ওং শং নো॑ মি॒ত্র-শ্শং বরু॑ণঃ । শং নো॑ ভবত্বর্য॒মা । শং ন॒ ইংদ্রো॒ বৃহ॒স্পতিঃ॑ । শং নো॒ বিষ্ণু॑-রুরুক্র॒মঃ । নমো॒ ব্রহ্ম॑ণে । নম॑স্তে বাযো । ত্বমে॒ব প্র॒ত্যক্ষং॒ ব্রহ্মা॑সি । ত্বমে॒ব প্র॒ত্যক্ষং॒ ব্রহ্ম॑ বদিষ্যামি ।
ঋ॒তং ব॑দিষ্যামি । স॒ত্যং ব॑দিষ্যামি। তন্মাম॑বতু । তদ্ব॒ত্তার॑মবতু । অব॑তু॒ মাম্ । অব॑তু ব॒ক্তারম্᳚ ।

ওং শাংতিঃ॒ শাংতিঃ॒ শাংতিঃ॑ ॥1॥

শীক্ষাং ব্যা᳚খ্যাস্যা॒মঃ । বর্ণ॒-স্স্বরঃ । মাত্রা॒ বলম্ ।
সাম॑ সংতা॒নঃ । ইত্যুত্ত-শ্শী᳚ক্ষাধ্যা॒যঃ ॥2॥

স॒হ নৌ॒ যশঃ । স॒হ নৌ ব্র॑হ্মব॒র্চসম্ । অথাতস্সগ্-ম্হিতাযা উপনিষদং ব্যা᳚খাস্যা॒মঃ ।
পংচস্বধিক॑রণে॒শু। অধিলোকমধিজ্যৌতিষ-মধিবিদ্য-মধিপ্রজ॑মধ্যা॒ত্মম্ । তা মহাসগ্-ম্হিতা ই॑ত্যাচ॒ক্ষতে । অথ॑ধিলো॒কম্ । পৃথিবী পূ᳚র্বরূ॒পম্ । দ্যৌ রুত্ত॑ররূ॒পম্ । আকা॑শ-স্সংধিঃ ॥3॥

বাযুঃ॑-স্সংধা॒নম্ । ইত্য॑ধিলো॒কম্ । অথা॑ধিজ্যৌ॒তিষম্ । আচার্যঃ পূ᳚র্বরূ॒পম্ ॥4।অংতেবাস্যুত্ত॑ররূ॒পম্ । বি॑দ্যা স॒ংধিঃ । প্রবচনগ্-ম্॑ সংধা॒নম্ । ইত্য॑ধিবি॒দ্যম্ ॥ অথাধি॒প্রজম্ । মাতা পূ᳚র্বরূ॒পম্ । পিতোত্ত॑ররূ॒পম্ । প্র॑জা স॒ংধিঃ । প্রজননগ্-ম্॑ সংধা॒নম্ । ইত্যধি॒প্রজম্ ॥5॥

অথাধ্যা॒ত্মম্ । অধরা হনুঃ পূ᳚র্বরূ॒পম্ । উত্তরা হনুরুত্ত॑ররূ॒পম্ । বাক্স॒ংধিঃ । জিহ্বা॑ সংধা॒নম্ । ইত্যধ্যা॒ত্মম্ । ইতীমাম॑হাস॒গ্-ম্॒হি॑তাঃ ॥ য এবমেতা মহাসগ্-ম্হিতা ব্যাখ্যা॑তা বে॒দ । সংধীযতে প্রজ॑যা প॒শুভিঃ । ব্রহ্মবর্চসেনান্নাদ্যেন সুবর্গ্যেণ॑ লোকে॒ন ॥6॥

যশ্ছংদ॑সামৃষ॒ভো বি॒শ্বরূ॑পঃ । ছংদো॒ভ্যোঽধ্য॒মৃতা᳚ত্স্থং ব॒ভূব॑ । স মেংদ্রো॑ মে॒ধযা᳚ স্পৃণোতু । অ॒মৃত॑স্য দেব॒ধার॑ণো ভূযাসম্ । শরী॑রং মে॒ বিচ॑র্ষণম্ । জি॒হ্বা মে॒ মধু॑মত্তমা । কর্ণা᳚ভ্যং॒ ভূরি॒বিশ্রু॑বম্ । ব্রহ্ম॑ণঃ কো॒শো॑সি মে॒ধযা পি॑হিতঃ । শ্রু॒তং মে॑ গোপায । আ॒বহ॑ংতী বিতন্বা॒না ॥7॥

কু॒র্বা॒ণা চীর॑-মা॒ত্মনঃ॑ । বাসাগ্-ম্॑সি॒ মম॒ গাব॑শ্চ । অ॒ন্ন॒পা॒নে চ॑ সর্ব॒দা । ততো॑ মে॒ শ্রিয॒-মাব॑হ । লো॒ম॒শাং প॒শুভি॑স্স॒হ স্বাহা᳚ । আমা॑যংতু ব্রহ্মচা॒রিণ॒স্স্বাহা᳚ । বিমা॑ঽঽযংতু ব্রহ্মচা॒রিণ॒স্স্বাহা᳚ । প্রমা॑ঽঽযংতু ব্রহ্মচা॒রিণ॒স্স্বাহা᳚ । দমা॑যংতু ব্রহ্মচা॒রিণ॒স্স্বাহা᳚ । শমা॑যংতু ব্রহ্মচা॒রিণ॒স্স্বাহা᳚ ॥8॥

যশো॒ জনে॑ঽসানি॒ স্বাহা᳚ । শ্রেযা॒ন্॒ বস্য॑সোঽসানি॒ স্বাহা᳚ । তং ত্বা॑ ভগ॒ প্রবি॑শানি॒ স্বাহা᳚ । স মা॑ ভগ॒ প্রবি॑শ॒ স্বাহা᳚ । তস্মিন্᳚ স॒হস্র॑শাখে । শ্রেযা॒ন্॒ বস্য॑সোঽসানি॒ স্বাহা᳚ । তং ত্বা॑ ভগ॒ প্রবি॑শানি॒ স্বাহা᳚ । স মা॑ ভগ॒ প্রবি॑শ॒ স্বাহা᳚ । তস্মি᳚ংথ্স॒হস্র॑শাখে । নি ভ॑গা॒ঽহং ত্বযি॑ ম্রুজে॒ স্বাহা᳚ । যথাঽঽপঃ॒ প্রব॑তা॒ঽঽযংতি॑ । যথা॒ মাসা॑ অহর্জ॒রম্ । এবং॒ মাং ব্র॑হ্মচা॒রিণঃ॑ । ধাত॒রায॑ংতু স॒র্বত॒স্স্বাহা᳚ । প্র॒তি॒বে॒শো॑ঽসি॒ প্র মা॒ ভাহি॒ প্র মা॑ পদ্যস্ব ॥9॥

ভূর্ভুব॒স্সুব॒রিতি॒ বা এ॒তাস্তি॒স্রো ব্যাহৃ॑তযঃ । তাসা॑মু হ স্মৈ॒ তাং চ॑তু॒র্থেএম্ । মাহা॑চমস্যঃ॒ প্রবে॑দযতে । মহ॒ ইতি॑ । তদ্-ব্রহ্ম॑ । স আ॒ত্মা । অংগা᳚ন্য॒ন্যা দে॒বতাঃ᳚ । ভূরিতি॒ বা অ॒যং লো॒কঃ । ভুব॒ ইত্য॒ংতরি॑ক্ষম্ । সুব॒রিত্য॒সৌ লো॒কঃ ॥10॥ মহ॒ ইত্যা॑দি॒ত্যঃ । আ॒দি॒ত্যেন॒ বাব সর্বে॑ লো॒কা মহী॑যংতে । ভূরিতি॒ বা অ॒গ্নিঃ । ভুব॒ ইতি॑ বা॒যুঃ । সুব॒রিত্যা॑দি॒ত্যঃ । মহ॒ ইতি॑ চ॒ংদ্রমাঃ᳚ । চ॒ংদ্রম॑সা॒ বাব সর্বা॑ণি॒ জ্যোতীগ্-ম্॑ষি॒ মহী॑যংতে । ভূরিতি॒ বা ঋচঃ॑ । ভুব॒ ইতি॒ সামা॑নি । সুব॒রিতি॒ যজূগ্-ম্॑ষি ॥11॥ মহ॒ ইতি॒ ব্রহ্ম॑ । ব্রহ্ম॑ণা॒ বাব সর্বে॑ বে॒দা মহী॑যংতে । ভূরিতি॒ বৈ প্রাণঃ । ভুব॒ ইত্য॑পা॒নঃ । সুব॒রিতি॑ ব্যা॒নঃ । মহ॒ ইত্যন্নম্᳚ । অন্নে॑ন॒ বাব সর্বে᳚ প্রা॒ণা মহী॑যংতে । তা বা এ॒তাশ্চত॑স্রশ্চতু॒র্ধা । চত॑স্রশ্চতস্রো॒ ব্যাহৃ॑তযঃ । তা যো বেদ॑ । স বে॑দ॒ ব্রহ্ম॑ । সর্বে᳚ঽস্মৈ দে॒বা ব॒লিমাব॑হংতি ॥12॥

স য এ॒ষো᳚ঽংতর্-হৃ॑দয আকা॒শঃ । তস্মি॑ন্ন॒যং পুরু॑ষো মনো॒মযঃ॑ । অমৃ॑তো হির॒ণ্মযঃ॑ । অংত॑রেণ॒ তালু॑কে । য এ॒ষ স্তন॑ ইবাব॒লংব॑তে । সে᳚ংদ্রযো॒নিঃ । যত্রা॒সৌ কে॑শা॒ংতো বিবর্ত॑তে । ব্য॒পোহ্য॑ শীর্ষকপা॒লে । ভূরিত্য॒গ্নৌ প্রতি॑তিষ্ঠতি । ভুব॒ ইতি॑ বা॒যৌ ॥13॥ সুব॒রিত্যা॑দি॒ত্যে । মহ॒ ইতি॒ ব্রহ্ম॑ণি । আ॒প্নোতি॒ স্বারা᳚জ্যম্ । আ॒প্নোতি॒ মন॑স॒স্পতিম্᳚ । বাক্প॑তি॒শ্র্চক্ষু॑শ্পতিঃ শ্রোত্র॑পতির্বি॒জ্ঞান॑পতিঃ । এ॒তত্ততো॑ ভবতি । আ॒কা॒শশ॑রীরং॒ ব্রহ্ম॑ । স॒ত্যাত্ম॑ প্রা॒ণারা॑মং॒ মন॑ আনংদম্ । শাংতি॑সমৃদ্ধ-ম॒মৃতম্᳚ । ইতি॑ প্রাচীন যো॒গ্যোপা᳚স্ব ॥14॥

পৃ॒থি॒ব্য॑ংতরি॑ক্ষং॒ দ্যো-র্দিশো॑ঽবাংতরদি॒শাঃ । অ॒গ্নির্বা॒যুরা॑দি॒ত্যশ্চ্॒ংদ্রমা॒ নক্ষ॑ত্রাণি । আপ॒ ওষ॑দযো॒ বন॒স্পত॑য আকা॒শ আ॒ত্মা । ইত্য॑ধিভূ॒তম্ । অথাধ্যা॒ত্মম্ । প্রা॒ণো ব্যা॒নো॑ঽপা॒ন উ॑দা॒নস্স॑মানঃ । চক্ষু॒শ্রোত্রং॒ মনো॒ বাক্ ত্বক্ । চর্ম॑মা॒গ্-ম্॒সগ্গ্ স্নাবাঽস্থি॑ ম॒জ্জা । এ॒ত-দ॑ধিবি॒ধায॒ ঋষি॒-রবো॒চত্ পাংক্তং॒ বা ই॒দগ্-ম্॒ সর্বম্᳚ । পান্গ্ত্তে॑নৈ॒ব পাংক্তগ্গ্ স্পৃণো॒তীতি॑ ॥15॥

ও-মিতি॒ ব্রহ্ম॑ । ওমিতী॒দগ্-ম্ সর্বম্᳚ । ওমিত্যে॒ত-দ॑নুকৃতি হস্ম॒ বা অ॒প্যোশ্রা॑ব॒যেত্যাশ্রা॑বযংতি । ও-মিতি॒ সামা॑নি গাযংতি । ওগ্-ম্ শো-মিতি॑ শ॒স্ত্রাণি॑ শগ্-ম্সংতি । ওমিত্য॑ধ্ব॒র্যুঃ প্র॑তিগ॒রং প্রতি॑গৃণাতি । ও-মিতি॒ ব্রহ্মা॒ প্রসৌ॑তি । ও-মিত্য॑গ্নিহোত্র-মনু॑জানাতি । ওমিতি॑ ব্রাহ্ম॒ণঃ প্র॑ব॒ক্ষ্যন্না॑হ॒ ব্রহ্মোপা᳚প্নবা॒নীতি॑ । ব্রহ্মৈ॒বোপা᳚প্নোতি ॥16॥

ঋতং চ স্বাধ্যাযপ্রব॑চনে চ । সত্যং চ স্বাধ্যাযপ্রব॑চনে চ । তপশ্চ স্বাধ্যাযপ্রব॑চনে চ । দমশ্চ স্বাধ্যাযপ্রব॑চনে চ । শমশ্চ স্বাধ্যাযপ্রব॑চনে চ । অগ্নযশ্চ স্বাধ্যাযপ্রব॑চনে চ । অগ্নিহোত্রং চ স্বাধ্যাযপ্রব॑চনে চ । অতিথযশ্চ স্বাধ্যাযপ্রব॑চনে চ । মানুষং চ স্বাধ্যাযপ্রব॑চনে চ । প্রজা চ স্বাধ্যাযপ্রব॑চনে চ । প্রজনশ্চ স্বাধ্যাযপ্রব॑চনে চ । প্রজাতিশ্চ স্বাধ্যাযপ্রব॑চনে চ । সত্যমিতি সত্যবচা॑ রাথী॒ তরঃ । তপ ইতি তপোনিত্যঃ পৌ॑রুশি॒ষ্ঠিঃ । স্বাধ্যায প্রবচনে এবেতি নাকো॑ মৌদ্গ॒ল্যঃ । তদ্ধি তপ॑-স্তদ্ধি॒ তপঃ ॥17॥

অ॒হং বৃ॒ক্ষস্য॒ রেরি॑বা । কী॒র্তিঃ পৃ॒ষ্ঠং গি॒রে-রি॑ব । ঊ॒র্ধ্বপ॑বিত্রো বা॒জিনী॑ব স্ব॒মৃত॑-মস্মি । দ্রবি॑ণ॒গ্-ম্॒ সব॑র্চসম্ । সুমেধা অ॑মৃতো॒ক্ষিতঃ । ইতি ত্রিশংকোর্বেদা॑নুব॒চনম্ ॥18॥

বেদমনূচ্যাচার্যোঽংতেবাসিন-ম॑নুশা॒স্তি । সত্যং॒ বদ । ধর্মং॒ চর । স্বাধ্যাযা᳚ন্মা প্র॒মদঃ । আচার্যায প্রিযং ধনমাহৃত্য প্রজাতংতুং মা ব্য॑বচ্ছে॒ত্সীঃ । সত্যন্ন প্রম॑দিত॒ব্যম্ । ধর্মান্ন প্রম॑দিত॒ব্যম্ । কুশলান্ন প্রম॑দিত॒ব্যম্ । ভূত্যৈ ন প্রম॑দিত॒ব্যম্ । স্বাধ্যাযপ্রবচনাভ্যাং ন প্রম॑দিত॒ব্যম্ ॥19॥

দেবপিতৃকার্যাভ্যাং ন প্রম॑দিত॒ব্যম্ । মাতৃ॑দেবো॒ ভব । পিতৃ॑দেবো॒ ভব । আচার্য॑দেবো॒ ভব । অতিথি॑দেবো॒ ভব । যান্যনবদ্যানি॑ কর্মা॒ণি । তানি সেবি॑তব্যা॒নি । নো ই॑তরা॒ণি । যান্যস্মাকগ্-ম্ সুচ॑রিতা॒নি । তানি ত্বযো॑পাস্যা॒নি ॥20॥

নো ই॑তরা॒ণি ।যে কে চাস্মচ্ছ্রেযাগ্-ম্॑সো ব্রা॒হ্মণাঃ । তেষাং ত্বযাঽঽসনে ন প্রশ্ব॑সিত॒ব্যম্ । শ্রদ্ধ॑যা দে॒যম্ । অশ্রদ্ধ॑যাঽঽদে॒যম্ । শ্রি॑যা দে॒যম্ । হ্রি॑যা দে॒যম্ । ভি॑যা দে॒যম্ । সংবি॑দা দে॒যম্ । অথযদি তে কর্মবিচিকিত্সা বা বৃত্তবিচিকি॑ত্সা বা॒ স্যাত্ ॥21॥

যে তত্র ব্রাহ্মণা᳚-স্সম্ম॒র্॒শিনঃ । যুক্তা॑ আযু॒ক্তাঃ । অলূক্ষা॑ ধর্ম॑-কামা॒স্স্যুঃ । যথা তে॑ তত্র॑ বর্তে॒রন্ । তথা তত্র॑ বর্তে॒থাঃ । অথাভ্যা᳚খ্যাতে॒ষু । যে তত্র ব্রাহ্মণা᳚-স্সম্ম্॒র্॒শিনঃ । যুক্তা॑ আযু॒ক্তাঃ । অলূক্ষা॑ ধর্ম॑-কামা॒স্স্যুঃ । যথা তে॑ তেষু॑ বর্তে॒রন্ । তথা তেষু॑ বর্তে॒থাঃ । এষ॑ আদে॒শঃ । এষ ঊ॑পদে॒শঃ । এষা বে॑দোপ॒নিষত্ । এতদ॑নুশা॒সনম্ । এবমুপা॑সিত॒ব্যম্ ।এবমুচৈত॑দিপা॒স্যম্ ॥22॥

শং নো॑ মি॒ত্র-শ্শম্ বরু॑ণঃ । শং নো॑ ভবত্বর্য॒মা । শং ন॒ ইংদ্রো॒ বৃহ॒স্পতিঃ॑ । শং নো॒ বিশ্ণু॑-রুরুক্র॒মঃ । নমো॒ ব্রহ্ম॑ণে । নম॑স্তে বাযো । ত্বমে॒ব প্র॒ত্যক্ষং॒ ব্রহ্মা॑সি । ত্বমে॒ব প্র॒ত্যক্ষং॒ ব্রহ্মাবা॑দিষম্ । ঋ॒তম॑বাদিষম্ । স॒ত্যম॑বাদিষম্ । তন্মামা॑বীত্ । তদ্ব॒ক্তার॑মাবীত্ । আবী॒ন্মাম্ । আবী᳚দ্ব॒ক্তারম্᳚ ।

ওম্ শাংতিঃ॒ শাংতিঃ॒ শাংতিঃ॑