ஓம் ஶம் நோ॑ மி॒த்ர-ஶ்ஶம் வரு॑ண: । ஶம் நோ॑ ப⁴வத்வர்ய॒மா । ஶம் ந॒ இன்த்³ரோ॒ ப்³ருஹ॒ஸ்பதி:॑ । ஶம் நோ॒ விஷ்ணு॑-ருருக்ர॒ம: । நமோ॒ ப்³ரஹ்ம॑ணே । நம॑ஸ்தே வாயோ । த்வமே॒வ ப்ர॒த்யக்ஷம்॒ ப்³ரஹ்மா॑ஸி । த்வமே॒வ ப்ர॒த்யக்ஷம்॒ ப்³ரஹ்ம॑ வதி³ஷ்யாமி ।
ரு॒தம் வ॑தி³ஷ்யாமி । ஸ॒த்யம் வ॑தி³ஷ்யாமி। தன்மாம॑வது । தத்³வ॒த்தார॑மவது । அவ॑து॒ மாம் । அவ॑து வ॒க்தாரம்᳚ ।

ஓம் ஶான்தி:॒ ஶான்தி:॒ ஶான்தி:॑ ॥1॥

ஶீக்ஷாம் வ்யா᳚க்²யாஸ்யா॒ம: । வர்ண॒-ஸ்ஸ்வர: । மாத்ரா॒ ப³லம் ।
ஸாம॑ ஸன்தா॒ன: । இத்யுத்த-ஶ்ஶீ᳚க்ஷாத்⁴யா॒ய: ॥2॥

ஸ॒ஹ நௌ॒ யஶ: । ஸ॒ஹ நௌ ப்³ர॑ஹ்மவ॒ர்சஸம் । அதா²தஸ்ஸக்³ம்ஹிதாயா உபனிஷத³ம் வ்யா᳚கா²ஸ்யா॒ம: ।
பஞ்சஸ்வதி⁴க॑ரணே॒ஶு। அதி⁴லோகமதி⁴ஜ்யௌதிஷ-மதி⁴வித்³ய-மதி⁴ப்ரஜ॑மத்⁴யா॒த்மம் । தா மஹாஸக்³ம்ஹிதா இ॑த்யாச॒க்ஷதே । அத॑²தி⁴லோ॒கம் । ப்ருதி²வீ பூ᳚ர்வரூ॒பம் । த்³யௌ ருத்த॑ரரூ॒பம் । ஆகா॑ஶ-ஸ்ஸன்தி⁴: ॥3॥

வாயு:॑-ஸ்ஸன்தா॒⁴னம் । இத்ய॑தி⁴லோ॒கம் । அதா॑²தி⁴ஜ்யௌ॒திஷம் । ஆசார்ய: பூ᳚ர்வரூ॒பம் ॥4।அன்தேவாஸ்யுத்த॑ரரூ॒பம் । வி॑த்³யா ஸ॒ன்தி⁴: । ப்ரவசனக்³ம்॑ ஸன்தா॒⁴னம் । இத்ய॑தி⁴வி॒த்³யம் ॥ அதா²தி॒⁴ப்ரஜம் । மாதா பூ᳚ர்வரூ॒பம் । பிதோத்த॑ரரூ॒பம் । ப்ர॑ஜா ஸ॒ன்தி⁴: । ப்ரஜனநக்³ம்॑ ஸன்தா॒⁴னம் । இத்யதி॒⁴ப்ரஜம் ॥5॥

அதா²த்⁴யா॒த்மம் । அத⁴ரா ஹனு: பூ᳚ர்வரூ॒பம் । உத்தரா ஹனுருத்த॑ரரூ॒பம் । வாக்ஸ॒ன்தி⁴: । ஜிஹ்வா॑ ஸன்தா॒⁴னம் । இத்யத்⁴யா॒த்மம் । இதீமாம॑ஹாஸ॒க்³ம்॒ஹி॑தா: ॥ ய ஏவமேதா மஹாஸக்³ம்ஹிதா வ்யாக்²யா॑தா வே॒த³ । ஸன்தீ⁴யதே ப்ரஜ॑யா ப॒ஶுபி⁴: । ப்³ரஹ்மவர்சஸேனான்னாத்³யேன ஸுவர்க்³யேண॑ லோகே॒ன ॥6॥

யஶ்ச²ன்த॑³ஸாம்ருஷ॒போ⁴ வி॒ஶ்வரூ॑ப: । ச²ன்தோ॒³ப்⁴யோத்⁴ய॒ம்ருதா᳚த்ஸ்த²ம் ப॒³பூ⁴வ॑ । ஸ மேன்த்³ரோ॑ மே॒த⁴யா᳚ ஸ்ப்ருணோது । அ॒ம்ருத॑ஸ்ய தே³வ॒தா⁴ர॑ணோ பூ⁴யாஸம் । ஶரீ॑ரம் மே॒ விச॑ர்ஷணம் । ஜி॒ஹ்வா மே॒ மது॑⁴மத்தமா । கர்ணா᳚ப்⁴யம்॒ பூ⁴ரி॒விஶ்ரு॑வம் । ப்³ரஹ்ம॑ண: கோ॒ஶோ॑ஸி மே॒த⁴யா பி॑ஹித: । ஶ்ரு॒தம் மே॑ கோ³பாய । ஆ॒வஹ॑ன்தீ விதன்வா॒னா ॥7॥

கு॒ர்வா॒ணா சீர॑-மா॒த்மன:॑ । வாஸாக்³ம்॑ஸி॒ மம॒ கா³வ॑ஶ்ச । அ॒ன்ன॒பா॒னே ச॑ ஸர்வ॒தா³ । ததோ॑ மே॒ ஶ்ரிய॒-மாவ॑ஹ । லோ॒ம॒ஶாம் ப॒ஶுபி॑⁴ஸ்ஸ॒ஹ ஸ்வாஹா᳚ । ஆமா॑யன்து ப்³ரஹ்மசா॒ரிண॒ஸ்ஸ்வாஹா᳚ । விமா॑யன்து ப்³ரஹ்மசா॒ரிண॒ஸ்ஸ்வாஹா᳚ । ப்ரமா॑யன்து ப்³ரஹ்மசா॒ரிண॒ஸ்ஸ்வாஹா᳚ । த³மா॑யன்து ப்³ரஹ்மசா॒ரிண॒ஸ்ஸ்வாஹா᳚ । ஶமா॑யன்து ப்³ரஹ்மசா॒ரிண॒ஸ்ஸ்வாஹா᳚ ॥8॥

யஶோ॒ ஜனே॑ஸானி॒ ஸ்வாஹா᳚ । ஶ்ரேயா॒ன்॒ வஸ்ய॑ஸோஸானி॒ ஸ்வாஹா᳚ । தம் த்வா॑ ப⁴க॒³ ப்ரவி॑ஶானி॒ ஸ்வாஹா᳚ । ஸ மா॑ ப⁴க॒³ ப்ரவி॑ஶ॒ ஸ்வாஹா᳚ । தஸ்மின்᳚ ஸ॒ஹஸ்ர॑ஶாகே² । ஶ்ரேயா॒ன்॒ வஸ்ய॑ஸோஸானி॒ ஸ்வாஹா᳚ । தம் த்வா॑ ப⁴க॒³ ப்ரவி॑ஶானி॒ ஸ்வாஹா᳚ । ஸ மா॑ ப⁴க॒³ ப்ரவி॑ஶ॒ ஸ்வாஹா᳚ । தஸ்மி᳚ன்த்²ஸ॒ஹஸ்ர॑ஶாகே² । நி ப॑⁴கா॒³ஹம் த்வயி॑ ம்ருஜே॒ ஸ்வாஹா᳚ । யதா²ப:॒ ப்ரவ॑தா॒யன்தி॑ । யதா॒² மாஸா॑ அஹர்ஜ॒ரம் । ஏவம்॒ மாம் ப்³ர॑ஹ்மசா॒ரிண:॑ । தா⁴த॒ராய॑ன்து ஸ॒ர்வத॒ஸ்ஸ்வாஹா᳚ । ப்ர॒தி॒வே॒ஶோ॑ஸி॒ ப்ர மா॒ பா⁴ஹி॒ ப்ர மா॑ பத்³யஸ்வ ॥9॥

பூ⁴ர்பு⁴வ॒ஸ்ஸுவ॒ரிதி॒ வா ஏ॒தாஸ்தி॒ஸ்ரோ வ்யாஹ்ரு॑தய: । தாஸா॑மு ஹ ஸ்மை॒ தாம் ச॑து॒ர்தே²ஏம் । மாஹா॑சமஸ்ய:॒ ப்ரவே॑த³யதே । மஹ॒ இதி॑ । தத்³-ப்³ரஹ்ம॑ । ஸ ஆ॒த்மா । அங்கா᳚³ன்ய॒ன்யா தே॒³வதா:᳚ । பூ⁴ரிதி॒ வா அ॒யம் லோ॒க: । பு⁴வ॒ இத்ய॒ன்தரி॑க்ஷம் । ஸுவ॒ரித்ய॒ஸௌ லோ॒க: ॥1௦॥ மஹ॒ இத்யா॑தி॒³த்ய: । ஆ॒தி॒³த்யேன॒ வாவ ஸர்வே॑ லோ॒கா மஹீ॑யன்தே । பூ⁴ரிதி॒ வா அ॒க்³னி: । பு⁴வ॒ இதி॑ வா॒யு: । ஸுவ॒ரித்யா॑தி॒³த்ய: । மஹ॒ இதி॑ ச॒ன்த்³ரமா:᳚ । ச॒ன்த்³ரம॑ஸா॒ வாவ ஸர்வா॑ணி॒ ஜ்யோதீக்³ம்॑ஷி॒ மஹீ॑யன்தே । பூ⁴ரிதி॒ வா ருச:॑ । பு⁴வ॒ இதி॒ ஸாமா॑னி । ஸுவ॒ரிதி॒ யஜூக்³ம்॑ஷி ॥11॥ மஹ॒ இதி॒ ப்³ரஹ்ம॑ । ப்³ரஹ்ம॑ணா॒ வாவ ஸர்வே॑ வே॒தா³ மஹீ॑யன்தே । பூ⁴ரிதி॒ வை ப்ராண: । பு⁴வ॒ இத்ய॑பா॒ன: । ஸுவ॒ரிதி॑ வ்யா॒ன: । மஹ॒ இத்யன்னம்᳚ । அன்னே॑ன॒ வாவ ஸர்வே᳚ ப்ரா॒ணா மஹீ॑யன்தே । தா வா ஏ॒தாஶ்சத॑ஸ்ரஶ்சது॒ர்தா⁴ । சத॑ஸ்ரஶ்சதஸ்ரோ॒ வ்யாஹ்ரு॑தய: । தா யோ வேத॑³ । ஸ வே॑த॒³ ப்³ரஹ்ம॑ । ஸர்வே᳚ஸ்மை தே॒³வா ப॒³லிமாவ॑ஹன்தி ॥12॥

ஸ ய ஏ॒ஷோ᳚ன்தர்-ஹ்ரு॑த³ய ஆகா॒ஶ: । தஸ்மி॑ன்ன॒யம் புரு॑ஷோ மனோ॒மய:॑ । அம்ரு॑தோ ஹிர॒ண்மய:॑ । அன்த॑ரேண॒ தாலு॑கே । ய ஏ॒ஷ ஸ்தன॑ இவாவ॒லம்ப॑³தே । ஸே᳚ன்த்³ரயோ॒னி: । யத்ரா॒ஸௌ கே॑ஶா॒ன்தோ விவர்த॑தே । வ்ய॒போஹ்ய॑ ஶீர்ஷகபா॒லே । பூ⁴ரித்ய॒க்³னௌ ப்ரதி॑திஷ்ட²தி । பு⁴வ॒ இதி॑ வா॒யௌ ॥13॥ ஸுவ॒ரித்யா॑தி॒³த்யே । மஹ॒ இதி॒ ப்³ரஹ்ம॑ணி । ஆ॒ப்னோதி॒ ஸ்வாரா᳚ஜ்யம் । ஆ॒ப்னோதி॒ மன॑ஸ॒ஸ்பதிம்᳚ । வாக்ப॑தி॒ஶ்ர்சக்ஷு॑ஶ்பதி: ஶ்ரோத்ர॑பதிர்வி॒ஜ்ஞான॑பதி: । ஏ॒தத்ததோ॑ ப⁴வதி । ஆ॒கா॒ஶஶ॑ரீரம்॒ ப்³ரஹ்ம॑ । ஸ॒த்யாத்ம॑ ப்ரா॒ணாரா॑மம்॒ மன॑ ஆனந்த³ம் । ஶான்தி॑ஸம்ருத்³த-⁴ம॒ம்ருதம்᳚ । இதி॑ ப்ராசீன யோ॒க்³யோபா᳚ஸ்வ ॥14॥

ப்ரு॒தி॒²வ்ய॑ன்தரி॑க்ஷம்॒ த்³யோ-ர்தி³ஶோ॑வான்தரதி॒³ஶா: । அ॒க்³னிர்வா॒யுரா॑தி॒³த்யஶ்ச்॒ன்த்³ரமா॒ நக்ஷ॑த்ராணி । ஆப॒ ஓஷ॑த³யோ॒ வன॒ஸ்பத॑ய ஆகா॒ஶ ஆ॒த்மா । இத்ய॑தி⁴பூ॒⁴தம் । அதா²த்⁴யா॒த்மம் । ப்ரா॒ணோ வ்யா॒னோ॑பா॒ன உ॑தா॒³னஸ்ஸ॑மான: । சக்ஷு॒ஶ்ரோத்ரம்॒ மனோ॒ வாக் த்வக் । சர்ம॑மா॒க்³ம்॒ஸக்³க்³ ஸ்னாவாஸ்தி॑² ம॒ஜ்ஜா । ஏ॒த-த॑³தி⁴வி॒தா⁴ய॒ ருஷி॒-ரவோ॒சத் பாங்க்தம்॒ வா இ॒த³க்³ம்॒ ஸர்வம்᳚ । பான்க்³த்தே॑னை॒வ பாங்க்தக்³க்³ ஸ்ப்ருணோ॒தீதி॑ ॥15॥

ஓ-மிதி॒ ப்³ரஹ்ம॑ । ஓமிதீ॒த³க்³ம் ஸர்வம்᳚ । ஓமித்யே॒த-த॑³னுக்ருதி ஹஸ்ம॒ வா அ॒ப்யோஶ்ரா॑வ॒யேத்யாஶ்ரா॑வயன்தி । ஓ-மிதி॒ ஸாமா॑னி கா³யன்தி । ஓக்³ம் ஶோ-மிதி॑ ஶ॒ஸ்த்ராணி॑ ஶக்³ம்ஸன்தி । ஓமித்ய॑த்⁴வ॒ர்யு: ப்ர॑திக॒³ரம் ப்ரதி॑க்³ருணாதி । ஓ-மிதி॒ ப்³ரஹ்மா॒ ப்ரஸௌ॑தி । ஓ-மித்ய॑க்³னிஹோத்ர-மனு॑ஜானாதி । ஓமிதி॑ ப்³ராஹ்ம॒ண: ப்ர॑வ॒க்ஷ்யன்னா॑ஹ॒ ப்³ரஹ்மோபா᳚ப்னவா॒னீதி॑ । ப்³ரஹ்மை॒வோபா᳚ப்னோதி ॥16॥

ருதம் ச ஸ்வாத்⁴யாயப்ரவ॑சனே ச । ஸத்யம் ச ஸ்வாத்⁴யாயப்ரவ॑சனே ச । தபஶ்ச ஸ்வாத்⁴யாயப்ரவ॑சனே ச । த³மஶ்ச ஸ்வாத்⁴யாயப்ரவ॑சனே ச । ஶமஶ்ச ஸ்வாத்⁴யாயப்ரவ॑சனே ச । அக்³னயஶ்ச ஸ்வாத்⁴யாயப்ரவ॑சனே ச । அக்³னிஹோத்ரம் ச ஸ்வாத்⁴யாயப்ரவ॑சனே ச । அதித²யஶ்ச ஸ்வாத்⁴யாயப்ரவ॑சனே ச । மானுஷம் ச ஸ்வாத்⁴யாயப்ரவ॑சனே ச । ப்ரஜா ச ஸ்வாத்⁴யாயப்ரவ॑சனே ச । ப்ரஜனஶ்ச ஸ்வாத்⁴யாயப்ரவ॑சனே ச । ப்ரஜாதிஶ்ச ஸ்வாத்⁴யாயப்ரவ॑சனே ச । ஸத்யமிதி ஸத்யவசா॑ ராதீ॒² தர: । தப இதி தபோனித்ய: பௌ॑ருஶி॒ஷ்டி²: । ஸ்வாத்⁴யாய ப்ரவசனே ஏவேதி நாகோ॑ மௌத்³க॒³ல்ய: । தத்³தி⁴ தப॑-ஸ்தத்³தி॒⁴ தப: ॥17॥

அ॒ஹம் வ்ரு॒க்ஷஸ்ய॒ ரேரி॑வா । கீ॒ர்தி: ப்ரு॒ஷ்ட²ம் கி॒³ரே-ரி॑வ । ஊ॒ர்த்⁴வப॑வித்ரோ வா॒ஜினீ॑வ ஸ்வ॒ம்ருத॑-மஸ்மி । த்³ரவி॑ண॒க்³ம்॒ ஸவ॑ர்சஸம் । ஸுமேதா⁴ அ॑ம்ருதோ॒க்ஷித: । இதி த்ரிஶங்கோர்வேதா॑³னுவ॒சனம் ॥18॥

வேத³மனூச்யாசார்யோன்தேவாஸின-ம॑னுஶா॒ஸ்தி । ஸத்யம்॒ வத³ । த⁴ர்மம்॒ சர । ஸ்வாத்⁴யாயா᳚ன்மா ப்ர॒மத:³ । ஆசார்யாய ப்ரியம் த⁴னமாஹ்ருத்ய ப்ரஜாதன்தும் மா வ்ய॑வச்சே॒²த்ஸீ: । ஸத்யன்ன ப்ரம॑தி³த॒வ்யம் । த⁴ர்மான்ன ப்ரம॑தி³த॒வ்யம் । குஶலான்ன ப்ரம॑தி³த॒வ்யம் । பூ⁴த்யை ந ப்ரம॑தி³த॒வ்யம் । ஸ்வாத்⁴யாயப்ரவசனாப்⁴யாம் ந ப்ரம॑தி³த॒வ்யம் ॥19॥

தே³வபித்ருகார்யாப்⁴யாம் ந ப்ரம॑தி³த॒வ்யம் । மாத்ரு॑தே³வோ॒ ப⁴வ । பித்ரு॑தே³வோ॒ ப⁴வ । ஆசார்ய॑தே³வோ॒ ப⁴வ । அதிதி॑²தே³வோ॒ ப⁴வ । யான்யனவத்³யானி॑ கர்மா॒ணி । தானி ஸேவி॑தவ்யா॒னி । நோ இ॑தரா॒ணி । யான்யஸ்மாகக்³ம் ஸுச॑ரிதா॒னி । தானி த்வயோ॑பாஸ்யா॒னி ॥2௦॥

நோ இ॑தரா॒ணி ।யே கே சாஸ்மச்ச்²ரேயாக்³ம்॑ஸோ ப்³ரா॒ஹ்மணா: । தேஷாம் த்வயாஸனே ந ப்ரஶ்வ॑ஸித॒வ்யம் । ஶ்ரத்³த॑⁴யா தே॒³யம் । அஶ்ரத்³த॑⁴யாதே॒³யம் । ஶ்ரி॑யா தே॒³யம் । ஹ்ரி॑யா தே॒³யம் । பி॑⁴யா தே॒³யம் । ஸம்வி॑தா³ தே॒³யம் । அத²யதி³ தே கர்மவிசிகித்ஸா வா வ்ருத்தவிசிகி॑த்ஸா வா॒ ஸ்யாத் ॥21॥

யே தத்ர ப்³ராஹ்மணா᳚-ஸ்ஸம்ம॒ர்॒ஶின: । யுக்தா॑ ஆயு॒க்தா: । அலூக்ஷா॑ த⁴ர்ம॑-காமா॒ஸ்ஸ்யு: । யதா² தே॑ தத்ர॑ வர்தே॒ரன் । ததா² தத்ர॑ வர்தே॒தா²: । அதா²ப்⁴யா᳚க்²யாதே॒ஷு । யே தத்ர ப்³ராஹ்மணா᳚-ஸ்ஸம்ம்॒ர்॒ஶின: । யுக்தா॑ ஆயு॒க்தா: । அலூக்ஷா॑ த⁴ர்ம॑-காமா॒ஸ்ஸ்யு: । யதா² தே॑ தேஷு॑ வர்தே॒ரன் । ததா² தேஷு॑ வர்தே॒தா²: । ஏஷ॑ ஆதே॒³ஶ: । ஏஷ ஊ॑பதே॒³ஶ: । ஏஷா வே॑தோ³ப॒னிஷத் । ஏதத॑³னுஶா॒ஸனம் । ஏவமுபா॑ஸித॒வ்யம் ।ஏவமுசைத॑தி³பா॒ஸ்யம் ॥22॥

ஶம் நோ॑ மி॒த்ர-ஶ்ஶம் வரு॑ண: । ஶம் நோ॑ ப⁴வத்வர்ய॒மா । ஶம் ந॒ இன்த்³ரோ॒ ப்³ருஹ॒ஸ்பதி:॑ । ஶம் நோ॒ விஶ்ணு॑-ருருக்ர॒ம: । நமோ॒ ப்³ரஹ்ம॑ணே । நம॑ஸ்தே வாயோ । த்வமே॒வ ப்ர॒த்யக்ஷம்॒ ப்³ரஹ்மா॑ஸி । த்வமே॒வ ப்ர॒த்யக்ஷம்॒ ப்³ரஹ்மாவா॑தி³ஷம் । ரு॒தம॑வாதி³ஷம் । ஸ॒த்யம॑வாதி³ஷம் । தன்மாமா॑வீத் । தத்³வ॒க்தார॑மாவீத் । ஆவீ॒ன்மாம் । ஆவீ᳚த்³வ॒க்தாரம்᳚ ।

ஓம் ஶான்தி:॒ ஶான்தி:॒ ஶான்தி:॑