কৃষ্ণ যজুর্বেদীয় তৈত্তিরীয় সংহিতায়াং ষষ্ঠকাণ্ডে ষষ্ঠঃ প্রশ্নঃ - সোমমন্ত্রব্রাহ্মণনিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

সু॒ব॒র্গায়॒ বা এ॒তানি॑ লো॒কায়॑ হূযন্তে॒ য-দ্দা᳚ক্ষি॒ণানি॒ দ্বাভ্য়া॒-ঙ্গার্​হ॑পত্য়ে জুহোতি দ্বি॒পা-দ্যজ॑মানঃ॒ প্রতি॑ষ্ঠিত্য়া॒ আগ্নী᳚দ্ধ্রে জুহোত্য়॒ন্তরি॑ক্ষ এ॒বা-ঽঽক্র॑মতে॒ সদো॒-ঽভ্য়ৈতি॑ সুব॒র্গমে॒বৈনং॑-লোঁ॒ক-ঙ্গ॑মযতি সৌ॒রীভ্য়া॑মৃ॒গ্ভ্য়া-ঙ্গার্​হ॑পত্য়ে জুহোত্য়॒মুমে॒বৈনং॑-লোঁ॒কগ্​ম্ স॒মারো॑হযতি॒ নয়॑বত্য়॒র্চা-ঽঽগ্নী᳚দ্ধ্রে জুহোতি সুব॒র্গস্য়॑ লো॒কস্য়া॒ভিনী᳚ত্য়ৈ॒ দিব॑-ঙ্গচ্ছ॒ সুবঃ॑ প॒তেতি॒ হির॑ণ্য়গ্​ম্ [হির॑ণ্যম্, হু॒ত্বো-দ্গৃ॑হ্ণাতি] 1

হু॒ত্বো-দ্গৃ॑হ্ণাতি সুব॒র্গমে॒বৈনং॑-লোঁ॒ক-ঙ্গ॑মযতি রূ॒পেণ॑ বো রূ॒পম॒ভ্য়ৈমীত্য়া॑হ রূ॒পেণ॒ হ্য়া॑সাগ্​ম্ রূ॒পম॒ভ্য়ৈতি॒ যদ্ধির॑ণ্য়েন তু॒থো বো॑ বি॒শ্ববে॑দা॒ বি ভ॑জ॒ত্বিত্য়া॑হ তু॒থো হ॑ স্ম॒ বৈ বি॒শ্ববে॑দা দে॒বানা॒-ন্দক্ষি॑ণা॒ বি ভ॑জতি॒ তেনৈ॒বৈনা॒ বি ভ॑জত্য়ে॒ ত-ত্তে॑ অগ্নে॒ রাধ॒ [অগ্নে॒ রাধঃ॑, ঐতি॒ সোম॑চ্য়ুত॒-] 2

ঐতি॒ সোম॑চ্য়ুত॒-মিত্য়া॑হ॒ সোম॑চ্য়ুত॒গ্গ্॒ হ্য়॑স্য়॒ রাধ॒ ঐতি॒ তন্মি॒ত্রস্য়॑ প॒থা ন॒য়েত্য়া॑হ॒ শান্ত্য়া॑ ঋ॒তস্য়॑ প॒থা প্রেত॑ চ॒ন্দ্র দ॑ক্ষিণা॒ ইত্য়া॑হ স॒ত্য়ং-বাঁ ঋ॒তগ্​ম্ স॒ত্য়েনৈ॒বৈনা॑ ঋ॒তেন॒ বি ভ॑জতি য॒জ্ঞস্য়॑ প॒থা সু॑বি॒তা নয়॑ন্তী॒রিত্য়া॑হ য॒জ্ঞস্য়॒ হ্য়ে॑তাঃ প॒থা যন্তি॒ য-দ্দক্ষি॑ণা ব্রাহ্ম॒ণম॒দ্য় রা᳚দ্ধ্য়াস॒- [রা᳚দ্ধ্য়াসম্, ঋষি॑মার্​ষে॒য়-] 3

-মৃষি॑মার্​ষে॒য়-মিত্য়া॑হৈ॒ষ বৈ ব্রা᳚হ্ম॒ণ ঋষি॑রার্​ষে॒য়ো য-শ্শু॑শ্রু॒বা-ন্তস্মা॑দে॒বমা॑হ॒ বি সুবঃ॒ পশ্য়॒ ব্য়॑ন্তরি॑ক্ষ॒মিত্য়া॑হ সুব॒র্গমে॒বৈনং॑-লোঁ॒ক-ঙ্গ॑মযতি॒ যত॑স্ব সদ॒স্য়ৈ॑রিত্য়া॑হ মিত্র॒ত্বায়া॒স্মদ্দা᳚ত্রা দেব॒ত্রা গ॑চ্ছত॒ মধু॑মতীঃ প্রদা॒তার॒মা বি॑শ॒তেত্য়া॑হ ব॒যমি॒হ প্র॑দা॒তার॒-স্স্মো᳚-ঽস্মান॒মুত্র॒ মধু॑মতী॒রা বি॑শ॒তেতি॒ [বি॑শ॒তেতি॑, বাবৈতদা॑হ॒] 4

বাবৈতদা॑হ॒ হির॑ণ্য়-ন্দদাতি॒ জ্য়োতি॒র্বৈ হির॑ণ্য়॒-ঞ্জ্য়োতি॑রে॒ব পু॒রস্তা᳚দ্ধত্তে সুব॒র্গস্য়॑ লো॒কস্য়ানু॑খ্য়াত্য়া অ॒গ্নীধে॑ দদাত্য়॒গ্নিমু॑খানে॒বর্তূ-ন্প্রী॑ণাতি ব্র॒হ্মণে॑ দদাতি॒ প্রসূ᳚ত্য়ৈ॒ হোত্রে॑ দদাত্য়া॒ত্মা বা এ॒ষ য॒জ্ঞস্য়॒ যদ্ধোতা॒-ঽঽত্মান॑মে॒ব য॒জ্ঞস্য়॒ দক্ষি॑ণাভি॒-স্সম॑র্ধযতি ॥ 5 ॥
(হির॑ণ্য়॒গ্​ম্॒ - রাধো॑ - রাধ্য়াস - ম॒মুত্র॒ মধু॑মতী॒রা বি॑শ॒তেত্য়॒ - ষ্টাত্রিগ্​ম্॑শচ্চ) (অ. 1)

স॒মি॒ষ্ট॒ য॒জূগ্​ম্ষি॑ জুহোতি য॒জ্ঞস্য়॒ সমি॑ষ্ট্য়ৈ॒ যদ্বৈ য॒জ্ঞস্য়॑ ক্রূ॒রং-য়ঁ-দ্বিলি॑ষ্টং॒-য়ঁদ॒ত্য়েতি॒ যন্নাত্য়েতি॒ যদ॑তিক॒রোতি॒ যন্নাপি॑ ক॒রোতি॒ তদে॒ব তৈঃ প্রী॑ণাতি॒ নব॑ জুহোতি॒ নব॒ বৈ পুরু॑ষে প্রা॒ণাঃ পুরু॑ষেণ য॒জ্ঞ-স্সম্মি॑তো॒ যাবা॑নে॒ব য॒জ্ঞস্ত-ম্প্রী॑ণাতি॒ ষ-ডৃগ্মি॑য়াণি জুহোতি॒ ষড্বা ঋ॒তব॑ ঋ॒তূনে॒ব প্রী॑ণাতি॒ ত্রীণি॒ যজূগ্​ম্॑ষি॒ [যজূগ্​ম্॑ষি, ত্রয়॑ ই॒মে লো॒কা] 6

ত্রয়॑ ই॒মে লো॒কা ই॒মানে॒ব লো॒কা-ন্প্রী॑ণাতি॒ যজ্ঞ॑ য॒জ্ঞ-ঙ্গ॑চ্ছ য॒জ্ঞপ॑তি-ঙ্গ॒চ্ছেত্য়া॑হ য॒জ্ঞপ॑তিমে॒বৈন॑-ঙ্গমযতি॒ স্বাং-য়োঁনি॑-ঙ্গ॒চ্ছেত্য়া॑হ॒ স্বামে॒বৈনং॒-য়োঁনি॑-ঙ্গমযত্য়ে॒ষ তে॑ য॒জ্ঞো য॑জ্ঞপতে স॒হসূ᳚ক্তবাক-স্সু॒বীর॒ ইত্য়া॑হ॒ যজ॑মান এ॒ব বী॒র্য়॑-ন্দধাতি বাসি॒ষ্ঠো হ॑ সাত্যহ॒ব্য়ো দে॑বভা॒গ-ম্প॑প্রচ্ছ॒ য-থ্সৃঞ্জ॑য়া-ন্বহুয়া॒জিনো-ঽয়ী॑যজো য॒জ্ঞে [ ] 7

য॒জ্ঞ-ম্প্রত্য়॑তিষ্ঠি॒পা(3) য॒জ্ঞপ॒তা(3)বিতি॒ স হো॑বাচ য॒জ্ঞপ॑তা॒বিতি॑ স॒ত্য়াদ্বৈ সৃঞ্জ॑য়াঃ॒ পরা॑ বভূবু॒রিতি॑ হোবাচ য॒জ্ঞে বাব য॒জ্ঞঃ প্র॑তি॒ষ্ঠাপ্য়॑ আসী॒-দ্যজ॑মান॒স্য়া-ঽপ॑রাভাবা॒য়েতি॒ দেবা॑ গাতুবিদো গা॒তুং-বিঁ॒ত্ত্বা গা॒তু -মি॒তেত্য়া॑হ য॒জ্ঞ এ॒ব য॒জ্ঞ-ম্প্রতি॑ ষ্ঠাপযতি॒ যজ॑মান॒স্য়া-ঽপ॑রাভাবায় ॥ 8 ॥
(যজূগ্​ম্॑ষি - য॒জ্ঞ - এক॑চত্বারিগ্​ম্শচ্চ) (অ. 2)

অ॒ব॒ভৃ॒থ॒-য়॒জূগ্​ম্ষি॑ জুহোতি॒ যদে॒বার্বা॒চীন॒-মেক॑হাযনা॒দেনঃ॑ ক॒রোতি॒ তদে॒ব তৈরব॑ যজতে॒ ঽপো॑-ঽবভৃ॒থ-মবৈ᳚ত্য়॒ফ্সু বৈ বরু॑ণ-স্সা॒ক্ষাদে॒ব বরু॑ণ॒মব॑ যজতে॒ বর্ত্ম॑না॒ বা অ॒ন্বিত্য়॑ য॒জ্ঞগ্​ম্ রক্ষাগ্​ম্॑সি জিঘাগ্​ম্সন্তি॒ সাম্না᳚ প্রস্তো॒তা-ঽন্ববৈ॑তি॒ সাম॒ বৈ র॑ক্ষো॒হা রক্ষ॑সা॒মপ॑হত্য়ৈ॒ ত্রির্নি॒ধন॒মুপৈ॑তি॒ ত্রয়॑ ই॒মে লো॒কা এ॒ভ্য় এ॒ব লো॒কেভ্য়ো॒ রক্ষা॒গ্॒- [লো॒কেভ্য়ো॒ রক্ষাগ্​ম্॑সি, অপ॑ হন্তি॒] 9

-স্যপ॑ হন্তি॒ পুরু॑ষঃপুরুষো নি॒ধন॒মুপৈ॑তি॒ পুরু॑ষঃপুরুষো॒ হি র॑ক্ষ॒স্বী রক্ষ॑সা॒মপ॑হত্য়া উ॒রুগ্​ম্ হি রাজা॒ বরু॑ণশ্চ॒কারেত্য়া॑হ॒ প্রতি॑ষ্ঠিত্য়ৈ শ॒ত-ন্তে॑ রাজ-ন্ভি॒ষজ॑-স্স॒হস্র॒মিত্য়া॑হ ভেষ॒জমে॒বাস্মৈ॑ করোত্য়॒ভিষ্ঠি॑তো॒ বরু॑ণস্য়॒ পাশ॒ ইত্য়া॑হ বরুণপা॒শমে॒বাভি তি॑ষ্ঠতি ব॒র্॒হির॒ভি জু॑হো॒ত্য়াহু॑তীনা॒-ম্প্রতি॑ষ্ঠিত্য়া॒ অথো॑ অগ্নি॒বত্য়ে॒ব জু॑হো॒ত্যপ॑ বর্​হিষঃ প্রয়া॒জান্ [প্রয়া॒জান্, য॒জ॒তি॒ প্র॒জা বৈ] 10

য॑জতি প্র॒জা বৈ ব॒র্॒হিঃ প্র॒জা এ॒ব ব॑রুণপা॒শা-ন্মু॑ঞ্চ॒ত্য়াজ্য়॑ভাগৌ যজতি য॒জ্ঞস্য়ৈ॒ব চক্ষু॑ষী॒ নান্তরে॑তি॒ বরু॑ণং-য়ঁজতি বরুণপা॒শাদে॒বৈন॑-ম্মুঞ্চত্য়॒গ্নীবরু॑ণৌ যজতি সা॒ক্ষাদে॒বৈনং॑-বঁরুণপা॒শা-ন্মু॑ঞ্চ॒ত্য়-প॑বর্​হিষাবনূয়া॒জৌ য॑জতি প্র॒জা বৈ ব॒র্॒হিঃ প্র॒জা এ॒ব ব॑রুণপা॒শা-ন্মু॑ঞ্চতি চ॒তুরঃ॑ প্রয়া॒জান্. য॑জতি॒ দ্বাব॑নূয়া॒জৌ ষট্-থ্সম্প॑দ্যন্তে॒ ষড্বা ঋ॒তব॑ [ষড্বা ঋ॒তবঃ॑, ঋ॒তুষ্বে॒ব প্রতি॑] 11

ঋ॒তুষ্বে॒ব প্রতি॑ তিষ্ঠ॒-ত্যব॑ভৃথ-নিচঙ্কু॒ণেত্য়া॑হ যথোদি॒তমে॒ব বরু॑ণ॒মব॑ যজতে সমু॒দ্রে তে॒ হৃদ॑য়-ম॒ফ্স্ব॑ন্তরিত্য়া॑হ সমু॒দ্রে হ্য়॑ন্তর্বরু॑ণ॒-স্স-ন্ত্বা॑ বিশ॒-ন্ত্বোষ॑ধী-রু॒তা-ঽঽপ॒ ইত্য়া॑হা॒দ্ভি-রে॒বৈন॒মোষ॑ধীভি-স্স॒ম্যঞ্চ॑-ন্দধাতি॒ দেবী॑রাপ এ॒ষ বো॒ গর্ভ॒ ইত্য়া॑হ যথায়॒জুরে॒বৈত-ত্প॒শবো॒ বৈ [ ] 12

সোমো॒ য-দ্ভি॑ন্দূ॒না-ম্ভ॒ক্ষয়ে᳚-ত্পশু॒মান্-থ্স্য়া॒-দ্বরু॑ণ॒-স্ত্বে॑ন-ঙ্গৃহ্ণীয়া॒দ্যন্ন ভ॒ক্ষয়ে॑দপ॒শু-স্স্য়া॒ন্নৈনং॒-বঁরু॑ণো গৃহ্ণীয়া-দুপ॒স্পৃশ্য়॑মে॒ব প॑শু॒মা-ন্ভ॑বতি॒ নৈনং॒-বঁরু॑ণো গৃহ্ণাতি॒ প্রতি॑য়ুতো॒ বরু॑ণস্য়॒ পাশ॒ ইত্য়া॑হ বরুণপা॒শাদে॒ব নির্মু॑চ্য়॒তে ঽপ্র॑তীক্ষ॒মা য॑ন্তি॒ বরু॑ণস্য়া॒ন্তর্​হি॑ত্য়া॒ এধো᳚-ঽস্য়েধিষী॒মহী-ত্য়া॑হ স॒মিধৈ॒বাগ্নি-ন্ন॑ম॒স্যন্ত॑ উ॒পায়॑ন্তি॒ তেজো॑-ঽসি॒ তেজো॒ ময়ি॑ ধে॒হীত্য়া॑হ॒ তেজ॑ এ॒বা-ঽঽত্ম-ন্ধ॑ত্তে ॥ 13 ॥
(রক্ষাগ্​ম্॑সি - প্রয়া॒জা - নৃ॒তবো॒ - বৈ - ন॑ম॒স্যন্তো॒ - দ্বাদ॑শ চ) (অ. 3)

স্ফ্য়েন॒ বেদি॒মুদ্ধ॑ন্তি রথা॒ক্ষেণ॒ বি মি॑মীতে॒ যূপ॑-ম্মিনোতি ত্রি॒বৃত॑মে॒ব বজ্রগ্​ম্॑ স॒ভৃন্ত্য়॒ ভ্রাতৃ॑ব্য়ায়॒ প্র হ॑রতি॒ স্তৃত্য়ৈ॒ যদ॑ন্তর্বে॒দি মি॑নু॒য়া-দ্দে॑বলো॒কম॒ভি জ॑য়ে॒-দ্য়-দ্ব॑হির্বে॒দি ম॑নুষ্য় লো॒কং ঁবে᳚দ্য়॒ন্তস্য়॑ স॒ন্ধৌ মি॑নোত্য়ু॒ভয়ো᳚-র্লো॒কয়ো॑-র॒ভিজি॑ত্য়া॒ উপ॑রসম্মিতা-ম্মিনুয়া-ত্পিতৃলো॒ককা॑মস্য় রশ॒নস॑মিন্তা-ম্মনুষ্যলো॒ককা॑মস্য় চ॒ষাল॑-সম্মিতামিন্দ্রি॒য় কা॑মস্য়॒ সর্বা᳚ন্-থ্স॒মা-ন্প্র॑তি॒ষ্ঠাকা॑মস্য়॒ যে ত্রয়ো॑ মদ্ধ্য়॒মাস্তান্-থ্স॒মা-ন্প॒শুকা॑মস্য়ৈ॒তান্. বা [বৈ, অনু॑] 14

অনু॑ প॒শব॒ উপ॑ তিষ্ঠন্তে পশু॒মানে॒ব ভ॑বতি॒ ব্যতি॑ষজে॒দিত॑রা-ন্প্র॒জয়ৈ॒বৈন॑-ম্প॒শুভি॒র্ব্যতি॑ষজতি॒ য-ঙ্কা॒ময়ে॑ত প্র॒মায়ু॑ক-স্স্য়া॒দিতি॑ গর্ত॒মিত॒-ন্তস্য়॑ মিনুয়াদুত্তরা॒র্ধ্য়ং॑-বঁর্​ষি॑ষ্ঠ॒মথ॒ হ্রসী॑য়াগ্​ম্সমে॒ষা বৈ গ॑র্ত॒মিদ্যস্য়ৈ॒ব-ম্মি॒নোতি॑ তা॒জ-ক্প্র মী॑যতে দক্ষিণা॒র্ধ্য়ং॑-বঁর্​ষি॑ষ্ঠ-ম্মিনুয়া-থ্সুব॒র্গকা॑ম॒স্য়াথ॒ হ্রসী॑য়াগ্​ম্স-মা॒ক্রম॑ণমে॒ব ত-থ্সেতুং॒-য়ঁজ॑মানঃ কুরুতে সুব॒র্গস্য়॑ লো॒কস্য়॒ সম॑ষ্ট্য়ৈ॒ [সম॑ষ্ট্য়ৈ, যদেক॑স্মি॒ন্॒.] 15

যদেক॑স্মি॒ন্॒. যূপে॒ দ্বে র॑শ॒নে প॑রি॒ব্যয়॑তি॒ তস্মা॒দেকো॒ দ্বে জা॒য়ে বি॑ন্দতে॒ যন্নৈকাগ্​ম্॑ রশ॒না-ন্দ্বয়ো॒র্য়ূপ॑য়োঃ পরি॒ব্যয়॑তি॒ তস্মা॒ন্নৈকা॒ দ্বৌ পতী॑ বিন্দতে॒ য-ঙ্কা॒ময়ে॑ত॒ স্ত্র্য়॑স্য় জায়ে॒তেত্য়ু॑পা॒ন্তে তস্য়॒ ব্যতি॑ষজে॒-থ্স্ত্র্য়ে॑বাস্য়॑ জাযতে॒ য-ঙ্কা॒ময়ে॑ত॒ পুমা॑নস্য় জায়ে॒তেত্য়া॒ন্ত-ন্তস্য়॒ প্র বে᳚ষ্টয়ে॒-ত্পুমা॑নে॒বাস্য়॑ [বে᳚ষ্টয়ে॒-ত্পুমা॑নে॒বাস্য়॑, জা॒য়॒তে ঽসু॑রা॒] 16

জায়॒তে ঽসু॑রা॒ বৈ দে॒বা-ন্দ॑ক্ষিণ॒ত উপা॑নয়॒-ন্তা-ন্দে॒বা উ॑পশ॒য়েনৈ॒বাপা॑-নুদন্ত॒ ত-দু॑পশ॒যস্য়ো॑-পশয়॒ত্বং-য়ঁ-দ্দ॑ক্ষিণ॒ত উ॑পশ॒য় উ॑প॒শয়ে॒ ভ্রাতৃ॑ব্য়াপনুত্ত্য়ৈ॒ সর্বে॒ বা অ॒ন্য়ে যূপাঃ᳚ পশু॒মন্তো-ঽথো॑পশ॒য় এ॒বাপ॒শুস্তস্য়॒ যজ॑মানঃ প॒শুর্যন্ন নি॑র্দি॒শেদার্তি॒-মার্চ্ছে॒-দ্যজ॑মানো॒-ঽসৌ তে॑ প॒শুরিতি॒ নির্দি॑শে॒দ্য়-ন্দ্বি॒ষ্য়া-দ্যমে॒ব [ ] 17

দ্বেষ্টি॒ তম॑স্মৈ প॒শু-ন্নির্দি॑শতি॒ যদি॒ ন দ্বি॒ষ্য়াদা॒খুস্তে॑ প॒শুরিতি॑ ব্রূয়া॒ন্ন গ্রা॒ম্য়া-ন্প॒শূন্. হি॒নস্তি॒ না-ঽঽর॒ণ্য়া-ন্প্র॒জাপ॑তিঃ প্র॒জা অ॑সৃজত॒ সো᳚-ঽন্নাদ্য়ে॑ন॒ ব্য়া᳚র্ধ্যত॒ স এ॒তামে॑কাদ॒শিনী॑-মপশ্য়॒-ত্তয়া॒ বৈ সো᳚-ঽন্নাদ্য়॒মবা॑রুন্ধ॒ যদ্দশ॒ যূপা॒ ভব॑ন্তি॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজৈ॒বা-ন্নাদ্য়॒মব॑ রুন্ধে॒ [রুন্ধে, য] 18

য এ॑কাদ॒শ-স্স্তন॑ এ॒বাস্য়ৈ॒ স দু॒হ এ॒বৈনা॒-ন্তেন॒ বজ্রো॒ বা এ॒ষা স-ম্মী॑যতে॒ যদে॑কাদ॒শিনী॒ সেশ্ব॒রা পু॒রস্তা᳚-ত্প্র॒ত্যঞ্চং॑-য়ঁ॒জ্ঞগ্​ম্ সম্ম॑র্দিতো॒র্য়-ত্পা᳚ত্নীব॒ত-ম্মি॒নোতি॑ য॒জ্ঞস্য়॒ প্রত্য়ুত্ত॑ব্ধ্য়ৈ সয়॒ত্বায়॑ ॥ 19 ॥
(বৈ - সম॑ষ্ট্য়ৈ॒ - পুমা॑নে॒বাস্য়॒ - যমে॒ব - রু॑ন্ধে - ত্রি॒গ্​ম্॒শচ্চ॑) (অ. 4)

প্র॒জাপ॑তিঃ প্র॒জা অ॑সৃজত॒ স রি॑রিচা॒নো॑-ঽমন্যত॒ স এ॒তামে॑কাদ॒শিনী॑-মপশ্য়॒-ত্তয়া॒ বৈ স আয়ু॑রিন্দ্রি॒য়ং-বীঁ॒র্য়॑মা॒ত্মন্ন॑ধত্ত প্র॒জা ই॑ব॒ খলু॒ বা এ॒ষ সৃ॑জতে॒ যো যজ॑তে॒ স এ॒তর্​হি॑ রিরিচা॒ন ই॑ব॒ যদে॒ষৈকা॑দ॒শিনী॒ ভব॒ত্য়ায়ু॑রে॒ব তয়ে᳚ন্দ্রি॒য়ং-বীঁ॒র্য়ং॑-য়ঁজ॑মান আ॒ত্ম-ন্ধ॑ত্তে॒ প্রৈবা-ঽঽগ্নে॒য়েন॑ বাপযতি মিথু॒নগ্​ম্ সা॑রস্ব॒ত্য়া ক॑রোতি॒ রেত॑- [রেতঃ॑, সৌ॒ম্য়েন॑ দধাতি॒] 20

-স্সৌ॒ম্য়েন॑ দধাতি॒ প্র জ॑নযতি পৌ॒ষ্ণেন॑ বার্​হস্প॒ত্য়ো ভ॑বতি॒ ব্রহ্ম॒ বৈ দে॒বানা॒-ম্বৃহ॒স্পতি॒র্ব্রহ্ম॑ণৈ॒বাস্মৈ᳚ প্র॒জাঃ প্রজ॑নযতি বৈশ্বদে॒বো ভ॑বতি বৈশ্বদে॒ব্য়ো॑ বৈ প্র॒জাঃ প্র॒জা এ॒বাস্মৈ॒ প্রজ॑নযতী-ন্দ্রি॒যমে॒বৈন্দ্রেণাব॑ রুন্ধে॒ বিশ॑-ম্মারু॒তেনৌজো॒ বল॑মৈন্দ্রা॒গ্নেন॑ প্রস॒বায়॑ সাবি॒ত্রো নি॑র্বরুণ॒ত্বায়॑ বারু॒ণো ম॑দ্ধ্য়॒ত ঐ॒ন্দ্রমা ল॑ভতে মদ্ধ্য়॒ত এ॒বেন্দ্রি॒য়ং-য়ঁজ॑মানে দধাতি [ ] 21

পু॒রস্তা॑দৈ॒ন্দ্রস্য়॑ বৈশ্বদে॒বমা ল॑ভতে বৈশ্বদে॒বং-বাঁ অন্ন॒মন্ন॑মে॒ব পু॒রস্তা᳚দ্ধত্তে॒ তস্মা᳚-ত্পু॒রস্তা॒দন্ন॑মদ্যত ঐ॒ন্দ্রমা॒লভ্য়॑ মারু॒তমা ল॑ভতে॒ বি-ড্বৈ ম॒রুতো॒ বিশ॑মে॒বাস্মা॒ অনু॑ বদ্ধ্নাতি॒ যদি॑ কা॒ময়ে॑ত॒ যো-ঽব॑গত॒-স্সো-ঽপ॑ রুদ্ধ্যতাং॒-য়োঁ-ঽপ॑রুদ্ধ॒-স্সো-ঽব॑ গচ্ছ॒ত্বিত্য়ৈ॒ন্দ্রস্য়॑ লো॒কে বা॑রু॒ণমা ল॑ভেত বারু॒ণস্য়॑ লো॒ক ঐ॒ন্দ্রং- [লো॒ক ঐ॒ন্দ্রম্, য এ॒বাব॑গত॒-স্সো-ঽপ॑] 22

-ঁয় এ॒বাব॑গত॒-স্সো-ঽপ॑ রুদ্ধ্যতে॒ যো-ঽপ॑রুদ্ধ॒-স্সো-ঽব॑ গচ্ছতি॒ যদি॑ কা॒ময়ে॑ত প্র॒জা মু॑হ্য়েয়ু॒রিতি॑ প॒শূন্ ব্যতি॑ষজে-ত্প্র॒জা এ॒ব মো॑হযতি॒ যদ॑ভিবাহ॒তো॑-ঽপাং-বাঁ॑রু॒ণমা॒লভে॑ত প্র॒জা বরু॑ণো গৃহ্ণীয়া-দ্দক্ষিণ॒ত উদ॑ঞ্চ॒মা ল॑ভতে-ঽপবাহ॒তো॑-ঽপা-ম্প্র॒জানা॒-মব॑রুণ গ্রাহায় ॥ 23 ॥
(রেতো॒ - যজ॑মানে দধাতি - লো॒ক ঐ॒ন্দ্রগ্​ম্ - স॒প্তত্রিগ্​ম্॑শচ্চ) (অ. 5)

ইন্দ্রঃ॒ পত্নি॑য়া॒ মনু॑ময়াজয়॒-ত্তা-ম্পর্য়॑গ্নিকৃতা॒-মুদ॑সৃজ॒-ত্তয়া॒ মনু॑রার্ধ্নো॒দ্য়-ত্পর্য়॑গ্নিকৃত-ম্পাত্নীব॒তমু॑-থ্সৃ॒জতি॒ যামে॒ব মনু॒র্॒. ঋদ্ধি॒মার্ধ্নো॒-ত্তামে॒ব যজ॑মান ঋধ্নোতি য॒জ্ঞস্য়॒ বা অপ্র॑তিষ্ঠিতা-দ্য়॒জ্ঞঃ পরা॑ ভবতি য॒জ্ঞ-ম্প॑রা॒ভব॑ন্তং॒-য়ঁজ॑মা॒নো-ঽনু॒ পরা॑ ভবতি॒ যদাজ্য়ে॑ন পাত্নীব॒তগ্​ম্ সগ্গ্॑স্থা॒পয়॑তি য॒জ্ঞস্য়॒ প্রতি॑ষ্ঠিত্য়ৈ য॒জ্ঞ-ম্প্র॑তি॒তিষ্ঠ॑ন্তং॒-য়ঁজ॑মা॒নো-ঽনু॒ প্রতি॑ তিষ্ঠতী॒ষ্টং-বঁ॒পয়া॒ [-ঁব॒পয়া᳚, ভব॒ত্যনি॑ষ্টং-বঁ॒শয়া-ঽথ॑] 24

ভব॒ত্যনি॑ষ্টং-বঁ॒শয়া-ঽথ॑ পাত্নীব॒তেন॒ প্র চ॑রতি তী॒র্থ এ॒ব প্র চ॑র॒ত্যথো॑ এ॒তর্​হ্য়ে॒বাস্য়॒ যাম॑স্ত্বা॒ষ্ট্রো ভ॑বতি॒ ত্বষ্টা॒ বৈ রেত॑স-স্সি॒ক্তস্য়॑ রূ॒পাণি॒ বি ক॑রোতি॒ তমে॒ব বৃষা॑ণ॒-ম্পত্নী॒ষ্বপি॑ সৃজতি॒ সো᳚-ঽস্মৈ রূ॒পাণি॒ বি ক॑রোতি ॥ 25 ॥
(ব॒পয়া॒ - ষট্ত্রিগ্​ম্॑শচ্চ) (অ. 6)

ঘ্নন্তি॒ বা এ॒ত-থ্সোমং॒-য়ঁদ॑ভিষু॒ণ্বন্তি॒ য-থ্সৌ॒ম্য়ো ভব॑তি॒ যথা॑ মৃ॒তায়া॑নু॒স্তর॑ণী॒-ঙ্ঘ্নন্তি॑ তা॒দৃগে॒ব ত-দ্যদু॑ত্তরা॒র্ধে বা॒ মদ্ধ্য়ে॑ বা জুহু॒য়া-দ্দে॒বতা᳚ভ্য়-স্স॒মদ॑-ন্দদ্ধ্য়া-দ্দক্ষিণা॒র্ধে জু॑হোত্য়ে॒ষা বৈ পি॑তৃ॒ণা-ন্দি-খ্স্বায়া॑মে॒ব দি॒শি পি॒তৄ-ন্নি॒রব॑দযত উদ্গা॒তৃভ্য়ো॑ হরন্তি সামদেব॒ত্য়ো॑ বৈ সৌ॒ম্য়ো যদে॒ব সাম্ন॑-শ্ছম্বট্কু॒র্বন্তি॒ তস্য়ৈ॒ব স শান্তি॒রবে᳚- [শান্তি॒রব॑, ঈ॒ক্ষ॒ন্তে॒ প॒বিত্রং॒-বৈঁ] 26

-ক্ষন্তে প॒বিত্রং॒-বৈঁ সৌ॒ম্য় আ॒ত্মান॑মে॒ব প॑বযন্তে॒ য আ॒ত্মান॒-ন্ন প॑রি॒পশ্য়ে॑দি॒তাসু॑-স্স্য়াদভিদ॒দি-ঙ্কৃ॒ত্বা-ঽবে᳚ক্ষেত॒ তস্মি॒ন্॒. হ্য়া᳚ত্মান॑-ম্পরি॒পশ্য়॒ত্যথো॑ আ॒ত্মান॑মে॒ব প॑বযতে॒ যো গ॒তম॑না॒-স্স্য়া-থ্সো-ঽবে᳚ক্ষেত॒ যন্মে॒ মনঃ॒ পরা॑গতং॒-য়ঁদ্বা॑ মে॒ অপ॑রাগতম্ । রাজ্ঞা॒ সোমে॑ন॒ তদ্ব॒যম॒স্মাসু॑ ধারয়াম॒সীতি॒ মন॑ এ॒বাত্ম-ন্দা॑ধার॒- [এ॒বাত্ম-ন্দা॑ধার, ন গ॒তম॑না] 27

ন গ॒তম॑না ভব॒ত্যপ॒ বৈ তৃ॑তীযসব॒নে য॒জ্ঞঃ ক্রা॑মতীজা॒না-দনী॑জানম॒ভ্য়া᳚-গ্নাবৈষ্ণ॒ব্যর্চা ঘৃ॒তস্য়॑ যজত্য়॒গ্নি-স্সর্বা॑ দে॒বতা॒ বিষ্ণু॑র্য়॒জ্ঞো দে॒বতা᳚শ্চৈ॒ব য॒জ্ঞ-ঞ্চ॑ দাধারোপা॒গ্​ম্॒শু য॑জতি মিথুন॒ত্বায়॑ ব্রহ্মবা॒দিনো॑ বদন্তি মি॒ত্রো য॒জ্ঞস্য়॒ স্বি॑ষ্টং-য়ুঁবতে॒ বরু॑ণো॒ দুরি॑ষ্ট॒-ঙ্ক্ব॑ তর্​হি॑ য॒জ্ঞঃ ক্ব॑ যজ॑মানো ভব॒তীতি॒ যন্মৈ᳚ত্রাবরু॒ণীং-বঁ॒শামা॒লভ॑তে মি॒ত্রেণৈ॒ব [ ] 28

য॒জ্ঞস্য়॒ স্বি॑ষ্টগ্​ম্ শমযতি॒ বরু॑ণেন॒ দুরি॑ষ্ট॒-ন্না-ঽঽর্তি॒মার্চ্ছ॑তি॒ যজ॑মানো॒ যথা॒ বৈ লাঙ্গ॑লেনো॒র্বরা᳚-ম্প্রভি॒ন্দন্-ত্য়ে॒বমৃ॑খ্সা॒মে য॒জ্ঞ-ম্প্র ভি॑ন্তো॒ যন্মৈ᳚ত্রাবরু॒ণীং-বঁ॒শামা॒লভ॑তে য॒জ্ঞায়ৈ॒ব প্রভি॑ন্নায় ম॒ত্য়॑ম॒ন্ববা᳚স্যতি॒ শান্ত্য়ৈ॑ যা॒তয়া॑মানি॒ বা এ॒তস্য়॒ ছন্দাগ্​ম্॑সি॒ য ঈ॑জা॒ন-শ্ছন্দ॑সামে॒ষ রসো॒ য-দ্ব॒শা যন্মৈ᳚ত্রাবরু॒ণীং-বঁ॒শামা॒লভ॑তে॒ ছন্দাগ্॑স্য়ে॒ব পুন॒রা প্রী॑ণা॒ত্য় যা॑তয়ামত্বা॒য়াথো॒ ছন্দ॑স্স্বে॒ব রস॑-ন্দধাতি ॥ 29 ॥
(অব॑ - দাধার - মি॒ত্রেণৈ॒ব - প্রী॑ণাতি॒ - ষট্চ॑) (অ. 7)

দে॒বা বা ই॑ন্দ্রি॒য়ং-বীঁ॒র্য়াং᳚(1॒) ঁব্য়॑ভজন্ত॒ ততো॒ যদ॒ত্যশি॑ষ্যত॒ তদ॑তিগ্রা॒হ্য়া॑ অভব॒-ন্তদ॑তিগ্রা॒হ্য়া॑ণা-মতিগ্রাহ্য়॒ত্বং-য়ঁদ॑তিগ্রা॒হ্য়া॑ গৃ॒হ্যন্ত॑ ইন্দ্রি॒যমে॒ব ত-দ্বী॒র্য়ং॑-য়ঁজ॑মান আ॒ত্ম-ন্ধ॑ত্তে॒ তেজ॑ আগ্নে॒য়েনে᳚ন্দ্রি॒য়-মৈ॒ন্দ্রেণ॑ ব্রহ্মবর্চ॒সগ্​ম্ সৌ॒র্য়েণো॑প॒স্তম্ভ॑নং॒-বাঁ এ॒ত-দ্য়॒জ্ঞস্য়॒ যদ॑তিগ্রা॒হ্য়া᳚শ্চ॒ক্রে পৃ॒ষ্ঠানি॒ য-ত্পৃষ্ঠ্য়ে॒ ন গৃ॑হ্ণী॒য়া-ত্প্রাঞ্চং॑-য়ঁ॒জ্ঞ-ম্পৃ॒ষ্ঠানি॒ সগ্​ম্ শৃ॑ণীয়ু॒র্য়-দু॒ক্থ্য়ে॑ [-দু॒ক্থ্য়ে᳚, গৃ॒হ্ণী॒য়া-ত্প্র॒ত্যঞ্চং॑-] 30

গৃহ্ণী॒য়া-ত্প্র॒ত্যঞ্চং॑-য়ঁ॒জ্ঞম॑তিগ্রা॒হ্য়া᳚-স্সগ্​ম্ শৃ॑ণীয়ুর্বিশ্ব॒জিতি॒ সর্ব॑পৃষ্ঠে গ্রহীত॒ব্য়া॑ য॒জ্ঞস্য়॑ সবীর্য়॒ত্বায়॑ প্র॒জাপ॑তির্দে॒বেভ্য়ো॑ য॒জ্ঞান্ ব্য়াদি॑শ॒-থ্স প্রি॒য়াস্ত॒নূরপ॒ ন্য়॑ধত্ত॒ তদ॑তিগ্রা॒হ্য়া॑ অভব॒ন্ বিত॑নু॒স্তস্য়॑ য॒জ্ঞ ইত্য়া॑হু॒র্য়-স্য়া॑তিগ্রা॒হ্য়া॑ ন গৃ॒হ্যন্ত॒ ইত্যপ্য়॑গ্নিষ্টো॒মে গ্র॑হীত॒ব্য়া॑ য॒জ্ঞস্য়॑ সতনু॒ত্বায়॑ দে॒বতা॒ বৈ সর্বা᳚-স্স॒দৃশী॑রাস॒-ন্তা ন ব্য়া॒বৃত॑-মগচ্ছ॒-ন্তে দে॒বা [দে॒বাঃ, এ॒ত এ॒তা-ন্গ্রহা॑-] 31

এ॒ত এ॒তা-ন্গ্রহা॑-নপশ্য়॒-ন্তান॑গৃহ্ণতা-ঽঽগ্নে॒ যম॒গ্নিরৈ॒ন্দ্রমিন্দ্র॑-স্সৌ॒র্য়গ্​ম্ সূর্য়॒স্ততো॒ বৈ তে᳚-ঽন্য়াভি॑-র্দে॒বতা॑ভি-র্ব্য়া॒বৃত॑মগচ্ছ॒ন্॒. যস্য়ৈ॒বং-বিঁ॒দুষ॑ এ॒তে গ্রহা॑ গৃ॒হ্যন্তে᳚ ব্য়া॒বৃত॑মে॒ব পা॒প্মনা॒ ভ্রাতৃ॑ব্য়েণ গচ্ছতী॒মে লো॒কা জ্য়োতি॑ষ্মন্ত-স্স॒মাব॑-দ্বীর্য়াঃ কা॒র্য়া॑ ইত্য়া॑হুরাগ্নে॒য়েনা॒স্মিন্ ঁলো॒কে জ্য়োতি॑র্ধত্ত ঐ॒ন্দ্রেণা॒ন্তরি॑ক্ষ ইন্দ্রবা॒য়ূ হি স॒য়ুজৌ॑ সৌ॒র্য়েণা॒মুষ্মি॑ন্ ঁলো॒কে [ ] 32

জ্য়োতি॑র্ধত্তে॒ জ্য়োতি॑ষ্মন্তো-ঽস্মা ই॒মে লো॒কা ভ॑বন্তি স॒মাব॑-দ্বীর্য়ানেনান্ কুরুত এ॒তান্. বৈ গ্রহা᳚-ন্ব॒বাং-বি॒শ্বব॑যসা-ববিত্তা॒-ন্তাভ্য়া॑মি॒মে লো॒কাঃ পরা᳚ঞ্চশ্চা॒র্বাঞ্চ॑শ্চ॒ প্রাভু॒র্যস্য়ৈ॒বং-বিঁ॒দুষ॑ এ॒তে গ্রহা॑ গৃ॒হ্যন্তে॒ প্রাস্মা॑ ই॒মে লো॒কাঃ পরা᳚ঞ্চশ্চা॒র্বাঞ্চ॑শ্চ ভান্তি ॥ 33 ॥
(উ॒ক্থ্য়ে॑ - দে॒বা - অ॒মুষ্মি॑ন্ ঁলো॒ক - একা॒ন্নচ॑ত্বারি॒গ্​ম্॒শচ্চ॑) (অ. 8)

দে॒বা বৈ য-দ্য়॒জ্ঞে-ঽকু॑র্বত॒ তদসু॑রা অকুর্বত॒ তে দে॒বা অদা᳚ভ্য়ে॒ ছন্দাগ্​ম্॑সি॒ সব॑নানি॒ সম॑স্থাপয়॒-ন্ততো॑ দে॒বা অভ॑ব॒-ন্পরা-ঽসু॑রা॒ যস্য়ৈ॒বং-বিঁ॒দুষো-ঽদা᳚ভ্য়ো গৃ॒হ্যতে॒ ভব॑ত্য়া॒ত্মনা॒ পরা᳚-ঽস্য়॒ ভ্রাতৃ॑ব্য়ো ভবতি॒ যদ্বৈ দে॒বা অসু॑রা॒-নদা᳚ভ্য়ে॒-নাদ॑ভ্নুব॒-ন্তদদা᳚ভ্যস্য়া-দাভ্য়॒ ত্বং-য়ঁ এ॒বং-বেঁদ॑ দ॒ভ্নোত্য়ে॒ব ভ্রাতৃ॑ব্য়॒-ন্নৈন॒-ম্ভ্রাতৃ॑ব্য়ো দভ্নো- [দভ্নোতি, এ॒ষা বৈ] 34

-ত্য়ে॒ষা বৈ প্র॒জাপ॑তে-রতিমো॒ক্ষিণী॒ নাম॑ ত॒নূর্যদদা᳚ভ্য়॒ উপ॑নদ্ধস্য় গৃহ্ণা॒ত্যতি॑মুক্ত্য়া॒ অতি॑ পা॒প্মান॒-ম্ভ্রাতৃ॑ব্য়-ম্মুচ্যতে॒ য এ॒বং-বেঁদ॒ ঘ্নন্তি॒ বা এ॒ত-থ্সোমং॒-য়ঁদ॑ভিষু॒ণ্বন্তি॒ সোমে॑ হ॒ন্যমা॑নে য॒জ্ঞো হ॑ন্যতে য॒জ্ঞে যজ॑মানো ব্রহ্মবা॒দিনো॑ বদন্তি॒ কি-ন্ত-দ্য়॒জ্ঞে যজ॑মানঃ কুরুতে॒ যেন॒ জীবন্᳚-থ্সুব॒র্গং-লোঁ॒কমেতীতি॑ জীবগ্র॒হো বা এ॒ষ যদদা॒ভ্য়ো ঽন॑ভিষুতস্য় গৃহ্ণাতি॒ জীব॑ন্তমে॒বৈনগ্​ম্॑ সুব॒র্গং ঁলো॒ক-ঙ্গ॑মযতি॒ বি বা এ॒ত-দ্য়॒জ্ঞ-ঞ্ছি॑ন্দন্তি॒ যদদা᳚ভ্য়ে সগ্গ্​-স্থা॒পয়॑-ন্ত্য়॒গ্​ম্॒শূনপি॑ সৃজতি য॒জ্ঞস্য়॒ সন্ত॑ত্য়ৈ ॥ 35 ॥
(দ॒ভ্নো॒ত্য় - ন॑ভিষুতস্য় গৃহ্ণা॒ত্য়ে - কা॒ন্নবিগ্​ম্॑শ॒তিশ্চ॑) (অ. 9)

দে॒বা বৈ প্র॒বাহু॒গ্গ্রহা॑-নগৃহ্ণত॒ স এ॒ত-ম্প্র॒জাপ॑তি-র॒গ্​ম্॒শু-ম॑পশ্য়॒-ত্তম॑গৃহ্ণীত॒ তেন॒ বৈ স আ᳚র্ধ্নো॒-দ্যস্য়ৈ॒বং-বিঁ॒দুষো॒-ঽগ্​ম্॒শু-র্গৃ॒হ্যত॑ ঋ॒দ্ধ্নোত্য়ে॒ব স॒কৃদ॑ভিষুতস্য় গৃহ্ণাতি স॒কৃদ্ধি স তেনা-ঽঽর্ধ্নো॒ন্মন॑সা গৃহ্ণাতি॒ মন॑ ইব॒ হি প্র॒জাপ॑তিঃ প্র॒জাপ॑তে॒রাপ্ত্য়া॒ ঔদু॑ম্বরেণ গৃহ্ণা॒ত্য়ূর্গ্বা উ॑দু॒ম্বর॒ ঊর্জ॑মে॒বাব॑ রুন্ধে॒ চতু॑স্স্রক্তি ভবতি দি॒- [ভবতি দি॒ক্ষু, এ॒ব প্রতি॑ তিষ্ঠতি॒] 36

-ক্ষ্বে॑ব প্রতি॑ তিষ্ঠতি॒ যো বা অ॒গ্​ম্॒শোরা॒যত॑নং॒-বেঁদা॒-ঽঽযত॑নবা-ন্ভবতি বামদে॒ব্যমিতি॒ সাম॒ তদ্বা অ॑স্য়া॒-ঽঽযত॑ন॒-ম্মন॑সা॒ গায়॑মানো গৃহ্ণাত্য়া॒যত॑নবানে॒ব ভ॑বতি॒ যদ॑দ্ধ্ব॒র্য়ুর॒গ্​ম্॒শু-ঙ্গৃ॒হ্ণ-ন্নার্ধয়ে॑দু॒ভাভ্য়া॒-ন্নর্ধ্য়ে॑তাদ্ধ্ব॒র্যবে॑ চ॒ যজ॑মানায় চ॒ যদ॒র্ধয়ে॑-দু॒ভাভ্য়া॑-মৃদ্ধ্য়ে॒তান॑বান-ঙ্গৃহ্ণাতি॒ সৈবাস্যর্ধি॒র্॒. হির॑ণ্যম॒ভি ব্য়॑নিত্য়॒মৃতং॒-বৈঁ হির॑ণ্য়॒মায়ুঃ॑ প্রা॒ণ আয়ু॑ষৈ॒বামৃত॑ম॒ভি ধি॑নোতি শ॒তমা॑ন-ম্ভবতি শ॒তায়ুঃ॒ পুরু॑ষ-শ্শ॒তেন্দ্রি॑য়॒ আয়ু॑ষ্য়ে॒বেন্দ্রি॒য়ে প্রতি॑ তিষ্ঠতি ॥ 37 ॥
(দি॒ক্ষ্ব॑ - নিতি - বিগ্​ম্শ॒তিশ্চ॑) (অ. 10)

প্র॒জাপ॑তি-র্দে॒বেভ্য়ো॑ য॒জ্ঞান্ ব্য়াদি॑শ॒-থ্স রি॑রিচা॒নো॑-ঽমন্যত॒ স য॒জ্ঞানাগ্​ম্॑ ষোডশ॒ধেন্দ্রি॒য়ং-বীঁ॒র্য়॑মা॒ত্মান॑ম॒ভি সম॑ক্খিদ॒-ত্ত-থ্ষো॑ড॒শ্য়॑ভব॒ন্ন বৈ ষো॑ড॒শী নাম॑ য॒জ্ঞো᳚-ঽস্তি॒ যদ্বাব ষো॑ড॒শগ্গ্​ স্তো॒ত্রগ্​ম্ ষো॑ড॒শগ্​ম্ শ॒স্ত্র-ন্তেন॑ ষোড॒শী ত-থ্ষো॑ড॒শিন॑-ষ্ষোডশি॒ত্বং-য়ঁ-থ্ষো॑ড॒শী গৃ॒হ্যত॑ ইন্দ্রি॒যমে॒ব ত-দ্বী॒র্য়ং॑-য়ঁজ॑মান আ॒ত্ম-ন্ধ॑ত্তে দে॒বেভ্য়ো॒ বৈ সু॑ব॒র্গো লো॒কো [লো॒কঃ, ন প্রাভ॑ব॒-ত্ত] 38

ন প্রাভ॑ব॒-ত্ত এ॒তগ্​ম্ ষো॑ড॒শিন॑মপশ্য়॒-ন্তম॑গৃহ্ণত॒ ততো॒ বৈ তেভ্য়॑-স্সুব॒র্গো লো॒কঃ প্রাভ॑ব॒দ্য়-থ্ষো॑ড॒শী গৃ॒হ্যতে॑ সুব॒র্গস্য়॑ লো॒কস্য়া॒ভিজি॑ত্য়া॒ ইন্দ্রো॒ বৈ দে॒বানা॑মানুজাব॒র আ॑সী॒-থ্স প্র॒জাপ॑তি॒মুপা॑ধাব॒-ত্তস্মা॑ এ॒তগ্​ম্ ষো॑ড॒শিন॒-ম্প্রায়॑চ্ছ॒-ত্তম॑গৃহ্ণীত॒ ততো॒ বৈ সো-ঽগ্র॑-ন্দে॒বতা॑না॒-ম্পর্য়ৈ॒-দ্যস্য়ৈ॒বং-বিঁ॒দুষ॑-ষ্ষোড॒শী গৃ॒হ্যতে- [গৃ॒হ্যতে᳚, অগ্র॑মে॒ব] 39

-ঽগ্র॑মে॒ব স॑মা॒নানা॒-ম্পর্য়ে॑তি প্রাতস্সব॒নে গৃ॑হ্ণাতি॒ বজ্রো॒ বৈ ষো॑ড॒শী বজ্রঃ॑ প্রাতস্সব॒নগ্গ্​ স্বাদে॒বৈনং॒-য়োঁনে॒র্নিগৃ॑হ্ণাতি॒ সব॑নেসবনে॒-ঽভি গৃ॑হ্ণাতি॒ সব॑নাথ্সবনাদে॒বৈন॒-ম্প্র জ॑নযতি তৃতীযসব॒নে প॒শুকা॑মস্য় গৃহ্ণীয়া॒-দ্বজ্রো॒ বৈ ষো॑ড॒শী প॒শব॑স্তৃতীযসব॒নং-বঁজ্রে॑ণৈ॒বাস্মৈ॑ তৃতীযসব॒না-ত্প॒শূনব॑ রুন্ধে॒ নোক্থ্য়ে॑ গৃহ্ণীয়া-ত্প্র॒জা বৈ প॒শব॑ উ॒ক্থানি॒ যদু॒ক্থ্য়ে॑- [যদু॒ক্থ্য়ে᳚, গৃ॒হ্ণী॒য়া-ত্প্র॒জা-] 40

গৃহ্ণী॒য়া-ত্প্র॒জা-ম্প॒শূন॑স্য়॒ নির্দ॑হেদতিরা॒ত্রে প॒শুকা॑মস্য় গৃহ্ণীয়া॒-দ্বজ্রো॒ বৈ ষো॑ড॒শী বজ্রে॑ণৈ॒বাস্মৈ॑ প॒শূন॑ব॒রুদ্ধ্য়॒ রাত্রি॑-য়ো॒পরি॑ষ্টা-চ্ছময়॒ত্যপ্য়॑গ্নিষ্টো॒মে রা॑জ॒ন্য়॑স্য় গৃহ্ণীয়া-দ্ব্য়া॒বৃত্কা॑মো॒ হি রা॑জ॒ন্য়ো॑ যজ॑তে সা॒হ্ন এ॒বাস্মৈ॒ বজ্র॑-ঙ্গৃহ্ণাতি॒ স এ॑নং॒-বঁজ্রো॒ ভূত্য়া॑ ইন্ধে॒ নির্বা॑ দহ-ত্য়েকবি॒গ্​ম্॒শগ্গ্​ স্তো॒ত্র-ম্ভ॑বতি॒ প্রতি॑ষ্ঠিত্য়ৈ॒ হরি॑বচ্ছস্যত॒ ইন্দ্র॑স্য় প্রি॒য়-ন্ধামো- [প্রি॒য়-ন্ধাম॑, উপা᳚-ঽঽপ্নোতি॒] 41

-পা᳚-ঽঽপ্নোতি॒ কনী॑য়াগ্​ম্সি॒ বৈ দে॒বেষু॒ ছন্দা॒গ্॒স্য়াস॒ন্-জ্য়ায়া॒গ্॒-স্যসু॑রেষু॒ তে দে॒বাঃ কনী॑যসা॒ ছন্দ॑সা॒ জ্য়ায়॒-শ্ছন্দো॒-ঽভি ব্য়॑শগ্​ম্স॒-ন্ততো॒ বৈ তে-ঽসু॑রাণাং-লোঁ॒কম॑বৃঞ্জত॒ য-ত্কনী॑যসা॒ ছন্দ॑সা॒ জ্য়ায়॒-শ্ছন্দো॒-ঽভিবি॒শগ্​ম্স॑তি॒ ভ্রাতৃ॑ব্যস্য়ৈ॒ব তল্লো॒কং-বৃঁ॑ঙ্ক্তে॒ ষড॒ক্ষরা॒ণ্যতি॑ রেচযন্তি॒ ষ-ড্বা ঋ॒তব॑ ঋ॒তূনে॒ব প্রী॑ণাতি চ॒ত্বারি॒ পূর্বা॒ণ্যব॑ কল্পযন্তি॒ [কল্পযন্তি, চতু॑ষ্পদ এ॒ব] 42

চতু॑ষ্পদ এ॒ব প॒শূনব॑ রুন্ধে॒ দ্বে উত্ত॑রে দ্বি॒পদ॑ এ॒বাব॑ রুন্ধে ঽনু॒ষ্টুভ॑ম॒ভি স-ম্পা॑দযন্তি॒ বাগ্বা অ॑নু॒ষ্টু-প্তস্মা᳚-ত্প্রা॒ণানাং॒-বাঁগু॑ত্ত॒মা স॑ময়াবিষি॒তে সূর্য়ে॑ ষোড॒শিন॑-স্স্তো॒ত্র-মু॒পাক॑রোত্য়ে॒তস্মি॒ন্ বৈ লো॒ক ইন্দ্রো॑ বৃ॒ত্রম॑হন্-থ্সা॒ক্ষাদে॒ব বজ্র॒-ম্ভ্রাতৃ॑ব্য়ায়॒ প্র হ॑র-ত্যরুণপিশ॒ঙ্গো-ঽশ্বো॒ দক্ষি॑ণৈ॒তদ্বৈ বজ্র॑স্য় রূ॒পগ্​ম্ সমৃ॑দ্ধ্য়ৈ ॥ 43 ॥
(লো॒কো - বি॒দুষ॑-ষ্ষোড॒শী গৃ॒হ্যতে॒ - যদু॒ক্থ্য়ে॑ - ধাম॑ - কল্পযন্তি - স॒প্তচ॑ত্বারিগ্​ম্শচ্চ) (অ. 11)

(সু॒ব॒র্গায়॒ য-দ্দা᳚ক্ষি॒ণানি॑ - সমিষ্ট য॒জূগ্​ - ষ্য়॑বভৃথ য॒জূগ্​ম্ষি॒ - স্ফ্য়েন॑ - প্র॒জাপ॑তিরেকাদ॒শিনী॒ - মিন্দ্রঃ॒ পত্নি॑য়া॒ - ঘ্নন্তি॑ - দে॒বা বা ই॑ন্দ্রি॒য়ং-বীঁ॒র্য়ং॑ - দে॒বা বা অদা᳚ভ্য়ে - দে॒বা বৈ প্র॒বাহু॑ক্ - প্র॒জাপ॑তির্দে॒বেভ্য়॒-স্স রি॑রিচা॒নঃ - ষো॑ডশ॒ধৈকা॑দশ) (11)

(সু॒ব॒র্গায়॑ - যজতি প্র॒জাঃ - সৌ॒ম্য়েন॑ - গৃহ্ণী॒য়া-ত্প্র॒ত্যঞ্চং॑ - গৃহ্ণী॒য়া-ত্প্র॒জা-ম্প॒শূন্ - ত্রিচ॑ত্বারিগ্​ম্শত্) (43)

(সু॒ব॒র্গায়॒, বজ্র॑স্য় রূ॒পগ্​ম্ সমৃ॑দ্ধ্য়ৈ)

(প্রা॒চীন॑বগ্​ম্শং॒ - য - চ্চা॒ত্বালা᳚ - দ্য়॒জ্ঞেনে - ন্দ্রঃ॑ - সু॒বর্গায়॒ - ষট্ ) (6)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়াং ষষ্ঠকাণ্ডে ষষ্ঠঃ প্রশ্ন-স্সমাপ্তঃ ॥