ರ॒ಪೋ ದ॑ಧಾತ ॥ 04
ಉಪ॑ಹೂತಾಃ ಪಿ॒ತರ॑-ಸ್ಸೋ॒ಮ್ಯಾಸೋ॑ ಬರ್ಹಿ॒ಷ್ಯೇ॑ಷು ನಿ॒ಧಿಷು॑ ಪ್ರಿ॒ಯೇಷು॑ ।
ತ ಆ ಗ॑ಮನ್ತು॒ ತ ಇ॒ಹ ಶ್ರು॑ವ॒ನ್ತ್ವಧಿ॑ ಬ್ರುವನ್ತು॒ ತೇ॑-ಽವನ್ತ್ವ॒ಸ್ಮಾನ್ ॥ 05
ಆಚ್ಯಾ॒ ಜಾನು॑ ದಖ್ಷಿಣ॒ತೋ ನಿ॒ಷದ್ಯೇ॒ಮಂ-ಯಁ॒ಜ್ಞಮ॒ಭಿ ಗೃ॑ಣೀತ॒ ವಿಶ್ವೇ॑ ।
ಮಾ ಹಿಂ॑ಸಿಷ್ಟ ಪಿತರಃ॒ ಕೇನ॑ ಚಿನ್ನೋ॒ ಯದ್ವ॒ ಆಗಃ॑ ಪುರು॒ಷತಾ॒ ಕರಾ॑ಮ ॥ 06
ಆಸೀ॑ನಾಸೋ ಅರು॒ಣೀನಾ॑ಮು॒ಪಸ್ಥೇ॑ ರ॒ಯಿ-ನ್ಧ॑ತ್ತ ದಾ॒ಶುಷೇ॒ ಮರ್ತ್ಯಾ॑ಯ ।
ಪು॒ತ್ರೇಭ್ಯಃ॑ ಪಿತರ॒ಸ್ತಸ್ಯ॒ ವಸ್ವಃ॒ ಪ್ರ ಯ॑ಚ್ಛತ॒ ತ ಇ॒ಹೋರ್ಜ॑-ನ್ದಧಾತ ॥ 07
ಯೇ ನಃ॒ ಪೂರ್ವೇ॑ ಪಿ॒ತರ॑-ಸ್ಸೋ॒ಮ್ಯಾಸೋ॑-ಽನೂಹಿ॒ರೇ ಸೋ॑ಮಪೀ॒ಥಂ-ವಁಸಿ॑ಷ್ಠಾಃ ।
ತೇಭಿ॑ರ್ಯ॒ಮ-ಸ್ಸಂ॑ರರಾ॒ಣೋ ಹ॒ವೀಂ‍ಷ್ಯು॒ಶನ್ನು॒ಶದ್ಭಿಃ॑ ಪ್ರತಿಕಾ॒ಮಮ॑ತ್ತು ॥ 08
ಯೇ ತಾ॑ತೃ॒ಷುರ್ದೇ॑ವ॒ತ್ರಾ ಜೇಹ॑ಮಾನಾ ಹೋತ್ರಾ॒ವಿದ॒-ಸ್ಸ್ತೋಮ॑ತಷ್ಟಾಸೋ ಅ॒ರ್ಕೈಃ ।
ಆಗ್ನೇ॑ ಯಾಹಿ ಸುವಿ॒ದತ್ರೇ॑ಭಿರ॒ರ್ವಾಙ್‍ ಸ॒ತ್ಯೈಃ ಕ॒ವ್ಯೈಃ ಪಿ॒ತೃಭಿ॑ರ್ಘರ್ಮ॒ಸದ್ಭಿಃ॑ ॥ 09
ಯೇ ಸ॒ತ್ಯಾಸೋ॑ ಹವಿ॒ರದೋ॑ ಹವಿ॒ಷ್ಪಾ ಇನ್ದ್ರೇ॑ಣ ದೇ॒ವೈ-ಸ್ಸ॒ರಥ॒-ನ್ದಧಾ॑ನಾಃ ।
ಆಗ್ನೇ॑ ಯಾಹಿ ಸ॒ಹಸ್ರ॑-ನ್ದೇವವ॒ನ್ದೈಃ ಪರೈಃ॒ ಪೂರ್ವೈಃ॑ ಪಿ॒ತೃಭಿ॑ರ್ಘರ್ಮ॒ಸದ್ಭಿಃ॑ ॥ 10
ಅಗ್ನಿ॑ಷ್ವಾತ್ತಾಃ ಪಿತರ॒ ಏಹ ಗ॑ಚ್ಛತ॒ ಸದ॑ಸ್ಸದ-ಸ್ಸದತ ಸುಪ್ರಣೀತಯಃ ।
ಅ॒ತ್ತಾ ಹ॒ವೀಂಷಿ॒ ಪ್ರಯ॑ತಾನಿ ಬ॒ರ್ಹಿಷ್ಯಥಾ॑ ರ॒ಯಿಂ ಸರ್ವ॑ವೀರ-ನ್ದಧಾತನ ॥ 11
ತ್ವಮ॑ಗ್ನ ಈಳಿ॒ತೋ ಜಾ॑ತವೇ॒ದೋ-ಽವಾ॑ಡ್ಢ॒ವ್ಯಾನಿ॑ ಸುರ॒ಭೀಣಿ॑ ಕೃ॒ತ್ವೀ ।
ಪ್ರಾದಾಃ॑ ಪಿ॒ತೃಭ್ಯ॑-ಸ್ಸ್ವ॒ಧಯಾ॒ ತೇ ಅ॑ಖ್ಷನ್ನ॒ದ್ಧಿ ತ್ವ-ನ್ದೇ॑ವ॒ ಪ್ರಯ॑ತಾ ಹ॒ವೀಂಷಿ॑ ॥ 12
ಯೇ ಚೇ॒ಹ ಪಿ॒ತರೋ॒ ಯೇ ಚ॒ ನೇಹ ಯಾಂ‍ಶ್ಚ॑ ವಿ॒ದ್ಮ ಯಾಁ ಉ॑ ಚ॒ ನ ಪ್ರ॑ವಿ॒ದ್ಮ ।
ತ್ವಂ-ವೇಁ॑ತ್ಥ॒ ಯತಿ॒ ತೇ ಜಾ॑ತವೇದ-ಸ್ಸ್ವ॒ಧಾಭಿ॑ರ್ಯ॒ಜ್ಞಂ ಸುಕೃ॑ತ-ಞ್ಜುಷಸ್ವ ॥ 13
ಯೇ ಅ॑ಗ್ನಿದ॒ಗ್ಧಾ ಯೇ ಅನ॑ಗ್ನಿದಗ್ಧಾ॒ ಮಧ್ಯೇ॑ ದಿ॒ವ-ಸ್ಸ್ವ॒ಧಯಾ॑ ಮಾ॒ದಯ॑ನ್ತೇ ।
ತೇಭಿ॑-ಸ್ಸ್ವ॒ರಾಳಸು॑ನೀತಿಮೇ॒ತಾಂ-ಯಁ॑ಥಾವ॒ಶ-ನ್ತ॒ನ್ವ॑-ಙ್ಕಲ್ಪಯಸ್ವ ॥ 14
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ।
