View this in:
English Devanagari Telugu Tamil Kannada Malayalam Gujarati Oriya Bengali |

દુર્ગા દેવિ કવચમ્

ઈશ્વર ઉવાચ |

શૃણુ દેવિ પ્રવક્ષ્યામિ કવચં સર્વસિદ્ધિદમ્ |
પઠિત્વા પાઠયિત્વા ચ નરો મુચ્યેત સંકટાત્ ‖ 1 ‖

અજ્ઞાત્વા કવચં દેવિ દુર્ગામંત્રં ચ યો જપેત્ |
ન ચાપ્નોતિ ફલં તસ્ય પરં ચ નરકં વ્રજેત્ ‖ 2 ‖

ઉમાદેવી શિરઃ પાતુ લલાટે શૂલધારિણી |
ચક્ષુષી ખેચરી પાતુ કર્ણૌ ચત્વરવાસિની ‖ 3 ‖

સુગંધા નાસિકં પાતુ વદનં સર્વધારિણી |
જિહ્વાં ચ ચંડિકાદેવી ગ્રીવાં સૌભદ્રિકા તથા ‖ 4 ‖

અશોકવાસિની ચેતો દ્વૌ બાહૂ વજ્રધારિણી |
હૃદયં લલિતાદેવી ઉદરં સિંહવાહિની ‖ 5 ‖

કટિં ભગવતી દેવી દ્વાવૂરૂ વિંધ્યવાસિની |
મહાબલા ચ જંઘ્ દ્વે પાદૌ ભૂતલવાસિની ‖ 6 ‖

એવં સ્થિતાઽસિ દેવિ ત્વં ત્રૈલોક્યે રક્ષણાત્મિકા |
રક્ષ માં સર્વગાત્રેષુ દુર્ગે દેવિ નમોઽસ્તુ તે ‖ 7 ‖

Last Updated: 31 December, 2020