අ॒හම॑ස්මි ප්රථ॒මජා ඍ॒තස්ය॑ ।
පූර්වං॑ දේ॒වේභ්යෝ॑ අ॒මෘත॑ස්ය॒ නාභිඃ॑ ।
යෝ මා॒ දදා॑ති॒ ස ඉදේ॒ව මාऽऽවාඃ᳚ ।
අ॒හමන්න॒මන්න॑ම॒දංත॑මද්මි ।
පූර්ව॑ම॒ග්නේරපි॑ දහ॒ත්යන්න᳚ම් ।
ය॒ත්තෞ හා॑ऽऽසාතේ අහමුත්ත॒රේෂු॑ ।
ව්යාත්ත॑මස්ය ප॒ශවඃ॑ සු॒ජංභ᳚ම් ।
පශ්යං॑ති॒ ධීරාඃ॒ ප්රච॑රංති॒ පාකාඃ᳚ ।
ජහා᳚ම්ය॒න්යං න ජ॑හාම්ය॒න්යම් ।
අ॒හමන්නං॒-වඁශ॒මිච්ච॑රාමි ॥ 1
ස॒මා॒නමර්ථං॒ පර්යේ॑මි භුං॒ජත් ।
කෝ මාමන්නං॑ මනු॒ෂ්යෝ॑ දයේත ।
පරා॑කේ॒ අන්නං॒ නිහි॑තං-ලෝඁ॒ක ඒ॒තත් ।
විශ්වෛ᳚ර්දේ॒වෛඃ පි॒තෘභි॑ර්ගු॒ප්තමන්න᳚ම් ।
යද॒ද්යතේ॑ ලු॒ප්යතේ॒ යත්ප॑රෝ॒ප්යතේ᳚ ।
ශ॒ත॒ත॒මී සා ත॒නූර්මේ॑ බභූව ।
ම॒හාංතෞ॑ ච॒රූ ස॑කෘද්දු॒ග්ධේන॑ පප්රෞ ।
දිවං॑ ච॒ පෘශ්නි॑ පෘථි॒වීං ච॑ සා॒කම් ।
තත්සං॒පිබං॑තෝ॒ න මි॑නංති වේ॒ධසඃ॑ ।
නෛතද්භූයෝ॒ භව॑ති॒ නෝ කනී॑යඃ ॥ 2
අන්නං॑ ප්රා॒ණමන්න॑මපා॒නමා॑හුඃ ।
අන්නං॑ මෘ॒ත්යුං තමු॑ ජී॒වාතු॑මාහුඃ ।
අන්නං॑ බ්ර॒හ්මාණෝ॑ ජ॒රසං॑-වඁදංති ।
අන්න॑මාහුඃ ප්ර॒ජන॑නං ප්ර॒ජානා᳚ම් ।
මෝඝ॒මන්නං॑-විංඁදතේ॒ අප්ර॑චේතාඃ ।
ස॒ත්යං බ්ර॑වීමි ව॒ධ ඉත්ස තස්ය॑ ।
නාර්ය॒මණං॒ පුෂ්ය॑ති॒ නෝ සඛා॑යම් ।
කේව॑ලාඝෝ භවති කේවලා॒දී ।
අ॒හං මේ॒ඝඃ ස්ත॒නය॒න්වර්ෂ॑න්නස්මි ।
මාම॑දංත්ය॒හම॑ද්ම්ය॒න්යාන් ॥ 3
[අහ॒ග්ම් සද॒මෘතෝ॑ භවාමි ।
මදා॑දි॒ත්යා අධි॒ සර්වේ॑ තපංති ।]
