কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে পঞ্চমঃ প্রশ্নঃ - বাযব্যপশ্বাদ্য়ান-ন্নিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

যদেকে॑ন সগ্গ্​ স্থা॒পয়॑তি য॒জ্ঞস্য়॒ সন্ত॑ত্য়া॒ অবি॑চ্ছেদায়ৈ॒ন্দ্রাঃ প॒শবো॒ যে মু॑ষ্ক॒রা যদৈ॒ন্দ্রা-স্সন্তো॒-ঽগ্নিভ্য়॑ আল॒ভ্যন্তে॑ দে॒বতা᳚ভ্য়-স্স॒মদ॑-ন্দধাত্য়াগ্নে॒য়ী-স্ত্রি॒ষ্টুভো॑ যাজ্য়ানুবা॒ক্য়াঃ᳚ কুর্য়া॒-দ্যদা᳚গ্নে॒য়ীস্তেনা᳚ ঽঽগ্নে॒য়া য-ত্ত্রি॒ষ্টুভ॒-স্তেনৈ॒ন্দ্রা-স্সমৃ॑দ্ধ্য়ৈ॒ ন দে॒বতা᳚ভ্য়-স্স॒মদ॑-ন্দধাতি বা॒যবে॑ নি॒য়ুত্ব॑তে তূপ॒রমা ল॑ভতে॒ তেজো॒-ঽগ্নের্বা॒য়ুস্তেজ॑স এ॒ষ আ ল॑ভ্যতে॒ তস্মা᳚-দ্য়॒দ্রিয়॑ঙ্ বা॒য়ু- [বা॒য়ুঃ, বাতি॑] 1

-র্বাতি॑ ত॒দ্রিয়॑ঙ্ঙ॒-গ্নি-র্দ॑হতি॒ স্বমে॒ব ত-ত্তেজো-ঽন্বে॑তি॒ যন্ন নি॒য়ুত্ব॑তে॒ স্য়াদুন্মা᳚দ্য়ে॒-দ্যজ॑মানো নি॒য়ুত্ব॑তে ভবতি॒ যজ॑মান॒স্য়া-ঽনু॑ন্মাদায় বায়ু॒মতী᳚ শ্বে॒তব॑তী যাজ্য়ানুবা॒ক্য়ে॑ ভবত-স্সতেজ॒স্ত্বায়॑ হিরণ্যগ॒র্ভ-স্সম॑বর্ত॒তাগ্র॒ ইত্য়া॑ঘা॒রমা ঘা॑রযতি প্র॒জাপ॑তি॒র্বৈ হি॑রণ্যগ॒র্ভঃ প্র॒জাপ॑তে-রনুরূপ॒ত্বায়॒ সর্বা॑ণি॒ বা এ॒ষ রূ॒পাণি॑ পশূ॒না-ম্প্রত্য়া ল॑ভ্যতে॒ যচ্ছ্ম॑শ্রু॒ণস্ত- [যচ্ছ্ম॑শ্রু॒ণস্তত্, পুরু॑ষাণাগ্​ম্] 2

-ত্পুরু॑ষাণাগ্​ম্ রূ॒পং-য়ঁ-ত্তূ॑প॒রস্ত-দশ্বা॑নাং॒-য়ঁদ॒ন্যতো॑দ॒-ন্ত-দ্গবাং॒-য়ঁদব্য়া॑ ইব শ॒ফাস্তদবী॑নাং॒-য়ঁদ॒জস্তদ॒জানাং᳚-বাঁ॒য়ুর্বৈ প॑শূ॒না-ম্প্রি॒য়-ন্ধাম॒ য-দ্বা॑য়॒ব্য়ো॑ ভব॑ত্য়ে॒ত-মে॒বৈন॑ম॒ভি স॑ঞ্জানা॒নাঃ প॒শব॒ উপ॑ তিষ্ঠন্তে বায়॒ব্য়ঃ॑ কা॒র্য়া(3)ঃ প্রা॑জাপ॒ত্য়া(3) ইত্য়া॑হু॒-র্য়-দ্বা॑য়॒ব্য়॑-ঙ্কু॒র্য়া-ত্প্র॒জাপ॑তে-রিয়া॒দ্য়-ত্প্রা॑জাপ॒ত্য়-ঙ্কু॒র্য়া-দ্বা॒য়ো- [-দ্বা॒য়োঃ, ই॒য়া॒দ্য়-] 3

-রি॑য়া॒দ্য়-দ্বা॑য়॒ব্য়ঃ॑ প॒শুর্ভব॑তি॒ তেন॑ বা॒য়োর্নৈতি॒ য-ত্প্রা॑জাপ॒ত্য়ঃ পু॑রো॒ডাশো॒ ভব॑তি॒ তেন॑ প্র॒জাপ॑তে॒র্নৈতি॒ য-দ্দ্বাদ॑শকপাল॒স্তেন॑ বৈশ্বান॒রান্নৈত্য়া᳚গ্না বৈষ্ণ॒বমেকা॑দশ-কপাল॒-ন্নির্ব॑পতি দীক্ষি॒ষ্যমা॑ণো-॒-ঽগ্নি-স্সর্বা॑ দে॒বতা॒ বিষ্ণু॑র্য়॒জ্ঞো দে॒বতা᳚শ্চৈ॒ব য॒জ্ঞ-ঞ্চা-ঽঽ র॑ভতে॒-ঽগ্নির॑ব॒মো দে॒বতা॑নাং॒-বিঁষ্ণুঃ॑ পর॒মো যদা᳚গ্না-বৈষ্ণ॒ব-মেকা॑দশকপাল-ন্নি॒র্বপতি দে॒বতা॑ [দে॒বতাঃ᳚, এ॒বোভ॒যতঃ॑] 4

এ॒বোভ॒যতঃ॑ পরি॒গৃহ্য়॒ যজ॑মা॒নো-ঽব॑ রুন্ধে পুরো॒ডাশে॑ন॒ বৈ দে॒বা অ॒মুষ্মি॑ন্ ঁলো॒ক আ᳚র্ধ্নুবন্ চ॒রুণা॒-ঽস্মিন্. যঃ কা॒ময়ে॑তা॒-ঽমুষ্মি॑ন্ ঁলো॒ক ঋ॑দ্ধ্নুয়া॒মিতি॒ স পু॑রো॒ডাশ॑-ঙ্কুর্বীতা॒-ঽমুষ্মি॑ন্নে॒ব লো॒ক ঋ॑দ্ধ্নোতি॒ যদ॒ষ্টাক॑পাল॒-স্তেনা᳚-ঽঽগ্নে॒য়ো য-ত্ত্রি॑কপা॒লস্তেন॑ বৈষ্ণ॒ব-স্সমৃ॑দ্ধ্য়ৈ॒ যঃ কা॒ময়ে॑তা॒স্মিন্ ঁলো॒ক ঋ॑দ্ধ্নুয়া॒মিতি॒ স চ॒রু-ঙ্কু॑র্বীতা॒গ্নের্ঘৃ॒তং-বিঁষ্ণো᳚-স্তণ্ডু॒লা-স্তস্মা᳚ [-স্তস্মা᳚ত্, চ॒রুঃ কা॒র্য়ো᳚-ঽস্মিন্নে॒ব] 5

-চ্চ॒রুঃ কা॒র্য়ো᳚-ঽস্মিন্নে॒ব লো॒ক ঋ॑দ্ধ্নোত্য়াদি॒ত্য়ো ভ॑বতী॒ যং-বাঁ অদি॑তির॒স্য়ামে॒ব প্রতি॑ তিষ্ঠ॒ত্যথো॑ অ॒স্য়ামে॒বাধি॑ য॒জ্ঞ-ন্ত॑নুতে॒ যো বৈ সং॑​বঁথ্স॒রমুখ্য়॒-মভৃ॑ত্বা॒-ঽগ্নি-ঞ্চি॑নু॒তে যথা॑ সা॒মি গর্ভো॑-ঽব॒পদ্য়॑তে তা॒দৃগে॒ব তদার্তি॒মার্চ্ছে᳚-দ্বৈশ্বান॒র-ন্দ্বাদ॑শকপাল-ম্পু॒রস্তা॒ন্নির্ব॑পে-থ্সং​বঁথ্স॒রো বা অ॒গ্নি-র্বৈ᳚শ্বান॒রো যথা॑ সং​বঁথ্স॒রমা॒প্ত্বা [ ] 6

কা॒ল আগ॑তে বি॒জায়॑ত এ॒বমে॒ব সং॑​বঁথ্স॒রমা॒প্ত্বা কা॒ল আগ॑তে॒-ঽগ্নি-ঞ্চি॑নুতে॒ না-ঽঽর্তি॒মার্চ্ছ॑ত্য়ে॒ষা বা অ॒গ্নেঃ প্রি॒য়া ত॒নূর্য়-দ্বৈ᳚শ্বান॒রঃ প্রি॒য়ামে॒বাস্য়॑ ত॒নুব॒মব॑ রুন্ধে॒ ত্রীণ্য়ে॒তানি॑ হ॒বীগ্​ম্ষি॑ ভবন্তি॒ ত্রয়॑ ই॒মে লো॒কা এ॒ষাং-লোঁ॒কানা॒গ্​ম্॒ রোহা॑য় ॥ 7 ॥
(য়॒দ্রিয়ং॑-বাঁ॒য়ু - র্যচ্ছ্ম॑শ্রু॒ণস্ত-দ্- বা॒য়ো - র্নি॒র্বপ॑তি দে॒বতা॒ - স্তস্মা॑ - দা॒প্ত্বা - ষ্টাত্রিগ্​ম্॑শচ্চ ) (অ. 1)

প্র॒জাপ॑তিঃ প্র॒জা-স্সৃ॒ষ্ট্বা প্রে॒ণা-ঽনু॒ প্রাবি॑শ॒-ত্তাভ্য়ঃ॒ পুন॒-স্সম্ভ॑বিতু॒-ন্নাশ॑ক্নো॒-থ্সো᳚-ঽব্রবীদৃ॒দ্ধ্নব॒দি-থ্স যো মে॒তঃ পুন॑-স্সঞ্চি॒নব॒দিতি॒ ত-ন্দে॒বা-স্সম॑চিন্ব॒-ন্ততো॒ বৈ ত আ᳚র্ধ্নুব॒ন্॒ য-থ্স॒মচি॑ন্ব॒-ন্তচ্চিত্য়॑স্য় চিত্য়॒ত্বং-য়ঁ এ॒বং-বিঁ॒দ্বান॒গ্নি-ঞ্চি॑নু॒ত ঋ॒দ্ধ্নোত্য়ে॒ব কস্মৈ॒ কম॒গ্নিশ্চী॑যত॒ ইত্য়া॑হুরগ্নি॒বা- [ইত্য়া॑হুরগ্নি॒বান্, অ॒সা॒নীতি॒ বা] 8

-ন॑সা॒নীতি॒ বা অ॒গ্নিশ্চী॑যতে ঽগ্নি॒বানে॒ব ভ॑বতি॒ কস্মৈ॒ কম॒গ্নিশ্চী॑যত॒ ইত্য়া॑হুর্দে॒বা মা॑ বেদ॒ন্নিতি॒ বা অ॒গ্নিশ্চী॑যতে বি॒দুরে॑ন-ন্দে॒বাঃ কস্মৈ॒ কম॒গ্নিশ্চী॑যত॒ ইত্য়া॑হুর্গৃ॒হ্য়॑সা॒নীতি॒ বা অ॒গ্নিশ্চী॑যতে গৃ॒হ্য়ে॑ব ভ॑বতি॒ কস্মৈ॒ কম॒গ্নিশ্চী॑যত॒ ইত্য়া॑হুঃ পশু॒মান॑সা॒নীতি॒ বা অ॒গ্নি- [বা অ॒গ্নিঃ, চী॒য়॒তে॒ প॒শু॒মানে॒ব] 9

-শ্চী॑যতে পশু॒মানে॒ব ভ॑বতি॒ কস্মৈ॒ কম॒গ্নিশ্চী॑যত॒ ইত্য়া॑হু-স্স॒প্ত মা॒ পুরু॑ষা॒ উপ॑ জীবা॒নিতি॒ বা অ॒গ্নিশ্চী॑যতে॒ ত্রয়ঃ॒ প্রাঞ্চ॒স্ত্রয়ঃ॑ প্র॒ত্যঞ্চ॑ আ॒ত্মা স॑প্ত॒ম এ॒তাব॑ন্ত এ॒বৈন॑ম॒মুষ্মি॑ন্ ঁলো॒ক উপ॑ জীবন্তি প্র॒জাপ॑তির॒গ্নিম॑চিকীষত॒ ত-ম্পৃ॑থি॒ব্য়॑ব্রবী॒ন্ন ময়্য়॒গ্নি-ঞ্চে᳚ষ্য়॒সে-ঽতি॑ মা ধক্ষ্যতি॒ সা ত্বা॑-ঽতিদ॒হ্যমা॑না॒ বি ধ॑বিষ্য়ে॒ [বি ধ॑বিষ্য়ে, স পাপী॑য়া-] 10

স পাপী॑য়া-ন্ভবিষ্য়॒সীতি॒ সো᳚-ঽব্রবী॒-ত্তথা॒ বা অ॒হ-ঙ্ক॑রিষ্য়ামি॒ যথা᳚ ত্বা॒ নাতি॑ধ॒ক্ষ্যতীতি॒ স ই॒মাম॒ভ্য়॑মৃশ-ত্প্র॒জাপ॑তিস্ত্বা সাদযতু॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॒দেতী॒মামে॒বেষ্ট॑কা-ঙ্কৃ॒ত্বোপা॑-ধ॒ত্তা-ন॑তিদাহায়॒ য-ত্প্রত্য়॒গ্নি-ঞ্চি॑ন্বী॒ত তদ॒ভি মৃ॑শে-ত্প্র॒জাপ॑তিস্ত্বা সাদযতু॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॒দে- [-দ্ধ্রু॒বা সী॑দ, ইতী॒মামে॒বেষ্ট॑কা] 11

-তী॒মামে॒বেষ্ট॑কা-ঙ্কৃ॒ত্বোপ॑ ধ॒ত্তে-ঽন॑তিদাহায় প্র॒জাপ॑তিরকামযত॒ প্রজা॑য়ে॒য়েতি॒ স এ॒তমুখ্য়॑মপশ্য়॒-ত্তগ্​ম্ সং॑​বঁথ্স॒রম॑বিভ॒স্ততো॒ বৈ স প্রাজা॑যত॒ তস্মা᳚-থ্সং​বঁথ্স॒র-ম্ভা॒র্য়ঃ॑ প্রৈব জা॑যতে॒ তং-বঁস॑বো-ঽব্রুব॒-ন্প্র ত্বম॑জনিষ্ঠা ব॒য়-ম্প্রজা॑য়ামহা॒ ইতি॒ তং-বঁসু॑ভ্য়ঃ॒ প্রায়॑চ্ছ॒-ত্ত-ন্ত্রীণ্যহা᳚ন্যবিভরু॒-স্তেন॒ [-স্তেন॑, ত্রীণি॑] 12

ত্রীণি॑ চ শ॒তান্যসৃ॑জন্ত॒ ত্রয়॑স্ত্রিগ্​ম্শত-ঞ্চ॒ তস্মা᳚-ত্ত্র্য়॒হ-ম্ভা॒র্য়ঃ॑ প্রৈব জা॑যতে॒ তা-ন্রু॒দ্রা অ॑ব্রুব॒-ন্প্র যূ॒যম॑জনিঢ্বং-বঁ॒য়-ম্প্রজা॑য়ামহা॒ ইতি॒ তগ্​ম্ রু॒দ্রেভ্য়ঃ॒ প্রায়॑চ্ছ॒-ন্তগ্​ম্ ষডহা᳚ন্যবিভরু॒স্তেন॒ ত্রীণি॑ চ শ॒তান্যসৃ॑জন্ত॒ ত্রয়॑স্ত্রিগ্​ম্শত-ঞ্চ॒ তস্মা᳚-থ্ষড॒হ-ম্ভা॒র্য়ঃ॑ প্রৈব জা॑যতে॒ তানা॑দি॒ত্য়া অ॑ব্রুব॒-ন্প্র যূ॒যম॑জনিঢ্বং-বঁ॒য়- [-ঁব॒যম্, প্র জা॑য়ামহা॒] 13

-ম্প্র জা॑য়ামহা॒ ইতি॒ তমা॑দি॒ত্য়েভ্য়ঃ॒ প্রায়॑চ্ছ॒-ন্ত-ন্দ্বাদ॒শাহা᳚ন্যবিভরু॒স্তেন॒ ত্রীণি॑ চ শ॒তান্যসৃ॑জন্ত॒ ত্রয়॑স্ত্রিগ্​ম্শত-ঞ্চ॒ তস্মা᳚-দ্দ্বাদশা॒হ-ম্ভা॒র্য়ঃ॑ প্রৈব জা॑যতে॒ তেন॒ বৈ তে স॒হস্র॑মসৃজন্তো॒খাগ্​ম্ স॑হস্রত॒মীং-য়ঁ এ॒বমুখ্য়গ্​ম্॑ সাহ॒স্রং-বেঁদ॒ প্র স॒হস্র॑-ম্প॒শূনা᳚প্নোতি ॥ 14 ॥
(অ॒গ্নি॒বান্ - প॑শু॒মান॑সা॒নীতি॒ বা অ॒গ্নি - র্ধ॑বিষ্য়ে - মৃশে-ত্প্র॒জাপ॑তিস্ত্বা সাদযতু॒ তয়া॑ দে॒বত॑য়া-ঽঙ্গির॒স্ব ধ্রু॒বা সী॑দ॒ - তেন॒ - তানা॑দি॒ত্য়া অ॑ব্রুব॒-ন্প্র যূ॒যম॑জনিঢ্বং-বঁ॒য়ং - চ॑ত্বারি॒গ্​ম্॒শচ্চ॑) (অ. 2)

যজু॑ষা॒ বা এ॒ষা ক্রি॑যতে॒ যজু॑ষা পচ্যতে॒ যজু॑ষা॒ বি মু॑চ্যতে॒ যদু॒খা সা বা এ॒ষৈতর্​হি॑ যা॒তয়া᳚ম্নী॒ সা ন পুনঃ॑ প্র॒য়ুজ্য়েত্য়া॑হু॒রগ্নে॑ যু॒ক্ষ্বা হি যে তব॑ যু॒ক্ষ্বা হি দে॑ব॒হূত॑মা॒গ্​ম্॒ ইত্য়ু॒খায়া᳚-ঞ্জুহোতি॒ তেনৈ॒বৈনা॒-ম্পুনঃ॒ প্রয়ু॑ঙ্ক্তে॒ তেনায়া॑তয়াম্নী॒ যো বা অ॒গ্নিং-য়োঁগ॒ আগ॑তে যু॒নক্তি॑ যু॒ঙ্ক্তে যু॑ঞ্জা॒নেষ্বগ্নে॑ [য়ু॑ঞ্জা॒নেষ্বগ্নে᳚, যু॒ক্ষ্বা হি] 15

যু॒ক্ষ্বা হি যে তব॑ যু॒ক্ষ্বা হি দে॑ব॒হূত॑মা॒গ্​ম্॒ ইত্য়া॑হৈ॒ষ বা অ॒গ্নের্য়োগ॒স্তেনৈ॒বৈনং॑-য়ুঁনক্তি যু॒ঙ্ক্তে যু॑ঞ্জা॒নেষু॑ ব্রহ্মবা॒দিনো॑ বদন্তি॒ ন্য়॑ঙ্ঙ॒গ্নিশ্চে॑ত॒ব্য়া(3) উ॑ত্তা॒না(3) ইতি॒ বয়॑সাং॒-বাঁ এ॒ষ প্র॑তি॒ময়া॑ চীযতে॒ যদ॒গ্নির্যন্ন্য়॑ঞ্চ-ঞ্চিনু॒য়া-ত্পৃ॑ষ্টি॒ত এ॑ন॒মাহু॑তয় ঋচ্ছেয়ু॒র্যদু॑ত্তা॒ন-ন্ন পতি॑তুগ্​ম্ শক্নুয়া॒দসু॑বর্গ্য়ো-ঽস্য় স্য়া-ত্প্রা॒চীন॑-মুত্তা॒ন- [-মুত্তা॒নম্, পু॒রু॒ষ॒শী॒র্॒ষমুপ॑ দধাতি] 16

-ম্পু॑রুষশী॒র্॒ষমুপ॑ দধাতি মুখ॒ত এ॒বৈন॒মাহু॑তয় ঋচ্ছন্তি॒ নোত্তা॒ন-ঞ্চি॑নুতে সুব॒র্গ্য়ো᳚-ঽস্য় ভবতি সৌ॒র্য়া জু॑হোতি॒ চক্ষু॑রে॒বাস্মি॒-ন্প্রতি॑ দধাতি॒ দ্বির্জু॑হোতি॒ দ্বে হি চক্ষু॑ষী সমা॒ন্য়া জু॑হোতি সমা॒নগ্​ম্ হি চক্ষু॒-স্সমৃ॑দ্ধ্য়ৈ দেবাসু॒রা-স্সং​য়ঁ॑ত্তা আস॒-ন্তে বা॒মং-বঁসু॒ স-ন্ন্য়॑দধত॒ তদ্দে॒বা বা॑ম॒ভৃতা॑-ঽবৃঞ্জত॒ তদ্বা॑ম॒ভৃতো॑ বামভৃ॒ত্ত্বং-য়ঁদ্বা॑ম॒ভৃত॑ মুপ॒দধা॑তি বা॒মমে॒ব তয়া॒ বসু॒ যজ॑মানো॒ ভ্রাতৃ॑ব্যস্য় বৃঙ্ক্তে॒ হির॑ণ্যমূর্ধ্নী ভবতি॒ জ্য়োতি॒র্বৈ হির॑ণ্য়॒-ঞ্জ্য়োতি॑র্বা॒ম-ঞ্জ্য়োতি॑ষৈ॒বাস্য়॒ জ্য়োতি॑র্বা॒মং-বৃঁ॑ঙ্ক্তে দ্বিয়॒জুর্ভ॑বতি॒ প্রতি॑ষ্ঠিত্য়ৈ ॥ 17 ॥
(য়ু॒ঞ্জা॒নেষ্বগ্নে᳚-প্রা॒চীন॑মুত্তা॒নং - ঁবা॑ম॒ভৃতং॒ - চতু॑র্বিগ্​ম্শতিশ্চ) (অ. 3)

আপো॒ বরু॑ণস্য়॒ পত্ন॑য় আস॒-ন্তা অ॒গ্নির॒ভ্য়॑দ্ধ্য়ায়॒-ত্তা-স্সম॑ভব॒-ত্তস্য়॒ রেতঃ॒ পরা॑-ঽপত॒-ত্তদি॒যম॑ভব॒দ্য়-দ্দ্বি॒তীয়॑-ম্প॒রা-ঽপ॑ত॒-ত্তদ॒সাব॑ভবদি॒য়ং-বৈঁ বি॒রাড॒সৌ স্ব॒রাড্ য-দ্বি॒রাজা॑বুপ॒দধা॑তী॒মে এ॒বোপ॑ ধত্তে॒ যদ্বা অ॒সৌ রেত॑-স্সি॒ঞ্চতি॒ তদ॒স্য়া-ম্প্রতি॑ তিষ্ঠতি॒ ত-ত্প্র জা॑যতে॒ তা ওষ॑ধয়ো [ওষ॑ধয়ঃ, বী॒রুধো॑] 18

বী॒রুধো॑ ভবন্তি॒ তা অ॒গ্নির॑ত্তি॒ য এ॒বং-বেঁদ॒ প্রৈব জা॑যতে-ঽন্না॒দো ভ॑বতি॒ যো রে॑ত॒স্বী স্য়া-ত্প্র॑থ॒মায়া॒-ন্তস্য়॒ চিত্য়া॑মু॒ভে উপ॑ দদ্ধ্য়াদি॒মে এ॒বাস্মৈ॑ স॒মীচী॒ রেত॑-স্সিঞ্চতো॒ য-স্সি॒ক্তরে॑তা॒-স্স্য়া-ত্প্র॑থ॒মায়া॒-ন্তস্য়॒ চিত্য়া॑ম॒ন্য়ামুপ॑ দদ্ধ্য়াদুত্ত॒মায়া॑ম॒ন্য়াগ্​ম্ রেত॑ এ॒বাস্য়॑ সি॒ক্তমা॒ভ্য়ামু॑ভ॒যতঃ॒ পরি॑ গৃহ্ণাতি সং​বঁথ্স॒র-ন্ন ক- [সং​বঁথ্স॒র-ন্ন কম্, চ॒ন প্র॒ত্যব॑রোহে॒ন্ন] 19

-ঞ্চ॒ন প্র॒ত্যব॑রোহে॒ন্ন হীমে কঞ্চ॒ন প্র॑ত্যব॒রোহ॑ত॒স্তদে॑নয়োর্ব্র॒তং-য়োঁ বা অপ॑ শীর্​ষাণম॒গ্নি-ঞ্চি॑নু॒তে-ঽপ॑শীর্​ষা॒-ঽমুষ্মি॑ন্ ঁলো॒কে ভ॑বতি॒ য-স্সশী॑র্​ষাণ-ঞ্চিনু॒তে সশী॑র্​ষা॒ ঽমুষ্মি॑ন্ ঁলো॒কে ভ॑বতি॒ চিত্তি॑-ঞ্জুহোমি॒ মন॑সা ঘৃ॒তেন॒ যথা॑ দে॒বা ই॒হা-ঽঽগম॑ন্ বী॒তিহো᳚ত্রা ঋতা॒বৃধ॑-স্সমু॒দ্রস্য়॑ ব॒য়ুন॑স্য়॒ পত্ম॑ন্ জু॒হোমি॑ বি॒শ্বক॑র্মণে॒ বিশ্বা-ঽহা-ঽম॑র্ত্য়গ্​ম্ হ॒বিরিতি॑ স্বযমাতৃ॒ণ্ণামু॑প॒ধায়॑ জুহো- [জুহোতি, এ॒তদ্বা] 20

-ত্য়ে॒তদ্বা অ॒গ্নে-শ্শির॒-স্সশী॑র্​ষাণমে॒বাগ্নি-ঞ্চি॑নুতে॒ সশী॑র্​ষা॒-ঽমুষ্মি॑ন্ ঁলো॒কে ভ॑বতি॒ য এ॒বং-বেঁদ॑ সুব॒র্গায়॒ বা এ॒ষ লো॒কায়॑ চীযতে॒ যদ॒গ্নিস্তস্য়॒ যদয়॑থাপূর্ব-ঙ্ক্রি॒যতে ঽসু॑বর্গ্যমস্য়॒ ত-থ্সু॑ব॒র্গ্য়ো᳚ ঽগ্নিশ্চিতি॑মুপ॒ধায়া॒ভি মৃ॑শে॒চ্চিত্তি॒মচি॑ত্তি-ঞ্চিনব॒দ্বি বি॒দ্বা-ন্পৃ॒ষ্ঠেব॑ বী॒তা বৃ॑জি॒না চ॒ মর্তা᳚-ন্রা॒য়ে চ॑ ন-স্স্বপ॒ত্য়ায়॑ দেব॒ দিতি॑-ঞ্চ॒ রাস্বা-দি॑তিমুরু॒ষ্য়েতি॑ যথাপূ॒র্বমে॒বৈনা॒মুপ॑ ধত্তে॒ প্রাঞ্চ॑মেন-ঞ্চিনুতে সুব॒র্গ্য়ো᳚-ঽস্য় ভবতি ॥ 21 ॥
(ওষ॑ধয়ঃ॒ - কং - জু॑হোতি - স্বপ॒ত্য়ায়া॒ - ষ্টাদ॑শ চ) (অ. 4)

বি॒শ্বক॑র্মা দি॒শা-ম্পতি॒-স্স নঃ॑ প॒শূ-ন্পা॑তু॒ সো᳚-ঽস্মা-ন্পা॑তু॒ তস্মৈ॒ নমঃ॑ প্র॒জাপ॑তী রু॒দ্রো বরু॑ণো॒ ঽগ্নির্দি॒শা-ম্পতি॒-স্স নঃ॑ প॒শূ-ন্পা॑তু॒ সো᳚-ঽস্মা-ন্পা॑তু॒ তস্মৈ॒ নম॑ এ॒তা বৈ দে॒বতা॑ এ॒তেষা᳚-ম্পশূ॒না-মধি॑পতয়॒-স্তাভ্য়ো॒ বা এ॒ষ আ বৃ॑শ্চ্যতে॒ যঃ প॑শুশী॒র্॒ষাণ্য়ু॑প॒ দধা॑তি হিরণ্য়েষ্ট॒কা উপ॑ দধাত্য়ে॒তাভ্য়॑ এ॒ব দে॒বতা᳚ভ্য়ো॒ নম॑স্করোতি ব্রহ্মবা॒দিনো॑ [ব্রহ্মবা॒দিনঃ॑, ব॒দ॒ন্ত্য়॒গ্নৌ গ্রা॒ম্য়া-] 22

বদন্ত্য়॒গ্নৌ গ্রা॒ম্য়া-ন্প॒শূ-ন্প্র দ॑ধাতি শু॒চা-ঽঽর॒ণ্য়ান॑র্পযতি॒ কি-ন্তত॒ উচ্ছিগ্​ম্॑ষ॒তীতি॒ যদ্ধি॑রণ্য়েষ্ট॒কা উ॑প॒দধা᳚ত্য়॒মৃতং॒-বৈঁ হির॑ণ্যম॒মৃতে॑নৈ॒ব গ্রা॒ম্য়েভ্য়ঃ॑ প॒শুভ্য়ো॑ ভেষ॒জ-ঙ্ক॑রোতি॒ নৈনান্॑ হিনস্তি প্রা॒ণো বৈ প্র॑থ॒মা স্ব॑যমাতৃ॒ণ্ণা ব্য়া॒নো দ্বি॒তীয়া॑-ঽপা॒নস্তৃ॒তীয়া-ঽনু॒ প্রা-ঽণ্য়া᳚-ত্প্রথ॒মাগ্​ স্ব॑যমাতৃ॒ণ্ণামু॑প॒ধায়॑ প্রা॒ণেনৈ॒ব প্রা॒ণগ্​ম্ সম॑র্ধযতি॒ ব্য়॑ন্য়া- [সম॑র্ধযতি॒ ব্য়॑ন্য়াত্, দ্বি॒তীয়া॑মুপ॒ধায়॑] 23

-দ্দ্বি॒তীয়া॑মুপ॒ধায়॑ ব্য়া॒নেনৈ॒ব ব্য়া॒নগ্​ম্ সম॑র্ধয়॒ত্যপা᳚ন্ যাত্তৃ॒তীয়া॑মুপ॒ধায়া॑-পা॒নেনৈ॒বাপা॒নগ্​ম্ সম॑র্ধয়॒ত্যথো᳚ প্রা॒ণৈরে॒বৈন॒গ্​ম্॒ সমি॑ন্ধে॒ ভূর্ভুব॒-স্সুব॒রিতি॑ স্বযমাতৃ॒ণ্ণা উপ॑ দধাতী॒মে বৈ লো॒কা-স্স্ব॑যমাতৃ॒ণ্ণা এ॒তাভিঃ॒ খলু॒বৈ ব্য়াহৃ॑তীভিঃ প্র॒জাপ॑তিঃ॒ প্রা-ঽজা॑যত॒ যদে॒তাভি॒র্ব্য়াহৃ॑তীভি-স্স্বযমাতৃ॒ণ্ণা উ॑প॒দধা॑তী॒মানে॒ব লো॒কানু॑প॒ধায়ৈ॒ষু [ ] 24

লো॒কেষ্বধি॒ প্রজা॑যতে প্রা॒ণায়॑ ব্য়া॒নায়া॑পা॒নায়॑ বা॒চে ত্বা॒ চক্ষু॑ষে ত্বা॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॑দা॒গ্নিনা॒ বৈ দে॒বা-স্সু॑ব॒র্গং-লোঁ॒কম॑জিগাগ্​ম্স॒-ন্তেন॒ পতি॑তু॒-ন্নাশ॑ক্নুব॒-ন্ত এ॒তাশ্চত॑স্র-স্স্বযমাতৃ॒ণ্ণা অ॑পশ্য়॒-ন্তা দি॒ক্ষূপা॑দধত॒ তেন॑ স॒র্বত॑শ্চক্ষুষা সুব॒র্গং-লোঁ॒কমা॑য়॒ন্॒ যচ্চত॑স্র-স্স্বযমাতৃ॒ণ্ণা দি॒ক্ষূ॑প॒দধা॑তি স॒র্বত॑শ্চক্ষুষৈ॒ব তদ॒গ্নিনা॒ যজ॑মান-স্সুব॒র্গং-লোঁ॒কমে॑তি ॥ 25 ॥
(ব্র॒হ্ম॒বা॒দিনো॒ - ব্য়॑ন্য়া - দে॒ষু - যজ॑মান॒ - স্ত্রীণি॑ চ) (অ. 5)

অগ্ন॒ আ যা॑হি বী॒তয়॒ ইত্য়া॒হা-হ্ব॑তৈ॒বৈন॑-ম॒গ্নি-ন্দূ॒তং-বৃঁ॑ণীমহ॒ ইত্য়া॑হ হূ॒ত্বৈবৈনং॑-বৃঁণীতে॒ ঽগ্নিনা॒-ঽগ্নি-স্সমি॑দ্ধ্যত॒ ইত্য়া॑হ॒ সমি॑ন্ধ এ॒বৈন॑ম॒গ্নির্বৃ॒ত্রাণি॑ জঙ্ঘন॒দিত্য়া॑হ॒ সমি॑দ্ধ এ॒বাস্মি॑ন্নিন্দ্রি॒য়-ন্দ॑ধাত্য়॒গ্নে-স্স্তোম॑-ম্মনামহ॒ ইত্য়া॑হ মনু॒ত এ॒বৈন॑মে॒তানি॒ বা অহ্নাগ্​ম্॑ রূ॒পা- [রূ॒পাণি॑, অ॒ন্ব॒হমে॒বৈন॑-] 26

-ণ্য়॑ন্ব॒হমে॒বৈন॑-ঞ্চিনু॒তে ঽবাহ্নাগ্​ম্॑ রূ॒পাণি॑ রুন্ধে ব্রহ্মবা॒দিনো॑ বদন্তি॒ কস্মা᳚-থ্স॒ত্য়াদ্য়া॒তয়া᳚ম্নীর॒ন্য়া ইষ্ট॑কা॒ অয়া॑তয়াম্নী লোক-ম্পৃ॒ণেত্য়ৈ᳚ন্দ্রা॒গ্নী হি বা॑র্​হস্প॒ত্য়েতি॑ ব্রূয়াদিন্দ্রা॒গ্নী চ॒ হি দে॒বানা॒-ম্বৃহ॒স্পতি॒শ্চা-য়া॑তয়ামানো ঽনুচ॒রব॑তী ভব॒ত্যজা॑মিত্বায়া -নু॒ষ্টুভা-ঽনু॑ চরত্য়া॒ত্মা বৈ লো॑ক-ম্পৃ॒ণা প্রা॒ণো॑ ঽনু॒ষ্টু-প্তস্মা᳚-ত্প্রা॒ণ-স্সর্বা॒ণ্যঙ্গা॒ন্যনু॑ চরতি॒ তা অ॑স্য়॒ সূদ॑দোহস॒ [সূদ॑দোহসঃ, ইত্য়া॑হ॒] 27

ইত্য়া॑হ॒ তস্মা॒-ত্পরু॑ষিপরুষি॒ রস॒-স্সোমগ্গ্॑ শ্রীণন্তি॒ পৃশ্ঞ॑য়॒ ইত্য়া॒হান্নং॒-বৈঁ পৃশ্ঞ্যন্ন॑মে॒বাব॑ রুন্ধে॒-ঽর্কো বা অ॒গ্নির॒র্কো-ঽন্ন॒মন্ন॑মে॒বাব॑ রুন্ধে॒ জন্ম॑-ন্দে॒বানাং॒-বিঁশ॑স্ত্রি॒ষ্বা রো॑চ॒নে দি॒ব ইত্য়া॑হে॒মানে॒বাস্মৈ॑ লো॒কান্ জ্য়োতি॑ষ্মতঃ করোতি॒ যো বা ইষ্ট॑কানা-ম্প্রতি॒ষ্ঠাং-বেঁদ॒ প্রত্য়ে॒ব তি॑ষ্ঠতি॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॒দেত্য়া॑হৈ॒ষা বা ইষ্ট॑কানা-ম্প্রতি॒ষ্ঠা য এ॒বং-বেঁদ॒ প্রত্য়ে॒বতি॑ষ্ঠতি ॥ 28 ॥
(রূ॒পাণি॒ - সূদ॑দোহস॒ - স্তয়া॒ - ষোড॑শ চ) (অ. 6)

সু॒ব॒র্গায়॒ বা এ॒ষ লো॒কায়॑ চীযতে॒ যদ॒গ্নির্বজ্র॑ একাদ॒শিনী॒ যদ॒গ্নাবে॑কাদ॒শিনী᳚-ম্মিনু॒য়া-দ্বজ্রে॑ণৈনগ্​ম্ সুব॒র্গাল্লো॒কাদ॒ন্তর্দ॑দ্ধ্য়া॒দ্যন্ন মি॑নু॒য়া-থ্স্বরু॑ভিঃ প॒শূন্ ব্য়॑র্ধয়েদেকয়ূ॒প-ম্মি॑নোতি॒ নৈনং॒-বঁজ্রে॑ণ সুব॒র্গাল্লো॒কাদ॑ন্ত॒র্দধা॑তি॒ ন স্বরু॑ভিঃ প॒শূন্ ব্য়॑র্ধযতি॒ বি বা এ॒ষ ই॑ন্দ্রি॒য়েণ॑ বী॒র্য়ে॑ণর্ধ্যতে॒ যো᳚-ঽগ্নি-ঞ্চি॒ন্ব-ন্ন॑ধি॒ক্রাম॑ত্য়ৈন্দ্রি॒য়- [-ন্ন॑ধি॒ক্রাম॑ত্য়ৈন্দ্রি॒য়া, ঋ॒চা ঽঽক্রম॑ণ॒-] 29

-র্চা ঽঽক্রম॑ণ॒-ম্প্রতীষ্ট॑কা॒মুপ॑ দদ্ধ্য়া॒ন্নেন্দ্রি॒য়েণ॑ বী॒র্য়ে॑ণ॒ ব্য়ৃ॑দ্ধ্যতে রু॒দ্রো বা এ॒ষ যদ॒গ্নিস্তস্য়॑ তি॒স্র-শ্শ॑র॒ব্য়াঃ᳚ প্র॒তীচী॑ তি॒রশ্চ্য়॒নূচী॒ তাভ্য়ো॒ বা এ॒ষ আ বৃ॑শ্চ্যতে॒ যো᳚-ঽগ্নি-ঞ্চি॑নু॒তে᳚ ঽগ্নি-ঞ্চি॒ত্বা তি॑সৃধ॒ন্বময়া॑চিত-ম্ব্রাহ্ম॒ণায়॑ দদ্য়া॒-ত্তাভ্য়॑ এ॒ব নম॑স্করো॒ত্যথো॒ তাভ্য়॑ এ॒বা-ঽঽত্মান॒-ন্নিষ্ক্রী॑ণীতে॒ যত্তে॑ রুদ্র পু॒রো [রুদ্র পু॒রঃ, ধনু॒স্ত-দ্বাতো॒] 30

ধনু॒স্ত-দ্বাতো॒ অনু॑ বাতু তে॒ তস্মৈ॑ তে রুদ্র সং​বঁথ্স॒রেণ॒ নম॑স্করোমি॒ যত্তে॑ রুদ্র দক্ষি॒ণা ধনু॒স্ত-দ্বাতো॒ অনু॑ বাতু তে॒ তস্মৈ॑ তে রুদ্র পরিবথ্স॒রেণ॒ নম॑স্করোমি॒ যত্তে॑ রুদ্র প॒শ্চাদ্ধনু॒স্ত-দ্বাতো॒ অনু॑ বাতু তে॒ তস্মৈ॑ তে রুদ্রেদাবথ্স॒রেণ॒ নম॑স্করোমি॒ যত্তে॑ রুদ্রোত্ত॒রা-দ্ধনু॒স্ত- [দ্ধনু॒স্তত্, বাতো॒] 31

-দ্বাতো॒ অনু॑ বাতু তে॒ তস্মৈ॑ তে রুদ্রেদুবথ্স॒রেণ॒ নম॑স্করোমি॒ যত্তে॑ রুদ্রো॒পরি॒ ধনু॒স্ত-দ্বাতো॒ অনু॑ বাতু তে॒ তস্মৈ॑ তে রুদ্র বথ্স॒রেণ॒ নম॑স্করোমি রু॒দ্রো বা এ॒ষ যদ॒গ্নি-স্স যথা᳚ ব্য়া॒ঘ্রঃ ক্রু॒দ্ধ-স্তিষ্ঠ॑ত্য়ে॒বং-বাঁ এ॒ষ এ॒তর্​হি॒ সঞ্চি॑তমে॒তৈরুপ॑ তিষ্ঠতে নমস্কা॒রৈ-রে॒বৈনগ্​ম্॑ শমযতি॒ যে᳚-ঽগ্নয়ঃ॑ - [য়ে᳚-ঽগ্নয়ঃ॑, পু॒রী॒ষ্য়াঃ᳚] 32

পুরী॒ষ্য়াঃ᳚ প্রবি॑ষ্টাঃ পৃথি॒বীমনু॑ । তেষা॒-ন্ত্বম॑স্য়ুত্ত॒মঃ প্রণো॑ জী॒বাত॑বে সুব ॥ আপ॑-ন্ত্বা-ঽগ্নে॒ মন॒সা ঽঽপ॑-ন্ত্বা-ঽগ্নে॒ তপ॒সা ঽঽপ॑-ন্ত্বা-ঽগ্নে দী॒ক্ষয়া ঽঽপ॑-ন্ত্বা-ঽগ্ন উপ॒সদ্ভি॒রাপ॑-ন্ত্বা-ঽগ্নে সু॒ত্যয়া-ঽঽপ॑-ন্ত্বা-ঽগ্নে॒ দক্ষি॑ণাভি॒রাপ॑-ন্ত্বা-ঽগ্নে ঽবভৃ॒থেনাপ॑-ন্ত্বা-ঽগ্নে ব॒শয়া ঽঽপ॑-ন্ত্বা-ঽগ্নে স্বগাকা॒রেণেত্য়া॑হৈ॒ ষা বা অ॒গ্নেরাপ্তি॒স্তয়ৈ॒বৈন॑মাপ্নোতি ॥ 33 ॥
(ঐ॒ন্দ্রি॒য়া - পু॒র - উ॑ত্ত॒রাদ্ধনু॒স্ত- দ॒গ্নয়॑ - আহা॒ - ষ্টৌ চ॑) (অ. 7)

গা॒য়॒ত্রেণ॑ পু॒রস্তা॒দুপ॑ তিষ্ঠতে প্রা॒ণমে॒বাস্মি॑-ন্দধাতি বৃহ-দ্রথন্ত॒রাভ্য়া᳚-ম্প॒ক্ষাবোজ॑ এ॒বাস্মি॑-ন্দধাত্য়ৃতু॒স্থায়॑জ্ঞা-য়॒জ্ঞিয়ে॑ন॒ পুচ্ছ॑মৃ॒তুষ্বে॒ব প্রতি॑ তিষ্ঠতি পৃ॒ষ্ঠৈরুপ॑ তিষ্ঠতে॒ তেজো॒ বৈ পৃ॒ষ্ঠানি॒ তেজ॑ এ॒বাস্মি॑-ন্দধাতি প্র॒জাপ॑তির॒গ্নিম॑সৃজত॒ সো᳚-ঽস্মা-থ্সৃ॒ষ্টঃ পরাং॑ঐ॒-ত্তং-বাঁ॑রব॒ন্তীয়ে॑না-বারযত॒ ত-দ্বা॑রব॒ন্তীয়॑স্য় বারবন্তীয়॒ত্বগ্গ্​ শ্য়ৈ॒তেন॑ শ্য়ে॒তী অ॑কুরুত॒ তচ্ছ্য়ৈ॒তস্য়॑ শ্য়ৈত॒ত্বং- [শ্য়ৈত॒ত্বম্, য-দ্বা॑রব॒ন্তীয়ে॑নোপ॒তিষ্ঠ॑তে] 34

-ঁয়-দ্বা॑রব॒ন্তীয়ে॑নোপ॒তিষ্ঠ॑তে বা॒রয়॑ত এ॒বৈনগ্গ্॑ শ্য়ৈ॒তেন॑ শ্য়ে॒তী কু॑রুতে প্র॒জাপ॑তে॒র্​হৃদ॑য়েনা-পিপ॒ক্ষ-ম্প্রত্য়ুপ॑ তিষ্ঠতে প্রে॒মাণ॑মে॒বাস্য়॑ গচ্ছতি॒ প্রাচ্য়া᳚ ত্বা দি॒শা সা॑দয়ামি গায়॒ত্রেণ॒ ছন্দ॑সা॒-ঽগ্নিনা॑ দে॒বত॑য়া॒-ঽগ্নে-শ্শী॒র্​ষ্ণাগ্নে-শ্শির॒ উপ॑ দধামি॒ দক্ষি॑ণয়া ত্বা দি॒শা সা॑দয়ামি॒ ত্রৈষ্টু॑ভেন॒ ছন্দ॒সেন্দ্রে॑ণ দে॒বত॑য়া॒-ঽগ্নেঃ প॒ক্ষেণা॒গ্নেঃ প॒ক্ষমুপ॑ দধামি প্র॒তীচ্য়া᳚ ত্বা দি॒শা সা॑দয়ামি॒ [দি॒শা সা॑দয়ামি, জাগ॑তেন॒] 35

জাগ॑তেন॒ ছন্দ॑সা সবি॒ত্রা দে॒বত॑য়া॒-ঽগ্নেঃ পুচ্ছে॑না॒গ্নেঃ পুচ্ছ॒মুপ॑ দধা॒ম্য়ুদী᳚চ্য়া ত্বা দি॒শা সা॑দয়া॒ম্য়ানু॑ষ্টুভেন॒ ছন্দ॑সা মি॒ত্রাবরু॑ণাভ্য়াং এ॒বত॑য়া॒-ঽগ্নেঃ প॒ক্ষেণা॒গ্নেঃ প॒ক্ষমুপ॑ দধাম্য়ূ॒র্ধ্বয়া᳚ ত্বা দি॒শা সা॑দয়ামি॒ পাঙ্ক্তে॑ন॒ ছন্দ॑সা॒ বৃহ॒স্পতি॑না দে॒বত॑য়া॒-ঽগ্নেঃ পৃ॒ষ্ঠেনা॒গ্নেঃ পৃ॒ষ্ঠমুপ॑ দধামি॒ যো বা অপা᳚ত্মানম॒গ্নি-ঞ্চি॑নু॒তে-ঽপা᳚ত্মা॒-ঽমুষ্মি॑ন্ ঁলো॒কে ভ॑বতি॒ য-স্সাত্মা॑ন-ঞ্চিনু॒তে সাত্মা॒-ঽমুষ্মি॑ন্ ঁলো॒কে ভ॑বত্য়াত্মেষ্ট॒কা উপ॑ দধাত্য়ে॒ষ বা অ॒গ্নেরা॒ত্মা সাত্মা॑নমে॒বাগ্নি-ঞ্চি॑নুতে॒ সাত্মা॒-ঽমুষ্মি॑ন্ ঁলো॒কে ভ॑বতি॒ য এ॒বং-বেঁদ॑ ॥ 36 ॥
(শ্য়ৈ॒ত॒ত্বং - প্র॒তীচ্য়া᳚ ত্বা দি॒শা সা॑দয়ামি॒ - য-স্সাত্মা॑ন-ঞ্চিনু॒তে - দ্বাবিগ্​ম্॑শতিশ্চ) (অ. 8)

অগ্ন॑ উদধে॒ যা ত॒ ইষু॑র্য়ু॒বা নাম॒ তয়া॑ নো মৃড॒ তস্য়া᳚স্তে॒ নম॒স্তস্য়া᳚স্ত॒ উপ॒ জীব॑ন্তো ভূয়া॒স্মাগ্নে॑ দুদ্ধ্র গহ্য় কিগ্​ম্শিল বন্য়॒ যা ত॒ ইষু॑র্য়ু॒বা নাম॒ তয়া॑ নো মৃড॒ তস্য়া᳚স্তে॒ নম॒স্তস্য়া᳚স্ত॒ উপ॒ জীব॑ন্তো ভূয়াস্ম॒ পঞ্চ॒ বা এ॒তে᳚-ঽগ্নয়ো॒ যচ্চিত॑য় উদ॒ধিরে॒ব নাম॑ প্রথ॒মো দু॒দ্ধ্রো [দু॒দ্ধ্রঃ, দ্বি॒তীয়ো॒] 37

দ্বি॒তীয়ো॒ গহ্য়॑স্তৃ॒তীয়ঃ॑ কিগ্​ম্শি॒লশ্চ॑তু॒র্থো বন্য়ঃ॑ পঞ্চ॒মস্তেভ্য়ো॒ যদাহু॑তী॒র্ন জু॑হু॒য়াদ॑দ্ধ্ব॒র্য়ু-ঞ্চ॒ যজ॑মান-ঞ্চ॒ প্র দ॑হেয়ু॒র্যদে॒তা আহু॑তীর্জু॒হোতি॑ ভাগ॒ধেয়ে॑নৈ॒বৈনা᳚ঞ্ছমযতি॒ না-ঽঽর্তি॒মার্চ্ছ॑ত্যদ্ধ্ব॒র্য়ুর্ন যজ॑মানো॒ বাম্ম॑ আ॒স-ন্ন॒সোঃ প্রা॒ণো᳚-ঽক্ষ্য়োশ্চক্ষুঃ॒ কর্ণ॑য়ো॒-শ্শ্রোত্র॑-ম্বাহু॒বোর্বল॑-মূরু॒বোরোজো-ঽরি॑ষ্টা॒ বিশ্বা॒ন্যঙ্গা॑নি ত॒নূ- [ত॒নূঃ, ত॒নুবা॑ মে] 38

-স্ত॒নুবা॑ মে স॒হ নম॑স্তে অস্তু॒ মা মা॑ হিগ্​ম্সী॒রপ॒ বা এ॒তস্মা᳚-ত্প্রা॒ণাঃ ক্রা॑মন্তি॒ যো᳚-ঽগ্নি-ঞ্চি॒ন্বন্ন॑ধি॒ ক্রাম॑তি॒ বাম্ম॑ আ॒স-ন্ন॒সোঃ প্রা॒ণ ইত্য়া॑হ প্রা॒ণানে॒বা-ঽঽত্ম-ন্ধ॑ত্তে॒ যো রু॒দ্রো অ॒গ্নৌ যো অ॒ফ্সু য ওষ॑ধীষু॒ যো রু॒দ্রো বিশ্বা॒ ভুব॑না-ঽঽবি॒বেশ॒ তস্মৈ॑ রু॒দ্রায়॒ নমো॑ অ॒স্ত্বাহু॑তিভাগা॒ বা অ॒ন্য়ে রু॒দ্রা হ॒বির্ভা॑গা [রু॒দ্রা হ॒বির্ভা॑গাঃ, অ॒ন্য়ে শ॑তরু॒দ্রীয়গ্​ম্॑] 39

অ॒ন্য়ে শ॑তরু॒দ্রীয়গ্​ম্॑ হু॒ত্বা গা॑বীধু॒ক-ঞ্চ॒রুমে॒তেন॒ যজু॑ষা চর॒মায়া॒মিষ্ট॑কায়া॒-ন্নি দ॑দ্ধ্য়া-দ্ভাগ॒ধেয়ে॑নৈ॒বৈনগ্​ম্॑ শমযতি॒ তস্য়॒ ত্বৈ শ॑তরু॒দ্রীয়গ্​ম্॑ হু॒তমিত্য়া॑হু॒র্যস্য়ৈ॒তদ॒গ্নৌ ক্রি॒যত॒ ইতি॒ বস॑বস্ত্বা রু॒দ্রৈঃ পু॒রস্তা᳚-ত্পান্তু পি॒তর॑স্ত্বা য॒মরা॑জানঃ পি॒তৃভি॑র্দক্ষিণ॒তঃ পা᳚ন্ত্বাদি॒ত্য়াস্ত্বা॒ বিশ্বৈ᳚র্দে॒বৈঃ প॒শ্চা-ত্পা᳚ন্তু দ্য়ুতা॒নস্ত্বা॑ মারু॒তো ম॒রুদ্ভি॑রুত্তর॒তঃ পা॑তু [ ] 40

দে॒বাস্ত্বেন্দ্র॑জ্য়েষ্ঠা॒ বরু॑ণরাজানো॒ ঽধস্তা᳚চ্চো॒-পরি॑ষ্ঠাচ্চ পান্তু॒ ন বা এ॒তেন॑ পূ॒তো ন মেদ্ধ্য়ো॒ ন প্রোক্ষি॑তো॒ যদে॑ন॒মতঃ॑ প্রা॒চীন॑-ম্প্রো॒ক্ষতি॒ য-থ্সঞ্চি॑ত॒মাজ্য়ে॑ন প্রো॒ক্ষতি॒ তেন॑ পূ॒তস্তেন॒ মেদ্ধ্য়॒স্তেন॒ প্রোক্ষি॑তঃ ॥ 41 ॥
(দু॒ধ্র - স্ত॒নূ - র্​হ॒বির্ভা॑গাঃ - পাতু॒ - দ্বাত্রিগ্​ম্॑শচ্চ) (অ. 9)

স॒মীচী॒ নামা॑সি॒ প্রাচী॒ দিক্তস্য়া᳚স্তে॒ ঽগ্নিরধি॑পতি রসি॒তো র॑ক্ষি॒তা যশ্চাধি॑পতি॒ র্যশ্চ॑ গো॒প্তা তাভ্য়া॒-ন্নম॒স্তৌনো॑ মৃডযতা॒-ন্তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বাঁ॒-ঞ্জম্ভে॑ দধাম্য়োজ॒স্বিনী॒ নামা॑সি দক্ষি॒ণা দি-ক্তস্য়া᳚স্ত॒ ইন্দ্রো-ঽধি॑পতিঃ॒ পৃদা॑কুঃ॒ প্রাচী॒ নামা॑সি প্র॒তীচী॒ দি-ক্তস্য়া᳚স্তে॒ [দি-ক্তস্য়া᳚স্তে, সোমো-ঽধি॑পতি-] 42

সোমো-ঽধি॑পতি-স্স্ব॒জো॑ ঽব॒স্থাবা॒ নামা॒-স্য়ুদী॑চী॒ দি-ক্তস্য়া᳚স্তে॒ বরু॒ণো-ঽধি॑পতি-স্তি॒রশ্চ॑ রাজি॒-রধি॑পত্নী॒ নামা॑সি বৃহ॒তী দি-ক্তস্য়া᳚স্তে॒ বৃহ॒স্পতি॒-রধি॑পতি-শ্শ্বি॒ত্রো ব॒শিনী॒ নামা॑সী॒য়-ন্দি-ক্তস্য়া᳚স্তে য॒মো-ঽধি॑পতিঃ ক॒ল্মাষ॑ গ্রীবো রক্ষি॒তা যশ্চাধি॑পতি॒ র্যশ্চ॑ গো॒প্তা তাভ্য়া॒-ন্নম॒স্তৌ নো॑ মৃডযতা॒-ন্তে য-ন্দ্বি॒ষ্মো যশ্চ॑ [ ] 43

নো॒ দ্বেষ্টি॒ তং-বাঁ॒-ঞ্জম্ভে॑ দধাম্য়ে॒তা বৈ দে॒বতা॑ অ॒গ্নি-ঞ্চি॒তগ্​ম্ র॑ক্ষন্তি॒ তাভ্য়ো॒ যদাহু॑তী॒র্ন জু॑হু॒য়া-দ॑দ্ধ্ব॒র্য়ু-ঞ্চ॒ যজ॑মান-ঞ্চ ধ্য়ায়েয়ু॒র্যদে॒তা আহু॑তীর্জু॒হোতি॑ ভাগ॒ধেয়ে॑নৈ॒বৈনা᳚-ঞ্ছমযতি॒ না-ঽঽর্তি॒-মার্চ্ছ॑ত্যদ্ধ্ব॒র্য়ুর্ন যজ॑মানো হে॒তয়ো॒ নাম॑ স্থ॒ তেষাং᳚-বঃ ঁপু॒রো গৃ॒হা অ॒গ্নির্ব॒ ইষ॑ব-স্সলি॒লো নি॑লি॒পা-ন্নাম॑ [ ] 44

স্থ॒ তেষাং᳚-বোঁ দক্ষি॒ণা গৃ॒হাঃ পি॒তরো॑ ব॒ ইষ॑ব॒-স্সগ॑রো ব॒জ্রিণো॒ নাম॑ স্থ॒ তেষাং᳚-বঃ ঁপ॒শ্চা-দ্গৃ॒হা-স্স্বপ্নো॑ ব॒ ইষ॑বো॒ গহ্ব॑রো ঽব॒স্থাবা॑নো॒ নাম॑ স্থ॒ তেষাং᳚-বঁ উত্ত॒রা-দ্গৃ॒হা আপো॑ ব॒ ইষ॑ব-স্সমু॒দ্রো-ঽধি॑পতয়ো॒ নাম॑ স্থ॒ তেষাং᳚-বঁ উ॒পরি॑ গৃ॒হা ব॒র্॒ষং-বঁ॒ ইষ॒বো-ঽব॑স্বান্ ক্র॒ব্য়া নাম॑ স্থ॒ পার্থি॑বা॒-স্তেষাং᳚-বঁ ই॒হ গৃ॒হা [গৃ॒হাঃ, অন্নং॑-বঁ॒] 45

অন্নং॑-বঁ॒ ইষ॑বো ঽনিমি॒ষো বা॑তনা॒ম-ন্তেভ্য়ো॑ বো॒ নম॒স্তে নো॑ মৃডযত॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি হু॒তাদো॒ বা অ॒ন্য়ে দে॒বা অ॑হু॒তাদো॒-ঽন্য়ে তান॑গ্নি॒চিদে॒বোভয়া᳚-ন্প্রীণাতি দ॒দ্ধ্না ম॑ধুমি॒শ্রেণৈ॒তা আহু॑তীর্জুহোতি ভাগ॒ধেয়ে॑নৈ॒বৈনা᳚-ন্প্রীণা॒ত্যথো॒ খল্বা॑হু॒রিষ্ট॑কা॒ বৈ দে॒বা অ॑হু॒তাদ॒ ই- [অ॑হু॒তাদ॒ ইতি॑, অ॒নু॒প॒রি॒ক্রাম॑-] 46

-ত্য়॑নুপরি॒ক্রাম॑-ঞ্জুহো॒ত্যপ॑রিবর্গমে॒বৈনা᳚-ন্প্রীণাতী॒মগ্গ্​ স্তন॒মূর্জ॑স্বন্ত-ন্ধয়া॒পা-ম্প্রপ্য়া॑তমগ্নে সরি॒রস্য়॒ মদ্ধ্য়ে᳚ । উথ্স॑-ঞ্জুষস্ব॒ মধু॑মন্তমূর্ব সমু॒দ্রিয়॒গ্​ম্॒ সদ॑ন॒মা বি॑শস্ব ॥ যো বা অ॒গ্নি-ম্প্র॒য়ুজ্য়॒ ন বি॑মু॒ঞ্চতি॒ যথা-ঽশ্বো॑ যু॒ক্তো-ঽবি॑মুচ্যমানঃ॒, ক্ষুদ্ধ্য়॑-ন্পরা॒ভব॑ত্য়ে॒বম॑স্য়া॒গ্নিঃ পরা॑ ভবতি॒ ত-ম্প॑রা॒ভব॑ন্তং॒-য়ঁজ॑মা॒নো-ঽনু॒ পরা॑ ভবতি॒ সো᳚-ঽগ্নি-ঞ্চি॒ত্বা লূ॒ক্ষো [লূ॒ক্ষঃ, ভ॒ব॒তী॒মগ্গ্​ স্তন॒] 47

ভ॑বতী॒মগ্গ্​ স্তন॒-মূর্জ॑স্বন্ত-ন্ধয়া॒পামিত্য়াজ্য়॑স্য় পূ॒র্ণাগ্​ স্রুচ॑-ঞ্জুহোত্য়ে॒ষ বা অ॒গ্নের্বি॑মো॒কো বি॒মুচ্য়ৈ॒বাস্মা॒ অন্ন॒মপি॑ দধাতি॒ তস্মা॑দাহু॒র্যশ্চৈ॒বং-বেঁদ॒ যশ্চ॒ ন সু॒ধায়গ্​ম্॑ হ॒ বৈ বা॒জী সুহি॑তো দধা॒তীত্য়॒গ্নির্বাব বা॒জী তমে॒ব ত-ত্প্রী॑ণাতি॒ স এ॑ন-ম্প্রী॒তঃ প্রী॑ণাতি॒ বসী॑য়া-ন্ভবতি ॥ 48 ॥
(প্র॒তীচী॒ দিক্তস্য়া᳚স্তে-দ্বি॒ষ্মো যশ্চ॑-নিলি॒ম্পা না-মে॒ হ গৃ॒হা-ইতি॑-লূ॒ক্ষো-বসী॑য়া-ন্ভবতি) (অ. 10)

ইন্দ্রা॑য়॒ রাজ্ঞে॑ সূক॒রো বরু॑ণায়॒ রাজ্ঞে॒ কৃষ্ণো॑ য॒মায়॒ রাজ্ঞ॒ ঋশ্য়॑ ঋষ॒ভায়॒ রাজ্ঞে॑ গব॒য়-শ্শা᳚র্দূ॒লায়॒ রাজ্ঞে॑ গৌ॒রঃ পু॑রুষরা॒জায়॑ ম॒র্কটঃ॑, ক্ষিপ্রশ্য়ে॒নস্য়॒ বর্তি॑কা॒ নীল॑ঙ্গোঃ॒ ক্রিমি॒-স্সোম॑স্য়॒ রাজ্ঞঃ॑ কুলু॒ঙ্গ-স্সিন্ধো᳚-শ্শিগ্​ম্শু॒মারো॑ হি॒মব॑তো হ॒স্তী ॥ 49
(ইন্দ্রা॑য়॒ রাজ্ঞে॒-ঽষ্টাবিগ্​ম্॑শতিঃ) (অ. 11)

ম॒য়ুঃ প্রা॑জাপ॒ত্য় ঊ॒লো হলী᳚ক্ষ্ণো বৃষদ॒গ্​ম্॒শস্তে ধা॒তু-স্সর॑স্বত্য়ৈ॒ শারি॑-শ্শ্য়ে॒তা পু॑রুষ॒বা-খ্সর॑স্বতে॒ শুক॑-শ্শ্য়ে॒তঃ পু॑রুষ॒বাগা॑র॒ণ্য়ো॑-ঽজো ন॑কু॒ল-শ্শকা॒ তে পৌ॒ষ্ণা বা॒চে ক্রৌ॒ঞ্চঃ ॥ 50 ॥
(ম॒য়ু - স্ত্রয়ো॑বিগ্​ম্শতিঃ) (অ. 12)

অ॒পা-ন্নপ্ত্রে॑ জ॒ষো না॒ক্রো মক॑রঃ কুলী॒কয়॒স্তে-ঽকূ॑পারস্য় বা॒চে পৈ᳚ঙ্গরা॒জো ভগা॑য় কু॒ষীত॑ক আ॒তী বা॑হ॒সো দর্বি॑দা॒ তে বা॑য়॒ব্য়া॑ দি॒গ্ভ্যশ্চ॑ক্রবা॒কঃ ॥ 51 ॥
(অ॒পা - মেকা॒ন্নবিগ্​ম্॑শ॒তিঃ) (অ. 13)

বলা॑য়াজগ॒র আ॒খু-স্সৃ॑জ॒য়া শ॒যণ্ড॑ক॒স্তে মৈ॒ত্রা মৃ॒ত্যবে॑-ঽসি॒তো ম॒ন্যবে᳚ স্ব॒জঃ কুং॑ভী॒নসঃ॑ পুষ্করসা॒দো লো॑হিতা॒হিস্তে ত্বা॒ষ্ট্রাঃ প্র॑তি॒শ্রুত্কা॑য়ৈ বাহ॒সঃ ॥ 52 ॥
(বলা॑য়া॒ - ষ্টাদ॑শ) (অ. 14)

পু॒রু॒ষ॒মৃ॒গশ্চ॒ন্দ্রম॑সে গো॒ধা কাল॑কা দার্বাঘা॒টস্তে বন॒স্পতী॑নামে॒ণ্যহ্নে॒ কৃষ্ণো॒ রাত্রি॑য়ৈ পি॒কঃ, ক্ষ্বিঙ্কা॒ নীল॑শীর্​ষ্ণী॒ তে᳚-ঽর্য়॒ম্ণে ধা॒তুঃ ক॑ত্ক॒টঃ ॥ 53 ॥
(পু॒রু॒ষ॒মৃ॒গো᳚-ঽষ্টাদ॑শ) (অ. 15)

সৌ॒রী ব॒লাকর্​শ্য়ো॑ ম॒য়ূর॑-শ্শ্য়ে॒নস্তে গ॑ন্ধ॒র্বাণাং॒-বঁসূ॑না-ঙ্ক॒পিঞ্জ॑লো রু॒দ্রাণা᳚-ন্তিত্তি॒রী রো॒হি-ত্কু॑ণ্ডৃ॒ণাচী॑ গো॒লত্তি॑কা॒ তা অ॑ফ্স॒রসা॒-মর॑ণ্য়ায় সৃম॒রঃ ॥ 54 ॥
(সৌ॒-র্য়॑ষ্টাদ॑শ) (অ. 16)

পৃ॒ষ॒তো বৈ᳚শ্বদে॒বঃ পি॒ত্বো ন্যঙ্কুঃ॒ কশ॒স্তে-ঽনু॑মত্য়া অন্যবা॒পো᳚-ঽর্ধমা॒সানা᳚-ম্মা॒সা-ঙ্ক॒শ্যপঃ॒ ক্বয়িঃ॑ কু॒টরু॑র্দাত্য়ৌ॒হস্তে সি॑নীবা॒ল্য়ৈ বৃহ॒স্পত॑য়ে শিত্পু॒টঃ ॥ 55 ॥
(পৃ॒ষতা᳚- ঽষ্টাদ॑শ) (অ. 17)

শকা॑ ভৌ॒মী পা॒ন্ত্রঃ কশো॑ মান্থী॒লব॒স্তে পি॑তৃ॒ণা-মৃ॑তূ॒না-ঞ্জহ॑কা সং​বঁথ্স॒রায়॒ লোপা॑ ক॒পোত॒ উলূ॑ক-শ্শ॒শস্তে নৈর্॑​ঋ॒তাঃ কৃ॑ক॒বাকু॑-স্সাবি॒ত্রঃ ॥ 56 ॥
(শকা॒ - ঽষ্টাদ॑শ ) (অ. 18)

রুরূ॑ রৌ॒দ্রঃ কৃ॑কলা॒স-শ্শ॒কুনিঃ॒ পিপ্প॑কা॒ তে শ॑র॒ব্য়া॑য়ৈ হরি॒ণো মা॑রু॒তো ব্রহ্ম॑ণে শা॒র্গস্ত॒রক্ষুঃ॑ কৃ॒ষ্ণ-শ্শ্বা চ॑তুর॒ক্ষো গ॑র্দ॒ভস্ত ই॑তরজ॒নানা॑ম॒গ্নয়ে॒ ধূঙ্ক্ষ্ণা᳚ ॥ 57 ॥
(রুরু॑ - র্বিগ্​ম্শ॒তিঃ) (অ. 19)

অ॒ল॒জ আ᳚ন্তরি॒ক্ষ উ॒দ্রো ম॒দ্গুঃ প্ল॒বস্তে॑-ঽপামদি॑ত্য়ৈ হগ্​ম্স॒সাচি॑রিন্দ্রা॒ণ্য়ৈ কীর্​শা॒ গৃদ্ধ্র॑-শ্শিতিক॒ক্ষী বা᳚র্ধ্রাণ॒সস্তে দি॒ব্য়া দ্য়া॑বাপৃথি॒ব্য়া᳚ শ্বা॒বিত্ ॥ 58 ॥
(অ॒ল॒জো᳚ - ঽষ্টাদ॑শ ) (অ. 20)

সু॒প॒র্ণঃ পা᳚র্জ॒ন্য়ো হ॒গ্​ম্॒সো বৃকো॑ বৃষদ॒গ্​ম্॒শস্ত ঐ॒ন্দ্রা অ॒পামু॒দ্রো᳚ ঽর্য়॒ম্ণে লো॑পা॒শ-স্সি॒গ্​ম্॒হো ন॑কু॒লো ব্য়া॒ঘ্রস্তে ম॑হে॒ন্দ্রায়॒ কামা॑য়॒ পর॑স্বান্ ॥ 59 ॥
(সু॒প॒ণো᳚ - ঽষ্টাদ॑শ) (অ. 21)

আ॒গ্নে॒য়ঃ কৃ॒ষ্ণগ্রী॑ব-স্সারস্ব॒তী মে॒ষী ব॒ভ্রু-স্সৌ॒ম্য়ঃ পৌ॒ষ্ণ-শ্শ্য়া॒ম-শ্শি॑তিপৃ॒ষ্ঠো বা॑র্​হস্প॒ত্য়-শ্শি॒ল্পো বৈ᳚শ্বদে॒ব ঐ॒ন্দ্রো॑-ঽরু॒ণো মা॑রু॒তঃ ক॒ল্মাষ॑ ঐন্দ্রা॒গ্ন-স্সগ্​ম্॑হি॒তো॑ ঽধোরা॑ম-স্সাবি॒ত্রো বা॑রু॒ণঃ পেত্বঃ॑ ॥ 60 ॥
(আ॒গ্নে॒য়ো - দ্বাবিগ্​ম্॑শতিঃ) (অ. 22)

অশ্ব॑স্তূপ॒রো গো॑মৃ॒গস্তে প্রা॑জাপ॒ত্য়া আ᳚গ্নে॒য়ৌ কৃ॒ষ্ণগ্রী॑বৌ ত্বা॒ষ্ট্রৌ লো॑মশস॒ক্থৌ শি॑তিপৃ॒ষ্ঠৌ বা॑র্​হস্প॒ত্য়ৌ ধা॒ত্রে পৃ॑ষোদ॒র-স্সৌ॒র্য়ো ব॒লক্ষঃ॒ পেত্বঃ॑ ॥ 61 ॥
(অশ্বঃ॒ - ষোড॑শ) (অ. 23)

অ॒গ্নয়ে-ঽনী॑কবতে॒ রোহি॑তাঞ্জি-রন॒ড্বা-ন॒ধোরা॑মৌ সাবি॒ত্রৌ পৌ॒ষ্ণৌ র॑জ॒তনা॑ভী বৈশ্বদে॒বৌ পি॒শঙ্গৌ॑ তূপ॒রৌ মা॑রু॒তঃ ক॒ল্মাষ॑ আগ্নে॒য়ঃ কৃ॒ষ্ণো॑-ঽজ-স্সা॑রস্ব॒তী মে॒ষী বা॑রু॒ণঃ কৃ॒ষ্ণ এক॑শিতিপা॒-ত্পেত্বঃ॑ ॥ 62 ॥
(অ॒গ্নয়ে॒ - দ্বাবিগ্​ম্॑শতিঃ) (অ. 24)

(যদেকে॑ন - প্র॒জাপ॑তিঃ প্রে॒ণা-ঽনু॒ - যজু॒ষা - ঽঽপো॑ - বি॒শ্বক॒র্মা - ঽগ্ন॒ আ যা॑হি - সুব॒র্গায়॒ বজ্রো॑ - গায়॒ত্রেণা - গ্ন॑ উদধে - স॒মীচী - ন্দ্রা॑য় - ম॒য়ু - র॒পাং - বলা॑য় - পুরুষমৃ॒গঃ - সৌ॒রী - পৃ॑ষ॒তঃ - শকা॒ - রুরু॑ - রল॒জঃ - সু॑প॒র্ণ - আ᳚গ্নে॒য়ো - ঽশ্বো॒ - ঽগ্নয়ে-ঽনী॑কবতে॒ - চতু॑র্বিগ্​ম্শতিঃ)

(যদেকে॑ন॒ - স পাপী॑য়া - নে॒তদ্বা অ॒গ্নে - র্ধনু॒স্ত-দ্- দে॒বাস্ত্বেন্দ্র॑জ্য়েষ্ঠা - অ॒পা-ন্নপ্ত্রে - ঽশ্ব॑স্তূপ॒রো - দ্বিষ॑ষ্টিঃ)

(যদেকে॒, নৈক॑শিতিপা॒-ত্পেত্বঃ॑)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে পঞ্চমঃ প্রশ্ন-স্সমাপ্তঃ ॥