කෘෂ්ණ යජුර්වේදීය තෛත්තිරීය සංහිතායා-ඤ්චතුර්ථකාණ්ඩේ ෂෂ්ඨඃ ප්රශ්නඃ - පරිෂේචන-සංස්කාරාභිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අශ්ම॒න්නූර්ජ॒-ම්පර්ව॑තේ ශිශ්රියා॒ණාං-වාඁතේ॑ ප॒ර්ජන්යේ॒ වරු॑ණස්ය॒ ශුෂ්මේ᳚ । අ॒ද්භ්ය ඕෂ॑ධීභ්යෝ॒ වන॒ස්පති॒භ්යෝ-ऽධි॒ සම්භෘ॑තා॒-න්තා-න්න॒ ඉෂ॒මූර්ජ॑-න්ධත්ත මරුත-ස්සග්​ම් රරා॒ණාඃ ॥ අශ්මග්ග්॑ස්තේ॒ ක්ෂුද॒මු-න්තේ॒ ශුගෘ॑ච්ඡතු॒ ය-න්ද්වි॒ෂ්මඃ ॥ ස॒මු॒ද්රස්ය॑ ත්වා॒-ऽවාක॒යා-ऽග්නේ॒ පරි॑ ව්යයාමසි । පා॒ව॒කෝ අ॒ස්මභ්යග්​ම්॑ ශි॒වෝ භ॑ව ॥ හි॒මස්ය॑ ත්වා ජ॒රායු॒ණා-ऽග්නේ॒ පරි॑ ව්යයාමසි । පා॒ව॒කෝ අ॒ස්මභ්යග්​ම්॑ ශි॒වෝ භ॑ව ॥ උප॒- [උප॑, ජ්මන්නුප॑] 1

-ජ්මන්නුප॑ වේත॒සේ-ऽව॑ත්තර-න්න॒දීෂ්වා । අග්නේ॑ පි॒ත්තම॒පාම॑සි ॥ මණ්ඩූ॑කි॒ තාභි॒රා ග॑හි॒ සේම-න්නෝ॑ ය॒ජ්ඤම් । පා॒ව॒කව॑ර්ණග්​ම් ශි॒ව-ඞ්කෘ॑ධි ॥ පා॒ව॒ක ආ චි॒තය॑න්ත්යා කෘ॒පා । ක්ෂාම॑-න්රුරු॒ච උ॒ෂසෝ॒ න භා॒නුනා᳚ ॥ තූර්ව॒-න්න යාම॒න්නේත॑ශස්ය॒ නූ රණ॒ ආ යෝ ඝෘ॒ණේ । න ත॑තෘෂා॒ණෝ අ॒ජරඃ॑ ॥ අග්නේ॑ පාවක රෝ॒චිෂා॑ ම॒න්ද්රයා॑ දේව ජි॒හ්වයා᳚ । ආ දේ॒වාන් [ආ දේ॒වාන්, ව॒ක්ෂි॒ යක්ෂි॑ ච ।] 2

ව॑ක්ෂි॒ යක්ෂි॑ ච ॥ ස නඃ॑ පාවක දීදි॒වෝ-ऽග්නේ॑ දේ॒වාග්​ම් ඉ॒හා-ऽऽ ව॑හ । උප॑ ය॒ජ්ඤග්​ම් හ॒විශ්ච॑ නඃ ॥ අ॒පාමි॒ද-න්න්යය॑නග්​ම් සමු॒ද්රස්ය॑ නි॒වේශ॑නම් । අ॒න්ය-න්තේ॑ අ॒ස්ම-ත්ත॑පන්තු හේ॒තයඃ॑ පාව॒කෝ අ॒ස්මභ්යග්​ම්॑ ශි॒වෝ භ॑ව ॥ නම॑ස්තේ॒ හර॑සේ ශෝ॒චිෂේ॒ නම॑ස්තේ අස්ත්ව॒ර්චිෂේ᳚ । අ॒න්ය-න්තේ॑ අ॒ස්ම-ත්ත॑පන්තු හේ॒තයඃ॑ පාව॒කෝ අ॒ස්මභ්යග්​ම්॑ ශි॒වෝ භ॑ව ॥ නෘ॒ෂදේ॒ ව- [නෘ॒ෂදේ॒ වට්, අ॒ඵ්සු॒ෂදේ॒ ව-ඩ්ව॑න॒සදේ॒] 3

-ඩ॑ඵ්සු॒ෂදේ॒ ව-ඩ්ව॑න॒සදේ॒ ව-ඩ්බ॑ර්​හි॒ෂදේ॒ වට්-ථ්සු॑ව॒ර්විදේ॒ වට් ॥ යේ දේ॒වා දේ॒වානාං᳚-යඁ॒ජ්ඤියා॑ ය॒ජ්ඤියා॑නාග්​ම් සං​වඁ-ථ්ස॒රීණ॒මුප॑ භා॒ගමාස॑තේ । අ॒හු॒තාදෝ॑ හ॒විෂෝ॑ ය॒ජ්ඤේ අ॒ස්මින්-ථ්ස්ව॒ය-ඤ්ජු॑හුද්ධ්ව॒-ම්මධු॑නෝ ඝෘ॒තස්ය॑ ॥ යේ දේ॒වා දේ॒වේෂ්වධි॑ දේව॒ත්වමාය॒න්॒ යේ බ්රහ්ම॑ණඃ පුර ඒ॒තාරෝ॑ අ॒ස්ය । යේභ්යෝ॒ නර්තේ පව॑තේ॒ ධාම॒ කි-ඤ්ච॒න න තේ දි॒වෝ න පෘ॑ථි॒ව්යා අධි॒ ස්නුෂු॑ ॥ ප්රා॒ණ॒දා [ප්රා॒ණ॒දාඃ, අ॒පා॒න॒දා ව්යා॑න॒දා-] 4

අ॑පාන॒දා ව්යා॑න॒දා-ශ්ච॑ක්ෂු॒ර්දා ව॑ර්චෝ॒දා ව॑රිවෝ॒දාඃ । අ॒න්ය-න්තේ॑ අ॒ස්ම-ත්ත॑පන්තු හේ॒තයඃ॑ පාව॒කෝ අ॒ස්මභ්යග්​ම්॑ ශි॒වෝ භ॑ව ॥ අ॒ග්නිස්ති॒ග්මේන॑ ශෝ॒චිෂා॒ යග්​ම්ස॒ද්විශ්ව॒-න්න්ය॑ත්රිණ᳚ම් । අ॒ග්නිර්නෝ॑ වග්​ම්සතේ ර॒යිම් ॥ සෛනා-ऽනී॑කේන සුවි॒දත්රෝ॑ අ॒ස්මේ යෂ්ටා॑ දේ॒වාග්​ම් ආය॑ජිෂ්ඨ-ස්ස්ව॒ස්ති । අද॑බ්ධෝ ගෝ॒පා උ॒ත නඃ॑ පර॒ස්පා අග්නේ᳚ ද්යු॒මදු॒ත රේ॒ව-ද්දි॑දීහි ॥ 5 ॥
(උප॑-දේ॒වාන්-වට්-ප්රා॑ණ॒දා-ශ්චතු॑ශ්චත්වාරිග්​ම්ශච්ච) (අ. 1)

ය ඉ॒මා විශ්වා॒ භුව॑නානි॒ ජුහ්ව॒දෘෂි॒ර්॒හෝතා॑ නිෂ॒සාදා॑ පි॒තා නඃ॑ । ස ආ॒ශිෂා॒ ද්රවි॑ණමි॒ච්ඡමා॑නඃ පරම॒ච්ඡදෝ॒ වර॒ ආ වි॑වේශ ॥ වි॒ශ්වක॑ර්මා॒ මන॑සා॒ යද්විහා॑යා ධා॒තා වි॑ධා॒තා ප॑ර॒මෝත ස॒න්දෘක් । තේෂා॑මි॒ෂ්ටානි॒ සමි॒ෂා ම॑දන්ති॒ යත්ර॑ සප්ත॒ර්॒ෂී-න්ප॒ර ඒක॑මා॒හුඃ ॥ යෝ නඃ॑ පි॒තා ජ॑නි॒තා යෝ වි॑ධා॒තා යෝ න॑-ස්ස॒තෝ අ॒භ්යා සජ්ජ॒ජාන॑ । 6

යෝ දේ॒වානා᳚-න්නාම॒ධා ඒක॑ ඒ॒ව තග්​ම් ස॑ම්ප්ර॒ශ්ඤ-ම්භුව॑නා යන්ත්ය॒න්යා ॥ ත ආ-ऽය॑ජන්ත॒ ද්රවි॑ණ॒ග්​ම්॒ සම॑ස්මා॒ ඍෂ॑යඃ॒ පූර්වේ॑ ජරි॒තාරෝ॒ න භූ॒නා । අ॒සූර්තා॒ සූර්තා॒ රජ॑සෝ වි॒මානේ॒ යේ භූ॒තානි॑ ස॒මකෘ॑ණ්වන්නි॒මානි॑ ॥ න තං-විඁ ॑දාථ॒ ය ඉ॒ද-ඤ්ජ॒ජානා॒න්ය-ද්යු॒ෂ්මාක॒මන්ත॑ර-ම්භවාති । නී॒හා॒රේණ॒ ප්රාවෘ॑තා॒ ජල්ප්යා॑ චාසු॒තෘප॑ උක්ථ॒ ශාස॑ශ්චරන්ති ॥ ප॒රෝ දි॒වා ප॒ර ඒ॒නා [ප॒ර ඒ॒නා, පෘ॒ථි॒ව්යා ප॒රෝ] 7

පෘ॑ථි॒ව්යා ප॒රෝ දේ॒වේභි॒රසු॑රෛ॒ර්ගුහා॒ යත් । කග්ග්​ ස්වි॒ද්ගර්භ॑-ම්ප්රථ॒ම-න්ද॑ද්ධ්ර॒ ආපෝ॒ යත්ර॑ දේ॒වා-ස්ස॒මග॑ච්ඡන්ත॒ විශ්වේ᳚ ॥ තමිද්ගර්භ॑-ම්ප්රථ॒ම-න්ද॑ද්ධ්ර॒ ආපෝ॒ යත්ර॑ දේ॒වා-ස්ස॒මග॑ච්ඡන්ත॒ විශ්වේ᳚ । අ॒ජස්ය॒ නාභා॒වද්ධ්යේක॒-මර්පි॑තං॒-යඁස්මි॑න්නි॒දං-විඁශ්ව॒-ම්භුව॑න॒මධි॑ ශ්රි॒තම් ॥ වි॒ශ්වක॑ර්මා॒ හ්යජ॑නිෂ්ට දේ॒ව ආදි-ද්ග॑න්ධ॒ර්වෝ අ॑භව-ද්ද්වි॒තීයඃ॑ । තෘ॒තීයඃ॑ පි॒තා ජ॑නි॒තෞෂ॑ධීනා- [පි॒තා ජ॑නි॒තෞෂ॑ධීනාම්, අ॒පා-ඞ්ගර්භං॒-ව්යඁ ॑දධා-ත්පුරු॒ත්රා ।] 8

-ම॒පා-ඞ්ගර්භං॒-ව්යඁ ॑දධා-ත්පුරු॒ත්රා ॥ චක්ෂු॑ෂඃ පි॒තා මන॑සා॒ හි ධීරෝ॑ ඝෘ॒තමේ॑නේ අජන॒න්න॑මානේ । ය॒දේදන්තා॒ අද॑දෘග්​ම්හන්ත॒ පූර්ව॒ ආදි-ද්ද්යාවා॑පෘථි॒වී අ॑ප්රථේතාම් ॥ වි॒ශ්වත॑-ශ්චක්ෂුරු॒ත වි॒ශ්වතෝ॑මුඛෝ වි॒ශ්වතෝ॑හස්ත උ॒ත වි॒ශ්වත॑ස්පාත් । ස-ම්බා॒හුභ්යා॒-න්නම॑ති॒ ස-ම්පත॑ත්රෛ॒ ර්ද්යාවා॑පෘථි॒වී ජ॒නය॑-න්දේ॒ව ඒකඃ॑ ॥ කිග්ග්​ ස්වි॑දාසී-දධි॒ෂ්ඨාන॑-මා॒රම්භ॑ණ-ඞ්කත॒ම-ථ්ස්වි॒-ත්කිමා॑සීත් । යදී॒ භූමි॑-ඤ්ජ॒නය॑- [යදී॒ භූමි॑-ඤ්ජ॒නයන්න්॑, වි॒ශ්වක॑ර්මා॒] 9

-න්වි॒ශ්වක॑ර්මා॒ වි ද්යාමෞර්ණෝ᳚-න්මහි॒නා වි॒ශ්වච॑ක්ෂාඃ ॥ කිග්ග්​ ස්වි॒ද්වන॒-ඞ්ක උ॒ ස වෘ॒ක්ෂ ආ॑සී॒ද්යතෝ॒ ද්යාවා॑පෘථි॒වී නි॑ෂ්ටත॒ක්ෂුඃ । මනී॑ෂිණෝ॒ මන॑සා පෘ॒ච්ඡතේදු॒ තද්යද॒ද්ධ්යති॑ෂ්ඨ॒-ද්භුව॑නානි ධා॒රයන්න්॑ ॥ යා තේ॒ ධාමා॑නි පර॒මාණි॒ යා-ऽව॒මා යා ම॑ද්ධ්ය॒මා වි॑ශ්වකර්මන්නු॒තේමා । ශික්ෂා॒ සඛි॑භ්යෝ හ॒විෂි॑ ස්වධාව-ස්ස්ව॒යං-යඁ ॑ජස්ව ත॒නුව॑-ඤ්ජුෂා॒ණඃ ॥ වා॒චස්පතිං॑-විඁ॒ශ්වක॑ර්මාණ-මූ॒තයේ॑ [-මූ॒තයේ᳚, ම॒නෝ॒යුජං॒-වාඁජේ॑] 10

මනෝ॒යුජං॒-වාඁජේ॑ අ॒ද්යා හු॑වේම । ස නෝ॒ නේදි॑ෂ්ඨා॒ හව॑නානි ජෝෂතේ වි॒ශ්වශ॑භූං॒රව॑සේ සා॒ධුක॑ර්මා ॥ විශ්ව॑කර්මන්. හ॒විෂා॑ වාවෘධා॒න-ස්ස්ව॒යං-යඁ ॑ජස්ව ත॒නුව॑-ඤ්ජුෂා॒ණඃ । මුහ්ය॑න්ත්ව॒න්යේ අ॒භිත॑-ස්ස॒පත්නා॑ ඉ॒හාස්මාක॑-ම්ම॒ඝවා॑ සූ॒රිර॑ස්තු ॥ විශ්ව॑කර්මන්. හ॒විෂා॒ වර්ධ॑නේන ත්රා॒තාර॒මින්ද්ර॑-මකෘණෝරව॒ද්ධ්යම් । තස්මෛ॒ විශ॒-ස්සම॑නමන්ත පූ॒ර්වීර॒යමු॒ග්රෝ වි॑හ॒ව්යෝ॑ යථා-ऽස॑ත් ॥ ස॒මු॒ද්රාය॑ ව॒යුනා॑ය॒ සින්ධූ॑නා॒-ම්පත॑යේ॒ නමඃ॑ । න॒දීනා॒ග්​ම්॒ සර්වා॑සා-ම්පි॒ත්රේ ජු॑හු॒තා වි॒ශ්වක॑ර්මණේ॒ විශ්වා-ऽහාම॑ර්ත්යග්​ම් හ॒විඃ ॥ 11 ॥
(ජ॒ජානෛ॒ - නෞ - ෂ॑ධීනාං॒ - භූමි॑-ඤ්ජ॒නය॑ - න්නූ॒තයේ॒ - නමෝ॒ - නව॑ ච) (අ. 2)

උදේ॑නමුත්ත॒රා-න්න॒යාග්නේ॑ ඝෘතේනා-ऽऽහුත । රා॒යස්පෝෂේ॑ණ॒ සග්​ම් සෘ॑ජ ප්ර॒ජයා॑ ච॒ ධනේ॑න ච ॥ ඉන්ද්රේ॒ම-ම්ප්ර॑ත॒රා-ඞ්කෘ॑ධි සජා॒තානා॑-මසද්ව॒ශී । සමේ॑නං॒-වඁර්ච॑සා සෘජ දේ॒වේභ්යෝ॑ භාග॒ධා අ॑සත් ॥ යස්ය॑ කු॒ර්මෝ හ॒විර්ගෘ॒හේ තම॑ග්නේ වර්ධයා॒ ත්වම් । තස්ම॑ දේ॒වා අධි॑ බ්රවන්න॒ය-ඤ්ච॒ බ්රහ්ම॑ණ॒ස්පතිඃ॑ ॥ උදු॑ ත්වා॒ විශ්වේ॑ දේ॒වා [විශ්වේ॑ දේ॒වාඃ, අග්නේ॒ භර॑න්තු॒ චිත්ති॑භිඃ ।] 12

අග්නේ॒ භර॑න්තු॒ චිත්ති॑භිඃ । ස නෝ॑ භව ශි॒වත॑ම-ස්සු॒ප්රතී॑කෝ වි॒භාව॑සුඃ ॥ පඤ්ච॒ දිශෝ॒ දෛවී᳚ර්ය॒ජ්ඤම॑වන්තු දේ॒වීරපාම॑ති-න්දුර්ම॒ති-ම්බාධ॑මානාඃ । රා॒යස්පෝෂේ॑ ය॒ජ්ඤප॑ති-මා॒භජ॑න්තීඃ ॥ රා॒යස්පෝෂේ॒ අධි॑ ය॒ජ්ඤෝ අ॑ස්ථා॒-ථ්සමි॑ද්ධේ අ॒ග්නාවධි॑ මාමහා॒නඃ । උ॒ක්ථප॑ත්ර॒ ඊඩ්යෝ॑ ගෘභී॒තස්ත॒ප්ත-ඞ්ඝ॒ර්ම-ම්ප॑රි॒ගෘහ්යා॑යජන්ත ॥ ඌ॒ර්ජා ය-ද්ය॒ජ්ඤමශ॑මන්ත දේ॒වා දෛව්යා॑ය ධ॒ර්ත්රේ ජෝෂ්ට්රේ᳚ । දේ॒ව॒ශ්රී-ශ්ශ්රීම॑ණා-ශ්ශ॒තප॑යාඃ [දේ॒ව॒ශ්රී-ශ්ශ්රීම॑ණා-ශ්ශ॒තප॑යාඃ, ප॒රි॒ගෘහ්ය॑] 13

පරි॒ගෘහ්ය॑ දේ॒වා ය॒ජ්ඤමා॑යන්න් ॥ සූර්ය॑රශ්මි॒ර්॒හරි॑කේශඃ පු॒රස්තා᳚-ථ්සවි॒තා ජ්යෝති॒රුද॑යා॒ග්​ම්॒ අජ॑ස්රම් । තස්ය॑ පූ॒ෂා ප්ර॑ස॒වං-යාඁ ॑ති දේ॒ව-ස්ස॒පංශ්ය॒න් විශ්වා॒ භුව॑නානි ගෝ॒පාඃ ॥ දේ॒වා දේ॒වේභ්යෝ॑ අද්ධ්ව॒ර්යන්තෝ॑ අස්ථුර්වී॒තග්​ම් ශ॑මි॒ත්රේ ශ॑මි॒තා ය॒ජද්ධ්යෛ᳚ । තු॒රීයෝ॑ ය॒ජ්ඤෝ යත්ර॑ හ॒ව්යමේති॒ තතඃ॑ පාව॒කා ආ॒ශිෂෝ॑ නෝ ජුෂන්තාම් ॥ වි॒මාන॑ ඒ॒ෂ දි॒වෝ මද්ධ්ය॑ ආස්ත ආපප්රි॒වා-න්රෝද॑සී අ॒න්තරි॑ක්ෂම් । ස වි॒ශ්වාචී॑ර॒භි- [ස වි॒ශ්වාචී॑ර॒භි, ච॒ෂ්ටේ॒ ඝෘ॒තාචී॑රන්ත॒රා] 14

-ච॑ෂ්ටේ ඝෘ॒තාචී॑රන්ත॒රා පූර්ව॒මප॑ර-ඤ්ච කේ॒තුම් ॥ උ॒ක්ෂා ස॑මු॒ද්රෝ අ॑රු॒ණ-ස්සු॑ප॒ර්ණඃ පූර්ව॑ස්ය॒ යෝනි॑-ම්පි॒තුරා වි॑වේශ । මද්ධ්යේ॑ දි॒වෝ නිහි॑තඃ॒ පෘශ්ඤි॒රශ්මා॒ වි ච॑ක්රමේ॒ රජ॑සඃ පා॒ත්යන්තෞ᳚ ॥ ඉන්ද්රං॒-විඁශ්වා॑ අවීවෘධන්-ථ්සමු॒ද්රව්ය॑චස॒-ඞ්ගිරඃ॑ । ර॒ථීත॑මග්​ම් රථී॒නාං-වාඁජා॑නා॒ග්​ම්॒ සත්ප॑ති॒-ම්පති᳚ම් ॥ සු॒ම්න॒හූර්ය॒ජ්ඤෝ දේ॒වාග්​ම් ආ ච॑ වක්ෂ॒ද්යක්ෂ॑ද॒ග්නිර්දේ॒වෝ දේ॒වාග්​ම් ආ ච॑ වක්ෂත් ॥ වාජ॑ස්ය මා ප්රස॒වේනෝ᳚-ද්ග්රා॒භේණෝ-ද॑ග්රභීත් । අථා॑ ස॒පත්නා॒ග්​ම්॒ ඉන්ද්රෝ॑ මේ නිග්රා॒භේණාධ॑රාග්​ම් අකඃ ॥ උ॒ද්ග්රා॒භ-ඤ්ච॑ නිග්රා॒භ-ඤ්ච॒ බ්රහ්ම॑ දේ॒වා අ॑වීවෘධන්න් । අථා॑ ස॒පත්නා॑නින්ද්රා॒ග්නී මේ॑ විෂූ॒චීනා॒න් ව්ය॑ස්යතාම් ॥ 15 ॥
(දේ॒වාඃ - ශ॒තප॑යා - අ॒භි - වාජ॑ස්ය॒ - ෂඩ්විග්​ම්॑ශතිශ්ච ) (අ. 3)

ආ॒ශු-ශ්ශිශා॑නෝ වෘෂ॒භෝ න යු॒ද්ධ්මෝ ඝ॑නාඝ॒නඃ, ක්ෂෝභ॑ණ-ශ්චර්​ෂණී॒නාම් । ස॒ඞ්ක්රන්ද॑නෝ-ऽනිමි॒ෂ ඒ॑ක වී॒ර-ශ්ශ॒තග්​ම් සේනා॑ අජය-ථ්සා॒කමින්ද්රඃ॑ ॥ ස॒ඞ්ක්රන්ද॑නේනා නිමි॒ෂේණ॑ ජි॒ෂ්ණුනා॑ යුත්කා॒රේණ॑ දුශ්ච්යව॒නේන॑ ධෘ॒ෂ්ණුනා᳚ । තදින්ද්රේ॑ණ ජයත॒ ත-ථ්ස॑හද්ධ්වං॒-යුඁධෝ॑ නර॒ ඉෂු॑හස්තේන॒ වෘෂ්ණා᳚ ॥ ස ඉෂු॑හස්තෛ॒-ස්ස නි॑ෂ॒ඞ්ගිභි॑ර්ව॒ශී සග්ග්​ස්ර॑ෂ්ටා॒ ස යුධ॒ ඉන්ද්රෝ॑ ග॒ණේන॑ । ස॒ග්​ම්॒සෘ॒ෂ්ට॒ජි-ථ්සෝ॑ම॒පා බා॑හුශ॒ර්ධ්යූ᳚ර්ධ්වධ॑න්වා॒ ප්රති॑හිතාභි॒රස්තා᳚ ॥ බෘහ॑ස්පතේ॒ පරි॑ දීයා॒ [පරි॑ දීය, රථේ॑න] 16

රථේ॑න රක්ෂෝ॒හා ऽමිත්රාග්​ම්॑ අප॒ බාධ॑මානඃ । ප්ර॒භ॒ඤ්ජන්-ථ්සේනාඃ᳚ ප්රමෘ॒ණෝ යු॒ධා ජය॑න්න॒ස්මාක॑-මේද්ධ්යවි॒තා රථා॑නාම් ॥ ගෝ॒ත්ර॒භිද॑-ඞ්ගෝ॒විදං॒-වඁජ්ර॑බාහු॒-ඤ්ජය॑න්ත॒මජ්ම॑ ප්රමෘ॒ණන්ත॒-මෝජ॑සා । ඉ॒මග්​ම් ස॑ජාතා॒ අනු॑වීර-යද්ධ්ව॒මින්ද්රග්​ම්॑ සඛා॒යෝ-ऽනු॒ සග්​ම් ර॑භද්ධ්වම් ॥ බ॒ල॒වි॒ජ්ඤා॒යඃ-ස්ථවි॑රඃ॒ ප්රවී॑ර॒-ස්සහ॑ස්වාන්. වා॒ජී සහ॑මාන උ॒ග්රඃ । අ॒භිවී॑රෝ අ॒භිස॑ත්වා සහෝ॒ජා ජෛත්ර॑මින්ද්ර॒ රථ॒මාති॑ෂ්ඨ ගෝ॒විත් ॥ අ॒භි ගෝ॒ත්රාණි॒ සහ॑සා॒ ගාහ॑මානෝ-ऽදා॒යෝ [ගාහ॑මානෝ-ऽදා॒යඃ, වී॒ර-ශ්ශ॒තම॑න්යු॒රින්ද්රඃ॑ ।] 17

වී॒ර-ශ්ශ॒තම॑න්යු॒රින්ද්රඃ॑ । දු॒ශ්ච්ය॒ව॒නඃ පෘ॑තනා॒ෂාඩ॑ යු॒ද්ධ්යෝ᳚-ස්මාක॒ග්​ම්॒ සේනා॑ අවතු॒ ප්ර යු॒ථ්සු ॥ ඉන්ද්ර॑ ආසාං-නේ॒තා බෘහ॒ස්පති॒ ර්දක්ෂි॑ණා ය॒ජ්ඤඃ පු॒ර ඒ॑තු॒ සෝමඃ॑ । දේ॒ව॒සේ॒නානා॑-මභිභඤ්ජතී॒නා-ඤ්ජය॑න්තීනා-ම්ම॒රුතෝ॑ ය॒න්ත්වග්රේ᳚ ॥ ඉන්ද්ර॑ස්ය॒ වෘෂ්ණෝ॒ වරු॑ණස්ය॒ රාජ්ඤ॑ ආදි॒ත්යානා᳚-ම්ම॒රුතා॒ග්​ම්॒ ශර්ධ॑ උ॒ග්රම් । ම॒හාම॑නසා-ම්භුවනච්ය॒වානා॒-ඞ්ඝෝෂෝ॑ දේ॒වානා॒-ඤ්ජය॑තා॒ මුද॑ස්ථාත් ॥ අ॒ස්මාක॒-මින්ද්ර॒-ස්සමෘ॑තේෂු ධ්ව॒ජේෂ්ව॒ස්මාකං॒-යාඁ ඉෂ॑ව॒ස්තා ජ॑යන්තු । 18

අ॒ස්මාකං॑-වීඁ॒රා උත්ත॑රේ භවන්ත්ව॒ස්මානු॑ දේවා අවතා॒ හවේ॑ෂු ॥ උද්ධ॑ර්​ෂය මඝව॒න්නා-යු॑ධා॒-න්යුථ්සත්ව॑නා-ම්මාම॒කානා॒-ම්මහාග්​ම්॑සි । උද්වෘ॑ත්රහන් වා॒ජිනාං॒-වාඁජි॑නා॒න්යු-ද්රථා॑නා॒-ඤ්ජය॑තාමේතු॒ ඝෝෂඃ॑ ॥ උප॒ ප්රේත॒ ජය॑තා නරස්ස්ථි॒රා ව॑-ස්සන්තු බා॒හවඃ॑ । ඉන්ද්රෝ॑ ව॒-ශ්ශර්ම॑ යච්ඡ ත්වනා-ධෘ॒ෂ්යා යථාස॑ථ ॥ අව॑සෘෂ්ටා॒ පරා॑ පත॒ ශර॑ව්යේ॒ බ්රහ්ම॑ සග්​ම්ශිතා । ගච්ඡා॒-ऽමිත්රා॒-න්ප්ර- [ගච්ඡා॒-ऽමිත්රා॒-න්ප්ර, වි॒ශ॒ මෛෂා॒-] 19

-වි॑ශ॒ මෛෂා॒-ඞ්කඤ්ච॒නෝච්ඡි॑ෂඃ ॥ මර්මා॑ණි තේ॒ වර්ම॑භිශ්ඡාදයාමි॒ සෝම॑ස්ත්වා॒ රාජා॒ ऽමෘතේ॑නා॒භි-ව॑ස්තාම් । උ॒රෝර්වරී॑යෝ॒ වරි॑වස්තේ අස්තු॒ ජය॑න්ත॒-න්ත්වාමනු॑ මදන්තු දේ॒වාඃ ॥ යත්ර॑ බා॒ණා-ස්ස॒ම්පත॑න්ති කුමා॒රා වි॑ශි॒ඛා ඉ॑ව । ඉන්ද්රෝ॑ න॒ස්තත්ර॑ වෘත්ර॒හා වි॑ශ්වා॒හා ශර්ම॑ යච්ඡතු ॥ 20 ॥
(දී॒යා॒ - ऽදා॒යෝ - ජ॑යන්ත්ව॒ - මිත්රා॒-න්ප්ර - ච॑ත්වාරි॒ග්​ම්॒ශච්ච॑) (අ. 4)

ප්රාචී॒මනු॑ ප්ර॒දිශ॒-ම්ප්රේහි॑ වි॒ද්වාන॒ග්නේර॑ග්නේ පු॒රෝ අ॑ග්නිර්භවේ॒හ । විශ්වා॒ ආශා॒ දීද්යා॑නෝ॒ වි භා॒හ්යූර්ජ॑-න්නෝ ධේහි ද්වි॒පදේ॒ චතු॑ෂ්පදේ ॥ ක්රම॑ද්ධ්වම॒ග්නිනා॒ නාක॒මුඛ්ය॒ග්​ම්॒ හස්තේ॑ෂු॒ බිභ්ර॑තඃ । දි॒වඃ පෘ॒ෂ්ඨග්​ම් සුව॑ර්ග॒ත්වා මි॒ශ්රා දේ॒වේභි॑රාද්ධ්වම් ॥ පෘ॒ථි॒ව්යා අ॒හමුද॒න්තරි॑ක්ෂ॒-මා-ऽරු॑හ-ම॒න්තරි॑ක්ෂා॒-ද්දිව॒මා-ऽරු॑හම් । දි॒වෝ නාක॑ස්ය පෘ॒ෂ්ඨා-ථ්සුව॒ර්ජ්යෝති॑රගා- [පෘ॒ෂ්ඨා-ථ්සුව॒ර්ජ්යෝති॑රගාම්, අ॒හම් ।] 21

-ම॒හම් ॥ සුව॒ර්යන්තෝ॒ නාපේ᳚ක්ෂන්ත॒ ආ ද්යාග්​ම් රෝ॑හන්ති॒ රෝද॑සී । ය॒ජ්ඤං-යේඁ වි॒ශ්වතෝ॑ධාර॒ග්​ම්॒ සුවි॑ද්වාග්​ම්සෝ විතේනි॒රේ ॥ අග්නේ॒ ප්රේහි॑ ප්රථ॒මෝ දේ॑වය॒තා-ඤ්චක්ෂු॑ර්දේ॒වානා॑මු॒ත මර්ත්යා॑නාම් । ඉය॑ක්ෂමාණා॒ භෘගු॑භි-ස්ස॒ජෝෂා॒-ස්සුව॑ර්යන්තු॒ යජ॑මානා-ස්ස්ව॒ස්ති ॥ නක්තෝ॒ෂාසා॒ සම॑නසා॒ විරූ॑පේ ධා॒පයේ॑තේ॒ ශිශු॒මේකග්​ම්॑ සමී॒චී । ද්යාවා॒ ක්ෂාමා॑ රු॒ක්මෝ අ॒න්තර්වි භා॑ති දේ॒වා අ॒ග්නි-න්ධා॑රය-න්ද්රවිණෝ॒දාඃ ॥ අග්නේ॑ සහස්රාක්ෂ [අග්නේ॑ සහස්රාක්ෂ, ශ॒ත॒මූ॒ර්ධ॒ඤ්ඡ॒ත-න්තේ᳚] 22

ශතමූර්ධඤ්ඡ॒ත-න්තේ᳚ ප්රා॒ණා-ස්ස॒හස්ර॑මපා॒නාඃ । ත්වග්​ම් සා॑හ॒ස්රස්ය॑ රා॒ය ඊ॑ශිෂේ॒ තස්මෛ॑ තේ විධේම॒ වාජා॑ය॒ ස්වාහා᳚ ॥ සු॒ප॒ර්ණෝ॑-ऽසි ග॒රුත්මා᳚-න්පෘථි॒ව්යාග්​ම් සී॑ද පෘ॒ෂ්ඨේ පෘ॑ථි॒ව්යා-ස්සී॑ද භා॒සා-ऽන්තරි॑ක්ෂ॒මා පෘ॑ණ॒ ජ්යෝති॑ෂා॒ දිව॒මුත්ත॑භාන॒ තේජ॑සා॒ දිශ॒ උ-ද්දෘග්​ම්॑හ ॥ ආ॒ජුහ්වා॑න-ස්සු॒ප්රතී॑කඃ පු॒රස්තා॒දග්නේ॒ ස්වාං-යෝඁනි॒මා සී॑ද සා॒ද්ධ්යා । අ॒ස්මින්-ථ්ස॒ධස්ථේ॒ අද්ධ්යුත්ත॑රස්මි॒න් විශ්වේ॑ දේවා॒ [අද්ධ්යුත්ත॑රස්මි॒න් විශ්වේ॑ දේවාඃ, යජ॑මානශ්ච සීදත ।] 23

යජ॑මානශ්ච සීදත ॥ ප්රේද්ධෝ॑ අග්නේ දීදිහි පු॒රෝ නෝ-ऽජ॑ස්රයා සූ॒ර්ම්යා॑ යවිෂ්ඨ । ත්වාග්​ම් ශශ්ව॑න්ත॒ උප॑ යන්ති॒ වාජාඃ᳚ ॥ වි॒ධේම॑ තේ පර॒මේ ජන්ම॑න්නග්නේ වි॒ධේම॒ ස්තෝමෛ॒රව॑රේ ස॒ධස්ථේ᳚ । යස්මා॒-ද්යෝනේ॑රු॒දාරි॑ථා॒ යජේ॒ ත-ම්ප්රත්වේ හ॒වීග්​ම්ෂි॑ ජුහුරේ॒ සමි॑ද්ධේ ॥ තාග්​ම් ස॑වි॒තුර්වරේ᳚ණ්යස්ය චි॒ත්රාමා-ऽහං-වෘඁ ॑ණේ සුම॒තිං-විඁ॒ශ්වජ॑න්යාම් । යාම॑ස්ය॒ කණ්වෝ॒ අදු॑හ॒-ත්ප්රපී॑නාග්​ම් ස॒හස්ර॑ධාරා॒- [ස॒හස්ර॑ධාරාම්, පය॑සා ම॒හී-ඞ්ගාම් ।] 24

-ම්පය॑සා ම॒හී-ඞ්ගාම් ॥ ස॒ප්ත තේ॑ අග්නේ ස॒මිධ॑-ස්ස॒ප්ත ජි॒හ්වා-ස්ස॒ප්තර්​ෂ॑ය-ස්ස॒ප්ත ධාම॑ ප්රි॒යාණි॑ । ස॒ප්ත හෝත්රා᳚-ස්සප්ත॒ධා ත්වා॑ යජන්ති ස॒ප්ත යෝනී॒රා පෘ॑ණස්වා ඝෘ॒තේන॑ ॥ ඊ॒දෘ-ඤ්චා᳚න්යා॒දෘ-ඤ්චෛ॑තා॒දෘඤ්ච॑ ප්රති॒දෘ-ඤ්ච॑ මි॒තශ්ච॒ සම්මි॑තශ්ච॒ සභ॑රාඃ ॥ ශු॒ක්රජ්යෝ॑තිශ්ච චි॒ත්රජ්යෝ॑තිශ්ච ස॒ත්යජ්යෝ॑තිශ්ච॒ ජ්යෝති॑ෂ්මාග්​ශ්ච ස॒ත්යශ්ච॑ර්ත॒පාශ්චාත්යග්​ම්॑හාඃ । 25

ඍ॒ත॒ජිච්ච॑ සත්ය॒ජිච්ච॑ සේන॒ජිච්ච॑ සු॒ෂේණ॒ශ්චාන්ත්ය॑මිත්රශ්ච දූ॒රේ අ॑මිත්රශ්ච ග॒ණඃ ॥ ඍ॒තශ්ච॑ ස॒ත්යශ්ච॑ ධ්රු॒වශ්ච॑ ධ॒රුණ॑ශ්ච ධ॒ර්තා ච॑ විධ॒ර්තා ච॑ විධාර॒යඃ ॥ ඊ॒දෘක්ෂා॑ස ඒතා॒දෘක්ෂා॑ස ඌ॒ ෂුණ॑-ස්ස॒දෘක්ෂා॑සඃ॒ ප්රති॑සදෘක්ෂාස॒ ඒත॑න । මි॒තාස॑ශ්ච॒ සම්මි॑තාසශ්ච න ඌ॒තයේ॒ සභ॑රසෝ මරුතෝ ය॒ජ්ඤේ අ॒ස්මින්නින්ද්ර॒-න්දෛවී॒ර්විශෝ॑ ම॒රුතෝ-ऽනු॑වර්ත්මානෝ॒ යථේන්ද්ර॒-න්දෛවී॒ර්විශෝ॑ ම॒රුතෝ-ऽනු॑වර්ත්මාන ඒ॒වමි॒මං-යඁජ॑මාන॒-න්දෛවී᳚ශ්ච॒ විශෝ॒ මානු॑ෂී॒ශ්චානු॑වර්ත්මානෝ භවන්තු ॥ 26 ॥
(අ॒ගා॒ග්​ම්॒ - ස॒හ॒ස්රා॒ක්ෂ॒ - දේ॒වාඃ॒ - ස॒හස්ර॑ධාරා॒ - මත්යග්​ම්॑හා॒ - අනු॑වර්ත්මානඃ॒ - ෂෝඩ॑ශ ච) (අ. 5)

ජී॒මූත॑ස්යේව භවති॒ ප්රතී॑කං॒-යඁද්ව॒ර්මී යාති॑ ස॒මදා॑මු॒පස්ථේ᳚ । අනා॑විද්ධයා ත॒නුවා॑ ජය॒ ත්වග්​ම් ස ත්වා॒ වර්ම॑ණෝ මහි॒මා පි॑පර්තු ॥ ධන්ව॑නා॒ ගා ධන්ව॑නා॒-ऽऽජි-ඤ්ජ॑යේම॒ ධන්ව॑නා තී॒ව්රා-ස්ස॒මදෝ॑ ජයේම । ධනු॒-ශ්ශත්රෝ॑රපකා॒ම-ඞ්කෘ॑ණෝති॒ ධන්ව॑නා॒ සර්වාඃ᳚ ප්ර॒දිශෝ॑ ජයේම ॥ ව॒ක්ෂ්යන්තී॒වේදා ග॑නීගන්ති॒ කර්ණ॑-ම්ප්රි॒යග්​ම් සඛා॑ය-ම්පරිෂස්වජා॒නා । යෝෂේ॑ව ශිඞ්ක්තේ॒ විත॒තා-ऽධි॒ ධන්ව॒- [ධන්වන්න්॑, ජ්යා ඉ॒යග්​ම්] 27

-ඤ්ජ්යා ඉ॒යග්​ම් සම॑නේ පා॒රය॑න්තී ॥ තේ ආ॒චර॑න්තී॒ සම॑නේව॒ යෝෂා॑ මා॒තේව॑ පු॒ත්ර-ම්බි॑භෘතාමු॒පස්ථේ᳚ । අප॒ ශත්රූන්॑ විද්ධ්යතාග්​ම් සං​විඁදා॒නේ ආර්ත්නී॑ ඉ॒මේ වි॑ෂ්ඵු॒රන්තී॑ අ॒මිත්රාන්॑ ॥ බ॒හ්වී॒නා-ම්පි॒තා බ॒හුර॑ස්ය පු॒ත්රශ්චි॒ශ්චා කෘ॑ණෝති॒ සම॑නා-ऽව॒ගත්ය॑ । ඉ॒ෂු॒ධි-ස්සඞ්කාඃ॒ පෘත॑නාශ්ච॒ සර්වාඃ᳚ පෘ॒ෂ්ඨේ නින॑ද්ධෝ ජයති॒ ප්රසූ॑තඃ ॥ රථේ॒ තිෂ්ඨ॑-න්නයති වා॒ජිනඃ॑ පු॒රෝ යත්ර॑යත්ර කා॒මය॑තේ සුෂාර॒ථිඃ । අ॒භීශූ॑නා-ම්මහි॒මාන॑- [මහි॒මාන᳚ම්, ප॒නා॒ය॒ත॒ මනඃ॑] 28

-ම්පනායත॒ මනඃ॑ ප॒ශ්චාදනු॑ යච්ඡන්ති ර॒ශ්මයඃ॑ ॥ තී॒ව්රා-න්ඝෝෂා᳚න් කෘණ්වතේ॒ වෘෂ॑පාණ॒යෝ-ऽශ්වා॒ රථේ॑භි-ස්ස॒හ වා॒ජය॑න්තඃ । අ॒ව॒ක්රාම॑න්තඃ॒ ප්රප॑දෛර॒මිත්රා᳚න් ක්ෂි॒ණන්ති॒ ශත්රූ॒ග්​ම්॒රන॑පව්යයන්තඃ ॥ ර॒ථ॒වාහ॑නග්​ම් හ॒විර॑ස්ය॒ නාම॒ යත්රා-ऽऽයු॑ධ॒-න්නිහි॑තමස්ය॒ වර්ම॑ । තත්රා॒ රථ॒මුප॑ ශ॒ග්මග්​ම් ස॑දේම වි॒ශ්වාහා॑ ව॒යග්​ම් සු॑මන॒ස්යමා॑නාඃ ॥ ස්වා॒දු॒ෂ॒ග්​ම්॒ සදඃ॑ පි॒තරෝ॑ වයෝ॒ධාඃ කෘ॑ච්ඡ්රේ॒ශ්රිත॒-ශ්ශක්තී॑වන්තෝ ගභී॒රාඃ । චි॒ත්රසේ॑නා॒ ඉෂු॑බලා॒ අමෘ॑ද්ධ්රා-ස්ස॒තෝවී॑රා උ॒රවෝ᳚ ව්රාතසා॒හාඃ ॥ බ්රාහ්ම॑ණාසඃ॒ [බ්රාහ්ම॑ණාසඃ, පිත॑ර॒-] 29

පිත॑ර॒-ස්සෝම්යා॑ස-ශ්ශි॒වේ නෝ॒ ද්යාවා॑පෘථි॒වී අ॑නේ॒හසා᳚ । පූ॒ෂා නඃ॑ පාතු දුරි॒තාදෘ॑තාවෘධෝ॒ රක්ෂා॒ මාකි॑ර්නෝ අ॒ඝශග්​ම්॑ස ඊශත ॥ සු॒ප॒ර්ණං-වඁ ॑ස්තේ මෘ॒ගෝ අ॑ස්යා॒ දන්තෝ॒ ගෝභි॒-ස්සන්න॑ද්ධා පතති॒ ප්රසූ॑තා । යත්රා॒ නර॒-ස්ස-ඤ්ච॒ වි ච॒ ද්රව॑න්ති॒ තත්රා॒ස්මභ්ය॒මිෂ॑ව॒-ශ්ශර්ම॑ යග්​ම්සන්න් ॥ ඍජී॑තේ॒ පරි॑ වෘඞ්ග්ධි॒ නෝ-ऽශ්මා॑ භවතු නස්ත॒නූඃ । සෝමෝ॒ අධි॑ බ්රවීතු॒ නෝ-ऽදි॑ති॒- [නෝ-ऽදි॑තිඃ, ශර්ම॑ යච්ඡතු ।] 30

-ශ්ශර්ම॑ යච්ඡතු ॥ ආ ජ॑ඞ්ඝන්ති॒ සාන්වේ॑ෂා-ඤ්ජ॒ඝනා॒ග්​ම්॒ උප॑ ජිඝ්නතේ । අශ්වා॑ජනි॒ ප්රචේ॑ත॒සෝ-ऽශ්වා᳚න්-ථ්ස॒මථ්සු॑ චෝදය ॥ අහි॑රිව භෝ॒ගෛඃ පර්යේ॑ති බා॒හු-ඤ්ජ්යායා॑ හේ॒ති-ම්ප॑රි॒බාධ॑මානඃ । හ॒ස්ත॒ඝ්නෝ විශ්වා॑ ව॒යුනා॑නි වි॒ද්වා-න්පුමා॒-න්පුමාග්​ම්॑ස॒-ම්පරි॑ පාතු වි॒ශ්වතඃ॑ ॥ වන॑ස්පතේ වී॒ඩ්ව॑ඞ්ගෝ॒ හි භූ॒යා අ॒ස්ම-ථ්ස॑ඛා ප්ර॒තර॑ණ-ස්සු॒වීරඃ॑ । ගෝභි॒-ස්සන්න॑ද්ධෝ අසි වී॒ඩය॑ස්වා-ऽऽස්ථා॒තා තේ॑ ජයතු॒ ජේත්වා॑නි ॥ දි॒වඃ පෘ॑ථි॒ව්යාඃ ප- [පරි॑, ඕජ॒ උ-ද්භෘ॑තං॒-] 31

-ර්යෝජ॒ උ-ද්භෘ॑තං॒-වඁන॒ස්පති॑භ්යඃ॒ පර්යාභෘ॑ත॒ග්​ම්॒ සහඃ॑ । අ॒පාමෝ॒ජ්මාන॒-ම්පරි॒ ගෝභි॒රාවෘ॑ත॒මින්ද්ර॑ස්ය॒ වජ්රග්​ම්॑ හ॒විෂා॒ රථං॑-යඁජ ॥ ඉන්ද්ර॑ස්ය॒ වජ්රෝ॑ ම॒රුතා॒මනී॑ක-ම්මි॒ත්රස්ය॒ ගර්භෝ॒ වරු॑ණස්ය॒ නාභිඃ॑ । සේමා-න්නෝ॑ හ॒ව්යදා॑ති-ඤ්ජුෂා॒ණෝ දේව॑ රථ॒ ප්රති॑ හ॒ව්යා ගෘ॑භාය ॥ උප॑ ශ්වාසය පෘථි॒වීමු॒ත ද්යා-ම්පු॑රු॒ත්රා තේ॑ මනුතාං॒-විඁෂ්ඨි॑ත॒-ඤ්ජග॑ත් । ස දු॑න්දුභේ ස॒ජූරින්ද්රේ॑ණ දේ॒වෛර්දූ॒රා- [දේ॒වෛර්දූ॒රාත්, දවී॑යෝ॒] 32

-ද්දවී॑යෝ॒ අප॑සේධ॒ ශත්රූන්॑ ॥ ආ ක්ර॑න්දය॒ බල॒මෝජෝ॑ න॒ ආ ධා॒ නිෂ්ට॑නිහි දුරි॒තා බාධ॑මානඃ । අප॑ ප්රෝථ දුන්දුභේ දු॒ච්ඡුනාග්​ම්॑ ඉ॒ත ඉන්ද්ර॑ස්ය මු॒ෂ්ටිර॑සි වී॒ඩය॑ස්ව ॥ ආ-ऽමූර॑ජ ප්ර॒ත්යාව॑ර්තයේ॒මාඃ කේ॑තු॒ම-ද්දු॑න්දු॒භි ර්වා॑වදීති । සමශ්ව॑පර්ණා॒ශ්චර॑න්ති නෝ॒ නරෝ॒-ऽස්මාක॑මින්ද්ර ර॒ථිනෝ॑ ජයන්තු ॥ 33 ॥
(ධන්ව॑න් - මහි॒මානං॒ - බ්රාහ්ම॑ණා॒සෝ - ऽදි॑තිඃ - පෘථි॒ව්යාඃ පරි॑ - දූ॒රා - දේක॑චත්වාරිග්​ම්ශච්ච) (අ. 6)

යදක්ර॑න්දඃ ප්රථ॒ම-ඤ්ජාය॑මාන උ॒ද්යන්-ථ්ස॑මු॒ද්රාදු॒ත වා॒ පුරී॑ෂාත් । ශ්යේ॒නස්ය॑ ප॒ක්ෂා හ॑රි॒ණස්ය॑ බා॒හූ උ॑ප॒ස්තුත්ය॒-ම්මහි॑ ජා॒ත-න්තේ॑ අර්වන්න් ॥ ය॒මේන॑ ද॒ත්ත-න්ත්රි॒ත ඒ॑නමායුන॒ගින්ද්ර॑ ඒණ-ම්ප්රථ॒මෝ අද්ධ්ය॑තිෂ්ඨත් । ග॒න්ධ॒ර්වෝ අ॑ස්ය රශ॒නාම॑-ගෘභ්ණා॒-ථ්සූරා॒දශ්වං॑-වඁසවෝ॒ නිර॑තෂ්ට ॥ අසි॑ ය॒මෝ අස්යා॑දි॒ත්යෝ අ॑ර්ව॒න්නසි॑ ත්රි॒තෝ ගුහ්යේ॑න ව්ර॒තේන॑ । අසි॒ සෝමේ॑න ස॒මයා॒ විපෘ॑ක්ත [විපෘ॑ක්තඃ, ආ॒හුස්තේ॒ ත්රීණි॑ දි॒වි බන්ධ॑නානි ।] 34

ආ॒හුස්තේ॒ ත්රීණි॑ දි॒වි බන්ධ॑නානි ॥ ත්රීණි॑ ත ආහුර්දි॒වි බන්ධ॑නානි॒ ත්රීණ්ය॒ඵ්සු ත්රීණ්ය॒න්ත-ස්ස॑මු॒ද්රේ । උ॒තේව॑ මේ॒ වරු॑ණශ්ඡන්-ථ්ස්යර්ව॒න්॒. යත්රා॑ ත ආ॒හුඃ ප॑ර॒ම-ඤ්ජ॒නිත්ර᳚ම් ॥ ඉ॒මා තේ॑ වාජින්නව॒මාර්ජ॑නානී॒මා ශ॒ඵානාග්​ම්॑ සනි॒තුර්නි॒ධානා᳚ । අත්රා॑ තේ භ॒ද්රා ර॑ශ॒නා අ॑පශ්යමෘ॒තස්ය॒ යා අ॑භි॒රක්ෂ॑න්ති ගෝ॒පාඃ ॥ ආ॒ත්මාන॑-න්තේ॒ මන॑සා॒-ऽऽරාද॑ජානාම॒වෝ දි॒වා [ ] 35

ප॒තය॑න්ත-ම්පත॒ඞ්ගම් । ශිරෝ॑ අපශ්ය-ම්ප॒ථිභි॑-ස්සු॒ගේභි॑රරේ॒ණුභි॒ර්ජේහ॑මාන-ම්පත॒ත්රි ॥ අත්රා॑ තේ රූ॒පමු॑ත්ත॒මම॑පශ්ය॒-ඤ්ජිගී॑ෂමාණමි॒ෂ ආ ප॒දේ ගෝඃ । ය॒දා තේ॒ මර්තෝ॒ අනු॒ භෝග॒මාන॒ඩාදි-ද්ග්රසි॑ෂ්ඨ॒ ඕෂ॑ධීරජීගඃ ॥ අනු॑ ත්වා॒ රථෝ॒ අනු॒ මර්යෝ॑ අර්ව॒න්නනු॒ ගාවෝ-ऽනු॒ භගඃ॑ ක॒නීනා᳚ම් । අනු॒ ව්රාතා॑ස॒ස්තව॑ ස॒ඛ්යමී॑යු॒රනු॑ දේ॒වා ම॑මිරේ වී॒ර්ය॑- [වී॒ර්ය᳚ම්, තේ ।] 36

-න්තේ ॥ හිර॑ණ්යශෘ॒ඞ්ගෝ-ऽයෝ॑ අස්ය॒ පාදා॒ මනෝ॑ජවා॒ අව॑ර॒ ඉන්ද්ර॑ ආසීත් । දේ॒වා ඉද॑ස්ය හවි॒රද්ය॑මාය॒න්॒. යෝ අර්ව॑න්ත-ම්ප්රථ॒මෝ අ॒ද්ධ්යති॑ෂ්ඨත් ॥ ඊ॒ර්මාන්තා॑ස॒-ස්සිලි॑කමද්ධ්යමාස॒-ස්සග්​ම් ශූර॑ණාසෝ දි॒ව්යාසෝ॒ අත්යාඃ᳚ । හ॒ග්​ම්॒සා ඉ॑ව ශ්රේණි॒ශෝ ය॑තන්තේ॒ යදාක්ෂි॑ෂුර්දි॒ව්ය-මජ්ම॒මශ්වාඃ᳚ ॥ තව॒ ශරී॑ර-ම්පතයි॒ෂ්ණ්ව॑ර්ව॒-න්තව॑ චි॒ත්තං-වාඁත॑ ඉව॒ ධ්රජී॑මාන් । තව॒ ශෘඞ්ගා॑ණි॒ විෂ්ඨි॑තා පුරු॒ත්රා-ऽර॑ණ්යේෂු॒ ජර්භු॑රාණා චරන්ති ॥ උප॒ [උප॑, ප්රාගා॒ච්ඡස॑නං-] 37

ප්රාගා॒ච්ඡස॑නං-වාඁ॒ජ්යර්වා॑ දේව॒ද්රීචා॒ මන॑සා॒ දීද්ධ්යා॑නඃ । අ॒ජඃ පු॒රෝ නී॑යතේ॒ නාභි॑ර॒ස්යානු॑ ප॒ශ්චා-ත්ක॒වයෝ॑ යන්ති රේ॒භාඃ ॥ උප॒ ප්රාගා᳚-ත්පර॒මං-යඁ-ථ්ස॒ධස්ථ॒මර්වා॒ග්​ම්॒ අච්ඡා॑ පි॒තර॑-ම්මා॒තර॑-ඤ්ච । අ॒ද්යා දේ॒වාන් ජුෂ්ට॑තමෝ॒ හි ග॒ම්යා අථා-ऽऽශා᳚ස්තේ දා॒ශුෂේ॒ වාර්යා॑ණි ॥ 38 ॥
(විපෘ॑ක්තෝ - දි॒වා - වී॒ර්ය॑ - මුපෛ - කා॒න්නච॑ත්වාරි॒ග්​ම්॒ශච්ච॑) (අ. 7)

මා නෝ॑ මි॒ත්රෝ වරු॑ණෝ අර්ය॒මා-ऽऽයුරින්ද්ර॑ ඍභු॒ක්ෂා ම॒රුතඃ॒ පරි॑ ඛ්යන්න් । ය-ද්වා॒ජිනෝ॑ දේ॒වජා॑තස්ය॒ සප්තේඃ᳚ ප්රව॒ක්ෂ්යාමෝ॑ වි॒දථේ॑ වී॒ර්යා॑ණි ॥ යන්නි॒ර්ණිජා॒ රේක්ණ॑සා॒ ප්රාවෘ॑තස්ය රා॒ති-ඞ්ගෘ॑භී॒තා-ම්මු॑ඛ॒තෝ නය॑න්ති । සුප්රා॑ඞ॒ජෝ මේම්ය॑-ද්වි॒ශ්වරූ॑ප ඉන්ද්රාපූ॒ෂ්ණෝඃ ප්රි॒යමප්යේ॑ති॒ පාථඃ॑ ॥ ඒ॒ෂ ච්ඡාගඃ॑ පු॒රෝ අශ්වේ॑න වා॒ජිනා॑ පූ॒ෂ්ණෝ භා॒ගෝ නී॑යතේ වි॒ශ්වදේ᳚ව්යඃ । අ॒භි॒ප්රියං॒-යඁ-ත්පු॑රෝ॒ඩාශ॒මර්ව॑තා॒ ත්වෂ්ටේ- [ත්වෂ්ටේත්, ඒ॒න॒ග්​ම්॒ සෞ॒ශ්ර॒ව॒සාය॑ ජින්වති ।] 39

-දේ॑නග්​ම් සෞශ්රව॒සාය॑ ජින්වති ॥ යද්ධ॒විෂ්ය॑මෘතු॒ශෝ දේ॑ව॒යාන॒-න්ත්රිර්මානු॑ෂාඃ॒ පර්යශ්ව॒-න්නය॑න්ති । අත්රා॑ පූ॒ෂ්ණඃ ප්ර॑ථ॒මෝ භා॒ග ඒ॑ති ය॒ජ්ඤ-න්දේ॒වේභ්යඃ॑ ප්රතිවේ॒දය॑න්න॒ජඃ ॥ හෝතා᳚-ऽද්ධ්ව॒ර්යුරාව॑යා අග්නිමි॒න්ධෝ ග්රා॑වග්රා॒භ උ॒ත ශග්ග්​ස්තා॒ සුවි॑ප්රඃ । තේන॑ ය॒ජ්ඤේන॒ ස්ව॑රඞ්කෘතේන॒ ස්වි॑ෂ්ටේන ව॒ක්ෂණා॒ ආ පෘ॑ණද්ධ්වම් ॥ යූ॒ප॒ව්ර॒ස්කා උ॒ත යේ යූ॑පවා॒හාශ්ච॒ෂාලං॒-යේඁ අ॑ශ්වයූ॒පාය॒ තක්ෂ॑ති । යේ චාර්ව॑තේ॒ පච॑නග්​ම් ස॒භංර॑න්ත්යු॒තෝ [ ] 40

තේෂා॑-ම॒භිගූ᳚ර්තිර්න ඉන්වතු ॥ උප॒ ප්රාගා᳚-ථ්සු॒මන්මේ॑-ऽධායි॒ මන්ම॑ දේ॒වානා॒මාශා॒ උප॑ වී॒තපෘ॑ෂ්ඨඃ । අන්වේ॑නං॒-විඁප්රා॒ ඍෂ॑යෝ මදන්ති දේ॒වානා᳚-ම්පු॒ෂ්ටේ ච॑කෘමා සු॒බන්ධු᳚ම් ॥ ය-ද්වා॒ජිනෝ॒ දාම॑ ස॒දාන්න॒මර්ව॑තෝ॒ යා ශී॑ර්​ෂ॒ණ්යා॑ රශ॒නා රජ්ජු॑රස්ය । යද්වා॑ ඝාස්ය॒ ප්රභෘ॑තමා॒ස්යේ॑ තෘණ॒ග්​ම්॒ සර්වා॒ තා තේ॒ අපි॑ දේ॒වේෂ්ව॑ස්තු ॥ යදශ්ව॑ස්ය ක්ර॒විෂෝ॒ [යදශ්ව॑ස්ය ක්ර॒විෂඃ॑, මක්ෂි॒කා-ऽऽශ॒] 41

මක්ෂි॒කා-ऽऽශ॒ යද්වා॒ ස්වරෞ॒ ස්වධි॑තෞ රි॒ප්තමස්ති॑ । යද්ධස්ත॑යෝ-ශ්ශමි॒තුර්යන්න॒ඛේෂු॒ සර්වා॒ තා තේ॒ අපි॑ දේ॒වේෂ්ව॑ස්තු ॥ යදූව॑ද්ධ්යමු॒දර॑ස්යාප॒වාති॒ ය ආ॒මස්ය॑ ක්ර॒විෂෝ॑ ග॒න්ධෝ අස්ති॑ । සු॒කෘ॒තා තච්ඡ॑මි॒තාරඃ॑ කෘණ්වන්තූ॒ත මේධග්​ම්॑ ශෘත॒පාක॑-ම්පචන්තු ॥ ය-ත්තේ॒ ගාත්රා॑ද॒ග්නිනා॑ ප॒ච්යමා॑නාද॒භි ශූල॒-න්නිහ॑තස්යාව॒ධාව॑ති । මා ත-ද්භූම්යා॒මා ශ්රි॑ෂ॒ ( )-න්මා තෘණේ॑ෂු දේ॒වේභ්ය॒ස්තදු॒ශද්භ්යෝ॑ රා॒තම॑ස්තු ॥ 42 ॥
(ඉ - දු॒තෝ - ක්ර॒විෂඃ॑ - ශ්රිෂථ් - ස॒ප්ත ච॑) (අ. 8)

යේ වා॒ජින॑-ම්පරි॒පශ්ය॑න්ති ප॒ක්වං-යඁ ඊ॑මා॒හු-ස්සු॑ර॒භිර්නිර්​හ॒රේති॑ । යේ චාර්ව॑තෝ මාග්​ම්සභි॒ක්ෂාමු॒පාස॑ත උ॒තෝ තේෂා॑ම॒භිගූ᳚ර්තිර්න ඉන්වතු ॥ යන්නීක්ෂ॑ණ-ම්මා॒ග්॒ස්පච॑න්යා උ॒ඛායා॒ යා පාත්රා॑ණි යූ॒ෂ්ණ ආ॒සේච॑නානි । ඌ॒ෂ්ම॒ණ්යා॑-ऽපි॒ධානා॑ චරූ॒ණාම॒ඞ්කා-ස්සූ॒නාඃ පරි॑ භූෂ॒න්ත්යශ්ව᳚ම් ॥ නි॒ක්රම॑ණ-න්නි॒ෂද॑නං-විඁ॒වර්ත॑නං॒-යඁච්ච॒ පඩ්බී॑ශ॒මර්ව॑තඃ । යච්ච॑ ප॒පෞ යච්ච॑ ඝා॒සි- [ඝා॒සිම්, ජ॒ඝාස॒ සර්වා॒ තා] 43

-ඤ්ජ॒ඝාස॒ සර්වා॒ තා තේ॒ අපි॑ දේ॒වේෂ්ව॑ස්තු ॥ මා ත්වා॒-ऽග්නි-ර්ධ්ව॑නයි-ද්ධූ॒මග॑න්ධි॒ර්මෝඛා භ්රාජ॑න්ත්ය॒භි වි॑ක්ත॒ ජඝ්රිඃ॑ । ඉ॒ෂ්ටං-වීඁ॒තම॒භිගූ᳚ර්තං॒-වඁෂ॑ට්කෘත॒-න්ත-න්දේ॒වාසඃ॒ ප්රති॑ ගෘභ්ණ॒න්ත්යශ්ව᳚ම් ॥ යදශ්වා॑ය॒ වාස॑ උපස්තෘ॒ණන්ත්ය॑ධීවා॒සං-යාඁ හිර॑ණ්යාන්යස්මෛ । ස॒න්දාන॒මර්ව॑න්ත॒-ම්පඩ්බී॑ශ-ම්ප්රි॒යා දේ॒වේෂ්වා යා॑මයන්ති ॥ ය-ත්තේ॑ සා॒දේ මහ॑සා॒ ශූකෘ॑තස්ය॒ පාර්​ෂ්ණි॑යා වා॒ කශ॑යා [වා॒ කශ॑යා, වා॒ තු॒තෝද॑ ।] 44

වා තු॒තෝද॑ । ස්රු॒චේව॒ තා හ॒විෂෝ॑ අද්ධ්ව॒රේෂු॒ සර්වා॒ තා තේ॒ බ්රහ්ම॑ණා සූදයාමි ॥ චතු॑ස්ත්රිග්​ම්ශ-ද්වා॒ජිනෝ॑ දේ॒වබ॑න්ධෝ॒-ර්වඞ්ක්රී॒-රශ්ව॑ස්ය॒ ස්වධි॑ති॒-ස්සමේ॑ති । අච්ඡි॑ද්රා॒ ගාත්රා॑ ව॒යුනා॑ කෘණෝත॒ පරු॑ෂ්පරුරනු॒ඝුෂ්යා॒ වි ශ॑ස්ත ॥ ඒක॒ස්ත්වෂ්ටු॒රශ්ව॑ස්යා විශ॒ස්තා ද්වා ය॒න්තාරා॑ භවත॒ස්තථ॒ර්තුඃ । යා තේ॒ ගාත්රා॑ණාමෘතු॒ථා කෘ॒ණෝමි॒ තාතා॒ පිණ්ඩා॑නා॒-ම්ප්ර ජු॑හෝම්ය॒ග්නෞ ॥ මා ත්වා॑ තප- [තපත්, ප්රි॒ය ආ॒ත්මා-] 45

-ත්ප්රි॒ය ආ॒ත්මා-ऽපි॒යන්ත॒-ම්මා ස්වධි॑තිස්ත॒නුව॒ ආ ති॑ෂ්ඨිප-ත්තේ । මා තේ॑ ගෘ॒ද්ධ්නු-ර॑විශ॒ස්තා-ऽති॒හාය॑ ඡි॒ද්රා ගාත්රා᳚ණ්ය॒සිනා॒ මිථූ॑ කඃ ॥ න වා උ॑වේ॒තන්ම්රි॑යසේ॒ න රි॑ෂ්යසි දේ॒වාග්​ම් ඉදේ॑ෂි ප॒ථිභි॑-ස්සු॒ගේභිඃ॑ । හරී॑ තේ॒ යුඤ්ජා॒ පෘෂ॑තී අභූතා॒මුපා᳚ස්ථා-ද්වා॒ජී ධු॒රි රාස॑භස්ය ॥ සු॒ගව්ය॑-න්නෝ වා॒ජී ස්වශ්වි॑ය-ම්පු॒ග්​ම්॒සඃ පු॒ත්රාග්​ම් උ॒ත වි॑ශ්වා॒පුෂග්​ම්॑ ර॒යිම් । අ॒නා॒ගා॒ස්ත්ව-න්නෝ॒ අදි॑තිඃ කෘණෝතු ක්ෂ॒ත්ර-න්නෝ॒ අශ්වෝ॑ වනතාග්​ම් හ॒විෂ්මාන්॑ ॥ 46 ॥
(ඝා॒සිං-කශ॑යා - තප-ද්- ර॒යිං - නව॑ ච ) (අ. 9)

(අශ්ම॒න් - ය ඉ॒මෝ - දේ॑න - මා॒ශුඃ - ප්රාචීං᳚ - ජී॒මූත॑ස්ය॒ - යදක්ර॑න්දෝ॒ - මා නෝ॑ මි॒ත්රෝ - යේ වා॒ජිනං॒ - නව॑)

(අශ්ම॑න් - මනෝ॒යුජං॒ - ප්රාචී॒මනු॒ - ශර්ම॑ යච්ඡතු॒ - තේෂා॑ම॒භිගූ᳚ර්තිඃ॒ - ෂට්ච॑ත්වාරිග්​ම්ශත්)

(අශ්ම॑න්, හ॒විෂ්මාන්॑)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-ඤ්චතුර්ථ කාණ්ඩේ ෂෂ්ඨඃ ප්රශ්න-ස්සමාප්තඃ ॥

ඕ-න්නමඃ පරමාත්මනේ , ශ්රී මහාගණපතයේ නමඃ , ශ්රී ගුරුභ්යෝ නමඃ , හ॒රිඃ॒ ඕං