ಶ್ರೀ ಗಣೇಶಾಯ ನಮಃ ಶ್ರೀ ಸರಸ್ವತ್ಯೈ ನಮಃ
ಶ್ರೀಪಾದವಲ್ಲಭ ನರಸಿಂಹಸರಸ್ವತಿ
ಶ್ರೀಗುರು ದತ್ತಾತ್ರೇಯಾಯ ನಮಃ

ದತ್ತಾತ್ರೇಯಂ ಮಹಾತ್ಮಾನಂ ವರದಂ ಭಕ್ತವತ್ಸಲಮ್ ।
ಪ್ರಪನ್ನಾರ್ತಿಹರಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 1 ॥

ದೀನಬನ್ಧುಂ ಕೃಪಾಸಿನ್ಧುಂ ಸರ್ವಕಾರಣಕಾರಣಮ್ ।
ಸರ್ವರಕ್ಷಾಕರಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 2 ॥

ಶರಣಾಗತದೀನಾರ್ತ ಪರಿತ್ರಾಣಪರಾಯಣಮ್ ।
ನಾರಾಯಣಂ ವಿಭುಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 3 ॥

ಸರ್ವಾನರ್ಥಹರಂ ದೇವಂ ಸರ್ವಮಙ್ಗಳ ಮಙ್ಗಳಮ್ ।
ಸರ್ವಕ್ಲೇಶಹರಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 4 ॥

ಬ್ರಹ್ಮಣ್ಯಂ ಧರ್ಮತತ್ತ್ವಜ್ಞಂ ಭಕ್ತಕೀರ್ತಿವಿವರ್ಧನಮ್ ।
ಭಕ್ತಾಽಭೀಷ್ಟಪ್ರದಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 5 ॥

ಶೋಷಣಂ ಪಾಪಪಙ್ಕಸ್ಯ ದೀಪನಂ ಜ್ಞಾನತೇಜಸಃ ।
ತಾಪಪ್ರಶಮನಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 6 ॥

ಸರ್ವರೋಗಪ್ರಶಮನಂ ಸರ್ವಪೀಡಾನಿವಾರಣಮ್ ।
ವಿಪದುದ್ಧರಣಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 7 ॥

ಜನ್ಮಸಂಸಾರಬನ್ಧಘ್ನಂ ಸ್ವರೂಪಾನನ್ದದಾಯಕಮ್ ।
ನಿಶ್ಶ್ರೇಯಸಪದಂ ವನ್ದೇ ಸ್ಮರ್ತೃಗಾಮಿ ಸನೋವತು ॥ 8 ॥

ಜಯ ಲಾಭ ಯಶಃ ಕಾಮ ದಾತುರ್ದತ್ತಸ್ಯ ಯಃ ಸ್ತವಮ್ ।
ಭೋಗಮೋಕ್ಷಪ್ರದಸ್ಯೇಮಂ ಪ್ರಪಠೇತ್ ಸುಕೃತೀ ಭವೇತ್ ॥9 ॥

ಇತಿ ಶ್ರೀ ದತ್ತಸ್ತವಮ್ ।