কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে ষষ্ঠঃ প্রশ্নঃ - উপানুবাক্য়াভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

হির॑ণ্যবর্ণা॒-শ্শুচ॑য়ঃ পাব॒কা যাসু॑ জা॒তঃ ক॒শ্যপো॒ যাস্বিন্দ্রঃ॑ । অ॒গ্নিং-য়াঁ গর্ভ॑-ন্দধি॒রে বিরূ॑পা॒স্তা ন॒ আপ॒-শ্শগ্গ্​ স্য়ো॒না ভ॑বন্তু ॥ যাসা॒গ্​ম্॒ রাজা॒ বরু॑ণো॒ যাতি॒ মদ্ধ্য়ে॑ সত্য়ানৃ॒তে অ॑ব॒পশ্য়॒ন্ জনা॑নাম্ । ম॒ধু॒শ্চুত॒-শ্শুচ॑য়ো॒ যাঃ পা॑ব॒কাস্তা ন॒ আপ॒-শ্শগ্গ্​ স্য়ো॒না ভ॑বন্তু ॥ যাসা᳚-ন্দে॒বা দি॒বি কৃ॒ণ্বন্তি॑ ভ॒ক্ষং-য়াঁ অ॒ন্তরি॑ক্ষে বহু॒ধা ভব॑ন্তি । যাঃ পৃ॑থি॒বী-ম্পয়॑সো॒ন্দন্তি॑ - [ ] 1

শু॒ক্রাস্তা ন॒ আপ॒-শ্শগ্গ্​ স্য়ো॒না ভ॑বন্তু ॥ শি॒বেন॑ মা॒ চক্ষু॑ষা পশ্যতা-ঽঽপ-শ্শি॒বয়া॑ ত॒নুবোপ॑ স্পৃশত॒ ত্বচ॑-ম্মে । সর্বাগ্​ম্॑ অ॒গ্নীগ্​ম্ র॑ফ্সু॒ষদো॑ হুবে বো॒ ময়ি॒ বর্চো॒ বল॒মোজো॒ নি ধ॑ত্ত ॥ যদ॒দ-স্স॑-ম্প্রয়॒তীরহা॒ বন॑দতাহ॒তে । তস্মা॒দা ন॒দ্য়ো॑ নাম॑ স্থ॒ তা বো॒ নামা॑নি সিন্ধবঃ ॥ য-ত্প্রেষি॑তা॒ বরু॑ণেন॒ তা-শ্শীভগ্​ম্॑ স॒মব॑ল্গত । 2

তদা᳚প্নো॒-দিন্দ্রো॑ বো য॒তী-স্তস্মা॒-দাপো॒ অনু॑ স্থন ॥ অ॒প॒কা॒মগ্গ্​ স্যন্দ॑মানা॒ অবী॑বরত বো॒ হিক᳚ম্ । ইন্দ্রো॑ ব॒-শ্শক্তি॑ভি র্দেবী॒-স্তস্মা॒-দ্বার্ণাম॑ বো হি॒তম্ ॥ একো॑ দে॒বো অপ্য়॑তিষ্ঠ॒-থ্স্যন্দ॑মানা যথা ব॒শম্ । উদা॑নিষু-র্ম॒হীরিতি॒ তস্মা॑-দুদ॒ক-মু॑চ্যতে ॥ আপো॑ ভ॒দ্রা ঘৃ॒তমিদাপ॑ আসুর॒গ্নী-ষোমৌ॑ বিভ্র॒ত্য়াপ॒ ই-ত্তাঃ । তী॒ব্রো রসো॑ মধু॒পৃচা॑- [মধু॒পৃচা᳚ম্, অ॒র॒ঙ্গ॒ম আ মা᳚] 3

-মরঙ্গ॒ম আ মা᳚ প্রা॒ণেন॑ স॒হ বর্চ॑সা গন্ন্ ॥ আদি-ত্প॑শ্য়াম্য়ু॒ত বা॑ শৃণো॒ম্য়া মা॒ ঘোষো॑ গচ্ছতি॒ বান্ন॑ আসাম্ । মন্য়ে॑ ভেজা॒নো অ॒মৃত॑স্য়॒ তর্​হি॒ হির॑ণ্যবর্ণা॒ অতৃ॑পং-য়ঁ॒দা বঃ॑ ॥ আপো॒ হি ষ্ঠা ম॑য়ো॒ ভুব॒স্তা ন॑ ঊ॒র্জে দ॑ধাতন । ম॒হে রণা॑য়॒ চক্ষ॑সে ॥ যো ব॑-শ্শি॒বত॑মো॒ রস॒স্তস্য়॑ ভাজযতে॒হ নঃ॑ । উ॒শ॒তীরি॑ব মা॒তরঃ॑ ॥ তস্মা॒ অর॑-ঙ্গমাম বো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ ॥ দি॒বি শ্র॑য় স্বা॒ন্তরি॑ক্ষে যতস্ব পৃথি॒ব্য়া স-ম্ভ॑ব ব্রহ্মবর্চ॒-সম॑সি ব্রহ্মবর্চ॒সায়॑ ত্বা ॥ 4
(উ॒দন্তি॑ - স॒মব॑ল্গত - মধু॒পৃচাং᳚ - মা॒তরো॒ - দ্বাবিগ্​ম্॑শতিশ্চ) (অ. 1)

অ॒পা-ঙ্গ্রহা᳚-ন্গৃহ্ণাত্য়ে॒তদ্বাব রা॑জ॒সূয়ং॒-য়ঁদে॒তে গ্রহা᳚-স্স॒বো᳚ ঽগ্নির্ব॑রুণস॒বো রা॑জ॒সূয়॑-মগ্নিস॒ব-শ্চিত্য়॒স্তাভ্য়া॑-মে॒ব সূ॑য়॒তে-ঽথো॑ উ॒ভাবে॒ব লো॒কাব॒ভি জ॑যতি॒ যশ্চ॑ রাজ॒সূয়ে॑নেজা॒নস্য়॒ যশ্চা᳚-ঽগ্নি॒চিত॒ আপো॑ ভব॒ন্ত্য়াপো॒ বা অ॒গ্নের্ভ্রাতৃ॑ব্য়া॒ যদ॒পো᳚ ঽগ্নের॒ধস্তা॑দুপ॒ দধা॑তি॒ ভ্রাতৃ॑ব্য়াভিভূত্য়ৈ॒ ভব॑ত্য়া॒ত্মনা॒ পরা᳚-ঽস্য়॒ ভ্রাতৃ॑ব্য়ো ভবত্য়॒মৃতং॒- [ভ্রাতৃ॑ব্য়ো ভবত্য়॒মৃত᳚ম্, বা আপ॒স্তস্মা॑-] 5

-ঁবা আপ॒স্তস্মা॑-দ॒দ্ভিরব॑তান্ত-ম॒ভি ষি॑ঞ্চন্তি॒ না-ঽঽর্তি॒মার্চ্ছ॑তি॒ সর্ব॒মায়ু॑রেতি॒ যস্য়ৈ॒তা উ॑পধী॒যন্তে॒ য উ॑ চৈনা এ॒বং-বেঁদান্নং॒-বাঁ আপঃ॑ প॒শব॒ আপো-ঽন্ন॑-ম্প॒শবো᳚-ঽন্না॒দঃ প॑শু॒মা-ন্ভ॑বতি॒ যস্য়ৈ॒তা উ॑পধী॒যন্তে॒ য উ॑ চৈনা এ॒বং-বেঁদ॒ দ্বাদ॑শ ভবন্তি॒ দ্বাদ॑শ॒ মাসা᳚-স্সং​বঁথ্স॒র-স্সং॑​বঁথ্স॒রেণৈ॒বাস্মা॒ [-স্সং॑​বঁথ্স॒রেণৈ॒বাস্মা᳚, অন্ন॒মব॑ রুন্ধে॒] 6

অন্ন॒মব॑ রুন্ধে॒ পাত্রা॑ণি ভবন্তি॒ পাত্রে॒ বা অন্ন॑মদ্যতে॒ সয়ো᳚ন্য়ে॒বান্ন॒মব॑ রুন্ধ॒ আ দ্বা॑দ॒শা-ত্পুরু॑ষা॒দন্ন॑-ম॒ত্ত্যথো॒ পাত্রা॒ন্ন ছি॑দ্যতে॒ যস্য়ৈ॒তা উ॑পধী॒যন্তে॒ য উ॑ চৈনা এ॒বং-বেঁদ॑ কু॒ম্ভাশ্চ॑ কু॒ম্ভীশ্চ॑ মিথু॒নানি॑ ভবন্তি মিথু॒নস্য়॒ প্রজা᳚ত্য়ৈ॒ প্র প্র॒জয়া॑ প॒শুভি॑-র্মিথু॒নৈ-র্জা॑যতে॒ যস্য়ৈ॒তা উ॑পধী॒যন্তে॒ য উ॑ [য় উ॑, চৈ॒না॒ এ॒বং-বেঁদ॒] 7

চৈনা এ॒বং-বেঁদ॒ শুগ্বা অ॒গ্নি-স্সো᳚-ঽদ্ধ্ব॒র্য়ুং-য়ঁজ॑মান-ম্প্র॒জা-শ্শু॒চা-ঽর্প॑যতি॒ যদ॒প উ॑প॒দধা॑তি॒ শুচ॑মে॒বাস্য়॑ শমযতি॒ না-ঽঽর্তি॒মার্চ্ছ॑ত্যদ্ধ্ব॒র্য়ুর্ন যজ॑মান॒-শ্শাম্য়॑ন্তি প্র॒জা যত্রৈ॒তা উ॑পধী॒যন্তে॒ ঽপাং-বাঁ এ॒তানি॒ হৃদ॑য়ানি॒ যদে॒তা আপো॒ যদে॒তা অ॒প উ॑প॒দধা॑তি দি॒ব্য়াভি॑রে॒বৈনা॒-স্সগ্​ম্ সৃ॑জতি॒ বর্​ষু॑কঃ প॒র্জন্য়ো॑ [প॒র্জন্য়ঃ॑, ভ॒ব॒তি॒ যো বা] 8

ভবতি॒ যো বা এ॒তাসা॑মা॒যত॑ন॒-ঙ্কৢপ্তিং॒-বেঁদা॒-ঽঽযত॑নবা-ন্ভবতি॒ কল্প॑তে ঽস্মা অনুসী॒তমুপ॑ দধাত্য়ে॒তদ্বা আ॑সামা॒যত॑নমে॒ষা কৢপ্তি॒র্য় এ॒বং-বেঁদা॒-ঽঽযত॑নবা-ন্ভবতি॒ কল্প॑তে-ঽস্মৈ দ্ব॒দ্বম্ম॒ন্য়া উপ॑ দধাতি॒ চত॑স্রো॒ মদ্ধ্য়ে॒ ধৃত্য়া॒ অন্নং॒-বাঁ ইষ্ট॑কা এ॒ত-ত্খলু॒ বৈ সা॒ক্ষাদন্নং॒-য়ঁদে॒ষ চ॒রুর্যদে॒ত-ঞ্চ॒রুমু॑প॒ দধা॑তি সা॒ক্ষা- [সা॒ক্ষাত্, এ॒বা-ঽস্মা॒ অন্ন॒মব॑ রুন্ধে] 9

-দে॒বা-ঽস্মা॒ অন্ন॒মব॑ রুন্ধে মদ্ধ্য়॒ত উপ॑ দধাতি মদ্ধ্য়॒ত এ॒বাস্মা॒ অন্ন॑-ন্দধাতি॒ তস্মা᳚-ন্মদ্ধ্য়॒তো-ঽন্ন॑মদ্যতে বার্​হস্প॒ত্য়ো ভ॑বতি॒ ব্রহ্ম॒ বৈ দে॒বানা॒-ম্বৃহ॒স্পতি॒-র্ব্রহ্ম॑ণৈ॒বাস্মা॒ অন্ন॒মব॑ রুন্ধে ব্রহ্মবর্চ॒সম॑সি ব্রহ্মবর্চ॒সায়॒ ত্বেত্য়া॑হ তেজ॒স্বী ব্র॑হ্মবর্চ॒সী ভ॑বতি॒ যস্য়ৈ॒ষ উ॑পধী॒যতে॒ য উ॑ চৈনমে॒বং-বেঁদ॑ ॥ 10 ॥
(অ॒মৃত॑ - মস্মৈ - জাযতে॒ যস্য়ৈ॒তা - উ॑পধী॒যন্তে॒ য উ॑ - প॒র্জন্য়॑ - উপ॒দধা॑তি সা॒ক্ষাথ্ - স॒প্তচ॑ত্বারিগ্​ম্শচ্চ) (অ. 2)

ভূ॒তে॒ষ্ট॒কা উপ॑ দধা॒ত্যত্রা᳚ত্র॒ বৈ মৃ॒ত্য়ুর্জা॑যতে॒ যত্র॑যত্রৈ॒ব মৃ॒ত্য়ুর্জায়॑তে॒ তত॑ এ॒বৈন॒মব॑ যজতে॒ তস্মা॑দগ্নি॒চি-থ্সর্ব॒মায়ু॑রেতি॒ সর্বে॒ হ্য়॑স্য় মৃ॒ত্যবো ঽবে᳚ষ্টা॒স্তস্মা॑-দগ্নি॒চিন্না-ভিচ॑রিত॒বৈ প্র॒ত্যগে॑ন-মভিচা॒র-স্স্তৃ॑ণুতে সূ॒যতে॒ বা এ॒ষ যো᳚-ঽগ্নি-ঞ্চি॑নু॒তে দে॑বসু॒বামে॒তানি॑ হ॒বীগ্​ম্ষি॑ ভবন্ত্য়ে॒তাব॑ন্তো॒ বৈ দে॒বানাগ্​ম্॑ স॒বাস্ত এ॒বা- [স॒বাস্ত এ॒ব, অ॒স্মৈ॒ স॒বা-ন্প্র] 11

-ঽস্মৈ॑ স॒বা-ন্প্র য॑চ্ছন্তি॒ ত এ॑নগ্​ম্ সুবন্তে স॒বো᳚-ঽগ্নির্ব॑রুণস॒বো রা॑জ॒সূয়॑-ম্ব্রহ্মস॒বশ্চিত্য়ো॑ দে॒বস্য়॑ ত্বা সবি॒তুঃ প্র॑স॒ব ইত্য়া॑হ সবি॒তৃপ্র॑সূত এ॒বৈন॒-ম্ব্রহ্ম॑ণা দে॒বতা॑ভির॒ভি ষি॑ঞ্চ॒ত্যন্ন॑-স্য়ান্নস্য়া॒ভি ষি॑ঞ্চ॒ত্যন্ন॑-স্য়ান্ন॒স্য়া-ব॑রুদ্ধ্য়ৈ পু॒রস্তা᳚-ত্প্র॒ত্যঞ্চ॑ম॒ভি ষি॑ঞ্চতি পু॒রস্তা॒দ্ধি প্র॑তী॒চী-ন॒মন্ন॑ম॒দ্যতে॑ শীর্​ষ॒তো॑-ঽভি ষি॑ঞ্চতি শীর্​ষ॒তো হ্যন্ন॑ম॒দ্যত॒ আ মুখা॑-দ॒ন্বব॑স্রাবযতি [মুখা॑-দ॒ন্বব॑স্রাবযতি, মু॒খ॒ত এ॒বা-ঽস্মা॑] 12

মুখ॒ত এ॒বা-ঽস্মা॑ অ॒ন্নাদ্য়॑-ন্দধাত্য়॒গ্নেস্ত্বা॒ সাম্রা᳚জ্য়েনা॒ভি ষি॑ঞ্চা॒মীত্য়া॑হৈ॒ষ বা অ॒গ্নে-স্স॒বস্তেনৈ॒বৈন॑ম॒ভি ষি॑ঞ্চতি॒ বৃহ॒স্পতে᳚স্ত্বা॒ সাম্রা᳚জ্য়েনা॒ভিষি॑ঞ্চা॒মীত্য়া॑হ॒ ব্রহ্ম॒ বৈ দে॒বানা॒-ম্বৃহ॒স্পতি॒র্ব্রহ্ম॑ণৈ॒বৈন॑ম॒ভি ষি॑ঞ্চ॒তীন্দ্র॑স্য় ত্বা॒ সাম্রা᳚জ্য়েনা॒ভি ষি॑ঞ্চা॒-মীত্য়া॑হেন্দ্রি॒যমে॒বাস্মি॑-ন্নু॒পরি॑ষ্টা-দ্দধাত্য়ে॒ত- [-দ্দধাত্য়ে॒তত্, বৈ রা॑জ॒সূয়॑স্য়] 13

-দ্বৈ রা॑জ॒সূয়॑স্য় রূ॒পং-য়ঁ এ॒বং-বিঁ॒দ্বান॒গ্নি-ঞ্চি॑নু॒ত উ॒ভাবে॒ব লো॒কাব॒ভি জ॑যতি॒ যশ্চ॑ রাজ॒সূয়ে॑নেজা॒নস্য়॒ যশ্চা᳚গ্নি॒চিত॒ ইন্দ্র॑স্য় সুষুবা॒ণস্য়॑ দশ॒ধেন্দ্রি॒য়ং-বীঁ॒র্য়॑-ম্পরা॑-ঽপত॒-ত্তদ্দে॒বা-স্সৌ᳚ত্রাম॒ণ্য়া সম॑ভরন্-থ্সূ॒যতে॒ বা এ॒ষ যো᳚-ঽগ্নি-ঞ্চি॑নু॒তে᳚-ঽগ্নি-ঞ্চি॒ত্বা সৌ᳚ত্রাম॒ণ্য়া য॑জেতেন্দ্রি॒যমে॒ব বী॒র্য়গ্​ম্॑ স॒ভৃন্ত্য়া॒-ঽঽত্ম-ন্ধ॑ত্তে ॥ 14 ॥
(ত এ॒বা - ন্বব॑স্রাবযত্য়ে॒ - ত - দ॒ষ্টাচ॑ত্বারিগ্​ম্শচ্চ) (অ. 3)

স॒জূরব্দো-ঽয়া॑বভি-স্স॒জূরু॒ষা অরু॑ণীভি-স্স॒জূ-স্সূর্য়॒ এত॑শেন স॒জোষা॑ব॒শ্বিনা॒ দগ্​ম্সো॑ভি-স্স॒জূর॒গ্নির্বৈ᳚শ্বান॒র ইডা॑ভির্ঘৃ॒তেন॒ স্বাহা॑ সং​বঁথ্স॒রো বা অব্দো॒ মাসা॒ অয়া॑বা উ॒ষা অরু॑ণী॒ সূর্য়॒ এত॑শ ই॒মে অ॒শ্বিনা॑ সং​বঁথ্স॒রো᳚-ঽগ্নির্বৈ᳚শ্বান॒রঃ প॒শব॒ ইডা॑ প॒শবো॑ ঘৃ॒তগ্​ম্ সং॑​বঁথ্স॒র-ম্প॒শবো-ঽনু॒ প্র জা॑যন্তে সং​বঁথ্স॒রেণৈ॒বাস্মৈ॑ প॒শূ-ন্প্রজ॑নযতি দর্ভস্ত॒ম্বে জু॑হোতি॒ য - [ ] 15

-দ্বা অ॒স্য়া অ॒মৃতং॒-য়ঁ-দ্বী॒র্য়॑-ন্ত-দ্দ॒র্ভাস্তস্মি॑ন্ জুহোতি॒ প্রৈব জা॑যতে ঽন্না॒দো ভ॑বতি॒ যস্য়ৈ॒ব-ঞ্জুহ্ব॑ত্য়ে॒তা বৈ দে॒বতা॑ অ॒গ্নেঃ পু॒রস্তা᳚দ্ভাগা॒স্তা এ॒ব প্রী॑ণা॒ত্যথো॒ চক্ষু॑রে॒বাগ্নেঃ পু॒রস্তা॒-ত্প্রতি॑ দধা॒ত্যন॑ন্ধো ভবতি॒ য এ॒বং-বেঁদা-ঽঽপো॒ বা ই॒দমগ্রে॑ সলি॒লমা॑সী॒-থ্স প্র॒জাপ॑তিঃ পুষ্করপ॒র্ণে বাতো॑ ভূ॒তো॑-ঽলেলায়॒-থ্স [ভূ॒তো॑-ঽলেলায়॒-থ্সঃ, প্র॒তি॒ষ্ঠা-ন্না-ঽবি॑ন্দত॒] 16

প্র॑তি॒ষ্ঠা-ন্না-ঽবি॑ন্দত॒ স এ॒তদ॒পা-ঙ্কু॒লায়॑মপশ্য়॒-ত্তস্মি॑ন্ন॒গ্নিম॑চিনুত॒ তদি॒যম॑ভব॒-ত্ততো॒ বৈ স প্রত্য়॑তিষ্ঠ॒দ্য়া-ম্পু॒রস্তা॑দু॒পা-দ॑ধা॒-ত্তচ্ছিরো॑ ঽভব॒-থ্সা প্রাচী॒ দিগ্য়া-ন্দ॑ক্ষিণ॒ত উ॒পাদ॑ধা॒-থ্স দক্ষি॑ণঃ প॒ক্ষো॑-ঽভব॒-থ্সা দ॑ক্ষি॒ণা দিগ্য়া-ম্প॒শ্চা-দু॒পাদ॑ধা॒-ত্ত-ত্পুচ্ছ॑মভব॒-থ্সা প্র॒তীচী॒ দিগ্য়ামু॑ত্তর॒ত উ॒পাদ॑ধা॒- [উ॒পাদ॑ধাত্, স উত্ত॑রঃ] 17

-থ্স উত্ত॑রঃ প॒ক্ষো॑-ঽভব॒-থ্সোদী॑চী॒ দিগ্য়ামু॒পরি॑ষ্টা-দু॒পাদ॑ধা॒-ত্ত-ত্পৃ॒ষ্ঠম॑ভব॒-থ্সোর্ধ্বা দিগি॒য়ং-বাঁ অ॒গ্নিঃ পঞ্চে᳚ষ্টক॒-স্তস্মা॒-দ্যদ॒স্য়া-ঙ্খন॑ন্ত্য়॒ভীষ্ট॑কা-ন্তৃ॒ন্দন্ত্য়॒ভি শর্ক॑রা॒গ্​ম্॒ সর্বা॒ বা ই॒য়ং-বঁয়ো᳚ভ্য়ো॒ নক্ত॑-ন্দৃ॒শে দী᳚প্যতে॒ তস্মা॑দি॒মাং-বঁয়াগ্​ম্॑সি॒ নক্ত॒-ন্নাদ্ধ্য়া॑সতে॒ য এ॒বং-বিঁ॒দ্বান॒গ্নি-ঞ্চি॑নু॒তে প্রত্য়ে॒ব [প্রত্য়ে॒ব, তি॒ষ্ঠ॒ত্য়॒ভি দিশো॑] 18

তি॑ষ্ঠত্য়॒ভি দিশো॑ জযত্য়াগ্নে॒য়ো বৈ ব্রা᳚হ্ম॒ণস্তস্মা᳚-দ্ব্রাহ্ম॒ণায়॒ সর্বা॑সু দি॒ক্ষ্বর্ধু॑ক॒গ্গ্॒ স্বামে॒ব ত-দ্দিশ॒মন্বে᳚ত্য়॒পাং-বাঁ অ॒গ্নিঃ কু॒লায়॒-ন্তস্মা॒দাপো॒-ঽগ্নিগ্​ম্ হারু॑কা॒-স্স্বামে॒ব ত-দ্য়োনি॒-ম্প্রবি॑শন্তি ॥ 19 ॥
(যদ॑- লেলায়॒-থ্স-উ॑ত্তর॒ত উ॒পাদ॑ধা-দে॒ব - দ্বাত্রিগ্​ম্॑শচ্চ) (অ. 4)

সং॒​বঁ॒থ্স॒রমুখ্য়॑-ম্ভৃ॒ত্বা দ্বি॒তীয়ে॑ সং​বঁথ্স॒র আ᳚গ্নে॒যম॒ষ্টাক॑পাল॒-ন্নির্ব॑পেদৈ॒ন্দ্র-মেকা॑দশকপালং-বৈঁশ্বদে॒ব-ন্দ্বাদ॑শকপাল-ম্বার্​হস্প॒ত্য়-ঞ্চ॒রুং-বৈঁ᳚ষ্ণ॒ব-ন্ত্রি॑কপা॒ল-ন্তৃ॒তীয়ে॑ সং​বঁথ্স॒রে॑-ঽভি॒জিতা॑ যজেত॒ যদ॒ষ্টাক॑পালো॒ ভব॑ত্য়॒ষ্টাক্ষ॑রা গায়॒ত্র্য়া᳚গ্নে॒য়-ঙ্গা॑য়॒ত্র-ম্প্রা॑তস্সব॒ন-ম্প্রা॑তস্সব॒নমে॒ব তেন॑ দাধার গায়॒ত্রী-ঞ্ছন্দো॒ যদেকা॑দশকপালো॒ ভব॒ত্য়েকা॑দশাক্ষরা ত্রি॒ষ্টুগৈ॒ন্দ্র-ন্ত্রৈষ্টু॑ভ॒-ম্মাদ্ধ্য়॑ন্দিন॒গ্​ম্॒ সব॑ন॒-ম্মাদ্ধ্য়॑ন্দিনমে॒ব সব॑ন॒-ন্তেন॑ দাধার ত্রি॒ষ্টুভ॒- [ত্রি॒ষ্টুভ᳚ম্, ছন্দো॒ য-দ্দ্বাদ॑শকপালো॒ ভব॑তি॒] 20

-ঞ্ছন্দো॒ য-দ্দ্বাদ॑শকপালো॒ ভব॑তি॒ দ্বাদ॑শাক্ষরা॒ জগ॑তী বৈশ্বদে॒ব-ঞ্জাগ॑ত-ন্তৃতীযসব॒ন-ন্তৃ॑তীযসব॒নমে॒ব তেন॑ দাধার॒ জগ॑তী॒-ঞ্ছন্দো॒ য-দ্বা॑র্​হস্প॒ত্যশ্চ॒রুর্ভব॑তি॒ ব্রহ্ম॒ বৈ দে॒বানা॒-ম্বৃহ॒স্পতি॒র্ব্রহ্মৈ॒ব তেন॑ দাধার॒ য-দ্বৈ᳚ষ্ণ॒বস্ত্রি॑কপা॒লো ভব॑তি য॒জ্ঞো বৈ বিষ্ণু॑র্য়॒জ্ঞমে॒ব তেন॑ দাধার॒ য-ত্তৃ॒তীয়ে॑ সং​বঁথ্স॒রে॑-ঽভি॒জিতা॒ যজ॑তে॒-ঽভিজি॑ত্য়ৈ॒ য-থ্সং॑​বঁথ্স॒রমুখ্য়॑-ম্বি॒ভর্তী॒মমে॒ব [ ] 21

তেন॑ লো॒কগ্গ্​ স্পৃ॑ণোতি॒ য-দ্দ্বি॒তীয়ে॑ সং​বঁথ্স॒রে᳚-ঽগ্নি-ঞ্চি॑নু॒তে᳚ ঽন্তরি॑ক্ষমে॒ব তেন॑ স্পৃণোতি॒ য-ত্তৃ॒তীয়ে॑ সং​বঁথ্স॒রে যজ॑তে॒-ঽমুমে॒ব তেন॑ লো॒কগ্গ্​ স্পৃ॑ণোত্য়ে॒তং-বৈঁ পর॑ আট্ণা॒রঃ ক॒ক্ষীবাগ্​ম্॑ ঔশি॒জো বী॒তহ॑ব্য়-শ্শ্রায়॒সস্ত্র॒সদ॑স্য়ুঃ পৌরুকু॒থ্স্য়ঃ প্র॒জাকা॑মা অচিন্বত॒ ততো॒ বৈ তে স॒হস্রগ্​ম্॑ সহস্র-ম্পু॒ত্রান॑বিন্দন্ত॒ প্রথ॑তে প্র॒জয়া॑ প॒শুভি॒স্তা-ম্মাত্রা॑মাপ্নোতি॒ যা-ন্তে-ঽগ॑চ্ছ॒ন্॒ য এ॒বং ঁবি॒দ্বানে॒তম॒গ্নি-ঞ্চি॑নু॒তে ॥ 22 ॥
(দা॒ধা॒র॒ ত্রি॒ষ্টুভ॑ - মি॒মমে॒বৈ - বং - চ॒ত্বারি॑ চ) (অ. 5)

প্র॒জাপ॑তির॒গ্নিম॑চিনুত॒ স ক্ষু॒রপ॑বির্ভূ॒ত্বা-ঽতি॑ষ্ঠ॒-ত্ত-ন্দে॒বা বিভ্য়॑তো॒ নোপা॑-ঽঽয়॒-ন্তে ছন্দো॑ভিরা॒ত্মান॑-ঞ্ছাদয়ি॒ত্বোপা॑-ঽঽয়॒-ন্তচ্ছন্দ॑সা-ঞ্ছন্দ॒স্ত্ব-ম্ব্রহ্ম॒ বৈ ছন্দাগ্​ম্॑সি॒ ব্রহ্ম॑ণ এ॒ত-দ্রূ॒পং-য়ঁ-ত্কৃ॑ষ্ণাজি॒ন-ঙ্কার্​ষ্ণী॑ উপা॒নহা॒বুপ॑ মুঞ্চতে॒ ছন্দো॑ভিরে॒বা-ঽঽত্মান॑-ঞ্ছাদয়ি॒ত্বা-ঽগ্নিমুপ॑ চরত্য়া॒ত্মনো-ঽহিগ্​ম্॑সায়ৈ দেবনি॒ধির্বা এ॒ষ নি ধী॑যতে॒ যদ॒গ্নি- [যদ॒গ্নিঃ, অ॒ন্য়ে বা॒ বৈ] 23

-র॒ন্য়ে বা॒ বৈ নি॒ধিমগু॑প্তং-বিঁ॒ন্দন্তি॒ ন বা॒ প্রতি॒ প্র জা॑নাত্য়ু॒খামা ক্রা॑মত্য়া॒ত্মান॑মে॒বাধি॒পা-ঙ্কু॑রুতে॒ গুপ্ত্য়া॒ অথো॒ খল্বা॑হু॒র্না-ঽঽক্রম্য়েতি॑ নৈর্-ঋ॒ত্য়ু॑খা যদা॒ক্রামে॒ন্নির্-ঋ॑ত্য়া আ॒ত্মান॒মপি॑ দদ্ধ্য়া॒-ত্তস্মা॒ন্না-ঽঽক্রম্য়া॑ পুরুষশী॒র্॒ষমুপ॑ দধাতি॒ গুপ্ত্য়া॒ অথো॒ যথা᳚ ব্রূ॒য়াদে॒তন্মে॑ গোপা॒য়েতি॑ তা॒দৃগে॒ব ত- [তত্, প্র॒জাপ॑তি॒র্বা] 24

-ত্প্র॒জাপ॑তি॒র্বা অথ॑র্বা॒ ঽগ্নিরে॒ব দ॒দ্ধ্যঙ্ঙা॑থর্ব॒ণস্তস্য়েষ্ট॑কা অ॒স্থান্য়ে॒তগ্​ম্ হ॒ বাব তদ্-ঋষি॑র॒ভ্যনূ॑বা॒চেন্দ্রো॑ দধী॒চো অ॒স্থভি॒রিতি॒ যদিষ্ট॑কাভির॒গ্নি-ঞ্চি॒নোতি॒ সাত্মা॑নমে॒বাগ্নি-ঞ্চি॑নুতে॒ সাত্মা॒মুষ্মি॑ন্ ঁলো॒কে ভ॑বতি॒ য এ॒বং-বেঁদ॒ শরী॑রং॒-বাঁ এ॒তদ॒গ্নের্যচ্চিত্য়॑ আ॒ত্মা বৈ᳚শ্বান॒রো যচ্চি॒তে বৈ᳚শ্বান॒র-ঞ্জু॒হোতি॒ শরী॑রমে॒ব স॒গ্গ্॒স্কৃত্য়া॒- [স॒গ্গ্॒স্কৃত্য়া॑, অ॒ভ্য়ারো॑হতি॒] 25

-ঽভ্য়ারো॑হতি॒ শরী॑রং॒-বাঁ এ॒ত-দ্যজ॑মান॒-স্সগ্গ্​ স্কু॑রুতে॒ যদ॒গ্নি-ঞ্চি॑নু॒তে যচ্চি॒তে বৈ᳚শ্বান॒র-ঞ্জু॒হোতি॒ শরী॑রমে॒ব স॒গ্গ্॒স্কৃত্য়া॒ ঽঽত্মনা॒-ঽভ্য়ারো॑হতি॒ তস্মা॒-ত্তস্য়॒ নাব॑ দ্যন্তি॒ জীব॑ন্নে॒ব দে॒বানপ্য়ে॑তি বৈশ্বান॒র্যর্চা পুরী॑ষ॒মুপ॑ দধাতী॒য়ং-বাঁ অ॒গ্নির্বৈ᳚শ্বান॒রস্তস্য়ৈ॒ষা চিতি॒র্য়-ত্পুরী॑ষম॒গ্নিমে॒ব বৈ᳚শ্বান॒র-ঞ্চি॑নুত এ॒ষা বা অ॒গ্নেঃ প্রি॒য়া ত॒নূর্য়-দ্বৈ᳚শ্বান॒রঃ প্রি॒য়ামে॒বাস্য়॑ ত॒নুব॒মব॑ রুন্ধে ॥ 26 ॥
(অ॒গ্নি - স্তথ্ - স॒গ্গ্॒স্কৃত্য়া॒ - গ্নে - র্দশ॑ চ) (অ. 6)

অ॒গ্নের্বৈ দী॒ক্ষয়া॑ দে॒বা বি॒রাজ॑মাপ্নুব-ন্তি॒স্রো রাত্রী᳚র্দীক্ষি॒ত-স্স্য়া᳚-ত্ত্রি॒পদা॑ বি॒রা-ড্বি॒রাজ॑মাপ্নোতি॒ ষড্-রাত্রী᳚র্দীক্ষি॒ত-স্স্য়া॒-থ্ষ-ড্বা ঋ॒তব॑-স্সং​বঁথ্স॒র-স্সং॑​বঁথ্স॒রো বি॒রা-ড্বি॒রাজ॑মাপ্নোতি॒ দশ॒ রাত্রী᳚র্দীক্ষি॒ত-স্স্য়া॒-দ্দশা᳚ক্ষরা বি॒রা-ড্বি॒রাজ॑মাপ্নোতি॒ দ্বাদ॑শ॒ রাত্রী᳚র্দীক্ষি॒ত-স্স্য়া॒-দ্দ্বাদ॑শ॒ মাসা᳚-স্সং​বঁথ্স॒র-স্সং॑​বঁথ্স॒রো বি॒রা-ড্বি॒রাজ॑মাপ্নোতি॒ ত্রয়ো॑দশ॒ রাত্রী᳚র্দীক্ষি॒ত-স্স্য়া॒-ত্ত্রয়ো॑দশ॒ [ত্রয়ো॑দশ, মাসা᳚-] 27

মাসা᳚-স্সং​বঁথ্স॒র-স্সং॑​বঁথ্স॒রো বি॒রা-ড্বি॒রাজ॑মাপ্নোতি॒ পঞ্চ॑দশ॒ রাত্রী᳚র্দীক্ষি॒ত-স্স্য়া॒-ত্পঞ্চ॑দশ॒ বা অ॑র্ধমা॒সস্য়॒ রাত্র॑য়ো-ঽর্ধমাস॒শ-স্সং॑​বঁথ্স॒র আ᳚প্যতে সং​বঁথ্স॒রো বি॒রা-ড্বি॒রাজ॑মাপ্নোতি স॒প্তদ॑শ॒ রাত্রী᳚র্দীক্ষি॒ত-স্স্য়া॒-দ্দ্বাদ॑শ॒ মাসাঃ॒ পঞ্চ॒র্তব॒-স্স সং॑​বঁথ্স॒র-স্সং॑​বঁথ্স॒রো বি॒রা-ড্বি॒রাজ॑মাপ্নোতি॒ চতু॑র্বিগ্​ম্শতি॒গ্​ম্॒ রাত্রী᳚র্দীক্ষি॒ত-স্স্য়া॒-চ্চতু॑র্বিগ্​ম্শতিরর্ধমা॒সা-স্সং॑​বঁথ্স॒র-স্সং॑​বঁথ্স॒রো বি॒রা-ড্বি॒রাজ॑মাপ্নোতি ত্রি॒গ্​ম্॒শত॒গ্​ম্॒ রাত্রী᳚র্দীক্ষি॒ত-স্স্য়া᳚- [রাত্রী᳚র্দীক্ষি॒ত-স্স্য়া᳚ত্, ত্রি॒গ্​ম্॒শদ॑ক্ষরা] 28

-ত্ত্রি॒গ্​ম্॒শদ॑ক্ষরা বি॒রা-ড্বি॒রাজ॑মাপ্নোতি॒ মাস॑-ন্দীক্ষি॒ত-স্স্য়া॒-দ্য়ো মাস॒-স্স সং॑​বঁথ্স॒র-স্সং॑​বঁথ্স॒রো বি॒রা-ড্বি॒রাজ॑মাপ্নোতি চ॒তুরো॑ মা॒সো দী᳚ক্ষি॒ত-স্স্য়া᳚চ্চ॒তুরো॒ বা এ॒ত-ম্মা॒সো বস॑বো-ঽবিভরু॒স্তে পৃ॑থি॒বীমা-ঽজ॑য়-ন্গায়॒ত্রী-ঞ্ছন্দো॒-ঽষ্টৌ রু॒দ্রাস্তে᳚-ঽন্তরি॑ক্ষ॒মা-ঽজ॑য়-ন্ত্রি॒ষ্টুভ॒-ঞ্ছন্দো॒ দ্বাদ॑শা-ঽঽদি॒ত্য়াস্তে দিব॒মা-ঽজ॑য়॒ন্ জগ॑তী॒-ঞ্ছন্দ॒স্ততো॒ বৈ তে ব্য়া॒বৃত॑-মগচ্ছ॒ঞ্ছ্রৈষ্ঠ্য়॑-ন্দে॒বানা॒-ন্তস্মা॒-দ্দ্বাদ॑শ মা॒সো ভৃ॒ত্বা-ঽগ্নি-ঞ্চি॑ন্বীত॒ দ্বাদ॑শ॒ মাসা᳚-স্সং​বঁথ্স॒র-স্সং॑​বঁথ্স॒রো᳚ -ঽগ্নিশ্চিত্য়॒স্তস্য়া॑-হোরা॒ত্রাণীষ্ট॑কা আ॒প্তেষ্ট॑কমেন-ঞ্চিনু॒তে-ঽথো᳚ ব্য়া॒বৃত॑মে॒ব গ॑চ্ছতি॒ শ্রৈষ্ঠ্য়গ্​ম্॑ সমা॒নানা᳚ম্ ॥ 29 ॥
(স্য়া॒-ত্ত্রয়ো॑দশ - ত্রি॒গ্​ম্॒শত॒গ্​ম্॒ রাত্রী᳚র্দীক্ষি॒ত-স্স্য়া॒-দ্- বৈ তে᳚ - ঽষ্টাবিগ্​ম্॑শতিশ্চ) (অ. 7)

সু॒ব॒র্গায়॒ বা এ॒ষ লো॒কায়॑ চীযতে॒ যদ॒গ্নিস্তং-য়ঁন্নান্বা॒রোহে᳚-থ্সুব॒র্গাল্লো॒কা-দ্যজ॑মানো হীয়েত পৃথি॒বীমা-ঽক্র॑মিষ-ম্প্রা॒ণো মা॒ মা হা॑সীদ॒ন্তরি॑ক্ষ॒মা-ঽক্র॑মিষ-ম্প্র॒জা মা॒ মা হা॑সী॒-দ্দিব॒মা-ঽক্র॑মিষ॒গ্​ম্॒ সুব॑রগ॒ন্মেত্য়া॑হৈ॒ষ বা অ॒গ্নের॑ন্বারো॒হস্তেনৈ॒বৈন॑-ম॒ন্বারো॑হতি সুব॒র্গস্য়॑ লো॒কস্য়॒ সম॑ষ্ট্য়ৈ॒ য-ত্প॒ক্ষস॑ম্মিতা-ম্মিনু॒য়া- [মিনু॒য়াত্, কনী॑য়াগ্​ম্স-] 30

-ত্কনী॑য়াগ্​ম্সং-য়ঁজ্ঞক্র॒তুমুপে॑য়া॒-ত্পাপী॑যস্যস্য়া॒ ঽঽত্মনঃ॑ প্র॒জা স্য়া॒-দ্বেদি॑সম্মিতা-ম্মিনোতি॒ জ্য়ায়াগ্​ম্॑সমে॒ব য॑জ্ঞক্র॒তুমুপৈ॑তি॒ নাস্য়া॒-ঽঽত্মনঃ॒ পাপী॑যসী প্র॒জা ভ॑বতি সাহ॒স্র-ঞ্চি॑ন্বীত প্রথ॒ম-ঞ্চি॑ন্বা॒ন-স্স॒হস্র॑সম্মিতো॒ বা অ॒য়ং-লোঁ॒ক ই॒মমে॒ব লো॒কম॒ভি জ॑যতি॒ দ্বিষা॑হস্র-ঞ্চিন্বীত দ্বি॒তীয়॑-ঞ্চিন্বা॒নো দ্বিষা॑হস্রং॒-বাঁ অ॒ন্তরি॑ক্ষ-ম॒ন্তরি॑ক্ষমে॒বাভি জ॑যতি॒ ত্রিষা॑হস্র-ঞ্চিন্বীত তৃ॒তীয়॑-ঞ্চিন্বা॒ন- [তৃ॒তীয়॑-ঞ্চিন্বা॒নঃ, ত্রিষা॑হস্রো॒ বা অ॒সৌ] 31

-স্ত্রিষা॑হস্রো॒ বা অ॒সৌ লো॒কো॑ ঽমুমে॒ব লো॒কম॒ভি জ॑যতি জানুদ॒ঘ্ন-ঞ্চি॑ন্বীত প্রথ॒ম-ঞ্চি॑ন্বা॒নো গা॑যত্রি॒য়ৈবেমং-লোঁ॒কম॒ভ্য়ারো॑হতি নাভিদ॒ঘ্ন-ঞ্চি॑ন্বীত দ্বি॒তীয়॑-ঞ্চিন্বা॒নস্ত্রি॒ষ্টুভৈ॒বা-ন্তরি॑ক্ষ-ম॒ভ্য়ারো॑হতি গ্রীবদ॒ঘ্ন-ঞ্চি॑ন্বীত তৃ॒তীয়॑-ঞ্চিন্বা॒নো জগ॑ত্য়ৈ॒বামুন্ ঁলো॒কম॒ভ্য়ারো॑হতি॒ নাগ্নি-ঞ্চি॒ত্বা রা॒মামুপে॑য়াদয়ো॒নৌ রেতো॑ ধাস্য়া॒মীতি॒ ন দ্বি॒তীয়॑-ঞ্চি॒ত্বা-ঽন্যস্য়॒ স্ত্রিয়॒- [স্ত্রিয়᳚ম্, উপে॑য়া॒ন্ন] 32

-মুপে॑য়া॒ন্ন তৃ॒তীয়॑-ঞ্চি॒ত্বা কা-ঞ্চ॒নোপে॑য়া॒-দ্রেতো॒ বা এ॒তন্নি ধ॑ত্তে॒ যদ॒গ্নি-ঞ্চি॑নু॒তে যদু॑পে॒য়া-দ্রেত॑সা॒ ব্য়ৃ॑দ্ধ্য়ে॒তা-ঽথো॒ খল্বা॑হুর প্রজ॒স্য়-ন্ত-দ্যন্নোপে॒য়াদিতি॒ য-দ্রে॑ত॒স্সিচা॑বুপ॒দধা॑তি॒ তে এ॒ব যজ॑মানস্য়॒ রেতো॑ বিভৃত॒স্তস্মা॒-দুপে॑য়া॒-দ্রেত॒সো-ঽস্ক॑ন্দায়॒ ত্রীণি॒ বাব রেতাগ্​ম্॑সি পি॒তা পু॒ত্রঃ পৌত্রো॒ [পৌত্রঃ॑, য-দ্দ্বে রে॑ত॒স্সিচা॑] 33

য-দ্দ্বে রে॑ত॒স্সিচা॑-বুপদ॒দ্ধ্য়া-দ্রেতো᳚-ঽস্য়॒ বিচ্ছি॑ন্দ্য়া-ত্তি॒স্র উপ॑ দধাতি॒ রেত॑স॒-স্সন্ত॑ত্য়া ই॒য়ং-বাঁব প্র॑থ॒মা রে॑ত॒স্সিগ্ বাগ্বা ই॒য়-ন্তস্মা॒-ত্পশ্য়॑ন্তী॒মা-ম্পশ্য়॑ন্তি॒ বাচং॒-বঁদ॑ন্তীম॒ন্তরি॑ক্ষ-ন্দ্বি॒তীয়া᳚ প্রা॒ণো বা অ॒ন্তরি॑ক্ষ॒-ন্তস্মা॒ন্না-ঽন্তরি॑ক্ষ॒-ম্পশ্য়॑ন্তি॒ ন প্রা॒ণম॒সৌ তৃ॒তীয়া॒ চক্ষু॒র্বা অ॒সৌ তস্মা॒-ত্পশ্য়॑ন্ত্য়॒মূ-ম্পশ্য়॑ন্তি॒ চক্ষু॒-র্যজু॑ষে॒মা-ঞ্চা॒- [চক্ষু॒-র্যজু॑ষে॒মা-ঞ্চা॑, অ॒মূ-ঞ্চোপ॑] 34

-ঽমূ-ঞ্চোপ॑ দধাতি॒ মন॑সা মদ্ধ্য়॒মামে॒ষাং-লোঁ॒কানা॒-ঙ্কৢপ্ত্য়া॒ অথো᳚ প্রা॒ণানা॑মি॒ষ্টো য॒জ্ঞো ভৃগু॑ভিরাশী॒র্দা বসু॑ভি॒স্তস্য়॑ ত ই॒ষ্টস্য়॑ বী॒তস্য়॒ দ্রবি॑ণে॒হ ভ॑ক্ষী॒য়েত্য়া॑হ স্তুতশ॒স্ত্রে এ॒বৈতেন॑ দুহে পি॒তা মা॑ত॒রিশ্বা-ঽচ্ছি॑দ্রা প॒দা ধা॒ অচ্ছি॑দ্রা উ॒শিজঃ॑ প॒দা-ঽনু॑ তক্ষু॒-স্সোমো॑ বিশ্ব॒বিন্নে॒তা নে॑ষ॒-দ্বৃহ॒স্পতি॑রুক্থাম॒দানি॑ শগ্​ম্সিষ॒দিত্য়া॑হৈ॒তদ্বা অ॒গ্নেরু॒ক্থ-ন্তেনৈ॒বৈন॒মনু॑ শগ্​ম্সতি ॥ 35 ॥
(মি॒নু॒য়াত্ - তৃ॒তীয়॑-ঞ্চিন্বা॒নঃ - স্ত্রিয়ং॒ - পৌত্র॑ - শ্চ॒ - বৈ - স॒প্ত চ॑) (অ. 8)

সূ॒যতে॒ বা এ॒ষো᳚-ঽগ্নী॒নাং-য়ঁ উ॒খায়া᳚-ম্ভ্রি॒যতে॒ যদ॒ধ-স্সা॒দয়ে॒-দ্গর্ভাঃ᳚ প্র॒পাদু॑কা-স্স্য়ু॒রথো॒ যথা॑ স॒বা-ত্প্র॑ত্যব॒রোহ॑তি তা॒দৃগে॒ব তদা॑স॒ন্দী সা॑দযতি॒ গর্ভা॑ণা॒-ন্ধৃত্য়া॒ অপ্র॑পাদা॒য়াথো॑ স॒বমে॒বৈন॑-ঙ্করোতি॒ গর্ভো॒ বা এ॒ষ যদুখ্য়ো॒ যোনি॑-শ্শি॒ক্য়ং॑-য়ঁচ্ছি॒ক্য়া॑দু॒খা-ন্নি॒রূহে॒-দ্য়োনে॒র্গর্ভ॒-ন্নির্​হ॑ণ্য়া॒-থ্ষডু॑দ্য়ামগ্​ম্ শি॒ক্য়॑-ম্ভবতি ষোঢা বিহি॒তো বৈ [ ] 36

পুরু॑ষ আ॒ত্মা চ॒ শির॑শ্চ চ॒ত্বার্যঙ্গা᳚ন্য়া॒ত্মন্নে॒বৈন॑-ম্বিভর্তি প্র॒জাপ॑তি॒র্বা এ॒ষ যদ॒গ্নিস্তস্য়ো॒খা চো॒লূখ॑ল-ঞ্চ॒ স্তনৌ॒ তাব॑স্য় প্র॒জা উপ॑ জীবন্তি॒ যদু॒খা-ঞ্চো॒লূখ॑ল-ঞ্চোপ॒দধা॑তি॒ তাভ্য়া॑মে॒ব যজ॑মানো॒-ঽমুষ্মি॑ন্ ঁলো॒কে᳚-ঽগ্নি-ন্দু॑হে সং​বঁথ্স॒রো বা এ॒ষ যদ॒গ্নিস্তস্য়॑ ত্রেধাবিহি॒তা ইষ্ট॑কাঃ প্রাজাপ॒ত্য়া বৈ᳚ষ্ণ॒বী- [বৈ᳚ষ্ণ॒বীঃ, বৈ॒শ্ব॒ক॒র্ম॒ণী-] 37

-র্বৈ᳚শ্বকর্ম॒ণী-র॑হোরা॒ত্রাণ্য়ে॒বা-ঽস্য়॑ প্রাজাপ॒ত্য়া যদুখ্য়॑-ম্বি॒ভর্তি॑ প্রাজাপ॒ত্য়া এ॒ব তদুপ॑ ধত্তে॒ য-থ্স॒মিধ॑ আ॒দধা॑তি বৈষ্ণ॒বা বৈ বন॒স্পত॑য়ো বৈষ্ণ॒বীরে॒ব তদুপ॑ ধত্তে॒ যদিষ্ট॑কাভির॒গ্নি-ঞ্চি॒নোতী॒য়ং-বৈঁ বি॒শ্বক॑র্মা বৈশ্বকর্ম॒ণীরে॒ব তদুপ॑ ধত্তে॒ তস্মা॑-দাহু-স্ত্রি॒বৃদ॒গ্নিরিতি॒ তং-বাঁ এ॒তং-য়ঁজ॑মান এ॒ব চি॑ন্বীত॒ যদ॑স্য়া॒ন্য় শ্চি॑নু॒য়াদ্য়-ত্ত-ন্দক্ষি॑ণাভি॒র্ন রা॒ধয়ে॑দ॒গ্নিম॑স্য় বৃঞ্জীত॒ যো᳚-ঽস্য়া॒-ঽগ্নি-ঞ্চি॑নু॒য়া-ত্ত-ন্দক্ষি॑ণাভী রাধয়েদ॒গ্নিমে॒ব ত-থ্স্পৃ॑ণোতি ॥ 38 ॥
(ষো॒ঢা॒বি॒হি॒তো বৈ - বৈ᳚ষ্ণ॒বী - র॒ন্য়ো - বিগ্​ম্॑শ॒তিশ্চ॑) (অ. 9)

প্র॒জাপ॑তি-র॒গ্নি-ম॑চিনুত॒র্তুভি॑-স্সং​বঁথ্স॒রং-বঁ॑স॒ন্তেনৈ॒বাস্য়॑ পূর্বা॒র্ধম॑চিনুত গ্রী॒ষ্মেণ॒ দক্ষি॑ণ-ম্প॒ক্ষং-বঁ॒র্॒ষাভিঃ॒ পুচ্ছগ্​ম্॑ শ॒রদোত্ত॑র-ম্প॒ক্ষগ্​ম্ হে॑ম॒ন্তেন॒ মদ্ধ্য়॒-ম্ব্রহ্ম॑ণা॒ বা অ॑স্য়॒ ত-ত্পূ᳚র্বা॒র্ধম॑চিনুত ক্ষ॒ত্রেণ॒ দক্ষি॑ণ-ম্প॒ক্ষ-ম্প॒শুভিঃ॒ পুচ্ছং॑-বিঁ॒শোত্ত॑র-ম্প॒ক্ষমা॒শয়া॒ মদ্ধ্য়ং॒-য়ঁ এ॒বং-বিঁ॒দ্বান॒গ্নি-ঞ্চি॑নু॒ত ঋ॒তুভি॑রে॒বৈন॑-ঞ্চিনু॒তে-ঽথো॑ এ॒তদে॒ব সর্ব॒মব॑ - [সর্ব॒মব॑, রু॒ন্ধে॒ শৃ॒ণ্বন্ত্য়ে॑ন] 39

রুন্ধে শৃ॒ণ্বন্ত্য়ে॑ন-ম॒গ্নি-ঞ্চি॑ক্য়া॒নমত্ত্যন্ন॒গ্​ম্॒ রোচ॑ত ই॒য়ং-বাঁব প্র॑থ॒মা চিতি॒রোষ॑ধয়ো॒ বন॒স্পত॑য়ঃ॒ পুরী॑ষম॒ন্তরি॑ক্ষ-ন্দ্বি॒তীয়া॒ বয়াগ্​ম্॑সি॒ পুরী॑ষম॒সৌ তৃ॒তীয়া॒ নক্ষ॑ত্রাণি॒ পুরী॑ষং-য়ঁ॒জ্ঞশ্চ॑তু॒র্থী দক্ষি॑ণা॒ পুরী॑ষং॒-য়ঁজ॑মানঃ পঞ্চ॒মী প্র॒জা পুরী॑ষং॒-য়ঁ-ত্ত্রিচি॑তীক-ঞ্চিন্বী॒ত য॒জ্ঞ-ন্দক্ষি॑ণামা॒ত্মান॑-ম্প্র॒জাম॒ন্তরি॑য়া॒-ত্তস্মা॒-ত্পঞ্চ॑চিতীকশ্চেত॒ব্য়॑ এ॒তদে॒ব সর্বগ্গ্॑ স্পৃণোতি॒ য-ত্তি॒স্রশ্চিত॑য়- [য়-ত্তি॒স্রশ্চিত॑য়ঃ, ত্রি॒বৃদ্ধ্য়॑গ্নির্য়-দ্দ্বে] 40

-স্ত্রি॒বৃদ্ধ্য়॑গ্নির্য়-দ্দ্বে দ্বি॒পা-দ্যজ॑মানঃ॒ প্রতি॑ষ্ঠিত্য়ৈ॒ পঞ্চ॒ চিত॑য়ো ভবন্তি॒ পাঙ্ক্তঃ॒ পুরু॑ষ আ॒ত্মান॑মে॒ব স্পৃ॑ণোতি॒ পঞ্চ॒ চিত॑য়ো ভবন্তি প॒ঞ্চভিঃ॒ পুরী॑ষৈর॒ভ্য়ূ॑হতি॒ দশ॒ স-ম্প॑দ্যন্তে॒ দশা᳚ক্ষরো॒ বৈ পুরু॑ষো॒ যাবা॑নে॒ব পুরু॑ষ॒স্তগ্গ্​ স্পৃ॑ণো॒ত্যথো॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজ্য়ে॒বান্নাদ্য়ে॒ প্রতি॑ তিষ্ঠতি সং​বঁথ্স॒রো বৈ ষ॒ষ্ঠী চিতি॑র্-ঋ॒তবঃ॒ পুরী॑ষ॒গ্​ম্॒ ষট্ চিত॑য়ো ভবন্তি॒ ষট্ পুরী॑ষাণি॒ দ্বাদ॑শ॒ স-ম্প॑দ্যন্তে॒ দ্বাদ॑শ॒ মাসা᳚-স্সং​বঁথ্স॒র-স্সং॑​বঁথ্স॒র এ॒ব প্রতি॑ তিষ্ঠতি ॥ 41 ॥
(অব॒ - চিত॑য়ঃ॒ - পুরী॑ষং॒ - পঞ্চ॑দশ চ) (অ. 10)

রোহি॑তো ধূ॒ম্ররো॑হিতঃ ক॒র্কন্ধু॑রোহিত॒স্তে প্রা॑জাপ॒ত্য়া ব॒ভ্রুর॑রু॒ণব॑ভ্রু॒-শ্শুক॑বভ্রু॒স্তে রৌ॒দ্রা-শ্শ্য়েত॑-শ্শ্য়েতা॒ক্ষ-শ্শ্য়েত॑গ্রীব॒স্তে পি॑তৃদেব॒ত্য়া᳚স্তি॒স্রঃ কৃ॒ষ্ণা ব॒শা বা॑রু॒ণ্য়॑স্তি॒স্র-শ্শ্বে॒তা ব॒শা-স্সৌ॒র্য়ো॑ মৈত্রাবার্​হস্প॒ত্য়া ধূ॒ম্রল॑লামাস্তূপ॒রাঃ ॥ 42 ॥
(রোহি॑তঃ॒-ষড্বগ্​ম্॑শতিঃ) (অ. 11)

পৃশ্ঞি॑-স্তির॒শ্চীন॑-পৃশ্ঞিরূ॒র্ধ্ব-পৃ॑শ্ঞি॒স্তে মা॑রু॒তাঃ ফ॒ল্গূর্লো॑হিতো॒র্ণী ব॑ল॒ক্ষী তা-স্সা॑রস্ব॒ত্য়ঃ॑ পৃষ॑তী স্থূ॒লপৃ॑ষতী ক্ষু॒দ্রপৃ॑ষতী॒ তা বৈ᳚শ্বদে॒ব্য়॑স্তি॒স্র-শ্শ্য়া॒মা ব॒শাঃ পৌ॒ষ্ণিয়॑স্তি॒স্রো রোহি॑ণীর্ব॒শা মৈ॒ত্রিয়॑ ঐন্দ্রাবার্​হস্প॒ত্য়া অ॑রু॒ণল॑লামাস্তূপ॒রাঃ ॥ 43 ॥
(পৃশ্ঞিঃ॒ - ষড্বিগ্​ম্॑শতিঃ) (অ. 12)

শি॒তি॒বা॒হু-র॒ন্যত॑শ্শিতিবাহু-স্সম॒ন্ত শি॑তিবাহু॒স্ত ঐ᳚ন্দ্রবায়॒বা-শ্শি॑তি॒রন্ধ্রো॒ ঽন্যত॑শ্শিতিরন্ধ্র-স্সম॒ন্তশি॑তিরন্ধ্র॒স্তে মৈ᳚ত্রাবরু॒ণা-শ্শু॒দ্ধবা॑ল-স্স॒র্বশু॑দ্ধবালো ম॒ণিবা॑ল॒স্ত আ᳚শ্বি॒নাস্তি॒স্র-শ্শি॒ল্পা ব॒শা বৈ᳚শ্বদে॒ব্য়॑স্তি॒স্র-শ্শ্য়েনীঃ᳚ পরমে॒ষ্ঠিনে॑ সোমাপৌ॒ষ্ণা-শ্শ্য়া॒মল॑লামাস্তূপ॒রাঃ ॥ 44 ॥
(শি॒তি॒বা॒হুঃ পঞ্চ॑বিগ্​ম্শতিঃ) (অ. 13)

উ॒ন্ন॒ত ঋ॑ষ॒ভো বা॑ম॒নস্ত ঐ᳚ন্দ্রাবরু॒ণা-শ্শিতি॑ককুচ্ছিতিপৃ॒ষ্ঠ-শ্শিতি॑ভস॒-ত্ত ঐ᳚ন্দ্রাবার্​হস্প॒ত্য়া-শ্শি॑তি॒পাচ্ছি॒ত্য়োষ্ঠ॑-শ্শিতি॒ভ্রুস্ত ঐ᳚ন্দ্রাবৈষ্ণ॒বাস্তি॒স্র-স্সি॒দ্ধ্মা ব॒শা বৈ᳚শ্বকর্ম॒ণ্য়॑স্তি॒স্রো ধা॒ত্রে পৃ॑ষোদ॒রা ঐ᳚ন্দ্রাপৌ॒ষ্ণা-শ্শ্য়েত॑ললামাস্তূপ॒রাঃ ॥ 45 ॥
(উ॒ন্ন॒তঃ পঞ্চ॑বিগ্​ম্শতিঃ) (অ. 14)

ক॒র্ণাস্ত্রয়ো॑ যা॒মা-স্সৌ॒ম্য়াস্ত্রয়॑-শ্শ্বিতি॒ঙ্গা অ॒গ্নয়ে॒ যবি॑ষ্ঠায়॒ ত্রয়ো॑ নকু॒লাস্তি॒স্রো রোহি॑ণী॒স্ত্র্যব্য়॒স্তা বসূ॑না-ন্তি॒স্রো॑-ঽরু॒ণা দি॑ত্য়ৌ॒হ্য়॑স্তা রু॒দ্রাণাগ্​ম্॑ সোমৈ॒ন্দ্রা ব॒ভ্রুল॑লামাস্তূপ॒রাঃ ॥ 46 ॥
(ক॒র্ণাস্ত্রয়ো॑ - বিগ্​ম্শতিঃ) (অ. 15)

শু॒ণ্ঠাস্ত্রয়ো॑ বৈষ্ণ॒বা অ॑ধীলোধ॒কর্ণা॒স্ত্রয়ো॒ বিষ্ণ॑ব উরুক্র॒মায়॑ লফ্সু॒দিন॒স্ত্রয়ো॒ বিষ্ণ॑ব উরুগা॒য়ায়॒ পঞ্চা॑বীস্তি॒স্র আ॑দি॒ত্য়ানা᳚-ন্ত্রিব॒থ্সা-স্তি॒স্রো-ঽঙ্গি॑রসামৈন্দ্রাবৈষ্ণ॒বা গৌ॒রল॑লামাস্তূপ॒রাঃ ॥ 47 ॥
(শু॒ণ্ঠা - বিগ্​ম্॑শ॒তিঃ) (অ. 16)

ইন্দ্রা॑য়॒ রাজ্ঞে॒ ত্রয়॑-শ্শিতিপৃ॒ষ্ঠা ইন্দ্রা॑য়া-ধিরা॒জায়॒ ত্রয়॒-শ্শিতি॑ককুদ॒ ইন্দ্রা॑য় স্ব॒রাজ্ঞে॒ ত্রয়॒-শ্শিতি॑ভস-দস্তি॒স্রস্তু॑র্য়ৌ॒হ্য়॑-স্সা॒দ্ধ্য়ানা᳚-ন্তি॒স্রঃ প॑ষ্ঠৌ॒হ্য়ো॑ বিশ্বে॑ষা-ন্দে॒বানা॑মাগ্নে॒ন্দ্রাঃ কৃ॒ষ্ণল॑লামাস্তূপ॒রাঃ ॥ 48 ॥
(ইন্দ্রা॑য়॒ রাজ্ঞে॒ - দ্বাবিগ্​ম্॑শতিঃ) (অ. 17)

অদি॑ত্য়ৈ॒ ত্রয়ো॑ রোহিতৈ॒তা ই॑ন্দ্রা॒ণ্য়ৈ ত্রয়ঃ॑ কৃষ্ণৈ॒তাঃ কু॒হ্বৈ᳚ ত্রয়ো॑-ঽরুণৈ॒তাস্তি॒স্রো ধে॒নবো॑ রা॒কায়ৈ॒ ত্রয়ো॑-ঽন॒ড্বাহ॑-স্সিনীবা॒ল্য়া আ᳚গ্নাবৈষ্ণ॒বা রোহি॑তললামাস্তূপ॒রাঃ ॥ 49 ॥
(অদি॑ত্য়া-অ॒ষ্টাদ॑শ) (অ. 18)

সৌ॒ম্য়াস্ত্রয়ঃ॑ পি॒শঙ্গা॒-স্সোমা॑য়॒ রাজ্ঞে॒ ত্রয়॑-স্সা॒রঙ্গাঃ᳚ পার্জ॒ন্য়া নভো॑রূপাস্তি॒স্রো॑-ঽজা ম॒ল্॒হা ই॑ন্দ্রা॒ণ্য়ৈ তি॒স্রো মে॒ষ্য়॑ আদি॒ত্য়া দ্য়া॑বাপৃথি॒ব্য়া॑ মা॒লঙ্গা᳚স্তূপ॒রাঃ ॥ 50 ॥
(সৌ॒ম্য়া - একা॒ন্নবিগ্​ম্॑শ॒তিঃ) (অ. 19)

বা॒রু॒ণাস্ত্রয়ঃ॑ কৃ॒ষ্ণল॑লামা॒ বরু॑ণায়॒ রাজ্ঞে॒ ত্রয়ো॒ রোহি॑তললামা॒ বরু॑ণায় রি॒শাদ॑সে॒ ত্রয়ো॑-ঽরু॒ণল॑লামা-শ্শি॒ল্পাস্ত্রয়ো॑ বৈশ্বদে॒বাস্ত্রয়ঃ॒ পৃশ্ঞ॑য়-স্সর্বদেব॒ত্য়া॑ ঐন্দ্রাসূ॒রা-শ্শ্য়েত॑ললামাস্তূপ॒রাঃ ॥ 51 ॥
(বা॒রু॒ণা - বিগ্​ম্॑শ॒তিঃ) (অ. 20)

সোমা॑য় স্ব॒রাজ্ঞে॑-ঽনোবা॒হাব॑ন॒ড্বাহা॑-বিন্দ্রা॒গ্নিভ্য়া॑-মোজো॒দাভ্য়া॒মুষ্টা॑রা-বিন্দ্রা॒গ্নিভ্য়া᳚-ম্বল॒দাভ্য়াগ্​ম্॑ সীরবা॒হাববী॒ দ্বে ধে॒নূ ভৌ॒মী দি॒গ্ভ্য়ো বড॑বে॒ দ্বে ধে॒নূ ভৌ॒মী বৈ॑রা॒জী পু॑রু॒ষী দ্বে ধে॒নূ ভৌ॒মী বা॒যব॑ আরোহণবা॒হাব॑ন॒ড্বাহৌ॑ বারু॒ণী কৃ॒ষ্ণে ব॒শে অ॑রা॒ড্য়ৌ॑ দি॒ব্য়াবৃ॑ষ॒ভৌ প॑রিম॒রৌ ॥ 52 ॥
(সোমা॑য় স্ব॒রাজ্ঞে॒ - চতু॑স্ত্রিগ্​ম্শত্) (অ. 21)

একা॑দশ প্রা॒তর্গ॒ব্য়াঃ প॒শব॒ আ ল॑ভ্যন্তে ছগ॒লঃ ক॒ল্মাষঃ॑ কিকিদী॒বির্বি॑দী॒গয়॒স্তে ত্বা॒ষ্ট্রা-স্সৌ॒রীর্নব॑ শ্বে॒তা ব॒শা অ॑নূব॒ন্ধ্য়া॑ ভবন্ত্য়াগ্নে॒য় ঐ᳚ন্দ্রা॒গ্ন আ᳚শ্বি॒নস্তে বি॑শালয়ূ॒প আ ল॑ভ্যন্তে ॥ 53 ॥
(ঐকা॑দশ প্রা॒তঃ - পঞ্চ॑বিগ্​ম্শতিঃ) (অ. 22)

পি॒শঙ্গা॒স্ত্রয়ো॑ বাস॒ন্তা-স্সা॒রঙ্গা॒স্ত্রয়ো॒ গ্রৈষ্মাঃ॒ পৃষ॑ন্ত॒স্ত্রয়ো॒ বার্​ষি॑কাঃ॒ পৃশ্ঞ॑য়॒স্ত্রয়॑-শ্শার॒দাঃ পৃ॑শ্ঞিস॒ক্থা-স্ত্রয়ো॒ হৈম॑ন্তিকা অবলি॒প্তাস্ত্রয়॑-শ্শৈশি॒রা-স্সং॑​বঁথ্স॒রায়॒ নিব॑ক্ষসঃ ॥ 54 ॥
(পি॒শঙ্গা॑ - বিগ্​ম্শ॒তিঃ) (অ. 23)

(রোহি॑তঃ কৃ॒ষ্ণা ধূ॒ম্রল॑লামাঃ॒ - পৃশ্ঞি॑-শ্শ্য়া॒মা অ॑রু॒ণল॑লামাঃ -শিতিবা॒হু-শ্শি॒ল্পা-শ্শ্য়েনী᳚-শ্শ্য়া॒মল॑লামা - উন্ন॒ত-স্সি॒দ্ধ্মা ধা॒ত্রে পৌ॒ষ্ণা-শ্শ্য়েত॑ললামাঃ - ক॒র্ণা ব॒ভ্রুল॑লামাঃ - শু॒ণ্ঠা গৌ॒রল॑লামা॒ - ইন্দ্রা॑য় কৃ॒ষ্ণাল॑লামা॒ - অদি॑ত্য়ৈ॒ রোহি॑ত ললামঃ -সৌ॒ম্য়া মা॒লঙ্গা॑ - বারু॒ণা-স্সূ॒রা-শ্শ্য়েত॑ললামা॒ - দশ॑ ।)

(হির॑ণ্যবর্ণা - অ॒পা-ঙ্গ্রহা᳚ন্ - ভূতেষ্ট॒কাঃ - স॒জূঃ - সং॑​বঁথ্স॒রং - প্র॒জাপ॑তি॒-স্স ক্ষু॒রপ॑বি - র॒বগ্নের্বৈ দী॒ক্ষয়া॑ - সুব॒র্গায়॒ তং-য়ঁন্ন - সূ॒যতে᳚ - প্র॒জাপ॑তির্-ঋ॒তুভী॒ - রোহি॑তঃ॒ - পৃঞিঃ॑ - শিতিবা॒হু - রু॑ন্ন॒তঃ - ক॒র্ণাঃ - শু॒ণ্ঠা - ইন্দ্রা॒য়া- দি॑ত্য়ৈ - সৌ॒ম্য়া - বা॑রু॒ণাঃ - সোমা॒য়ৈ - কা॑দশ - পি॒শঙ্গা॒ - স্ত্রয়ো॑বিগ্​ম্শতিঃ)

(হির॑ণ্যবর্ণা - ভূতেষ্ট॒কাঃ - ছন্দো॒ যত্ - কনী॑য়াগ্​ম্সন্-ত্রি॒বৃদ্ধ্য়॑গ্নি - র্বা॑রু॒ণা - শ্চতু॑ষ্পঞ্চা॒শত্ )

(হির॑ণ্যবর্ণা॒, নিব॑ক্ষসঃ)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে ষষ্ঠঃ প্রশ্ন-স্সমাপ্তঃ ॥