কৃষ্ণ যজুর্বেদীয় তৈত্তিরীয় সংহিতায়াং সপ্তমকাণ্ডে তৃতীয়ঃ প্রশ্নঃ - সত্রজাতনিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

প্র॒জবং॒-বাঁ এ॒তেন॑ যন্তি॒ য-দ্দ॑শ॒মমহঃ॑ পাপাব॒হীয়ং॒-বাঁ এ॒তেন॑ ভবন্তি॒ য-দ্দ॑শ॒মমহ॒র্য়ো বৈ প্র॒জবং॑-য়ঁ॒তামপ॑থেন প্রতি॒পদ্য়॑তে॒ য-স্স্থা॒ণুগ্​ম্ হন্তি॒ যো ভ্রেষ॒-ন্ন্য়েতি॒ স হী॑যতে॒ স যো বৈ দ॑শ॒মে-ঽহ॑ন্নবিবা॒ক্য় উ॑পহ॒ন্যতে॒ স হী॑যতে॒ তস্মৈ॒ য উপ॑হতায়॒ ব্য়াহ॒ তমে॒বান্বা॒রভ্য়॒ সম॑শ্ঞু॒তে-ঽথ॒ যো ব্য়াহ॒ স [ব্য়াহ॒ সঃ, হী॑যতে॒ তস্মা᳚-দ্দশ॒মে] 1

হী॑যতে॒ তস্মা᳚-দ্দশ॒মে ঽহ॑ন্নবিবা॒ক্য় উপ॑হতায়॒ ন ব্য়ুচ্য়॒মথো॒ খল্বা॑হুর্য়॒জ্ঞস্য়॒ বৈ সমৃ॑দ্ধেন দে॒বা-স্সু॑ব॒র্গং-লোঁ॒কমা॑যন্ য॒জ্ঞস্য়॒ ব্য়ৃ॑দ্ধে॒নাসু॑রা॒-ন্পরা॑-ঽভাবয়॒ন্নিতি॒ য-ত্খলু॒ বৈ য॒জ্ঞস্য়॒ সমৃ॑দ্ধ॒-ন্ত-দ্যজ॑মানস্য়॒ যদ্ব্য়ৃ॑দ্ধ॒-ন্তদ্ভ্রাতৃ॑ব্যস্য়॒ স যো বৈ দ॑শ॒মে-ঽহ॑ন্নবিবা॒ক্য় উ॑পহ॒ন্যতে॒ স এ॒বাতি॑ রেচযতি॒ তে যে বাহ্য়া॑ দৃশী॒কব॒- [য়ে বাহ্য়া॑ দৃশী॒কবঃ॑, স্য়ুস্তে বি] 2

-স্স্য়ুস্তে বি ব্রূ॑য়ু॒র্যদি॒ তত্র॒ ন বি॒ন্দেয়ু॑-রন্তস্সদ॒সা-দ্ব্য়ুচ্য়ং॒-য়ঁদি॒ তত্র॒ ন বি॒ন্দেয়ু॑-র্গৃ॒হপ॑তিনা॒ ব্য়ুচ্য়॒-ন্তদ্ব্য়ুচ্য়॑-মে॒বাথ॒ বা এ॒ত-থ্স॑র্পরা॒জ্ঞিয়া॑ ঋ॒গ্ভি-স্স্তু॑বন্ত॒য়ং-বৈঁ সর্প॑তো॒ রাজ্ঞী॒ যদ্বা অ॒স্য়া-ঙ্কি-ঞ্চার্চ॑ন্তি॒ যদা॑নৃ॒চু-স্তেনে॒য়গ্​ম্ স॑র্পরা॒জ্ঞী তে যদে॒ব কি-ঞ্চ॑ বা॒চা ঽঽনৃ॒চুর্য়-দ॒তো-ঽদ্ধ্য়॑র্চি॒তার॒- [-দ॒তো-ঽদ্ধ্য়॑র্চি॒তারঃ॑, তদু॒ভয়॑-মা॒প্ত্বা] 3

-স্তদু॒ভয়॑-মা॒প্ত্বা ঽব॒রুদ্ধ্য়ো-ত্তি॑ষ্ঠা॒মেতি॒ তাভি॒র্মন॑সা স্তুবতে॒ ন বা ই॒মাম॑শ্বর॒থো না-ঽশ্ব॑তরীর॒থ-স্স॒দ্য়ঃ পর্য়া᳚প্তুমর্​হতি॒ মনো॒ বা ই॒মাগ্​ম্ স॒দ্য়ঃ পর্য়া᳚প্তুমর্​হতি॒ মনঃ॒ পরি॑ভবিতু॒মথ॒ ব্রহ্ম॑ বদন্তি॒ পরি॑মিতা॒ বা ঋচঃ॒ পরি॑মিতানি॒ সামা॑নি॒ পরি॑মিতানি॒ যজূ॒গ্॒ষ্যথৈ॒তস্য়ৈ॒বান্তো॒ নাস্তি॒ য-দ্ব্রহ্ম॒ ত-ত্প্র॑তিগৃণ॒ত আ চ॑ক্ষীত॒ স প্র॑তিগ॒রঃ ॥ 4 ॥
(ব্য়াহ॒ স - দৃ॑শী॒কবো᳚ - ঽর্চি॒তারঃ॒ - স - এক॑-ঞ্চ) (অ. 1)

ব্র॒হ্ম॒বা॒দিনো॑ বদন্তি॒ কি-ন্দ্বা॑দশা॒হস্য়॑ প্রথ॒মেনা-ঽহ্ন॒র্ত্বিজাং॒-য়ঁজ॑মানো বৃঙ্ক্ত॒ ইতি॒ তেজ॑ ইন্দ্রি॒য়-মিতি॒ কি-ন্দ্বি॒তীয়ে॒নেতি॑ প্রা॒ণা-ন॒ন্নাদ্য়॒-মিতি॒ কি-ন্তৃ॒তীয়ে॒নেতি॒ ত্রীনি॒মান্ ঁলো॒কা-নিতি॒ কি-ঞ্চ॑তু॒র্থেনেতি॒ চতু॑ষ্পদঃ প॒শূ-নিতি॒ কি-ম্প॑ঞ্চ॒মেনেতি॒ পঞ্চা᳚ক্ষরা-ম্প॒ঙ্ক্তি-মিতি॒ কিগ্​ম্ ষ॒ষ্ঠেনেতি॒ ষ-ডৃ॒তূনিতি॒ কিগ্​ম্ স॑প্ত॒মেনেতি॑ স॒প্তপ॑দা॒গ্​ম্॒ শক্ব॑রী॒মিতি॒ [শক্ব॑রী॒মিতি॑, কি-ম॑ষ্ট॒মেনেত্য়॒ষ্টাক্ষ॑রা-] 5

কি-ম॑ষ্ট॒মেনেত্য়॒ষ্টাক্ষ॑রা-ঙ্গায়॒ত্রী-মিতি॒ কি-ন্ন॑ব॒মেনেতি॑ ত্রি॒বৃত॒গ্গ্॒ স্তোম॒-মিতি॒ কি-ন্দ॑শ॒মেনেতি॒ দশা᳚ক্ষরাং-বিঁ॒রাজ॒মিতি॒ কিমে॑কাদ॒শেনেত্য়েকা॑দশাক্ষরা-ন্ত্রি॒ষ্টুভ॒-মিতি॒ কি-ন্দ্বা॑দ॒শেনেতি॒ দ্বাদ॑শাক্ষরা॒-ঞ্জগ॑তী॒-মিত্য়ে॒তাব॒দ্বা অ॑স্তি॒ যাব॑-দে॒ত-দ্য়াব॑-দে॒বা-ঽস্তি॒ ত-দে॑ষাং-বৃঁঙ্ক্তে ॥ 6 ॥
(শক্ব॑রী॒মিত্য়ে - ক॑চত্বারিগ্​ম্শচ্চ) (অ. 2)

এ॒ষ বা আ॒প্তো দ্বা॑দশা॒হো য-ত্ত্র॑য়োদশরা॒ত্র-স্স॑মা॒নগ্গ্​ হ্য়ে॑তদহ॒র্য়-ত্প্রা॑য়॒ণীয়॑শ্চোদয়॒নীয়॑শ্চ॒ ত্র্য়॑তিরাত্রো ভবতি॒ ত্রয়॑ ই॒মে লো॒কা এ॒ষাং-লোঁ॒কানা॒মাপ্ত্য়ৈ᳚ প্রা॒ণো বৈ প্র॑থ॒মো॑-ঽতিরা॒ত্রো ব্য়া॒নো দ্বি॒তীয়ো॑ ঽপা॒নস্তৃ॒তীয়ঃ॑ প্রাণাপানো-দা॒নেষ্বে॒বা-ঽন্নাদ্য়ে॒ প্রতি॑ তিষ্ঠন্তি॒ সর্ব॒-মায়ু॑-র্যন্তি॒ য এ॒বং ঁবি॒দ্বাগ্​ম্স॑-স্ত্রয়োদশরা॒ত্র-মাস॑তে॒ তদা॑হু॒-র্বাগ্বা এ॒ষা বিত॑তা॒ [বিত॑তা, য-দ্দ্বা॑দশা॒হস্তাং-] 7

য-দ্দ্বা॑দশা॒হস্তাং-বিঁচ্ছি॑ন্দ্য়ু॒-র্যন্মদ্ধ্য়ে॑ ঽতিরা॒ত্র-ঙ্কু॒র্য়ু-রু॑প॒দাসু॑কা গৃ॒হপ॑তে॒-র্বা-খ্স্য়া॑-দু॒পরি॑ষ্টা-চ্ছন্দো॒মানা᳚-ম্মহাব্র॒ত-ঙ্কু॑র্বন্তি॒ সন্ত॑তা-মে॒ব বাচ॒-মব॑ রুন্ধ॒তে-ঽনু॑পদাসুকা গৃ॒হপ॑তে॒-র্বাগ্-ভ॑বতি প॒শবো॒ বৈ ছ॑ন্দো॒মা অন্ন॑-ম্মহাব্র॒তং-য়ঁদু॒পরি॑ষ্টা-চ্ছন্দো॒মানা᳚-ম্মহাব্র॒ত-ঙ্কু॒র্বন্তি॑ প॒শুষু॑ চৈ॒বান্নাদ্য়ে॑ চ॒ প্রতি॑ তিষ্ঠন্তি ॥ 8 ॥
(বিত॑তা॒ - ত্রিচ॑ত্বারিগ্​ম্শচ্চ) (অ. 3)

আ॒দি॒ত্য়া অ॑কামযন্তো॒-ভয়ো᳚র্লো॒কয়োর্॑ ঋদ্ধ্নুয়া॒মেতি॒ ত এ॒ত-ঞ্চ॑তুর্দশরা॒ত্র- ম॑পশ্য়॒-ন্তমা-ঽহ॑র॒-ন্তেনা॑যজন্ত॒ ততো॒ বৈ ত উ॒ভয়ো᳚-র্লো॒কয়ো॑-রার্ধ্নুবন্ন॒স্মিগ্গ্​শ্চা॒-মুষ্মিগ্গ্॑শ্চ॒ য এ॒বং-বিঁ॒দ্বাগ্​ম্স॑-শ্চতুর্দশরা॒ত্রমাস॑ত উ॒ভয়ো॑রে॒ব লো॒কয়োর্॑. ঋদ্ধ্নুবন্ত্য়॒স্মিগ্গ্​শ্চা॒-মুষ্মিগ্গ্॑শ্চ চতুর্দশরা॒ত্রো ভ॑বতি স॒প্ত গ্রা॒ম্য়া ওষ॑ধয়-স্স॒প্তা-ঽঽর॒ণ্য়া উ॒ভয়ী॑ষা॒মব॑রুদ্ধ্য়ৈ॒ য-ত্প॑রা॒চীনা॑নি পৃ॒ষ্ঠানি॒ [পৃ॒ষ্ঠানি॑, ভব॑ন্ত্য়॒মু-] 9

ভব॑ন্ত্য়॒মু-মে॒ব তৈ-র্লো॒ক-ম॒ভি জ॑যন্তি॒ য-ত্প্র॑তী॒চীনা॑নি পৃ॒ষ্ঠানি॒ ভব॑ন্তী॒ম-মে॒ব তৈ-র্লো॒ক-ম॒ভি জ॑যন্তি ত্রযস্ত্রি॒গ্​ম্॒শৌ ম॑দ্ধ্য়॒ত-স্স্তোমৌ॑ ভবত॒-স্সাম্রা᳚জ্যমে॒ব গ॑চ্ছন্ত্যধিরা॒জৌ ভ॑বতো-ঽধিরা॒জা এ॒ব স॑মা॒নানা᳚-ম্ভবন্ত্যতিরা॒ত্রা-ব॒ভিতো॑ ভবতঃ॒ পরি॑গৃহীত্য়ৈ ॥ 10 ॥
(পৃ॒ষ্ঠানি॒ - চতু॑স্ত্রিগ্​ম্শচ্চ) (অ. 4)

প্র॒জাপ॑তি-স্সুব॒র্গং-লোঁ॒কমৈ॒-ত্ত-ন্দে॒বা অন্বা॑য়॒-ন্তানা॑দি॒ত্য়াশ্চ॑ প॒শব॒শ্চা-ঽন্বা॑য়॒-ন্তে দে॒বা অ॑ব্রুব॒ন্॒. যা-ন্প॒শূ-নু॒পাজী॑বিষ্ম॒ ত ই॒মে᳚ ঽন্বাগ্ম॒-ন্নিতি॒ তেভ্য়॑ এ॒ত-ঞ্চ॑তুর্দশরা॒ত্র-ম্প্রত্য়ৌ॑হ॒-ন্ত আ॑দি॒ত্য়াঃ পৃ॒ষ্ঠৈ-স্সু॑ব॒র্গং-লোঁ॒কমা-ঽরো॑হ-ন্ত্র্য়॒হাভ্য়া॑-ম॒স্মিন্ ঁলো॒কে প॒শূ-ন্প্রত্য়ৌ॑হ-ন্পৃ॒ষ্ঠৈ-রা॑দি॒ত্য়া অ॒মুষ্মি॑ন্ ঁলো॒ক আর্ধ্নু॑ব-ন্ত্র্য়॒হাভ্য়া॑-ম॒স্মি- [আর্ধ্নু॑ব-ন্ত্র্য়॒হাভ্য়া॑-ম॒স্মিন্ন্, লো॒কে প॒শবো॒] 11

ঁল্লো॒কে প॒শবো॒ য এ॒বং-বিঁ॒দ্বাগ্​ম্স॑-শ্চতুর্দশরা॒ত্রমাস॑ত উ॒ভয়ো॑রে॒ব লো॒কয়োর্॑ ঋদ্ধ্নুবন্ত্য়॒স্মিগ্গ্​শ্চা॒-মুষ্মিগ্গ্॑শ্চ পৃ॒ষ্ঠৈ-রে॒বা-ঽমুষ্মি॑ন্ ঁলো॒ক ঋ॑দ্ধ্নু॒বন্তি॑ ত্র্য়॒হাভ্য়া॑-ম॒স্মিন্ ঁলো॒কে জ্য়োতি॒-র্গৌরায়ু॒-রিতি॑ ত্র্য়॒হো ভ॑বতী॒য়ং-বাঁব জ্য়োতি॑-র॒ন্তরি॑ক্ষ॒-ঙ্গৌ-র॒সা-বায়ু॑-রি॒মা-নে॒ব লো॒কা-ন॒ভ্য়ারো॑হন্তি॒ য-দ॒ন্যতঃ॑ পৃ॒ষ্ঠানি॒ স্য়ুর্বিবি॑বধগ্গ্​ স্য়া॒ন্মদ্ধ্য়ে॑ পৃ॒ষ্ঠানি॑ ভবন্তি সবিবধ॒ত্বায়ৌ- [সবিবধ॒ত্বায়॑, ওজো॒ বৈ] 12

-জো॒ বৈ বী॒র্য়॑-ম্পৃ॒ষ্ঠান্য়োজ॑ এ॒ব বী॒র্য়॑-ম্মদ্ধ্য়॒তো দ॑ধতে বৃহ-দ্রথন্ত॒রাভ্য়াং᳚-য়ঁন্তী॒য়ং-বাঁব র॑থন্ত॒র-ম॒সৌ বৃ॒হ-দা॒ভ্য়া-মে॒ব য॒ন্ত্যথো॑ অ॒নয়ো॑-রে॒ব প্রতি॑ তিষ্ঠন্ত্য়ে॒তে বৈ য॒জ্ঞস্য়া᳚-ঽঞ্জ॒সায়॑নী স্রু॒তী তাভ্য়া॑-মে॒ব সু॑ব॒র্গং-লোঁ॒কং-য়ঁ॑ন্তি॒ পরা᳚ঞ্চো॒ বা এ॒তে সু॑ব॒র্গং-লোঁ॒ক-ম॒ভ্য়ারো॑হন্তি॒ যে প॑রা॒চীনা॑নি পৃ॒ষ্ঠান্য়ু॑প॒যন্তি॑ প্র॒ত্য়-ন্ত্র্য়॒হো ভ॑বতি প্র॒ত্যব॑রূঢ্য়া॒ অথো॒ প্রতি॑ষ্ঠিত্য়া উ॒ভয়ো᳚-র্লো॒কয়োর্॑ ঋ॒দ্ধ্বো-ত্তি॑ষ্ঠন্তি॒ চতু॑র্দশৈ॒তা-স্তাসাং॒-য়াঁ দশ॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজৈ॒বা-ঽন্নাদ্য়॒-মব॑ রুন্ধতে॒ যাশ্চত॑স্র॒-শ্চত॑স্রো॒ দিশো॑ দি॒ক্ষ্বে॑ব প্রতি॑ তিষ্ঠন্ত্যতিরা॒ত্রা-ব॒ভিতো॑ ভবতঃ॒ পরি॑গৃহীত্য়ৈ ॥ 13 ॥
(আর্ধ্নু॑ব-ন্ত্র্য়॒হাভ্য়া॑ম॒স্মিন্থ্ - স॑বিবধ॒ত্বায়॒ - প্রতি॑ষ্ঠত্য়া॒ - এক॑ত্রিগ্​ম্শচ্চ) (অ. 5)

ইন্দ্রো॒ বৈ স॒দৃ-ন্দে॒বতা॑ভিরাসী॒-থ্স ন ব্য়া॒বৃত॑মগচ্ছ॒-থ্স প্র॒জাপ॑তি॒মুপা॑ধাব॒-ত্তস্মা॑ এ॒ত-ম্প॑ঞ্চদশরা॒ত্র-ম্প্রায়॑চ্ছ॒-ত্তমা-ঽহ॑র॒-ত্তেনা॑যজত॒ ততো॒ বৈ সো᳚-ঽন্য়াভি॑-র্দে॒বতা॑ভি-র্ব্য়া॒বৃত॑-মগচ্ছ॒দ্য় এ॒বং-বিঁ॒দ্বাগ্​ম্সঃ॑ পঞ্চদশরা॒ত্র-মাস॑তে ব্য়া॒বৃত॑-মে॒ব পা॒প্মনা॒ ভ্রাতৃ॑ব্য়েণ গচ্ছন্তি॒ জ্য়োতি॒-র্গৌরায়ু॒-রিতি॑ ত্র্য়॒হো ভ॑বতী॒য়ং-বাঁব জ্য়োতি॑-র॒ন্তরি॑ক্ষ॒- [জ্য়োতি॑-র॒ন্তরি॑ক্ষম্, ] 14

-ঙ্গৌ-র॒সা-বায়ু॑-রে॒ষ্বে॑ব লো॒কেষু॒ প্রতি॑ তিষ্ঠ॒ন্ত্যস॑ত্রং॒-বাঁ এ॒তদ্য়-দ॑ছন্দো॒মং-য়ঁচ্ছ॑ন্দো॒মা ভব॑ন্তি॒ তেন॑ স॒ত্র-ন্দে॒বতা॑ এ॒ব পৃ॒ষ্ঠৈরব॑ রুন্ধতে প॒শূ-ঞ্ছ॑ন্দো॒মৈ-রোজো॒ বআবৈ বী॒র্য়॑-ম্পৃ॒ষ্ঠানি॑ প॒শব॑-শ্ছন্দো॒মা ওজ॑স্য়ে॒ব বী॒র্য়ে॑ প॒শুষু॒ প্রতি॑ তিষ্ঠন্তি পঞ্চদশরা॒ত্রো ভ॑বতি পঞ্চদ॒শো বজ্রো॒ বজ্র॑মে॒ব ভ্রাতৃ॑ব্য়েভ্য়ঃ॒ প্র হ॑রন্ত্যতিরা॒ত্রা-ব॒ভিতো॑ ভবত ইন্দ্রি॒যস্য়॒ পরি॑গৃহীত্য়ৈ ॥ 15 ॥
(অ॒ন্তরি॑ক্ষ-মিন্দ্রি॒যস্য়ৈ-ক॑ঞ্চ) (অ. 6)

ইন্দ্রো॒ বৈ শি॑থি॒ল ই॒বা-ঽপ্র॑তিষ্ঠিত আসী॒-থ্সো-ঽসু॑রেভ্য়ো-ঽবিভে॒-থ্স প্র॒জাপ॑তি॒মুপা॑-ঽধাব॒-ত্তস্মা॑ এ॒ত-ম্প॑ঞ্চদশরা॒ত্রং-বঁজ্র॒-ম্প্রায়॑চ্ছ॒-ত্তেনাসু॑রা-ন্পরা॒ভাব্য়॑ বি॒জিত্য়॒ শ্রিয়॑মগচ্ছদগ্নি॒ষ্টুতা॑ পা॒প্মান॒-ন্নির॑দহত পঞ্চদশরা॒ত্রেণৌজো॒ বল॑মিন্দ্রি॒য়ং-বীঁ॒র্য়॑মা॒ত্মন্ন॑ধত্ত॒ য এ॒বং-বিঁ॒দ্বাগ্​ম্সঃ॑ পঞ্চদশরা॒ত্রমাস॑তে॒ ভ্রাতৃ॑ব্য়ানে॒ব প॑রা॒ভাব্য়॑ বি॒জিত্য়॒ শ্রিয়॑-ঙ্গচ্ছন্ত্যগ্নি॒ষ্টুতা॑ পা॒প্মান॒-ন্নি- [পা॒প্মান॒-ন্নিঃ, দ॒হ॒ন্তে॒ প॒ঞ্চ॒দ॒শ॒রা॒ত্রেণৌজো॒] 16

-র্দ॑হন্তে পঞ্চদশরা॒ত্রেণৌজো॒ বল॑-মিন্দ্রি॒য়ং-বীঁ॒র্য়॑-মা॒ত্ম-ন্দ॑ধত এ॒তা এ॒ব প॑শ॒ব্য়াঃ᳚ পঞ্চ॑দশ॒ বা অ॑র্ধমা॒সস্য়॒ রাত্র॑য়ো-ঽর্ধমাস॒শ-স্সং॑​বঁথ্স॒র আ᳚প্যতে সং​বঁথ্স॒র-ম্প॒শবো-ঽনু॒ প্র জা॑যন্তে॒ তস্মা᳚-ত্পশ॒ব্য়া॑ এ॒তা এ॒ব সু॑ব॒র্গ্য়াঃ᳚ পঞ্চ॑দশ॒ বা অ॑র্ধমা॒সস্য়॒ রাত্র॑য়ো-ঽর্ধমাস॒শ-স্সং॑​বঁথ্স॒র আ᳚প্যতে সং​বঁথ্স॒র-স্সু॑ব॒র্গো লো॒কস্তস্মা᳚-থ্সুব॒র্গ্য়া᳚ জ্য়োতি॒-র্গৌরায়ু॒-রিতি॑ ত্র্য়॒হো ভ॑বতী॒য়ং-বাঁব জ্য়োতি॑-র॒ন্তরি॑ক্ষ॒- [-র॒ন্তরি॑ক্ষম্, গৌ-র॒সাবায়ু॑-] 17

-ঙ্গৌ-র॒সাবায়ু॑-রি॒মা-নে॒ব লো॒কা-ন॒ভ্য়ারো॑হন্তি॒ যদ॒ন্যতঃ॑ পৃ॒ষ্ঠানি॒ স্য়ুর্বিবি॑বধগ্গ্​ স্য়া॒ন্মদ্ধ্য়ে॑ পৃ॒ষ্ঠানি॑ ভবন্তি সবিবধ॒ত্বায়ৌজো॒ বৈ বী॒র্য়॑-ম্পৃ॒ষ্ঠান্য়োজ॑ এ॒ব বী॒র্য়॑-ম্মদ্ধ্য়॒তো দ॑ধতে বৃহ-দ্রথন্ত॒রাভ্য়াং᳚-য়ঁন্তী॒য়ং-বাঁব র॑থন্ত॒রম॒সৌ বৃ॒হদা॒ভ্য়ামে॒ব য॒ন্ত্যথো॑ অ॒নয়ো॑রে॒ব প্রতি॑ তিষ্ঠন্ত্য়ে॒তে বৈ য॒জ্ঞস্য়া᳚ঞ্জ॒সায়॑নী স্রু॒তী তাভ্য়া॑মে॒ব সু॑ব॒র্গং-লোঁ॒কং- [সু॑ব॒র্গং-লোঁ॒কম্, য॒ন্তি॒ পরা᳚ঞ্চো॒ বা এ॒তে] 18

-ঁয়॑ন্তি॒ পরা᳚ঞ্চো॒ বা এ॒তে সু॑ব॒র্গং-লোঁ॒কম॒ভ্য়ারো॑হন্তি॒ যে প॑রা॒চীনা॑নি পৃ॒ষ্ঠান্য়ু॑প॒যন্তি॑ প্র॒ত্য়-ন্ত্র্য়॒হো ভ॑বতি প্র॒ত্যব॑রূঢ্য়া॒ অথো॒ প্রতি॑ষ্ঠিত্য়া উ॒ভয়ো᳚র্লো॒কয়োর্॑ ঋ॒দ্ধ্বো-ত্তি॑ষ্ঠন্তি॒ পঞ্চ॑দশৈ॒তাস্তাসাং॒-য়াঁ দশ॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজৈ॒বান্নাদ্য়॒মব॑ রুন্ধতে॒ যাঃ পঞ্চ॒ পঞ্চ॒ দিশো॑ দি॒ক্ষ্বে॑ব প্রতি॑ তিষ্ঠন্ত্যতিরা॒ত্রাব॒ভিতো॑ ভবত ইন্দ্রি॒যস্য়॑ বী॒র্য়॑স্য় প্র॒জায়ৈ॑ পশূ॒না-ম্পরি॑গৃহীত্য়ৈ ॥ 19 ॥
(গ॒চ্ছ॒ন্ত্য়॒গ্নি॒ষ্টুতা॑ পা॒প্মান॒-ন্নি-র॒ন্তরি॑ক্ষং - ঁলো॒কং - প্র॒জায়ৈ॒ - দ্বে চ॑) (অ. 7)

প্র॒জাপ॑তি-রকামযতান্না॒দ-স্স্য়া॒মিতি॒ স এ॒তগ্​ম্ স॑প্তদশরা॒ত্র-ম॑পশ্য়॒-ত্তমা-ঽহ॑র॒-ত্তেনা॑যজত॒ ততো॒ বৈ সো᳚-ঽন্না॒দো॑-ঽভব॒দ্য় এ॒বং-বিঁ॒দ্বাগ্​ম্স॑-স্সপ্তদশ-রা॒ত্রমাস॑তে ঽন্না॒দা এ॒ব ভ॑বন্তি পঞ্চা॒হো ভ॑বতি॒ পঞ্চ॒ বা ঋ॒তব॑-স্সং​বঁথ্স॒র ঋ॒তুষ্বে॒ব সং॑​বঁথ্স॒রে প্রতি॑ তিষ্ঠ॒ন্ত্যথো॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বা-ঽব॑ রুন্ধ॒তে ঽস॑ত্রং॒-বাঁ এ॒ত- [এ॒তত্, যদ॑ছন্দো॒মং-য়ঁচ্ছ॑ন্দো॒মা] 20

-দ্যদ॑ছন্দো॒মং-য়ঁচ্ছ॑ন্দো॒মা ভব॑ন্তি॒ তেন॑ স॒ত্র-ন্দে॒বতা॑ এ॒ব পৃ॒ষ্ঠৈরব॑ রুন্ধতে প॒শূঞ্ছ॑ন্দো॒মৈরোজো॒ বৈ বী॒র্য়॑-ম্পৃ॒ষ্ঠানি॑ প॒শব॑-শ্ছন্দো॒মা ওজ॑স্য়ে॒ব বী॒র্য়ে॑ প॒শুষু॒ প্রতি॑ তিষ্ঠন্তি সপ্তদশরা॒ত্রো ভ॑বতি সপ্তদ॒শঃ প্র॒জাপ॑তিঃ প্র॒জাপ॑তে॒রাপ্ত্য়া॑ অতিরা॒ত্রাব॒ভিতো॑ ভবতো॒-ঽন্নাদ্য়॑স্য়॒ পরি॑গৃহীত্য়ৈ ॥ 21 ॥
(এ॒তথ্ - স॒প্তত্রিগ্​ম্॑শচ্চ) (অ. 8)

সা বি॒রা-ড্বি॒ক্রম্য়া॑তিষ্ঠ॒-দ্ব্রহ্ম॑ণা দে॒বেষ্বন্নে॒না-সু॑রেষু॒ তে দে॒বা অ॑কামযন্তো॒ভয়॒গ্​ম্॒ সং-বৃঁ॑ঞ্জীমহি॒ ব্রহ্ম॒ চান্ন॒-ঞ্চেতি॒ ত এ॒তা বিগ্​ম্॑শ॒তিগ্​ম্ রাত্রী॑রপশ্য়॒-ন্ততো॒ বৈ ত উ॒ভয়॒গ্​ম্॒ সম॑বৃঞ্জত॒ ব্রহ্ম॒ চান্ন॑-ঞ্চ ব্রহ্মবর্চ॒সিনো᳚-ঽন্না॒দা অ॑ভব॒ন্॒. য এ॒বং-বিঁ॒দ্বাগ্​ম্স॑ এ॒তা আস॑ত উ॒ভয়॑মে॒ব সং-বৃঁ॑ঞ্জতে॒ ব্রহ্ম॒ চা-ঽন্ন॑-ঞ্চ [ব্রহ্ম॒ চা-ঽন্ন॑-ঞ্চ, ব্র॒হ্ম॒ব॒র্চ॒সিনো᳚-ঽন্না॒দা] 22

ব্রহ্মবর্চ॒সিনো᳚-ঽন্না॒দা ভ॑বন্তি॒ দ্বে বা এ॒তে বি॒রাজৌ॒ তয়ো॑রে॒ব নানা॒ প্রতি॑ তিষ্ঠন্তি বি॒গ্​ম্॒শো বৈ পুরু॑ষো॒ দশ॒ হস্ত্য়া॑ অ॒ঙ্গুল॑য়ো॒ দশ॒ পদ্য়া॒ যাবা॑নে॒ব পুরু॑ষ॒স্ত-মা॒প্ত্বো-ত্তি॑ষ্ঠন্তি॒ জ্য়োতি॒-র্গৌ-রায়ু॒-রিতি॑ ত্র্য়॒হা ভ॑বন্তী॒য়ং-বাঁব জ্য়োতি॑-র॒ন্তরি॑ক্ষ॒-ঙ্গৌ-র॒সা-বায়ু॑-রি॒মানে॒ব লো॒কা-ন॒ভ্য়ারো॑হন্ত্যভিপূ॒র্ব-ন্ত্র্য়॒হা ভ॑বন্ত্যভিপূ॒র্ব-মে॒ব সু॑ব॒র্গ- [সু॑ব॒র্গম্, লো॒ক-ম॒ভ্য়ারো॑হন্তি॒] 23

-ঁল্লো॒ক-ম॒ভ্য়ারো॑হন্তি॒ যদ॒ন্যতঃ॑ পৃ॒ষ্ঠানি॒ স্য়ুর্বিবি॑বধগ্গ্​ স্য়া॒ন্মদ্ধ্য়ে॑ পৃ॒ষ্ঠানি॑ ভবন্তি সবিবধ॒ত্বায়ৌজো॒ বৈ বী॒র্য়॑-ম্পৃ॒ষ্ঠান্য়োজ॑ এ॒ব বী॒র্য়॑-ম্মদ্ধ্য়॒তো দ॑ধতে বৃহ-দ্রথন্ত॒রাভ্য়াং᳚-য়ঁন্তী॒য়ং-বাঁব র॑থন্ত॒রম॒সৌ বৃ॒হদা॒ভ্য়ামে॒ব য॒ন্ত্যথো॑ অ॒নয়ো॑রে॒ব প্রতি॑ তিষ্ঠন্ত্য়ে॒তে বৈ য॒জ্ঞস্য়া᳚ঞ্জ॒সায়॑নী স্রু॒তী তাভ্য়া॑মে॒ব সু॑ব॒র্গং-লোঁ॒কং-য়ঁ॑ন্তি॒ পরা᳚ঞ্চো॒ বা এ॒তে সু॑ব॒র্গং ঁলো॒কম॒ভ্য়ারো॑হন্তি॒ যে প॑রা॒চীনা॑নি পৃ॒ষ্ঠান্য়ু॑প॒যন্তি॑ প্র॒ত্য়-ন্ত্র্য়॒হো ভ॑বতি প্র॒ত্যব॑রূঢ্য়া॒ অথো॒ প্রতি॑ষ্ঠিত্য়া উ॒ভয়ো᳚র্লো॒কয়োর্॑. ঋ॒দ্ধ্বো-ত্তি॑ষ্ঠন্ত্যতিরা॒ত্রাব॒ভিতো॑ ভবতো ব্রহ্মবর্চ॒স-স্য়া॒ন্নাদ্য়॑স্য়॒ পরি॑গৃহীত্য়ৈ ॥ 24 ॥
(বৃ॒ঞ্জ॒তে॒ ব্রহ্ম॒ চা-ন্ন॑-ঞ্চ - সুব॒র্গ - মে॒তে সু॑ব॒র্গং - ত্রয়ো॑বিগ্​ম্শতিশ্চ) (অ. 9)

অ॒সাবা॑দি॒ত্য়ো᳚-ঽস্মিন্ ঁলো॒ক আ॑সী॒-ত্ত-ন্দে॒বাঃ পৃ॒ষ্ঠৈঃ প॑রি॒গৃহ্য়॑ সুব॒র্গং-লোঁ॒কম॑গময়॒-ন্পরৈ॑র॒বস্তা॒-ত্পর্য়॑গৃহ্ণ-ন্দিবাকী॒র্ত্য়ে॑ন সুব॒র্গে লো॒কে প্রত্য়॑স্থাপয়॒-ন্পরৈঃ᳚ প॒রস্তা॒-ত্পর্য়॑গৃহ্ণ-ন্পৃ॒ষ্ঠৈরু॒পাবা॑রোহ॒ন্​থ্স বা অ॒সাবা॑দি॒ত্য়ো॑-ঽমুষ্মি॑ন্ ঁলো॒কে পরৈ॑রুভ॒যতঃ॒ পরি॑গৃহীতো॒ য-ত্পৃ॒ষ্ঠানি॒ ভব॑ন্তি সুব॒র্গমে॒ব তৈর্লো॒কং-য়ঁজ॑মানা যন্তি॒ পরৈ॑র॒বস্তা॒-ত্পরি॑ গৃহ্ণন্তি দিবাকী॒র্ত্য়ে॑ন [দিবাকী॒র্ত্য়ে॑ন, সু॒ব॒র্গে লো॒কে প্রতি॑] 25

সুব॒র্গে লো॒কে প্রতি॑ তিষ্ঠন্তি॒ পরৈঃ᳚ প॒রস্তা॒-ত্পরি॑ গৃহ্ণন্তি পৃ॒ষ্ঠৈরু॒পাব॑রোহন্তি॒ য-ত্পরে॑ প॒রস্তা॒ন্ন স্য়ুঃ পরা᳚ঞ্চ-স্সুব॒র্গা-ল্লো॒কান্নিষ্প॑দ্য়ের॒ন্॒. যদ॒বস্তা॒ন্ন স্য়ুঃ প্র॒জা নির্দ॑হেয়ুর॒ভিতো॑ দিবাকী॒র্ত্য়॑-ম্পর॑স্সামানো ভবন্তি সুব॒র্গ এ॒বৈনা᳚-​ল্লোঁ॒ক উ॑ভ॒যতঃ॒ পরি॑ গৃহ্ণন্তি॒ যজ॑মানা॒ বৈ দি॑বাকী॒র্ত্য়গ্​ম্॑ সং​বঁথ্স॒রঃ পর॑স্সামানো॒-ঽভিতো॑ দিবাকী॒র্ত্য়॑-ম্পর॑স্সামানো ভবন্তি সং​বঁথ্স॒র এ॒বোভ॒যতঃ॒ [এ॒বোভ॒যতঃ॑, প্রতি॑ তিষ্ঠন্তি] 26

প্রতি॑ তিষ্ঠন্তি পৃ॒ষ্ঠং-বৈঁ দি॑বাকী॒র্ত্য়॑-ম্পা॒র্​শ্বে পর॑স্সামানো॒ ঽভিতো॑ দিবাকী॒র্ত্য়॑-ম্পর॑স্সামানো ভবন্তি॒ তস্মা॑দ॒ভিতঃ॑ পৃ॒ষ্ঠ-ম্পা॒র্​শ্বে ভূয়ি॑ষ্ঠা॒ গ্রহা॑ গৃহ্যন্তে॒ ভূয়ি॑ষ্ঠগ্​ম্ শস্যতে য॒জ্ঞস্য়ৈ॒ব তন্ম॑দ্ধ্য়॒তো গ্র॒ন্থি-ঙ্গ্র॑থ্ন॒ন্ত্যবি॑স্রগ্​ম্সায় স॒প্ত গৃ॑হ্যন্তে স॒প্ত বৈ শী॑র্​ষ॒ণ্য়াঃ᳚ প্রা॒ণাঃ প্রা॒ণানে॒ব যজ॑মানেষু দধতি॒ য-ত্প॑রা॒চীনা॑নি পৃ॒ষ্ঠানি॒ ভব॑ন্ত্য়॒মুমে॒ব তৈ-র্লো॒কম॒ভ্য়ারো॑হন্তি॒ যদি॒মং-লোঁ॒ক-ন্ন [যদি॒মং-লোঁ॒ক-ন্ন, প্র॒ত্য়॒ব॒-রোহে॑য়ু॒-রুদ্বা॒] 27

প্র॑ত্যব॒-রোহে॑য়ু॒-রুদ্বা॒ মাদ্য়ে॑য়ু॒র্যজ॑মানাঃ॒ প্র বা॑ মীয়ের॒ন্॒. য-ত্প্র॑তী॒চীনা॑নি পৃ॒ষ্ঠানি॒ ভব॑ন্তী॒ম-মে॒ব তৈর্লো॒ক-ম্প্র॒ত্যব॑রোহ॒ন্ত্যথো॑ অ॒স্মিন্নে॒ব লো॒কে প্রতি॑ তিষ্ঠ॒ন্ত্যনু॑ন্মাদা॒য়েন্দ্রো॒ বা অপ্র॑তিষ্ঠিত আসী॒-থ্স প্র॒জাপ॑তি॒-মুপা॑ধাব॒-ত্তস্মা॑ এ॒ত-মে॑কবিগ্​ম্শতিরা॒ত্র-ম্প্রায়॑চ্ছ॒-ত্তমা-ঽহ॑র॒-ত্তেনা॑যজত॒ ততো॒ বৈ স প্রত্য়॑তিষ্ঠ॒দ্য়ে ব॑হুয়া॒জিনো ঽপ্র॑তিষ্ঠিতা॒- [ ঽপ্র॑তিষ্ঠিতাঃ, স্য়ুস্ত এ॑কবিগ্​ম্শতি-] 28

-স্স্য়ুস্ত এ॑কবিগ্​ম্শতি-রা॒ত্র-মা॑সীর॒-ন্দ্বাদ॑শ॒ মাসাঃ॒ পঞ্চ॒র্তব॒-স্ত্রয়॑ ই॒মে লো॒কা অ॒সাবা॑দি॒ত্য় এ॑কবি॒গ্​ম্॒শ এ॒তাব॑ন্তো॒ বৈ দে॑বলো॒কাস্তেষ্বে॒ব য॑থা পূ॒র্ব-ম্প্রতি॑ তিষ্ঠন্ত্য়॒সাবা॑দি॒ত্য়ো ন ব্য়॑রোচত॒ স প্র॒জাপ॑তি॒-মুপা॑ধাব॒-ত্তস্মা॑ এ॒তমে॑কবিগ্​ম্শতিরা॒ত্র-ম্প্রায়॑চ্ছ॒-ত্তমা-ঽহ॑র॒-ত্তেনা॑যজত॒ ততো॒ বৈ সো॑ ঽরোচত॒ য এ॒বং-বিঁ॒দ্বাগ্​ম্স॑ একবিগ্​ম্শতিরা॒ত্র-মাস॑তে॒ রোচ॑ন্ত এ॒বৈক॑বিগ্​ম্শতিরা॒ত্রো ভ॑বতি॒ রুগ্বা এ॑কবি॒গ্​ম্॒শো রুচ॑মে॒ব গ॑চ্ছ॒ন্ত্যথো᳚ প্রতি॒ষ্ঠামে॒ব প্র॑তি॒ষ্ঠা হ্য়ে॑কবি॒গ্​ম্॒শো॑ ঽতিরা॒ত্রাব॒ভিতো॑ ভবতো ব্রহ্মবর্চ॒সস্য়॒ পরি॑গৃহীত্য়ৈ ॥ 29 ॥
(গৃ॒হ্ণ॒ন্তি॒ দি॒বা॒কী॒র্ত্য়ে॑নৈ॒ - বোভ॒যতো॒ - না - প্র॑তিষ্ঠিতা॒ - আস॑ত॒ - এক॑বিগ্​ম্শতিশ্চ) (অ. 10)

অ॒র্বাং-য়ঁ॒জ্ঞ-স্স-ঙ্ক্রা॑মত্ব॒মুষ্মা॒-দধি॒ মাম॒ভি । ঋষী॑ণাং॒-য়ঃ ঁপু॒রোহি॑তঃ ॥ নির্দে॑ব॒-ন্নির্বী॑র-ঙ্কৃ॒ত্বা বিষ্ক॑ন্ধ॒-ন্তস্মি॑ন্ হীযতাং॒-য়োঁ᳚-ঽস্মা-ন্দ্বেষ্টি॑ । শরী॑রং-য়ঁজ্ঞশম॒ল-ঙ্কুসী॑দ॒-ন্তস্মিন্᳚থ্সীদতু॒ যো᳚-ঽস্মা-ন্দ্বেষ্টি॑ ॥ যজ্ঞ॑ য॒জ্ঞস্য়॒ য-ত্তেজ॒স্তেন॒ সঙ্ক্রা॑ম॒ মাম॒ভি । ব্রা॒হ্ম॒ণা-নৃ॒ত্বিজো॑ দে॒বান্ য॒জ্ঞস্য়॒ তপ॑সা তে সবা॒হমা হু॑বে ॥ ই॒ষ্টেন॑ প॒ক্বমুপ॑ [প॒ক্বমুপ॑, তে॒ হু॒বে॒ স॒বা॒-ঽহম্ ।] 30

তে হুবে সবা॒-ঽহম্ । স-ন্তে॑ বৃঞ্জে সুকৃ॒তগ্​ম্ স-ম্প্র॒জা-ম্প॒শূন্ ॥ প্রৈ॒ষান্-থ্সা॑মিধে॒নী-রা॑ঘা॒রা-বাজ্য়॑ভাগা॒বা-শ্রু॑ত-ম্প্র॒ত্য়াশ্রু॑ত॒মা শৃ॑ণামি তে । প্র॒য়া॒জা॒নূ॒য়া॒জান্-থ্স্বি॑ষ্ট॒কৃত॒-মিডা॑-মা॒শিষ॒ আ বৃ॑ঞ্জে॒ সুবঃ॑ ॥ অ॒গ্নিনেন্দ্রে॑ণ॒ সোমে॑ন॒ সর॑স্বত্য়া॒ বিষ্ণু॑না দে॒বতা॑ভিঃ । যা॒জ্য়া॒নু॒বা॒ক্য়া᳚ভ্য়া॒-মুপ॑ তে হুবে সবা॒হং-য়ঁ॒জ্ঞমা দ॑দে তে॒ বষ॑ট্কৃতম্ ॥ স্তু॒তগ্​ম্ শ॒স্ত্র-ম্প্র॑তিগ॒র-ঙ্গ্রহ॒-মিডা॑-মা॒শিষ॒ [মা॒শিষঃ॑, আ বৃ॑ঞ্জে॒ সুবঃ॑ ।] 31

আ বৃ॑ঞ্জে॒ সুবঃ॑ । প॒ত্নী॒সং॒​য়াঁ॒জা-নুপ॑ তে হুবে সবা॒হগ্​ম্ স॑মিষ্টয়॒জু-রা দ॑দে॒ তব॑ ॥ প॒শূন্-থ্সু॒ত-ম্পু॑রো॒ডাশা॒ন্-থ্সব॑না॒ন্য়োত য॒জ্ঞম্ । দে॒বান্-থ্সেন্দ্রা॒নুপ॑ তে হুবে সবা॒হ-ম॒গ্নিমু॑খা॒ন্-থ্সোম॑বতো॒ যে চ॒ বিশ্বে᳚ ॥ 32 ॥
(উপ॒ - গ্রহ॒মিডা॑মা॒শিষো॒ - দ্বাত্রিগ্​ম্॑শচ্চ) (অ. 11)

ভূ॒ত-ম্ভব্য়॑-ম্ভবি॒ষ্যদ্বষ॒ট্-থ্স্বাহা॒ নম॒ ঋ-খ্সাম॒ যজু॒র্বষ॒ট্-থ্স্বাহা॒ নমো॑ গায়॒ত্রী ত্রি॒ষ্টু-ব্জগ॑তী॒ বষ॒ট্-থ্স্বাহা॒ নমঃ॑ পৃথি॒ব্য়॑ন্তরি॑ক্ষ॒-ন্দ্য়ৌ র্বষ॒ট্-থ্স্বাহা॒ নমো॒ ঽগ্নির্বা॒য়ু-স্সূর্য়ো॒ বষ॒ট্-থ্স্বাহা॒ নমঃ॑ প্রা॒ণো-ব্য়া॒নো॑-ঽপা॒নো বষ॒ট্-থ্স্বাহা॒ নমো ঽন্ন॑-ঙ্কৃ॒ষি-র্বৃষ্টি॒-র্বষ॒ট্-থ্স্বাহা॒ নমঃ॑ পি॒তাপু॒ত্রঃ পৌত্রো॒ বষ॒ট্-থ্স্বাহা॒ নমো॒ ভূর্ভুব॒-স্সুব॒ র্বষ॒ট্-থ্স্বাহা॒ নমঃ॑ ॥ 33 ॥
(ভুব॑ - শ্চ॒ত্বারি॑ চ) (অ. 12)

আ মে॑ গৃ॒হা ভ॑ব॒ন্ত্বা প্র॒জা ম॒ আ মা॑ য॒জ্ঞো বি॑শতু বী॒র্য়া॑বান্ । আপো॑ দে॒বীর্য়॒জ্ঞিয়া॒ মা-ঽঽবি॑শন্তু স॒হস্র॑স্য় মা ভূ॒মা মা প্র হা॑সীত্ ॥ আ মে॒ গ্রহো॑ ভব॒ত্বা পু॑রো॒রু-খ্স্তু॑তশ॒স্ত্রে মা ঽঽ বি॑শতাগ্​ম্ স॒মীচী᳚ । আ॒দি॒ত্য়া রু॒দ্রা বস॑বো মে সদ॒স্য়া᳚-স্স॒হস্র॑স্য় মা ভূ॒মা মা প্র হা॑সীত্ ॥ আ মা᳚-ঽগ্নিষ্টো॒মো বি॑শতূ॒ ক্থ্য়॑শ্চাতিরা॒ত্রো মা-ঽঽ বি॑শত্বাপিশর্ব॒রঃ । তি॒রোঅ॑হ্নিয়া মা॒ সুহু॑তা॒ আ বি॑শন্তু স॒হস্র॑স্য় মা ভূ॒মা মা প্র হা॑সীত্ ॥ 34 ॥
(অ॒গ্নি॒ষ্টো॒মো বি॑শত্ব॒ - ষ্টাদ॑শ চ) (অ. 13)

অ॒গ্নিনা॒ তপো-ঽন্ব॑ভব-দ্বা॒চা ব্রহ্ম॑ ম॒ণিনা॑ রূ॒পাণীন্দ্রে॑ণ দে॒বান্ বাতে॑ন প্রা॒ণান্-থ্সূর্য়ে॑ণ॒ দ্য়া-ঞ্চ॒ন্দ্রম॑সা॒ নক্ষ॑ত্রাণি য॒মেন॑ পি॒তৄ-ন্রাজ্ঞা॑ মনু॒ষ্য়া᳚-ন্ফ॒লেন॑ নাদে॒য়ান॑জগ॒রেণ॑ স॒র্পান্ ব্য়া॒ঘ্রেণা॑-ঽঽর॒ণ্য়া-ন্প॒শূঞ্ছ্য়ে॒নেন॑ পত॒ত্রিণো॒ বৃষ্ণা-ঽশ্বা॑নৃষ॒ভেণ॒ গা ব॒স্তেনা॒জা বৃ॒ষ্ণিনা-ঽবী᳚র্ব্রী॒হিণা-ঽন্না॑নি॒ যবে॒নৌষ॑ধীর্ন্য়॒গ্রোধে॑ন॒ বন॒স্পতী॑নুদু॒বংরে॒ণোর্জ॑-ঙ্গাযত্রি॒য়া ছন্দাগ্​ম্॑সি ত্রি॒বৃতা॒ স্তোমা᳚-ন্ব্রাহ্ম॒ণেন॒ বাচ᳚ম্ ॥ 35 ॥
(ব্রা॒হ্ম॒ণেনৈ - ক॑-ঞ্চ) (অ. 14)

স্বাহা॒-ঽঽধিমাধী॑তায়॒ স্বাহা॒ স্বাহা-ঽঽধী॑ত॒-ম্মন॑সে॒ স্বাহা॒ স্বাহা॒ মনঃ॑ প্র॒জাপ॑তয়ে॒ স্বাহা॒ কায়॒ স্বাহা॒ কস্মৈ॒ স্বাহা॑ কত॒মস্মৈ॒ স্বাহা ঽদি॑ত্য়ৈ॒ স্বাহা ঽদি॑ত্য়ৈ ম॒হ্য়ৈ᳚ স্বাহা-ঽদি॑ত্য়ৈ সুমৃডী॒কায়ৈ॒ স্বাহা॒ সর॑স্বত্য়ৈ॒ স্বাহা॒ সর॑স্বত্য়ৈ বৃহ॒ত্য়ৈ᳚ স্বাহা॒ সর॑স্বত্য়ৈ পাব॒কায়ৈ॒ স্বাহা॑ পূ॒ষ্ণে স্বাহা॑ পূ॒ষ্ণে প্র॑প॒থ্য়া॑য়॒ স্বাহা॑ পূ॒ষ্ণে ন॒রন্ধি॑ষায়॒ স্বাহা॒ ত্বষ্ট্রে॒ স্বাহা॒ ত্বষ্ট্রে॑ তু॒রীপা॑য়॒ স্বাহা॒ ত্বষ্ট্রে॑ পুরু॒রূপা॑য়॒ স্বাহা॒ বিষ্ণ॑বে॒ স্বাহা॒ বিষ্ণ॑বে নিখুর্য়॒পায়॒ স্বাহা॒ বিষ্ণ॑বে নিভূয়॒পায়॒ স্বাহা॒ সর্ব॑স্মৈ॒ স্বাহা᳚ ॥ 36 ॥
(পু॒রু॒রূপা॑য়॒ স্বাহা॒ - দশ॑ চ) (অ. 15)

দ॒দ্ভ্য়-স্স্বাহা॒ হনূ᳚ভ্য়া॒গ্॒ স্বাহোষ্ঠা᳚ভ্য়া॒গ্॒ স্বাহা॒ মুখা॑য়॒ স্বাহা॒ নাসি॑কাভ্য়া॒গ্॒ স্বাহা॒ ঽক্ষীভ্য়া॒গ্॒ স্বাহা॒ কর্ণা᳚ভ্য়া॒গ্॒ স্বাহা॑ পা॒র ই॒ক্ষবো॑-ঽবা॒র্য়ে᳚ভ্য়ঃ॒ পক্ষ্ম॑ভ্য়॒-স্স্বাহা॑ ঽবা॒র ই॒ক্ষবঃ॑ পা॒র্য়ে᳚ভ্য়ঃ॒ পক্ষ্ম॑ভ্য়॒-স্স্বাহা॑ শী॒র্​ষ্ণে স্বাহা᳚ ভ্রূ॒ভ্য়াগ্​ স্বাহা॑ ল॒লাটা॑য়॒ স্বাহা॑ মূ॒র্ধ্নে স্বাহা॑ ম॒স্তিষ্কা॑য়॒ স্বাহা॒ কেশে᳚ভ্য়॒-স্স্বাহা॒ বহা॑য়॒ স্বাহা᳚ গ্রী॒বাভ্য়॒-স্স্বাহা᳚ স্ক॒ন্ধেভ্য়॒-স্স্বাহা॒ কীক॑সাভ্য়॒-স্স্বাহা॑ পৃ॒ষ্টীভ্য়॒-স্স্বাহা॑ পাজ॒স্য়া॑য়॒ স্বাহা॑ পা॒র্​শ্বাভ্য়া॒গ্॒ স্বাহা- [ ] 37

-ঽগ্​ম্সা᳚ভ্য়া॒গ্॒ স্বাহা॑ দো॒ষভ্য়া॒গ্॒ স্বাহা॑ বা॒হুভ্য়া॒গ্॒ স্বাহা॒ জঙ্ঘা᳚ভ্য়া॒গ্॒ স্বাহা॒ শ্রোণী᳚ভ্য়া॒গ্॒ স্বাহো॒রুভ্য়া॒গ্॒ স্বাহা᳚ ঽষ্ঠী॒বদ্ভ্য়া॒গ্॒ স্বাহা॒ জঙ্ঘা᳚ভ্য়া॒গ্॒ স্বাহা॑ ভ॒সদে॒ স্বাহা॑ শিখ॒ণ্ডেভ্য়॒-স্স্বাহা॑ বাল॒ধানা॑য়॒ স্বাহা॒ ঽঽণ্ডাভ্য়া॒গ্॒ স্বাহা॒ শেপা॑য়॒ স্বাহা॒ রেত॑সে॒ স্বাহা᳚ প্র॒জাভ্য়॒-স্স্বাহা᳚ প্র॒জন॑নায়॒ স্বাহা॑ প॒দ্ভ্য়-স্স্বাহা॑ শ॒ফেভ্য়॒-স্স্বাহা॒ লোম॑ভ্য়॒-স্স্বাহা᳚ ত্ব॒চে স্বাহা॒ লোহি॑তায়॒ স্বাহা॑ মা॒গ্​ম্॒সায়॒ স্বাহা॒ স্নাব॑ভ্য়॒-স্স্বাহা॒ ঽস্থভ্য়॒-স্স্বাহা॑ ম॒জ্জভ্য়॒-স্স্বাহা ঽঙ্গে᳚ভ্য়॒-স্স্বাহা॒ ঽঽত্মনে॒ স্বাহা॒ সর্ব॑স্মৈ॒ স্বাহা᳚ ॥ 38 ॥
(পা॒র্​শ্বাভ্য়া॒গ্॒ স্বাহা॑ - ম॒জ্জভ্য়॒-স্স্বাহা॒ - ষট্ চ॑) (অ. 16)

অ॒ঞ্জ্য়ে॒তায়॒ স্বাহা᳚ ঽঞ্জিস॒ক্থায়॒ স্বাহা॑ শিতি॒পদে॒ স্বাহা॒ শিতি॑ককুদে॒ স্বাহা॑ শিতি॒রন্ধ্রা॑য়॒ স্বাহা॑ শিতিপৃ॒ষ্ঠায়॒ স্বাহা॑ শি॒ত্য়গ্​ম্সা॑য়॒ স্বাহা॑ পুষ্প॒কর্ণা॑য়॒ স্বাহা॑ শি॒ত্য়োষ্ঠা॑য়॒ স্বাহা॑ শিতি॒ভ্রবে॒ স্বাহা॒ শিতি॑ভসদে॒ স্বাহা᳚ শ্বে॒তানূ॑কাশায়॒ স্বাহা॒ ঽঞ্জয়ে॒ স্বাহা॑ ল॒লামা॑য়॒ স্বাহা ঽসি॑তজ্ঞবে॒ স্বাহা॑ কৃষ্ণৈ॒তায়॒ স্বাহা॑ রোহিতৈ॒তায়॒ স্বাহা॑ ঽরুণৈ॒তায়॒ স্বাহে॒দৃশা॑য়॒ স্বাহা॑ কী॒দৃশা॑য়॒ স্বাহা॑ তা॒দৃশা॑য়॒ স্বাহা॑ স॒দৃশা॑য়॒ স্বাহা॒ বিস॑দৃশায়॒ স্বাহা॒ সুস॑দৃশায়॒ স্বাহা॑ রূ॒পায়॒ স্বাহা॒ সর্ব॑স্মৈ॒ স্বাহা᳚ ॥ 39 ॥
(রূ॒পায়॒ স্বাহা॒ - দ্বে চ॑ ) (অ. 17)

কৃ॒ষ্ণায়॒ স্বাহা᳚ শ্বে॒তায়॒ স্বাহা॑ পি॒শঙ্গা॑য়॒ স্বাহা॑ সা॒রঙ্গা॑য়॒ স্বাহা॑ ঽরু॒ণায়॒ স্বাহা॑ গৌ॒রায়॒ স্বাহা॑ ব॒ভ্রবে॒ স্বাহা॑ নকু॒লায়॒ স্বাহা॒ রোহি॑তায়॒ স্বাহা॒ শোণা॑য়॒ স্বাহা᳚ শ্য়া॒বায়॒ স্বাহা᳚ শ্য়া॒মায়॒ স্বাহা॑ পাক॒লায়॒ স্বাহা॑ সুরূ॒পায়॒ স্বাহা ঽনু॑রূপায়॒ স্বাহা॒ বিরূ॑পায়॒ স্বাহা॒ সরূ॑পায়॒ স্বাহা॒ প্রতি॑রূপায়॒ স্বাহা॑ শ॒বলা॑য়॒ স্বাহা॑ কম॒লায়॒ স্বাহা॒ পৃশ্ঞ॑য়ে॒ স্বাহা॑ পৃশ্ঞিস॒ক্থায়॒ স্বাহা॒ সর্ব॑স্মৈ॒ স্বাহা᳚ ॥ 40 ॥
(কৃ॒ষ্ণায়॒ - ষট্চ॑ত্বারিগ্​ম্শত্) (অ. 18)

ওষ॑ধীভ্য়॒-স্স্বাহা॒ মূলে᳚ভ্য়॒-স্স্বাহা॒ তূলে᳚ভ্য়॒-স্স্বাহা॒ কাণ্ডে᳚ভ্য়॒-স্স্বাহা॒ বল্​শে᳚ভ্য়॒-স্স্বাহা॒ পুষ্পে᳚ভ্য়॒-স্স্বাহা॒ ফলে᳚ভ্য়॒-স্স্বাহা॑ গৃহী॒তেভ্য়॒-স্স্বাহা ঽগৃ॑হীতেভ্য়॒-স্স্বাহা ঽব॑পন্নেভ্য়॒-স্স্বাহা॒ শয়া॑নেভ্য়॒-স্স্বাহা॒ সর্ব॑স্মৈ॒ স্বাহা᳚ ॥ 41 ॥
(ওষ॑ধীভ্য়॒ - শ্চতু॑র্বিগ্​ম্শতিঃ) (অ. 19)

বন॒স্পতি॑ভ্য়॒-স্স্বাহা॒ মূলে᳚ভ্য়॒-স্স্বাহা॒ তূলে᳚ভ্য়॒-স্স্বাহা॒ স্কন্ধো᳚ভ্য়॒-স্স্বাহা॒ শাখা᳚ভ্য়॒-স্স্বাহা॑ প॒র্ণেভ্য়॒-স্স্বাহা॒ পুষ্পে᳚ভ্য়॒-স্স্বাহা॒ ফলে᳚ভ্য়॒-স্স্বাহা॑ গৃহী॒তেভ্য়॒-স্স্বাহা ঽগৃ॑হীতেভ্য়॒-স্স্বাহা ঽব॑পন্নেভ্য়॒-স্স্বাহা॒ শয়া॑নেভ্য়॒-স্স্বাহা॑ শি॒ষ্টায়॒ স্বাহা ঽতি॑শিষ্টায়॒ স্বাহা॒ পরি॑শিষ্টায়॒ স্বাহা॒ সগ্​ম্শি॑ষ্টায়॒ স্বাহো-চ্ছি॑ষ্টায়॒ স্বাহা॑ রি॒ক্তায়॒ স্বাহা ঽরি॑ক্তায়॒ স্বাহা॒ প্ররি॑ক্তায়॒ স্বাহা॒ সগ্​ম্রি॑ক্তায়॒ স্বাহো -দ্রি॑ক্তায়॒ স্বাহা॒ সর্ব॑স্মৈ॒ স্বাহা᳚ ॥ 42 ॥
(বন॒স্পতি॑ভ্য়ঃ॒ - ষট্ চ॑ত্বারিগ্​ম্শত্) (অ. 20)

(প্র॒জবং॑ - ব্রহ্মবা॒দিনঃ॒ কি - মে॒ষ বা আ॒প্ত - আ॑দি॒ত্য়া উ॒ভয়োঃ᳚ - প্র॒জাপ॑তি॒রন্বা॑য়॒ -ন্নিন্দ্রো॒ বৈ স॒দৃং - মিন্দ্রো॒ বৈ শি॑থি॒লঃ - প্র॒জাপ॑তিরকামযতা ঽন্না॒দঃ - সা বি॒রাড॒ - সাবা॑দি॒ত্য়ো᳚ - ঽর্বাং - ভূ॒ত - মা মে॒ - ঽগ্নিনা॒ -স্বাহা॒-ঽঽধিন্ - দ॒দ্ভ্য়ো᳚-ঽ - ঞ্জ্য়ে॒তায়॑ - কৃ॒ষ্ণা - যৌষ॑ধীভ্য়ো॒ - বন॒স্পতি॑ভ্য়ো - বিগ্​ম্শ॒তিঃ)

(প্র॒জবং॑ - প্র॒জাপ॑তি॒ - র্যদ॑ছন্দো॒মং - তে॑ হুবে সবা॒-ঽহ - মোষ॑ধীভ্য়ো॒ - দ্বিচ॑ত্বারিগ্​ম্শত্)

(প্র॒জব॒গ্​ম্॒, সর্ব॑স্মৈ॒ স্বাহা᳚)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়াং সপ্তমকাণ্ডে তৃতীয়ঃ প্রশ্ন-স্সমাপ্তঃ ॥