ଓଂ ଶଂ ନୋ॑ ମି॒ତ୍ର-ଶ୍ଶଂ ଵରୁ॑ଣଃ । ଶଂ ନୋ॑ ଭଵତ୍ଵର୍ଯ॒ମା । ଶଂ ନ॒ ଇଂଦ୍ରୋ॒ ବୃହ॒ସ୍ପତିଃ॑ । ଶଂ ନୋ॒ ଵିଷ୍ଣୁ॑-ରୁରୁକ୍ର॒ମଃ । ନମୋ॒ ବ୍ରହ୍ମ॑ଣେ । ନମ॑ସ୍ତେ ଵାଯୋ । ତ୍ଵମେ॒ଵ ପ୍ର॒ତ୍ଯକ୍ଷଂ॒ ବ୍ରହ୍ମା॑ସି । ତ୍ଵମେ॒ଵ ପ୍ର॒ତ୍ଯକ୍ଷଂ॒ ବ୍ରହ୍ମ॑ ଵଦିଷ୍ଯାମି ।
ଋ॒ତଂ ଵ॑ଦିଷ୍ଯାମି । ସ॒ତ୍ଯଂ ଵ॑ଦିଷ୍ଯାମି। ତନ୍ମାମ॑ଵତୁ । ତଦ୍ଵ॒ତ୍ତାର॑ମଵତୁ । ଅଵ॑ତୁ॒ ମାମ୍ । ଅଵ॑ତୁ ଵ॒କ୍ତାରମ୍᳚ ।

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥1॥

ଶୀକ୍ଷାଂ ଵ୍ଯା᳚ଖ୍ଯାସ୍ଯା॒ମଃ । ଵର୍ଣ॒-ସ୍ସ୍ଵରଃ । ମାତ୍ରା॒ ବଲମ୍ ।
ସାମ॑ ସଂତା॒ନଃ । ଇତ୍ଯୁତ୍ତ-ଶ୍ଶୀ᳚କ୍ଷାଧ୍ଯା॒ଯଃ ॥2॥

ସ॒ହ ନୌ॒ ଯଶଃ । ସ॒ହ ନୌ ବ୍ର॑ହ୍ମଵ॒ର୍ଚସମ୍ । ଅଥାତସ୍ସଗ୍-ମ୍ହିତାଯା ଉପନିଷଦଂ ଵ୍ଯା᳚ଖାସ୍ଯା॒ମଃ ।
ପଂଚସ୍ଵଧିକ॑ରଣେ॒ଶୁ। ଅଧିଲୋକମଧିଜ୍ଯୌତିଷ-ମଧିଵିଦ୍ଯ-ମଧିପ୍ରଜ॑ମଧ୍ଯା॒ତ୍ମମ୍ । ତା ମହାସଗ୍-ମ୍ହିତା ଇ॑ତ୍ଯାଚ॒କ୍ଷତେ । ଅଥ॑ଧିଲୋ॒କମ୍ । ପୃଥିଵୀ ପୂ᳚ର୍ଵରୂ॒ପମ୍ । ଦ୍ଯୌ ରୁତ୍ତ॑ରରୂ॒ପମ୍ । ଆକା॑ଶ-ସ୍ସଂଧିଃ ॥3॥

ଵାଯୁଃ॑-ସ୍ସଂଧା॒ନମ୍ । ଇତ୍ଯ॑ଧିଲୋ॒କମ୍ । ଅଥା॑ଧିଜ୍ଯୌ॒ତିଷମ୍ । ଆଚାର୍ଯଃ ପୂ᳚ର୍ଵରୂ॒ପମ୍ ॥4।ଅଂତେଵାସ୍ଯୁତ୍ତ॑ରରୂ॒ପମ୍ । ଵି॑ଦ୍ଯା ସ॒ଂଧିଃ । ପ୍ରଵଚନଗ୍-ମ୍॑ ସଂଧା॒ନମ୍ । ଇତ୍ଯ॑ଧିଵି॒ଦ୍ଯମ୍ ॥ ଅଥାଧି॒ପ୍ରଜମ୍ । ମାତା ପୂ᳚ର୍ଵରୂ॒ପମ୍ । ପିତୋତ୍ତ॑ରରୂ॒ପମ୍ । ପ୍ର॑ଜା ସ॒ଂଧିଃ । ପ୍ରଜନନଗ୍-ମ୍॑ ସଂଧା॒ନମ୍ । ଇତ୍ଯଧି॒ପ୍ରଜମ୍ ॥5॥

ଅଥାଧ୍ଯା॒ତ୍ମମ୍ । ଅଧରା ହନୁଃ ପୂ᳚ର୍ଵରୂ॒ପମ୍ । ଉତ୍ତରା ହନୁରୁତ୍ତ॑ରରୂ॒ପମ୍ । ଵାକ୍ସ॒ଂଧିଃ । ଜିହ୍ଵା॑ ସଂଧା॒ନମ୍ । ଇତ୍ଯଧ୍ଯା॒ତ୍ମମ୍ । ଇତୀମାମ॑ହାସ॒ଗ୍-ମ୍॒ହି॑ତାଃ ॥ ଯ ଏଵମେତା ମହାସଗ୍-ମ୍ହିତା ଵ୍ଯାଖ୍ଯା॑ତା ଵେ॒ଦ । ସଂଧୀଯତେ ପ୍ରଜ॑ଯା ପ॒ଶୁଭିଃ । ବ୍ରହ୍ମଵର୍ଚସେନାନ୍ନାଦ୍ଯେନ ସୁଵର୍ଗ୍ଯେଣ॑ ଲୋକେ॒ନ ॥6॥

ଯଶ୍ଛଂଦ॑ସାମୃଷ॒ଭୋ ଵି॒ଶ୍ଵରୂ॑ପଃ । ଛଂଦୋ॒ଭ୍ଯୋଽଧ୍ଯ॒ମୃତା᳚ତ୍ସ୍ଥଂ ବ॒ଭୂଵ॑ । ସ ମେଂଦ୍ରୋ॑ ମେ॒ଧଯା᳚ ସ୍ପୃଣୋତୁ । ଅ॒ମୃତ॑ସ୍ଯ ଦେଵ॒ଧାର॑ଣୋ ଭୂଯାସମ୍ । ଶରୀ॑ରଂ ମେ॒ ଵିଚ॑ର୍ଷଣମ୍ । ଜି॒ହ୍ଵା ମେ॒ ମଧୁ॑ମତ୍ତମା । କର୍ଣା᳚ଭ୍ଯଂ॒ ଭୂରି॒ଵିଶ୍ରୁ॑ଵମ୍ । ବ୍ରହ୍ମ॑ଣଃ କୋ॒ଶୋ॑ସି ମେ॒ଧଯା ପି॑ହିତଃ । ଶ୍ରୁ॒ତଂ ମେ॑ ଗୋପାଯ । ଆ॒ଵହ॑ଂତୀ ଵିତନ୍ଵା॒ନା ॥7॥

କୁ॒ର୍ଵା॒ଣା ଚୀର॑-ମା॒ତ୍ମନଃ॑ । ଵାସାଗ୍-ମ୍॑ସି॒ ମମ॒ ଗାଵ॑ଶ୍ଚ । ଅ॒ନ୍ନ॒ପା॒ନେ ଚ॑ ସର୍ଵ॒ଦା । ତତୋ॑ ମେ॒ ଶ୍ରିଯ॒-ମାଵ॑ହ । ଲୋ॒ମ॒ଶାଂ ପ॒ଶୁଭି॑ସ୍ସ॒ହ ସ୍ଵାହା᳚ । ଆମା॑ଯଂତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ । ଵିମା॑ଽଽଯଂତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ । ପ୍ରମା॑ଽଽଯଂତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ । ଦମା॑ଯଂତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ । ଶମା॑ଯଂତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ ॥8॥

ଯଶୋ॒ ଜନେ॑ଽସାନି॒ ସ୍ଵାହା᳚ । ଶ୍ରେଯା॒ନ୍॒ ଵସ୍ଯ॑ସୋଽସାନି॒ ସ୍ଵାହା᳚ । ତଂ ତ୍ଵା॑ ଭଗ॒ ପ୍ରଵି॑ଶାନି॒ ସ୍ଵାହା᳚ । ସ ମା॑ ଭଗ॒ ପ୍ରଵି॑ଶ॒ ସ୍ଵାହା᳚ । ତସ୍ମିନ୍᳚ ସ॒ହସ୍ର॑ଶାଖେ । ଶ୍ରେଯା॒ନ୍॒ ଵସ୍ଯ॑ସୋଽସାନି॒ ସ୍ଵାହା᳚ । ତଂ ତ୍ଵା॑ ଭଗ॒ ପ୍ରଵି॑ଶାନି॒ ସ୍ଵାହା᳚ । ସ ମା॑ ଭଗ॒ ପ୍ରଵି॑ଶ॒ ସ୍ଵାହା᳚ । ତସ୍ମି᳚ଂଥ୍ସ॒ହସ୍ର॑ଶାଖେ । ନି ଭ॑ଗା॒ଽହଂ ତ୍ଵଯି॑ ମ୍ରୁଜେ॒ ସ୍ଵାହା᳚ । ଯଥାଽଽପଃ॒ ପ୍ରଵ॑ତା॒ଽଽଯଂତି॑ । ଯଥା॒ ମାସା॑ ଅହର୍ଜ॒ରମ୍ । ଏଵଂ॒ ମାଂ ବ୍ର॑ହ୍ମଚା॒ରିଣଃ॑ । ଧାତ॒ରାଯ॑ଂତୁ ସ॒ର୍ଵତ॒ସ୍ସ୍ଵାହା᳚ । ପ୍ର॒ତି॒ଵେ॒ଶୋ॑ଽସି॒ ପ୍ର ମା॒ ଭାହି॒ ପ୍ର ମା॑ ପଦ୍ଯସ୍ଵ ॥9॥

ଭୂର୍ଭୁଵ॒ସ୍ସୁଵ॒ରିତି॒ ଵା ଏ॒ତାସ୍ତି॒ସ୍ରୋ ଵ୍ଯାହୃ॑ତଯଃ । ତାସା॑ମୁ ହ ସ୍ମୈ॒ ତାଂ ଚ॑ତୁ॒ର୍ଥେଏମ୍ । ମାହା॑ଚମସ୍ଯଃ॒ ପ୍ରଵେ॑ଦଯତେ । ମହ॒ ଇତି॑ । ତଦ୍-ବ୍ରହ୍ମ॑ । ସ ଆ॒ତ୍ମା । ଅଂଗା᳚ନ୍ଯ॒ନ୍ଯା ଦେ॒ଵତାଃ᳚ । ଭୂରିତି॒ ଵା ଅ॒ଯଂ ଲୋ॒କଃ । ଭୁଵ॒ ଇତ୍ଯ॒ଂତରି॑କ୍ଷମ୍ । ସୁଵ॒ରିତ୍ଯ॒ସୌ ଲୋ॒କଃ ॥10॥ ମହ॒ ଇତ୍ଯା॑ଦି॒ତ୍ଯଃ । ଆ॒ଦି॒ତ୍ଯେନ॒ ଵାଵ ସର୍ଵେ॑ ଲୋ॒କା ମହୀ॑ଯଂତେ । ଭୂରିତି॒ ଵା ଅ॒ଗ୍ନିଃ । ଭୁଵ॒ ଇତି॑ ଵା॒ଯୁଃ । ସୁଵ॒ରିତ୍ଯା॑ଦି॒ତ୍ଯଃ । ମହ॒ ଇତି॑ ଚ॒ଂଦ୍ରମାଃ᳚ । ଚ॒ଂଦ୍ରମ॑ସା॒ ଵାଵ ସର୍ଵା॑ଣି॒ ଜ୍ଯୋତୀଗ୍-ମ୍॑ଷି॒ ମହୀ॑ଯଂତେ । ଭୂରିତି॒ ଵା ଋଚଃ॑ । ଭୁଵ॒ ଇତି॒ ସାମା॑ନି । ସୁଵ॒ରିତି॒ ଯଜୂଗ୍-ମ୍॑ଷି ॥11॥ ମହ॒ ଇତି॒ ବ୍ରହ୍ମ॑ । ବ୍ରହ୍ମ॑ଣା॒ ଵାଵ ସର୍ଵେ॑ ଵେ॒ଦା ମହୀ॑ଯଂତେ । ଭୂରିତି॒ ଵୈ ପ୍ରାଣଃ । ଭୁଵ॒ ଇତ୍ଯ॑ପା॒ନଃ । ସୁଵ॒ରିତି॑ ଵ୍ଯା॒ନଃ । ମହ॒ ଇତ୍ଯନ୍ନମ୍᳚ । ଅନ୍ନେ॑ନ॒ ଵାଵ ସର୍ଵେ᳚ ପ୍ରା॒ଣା ମହୀ॑ଯଂତେ । ତା ଵା ଏ॒ତାଶ୍ଚତ॑ସ୍ରଶ୍ଚତୁ॒ର୍ଧା । ଚତ॑ସ୍ରଶ୍ଚତସ୍ରୋ॒ ଵ୍ଯାହୃ॑ତଯଃ । ତା ଯୋ ଵେଦ॑ । ସ ଵେ॑ଦ॒ ବ୍ରହ୍ମ॑ । ସର୍ଵେ᳚ଽସ୍ମୈ ଦେ॒ଵା ବ॒ଲିମାଵ॑ହଂତି ॥12॥

ସ ଯ ଏ॒ଷୋ᳚ଽଂତର୍-ହୃ॑ଦଯ ଆକା॒ଶଃ । ତସ୍ମି॑ନ୍ନ॒ଯଂ ପୁରୁ॑ଷୋ ମନୋ॒ମଯଃ॑ । ଅମୃ॑ତୋ ହିର॒ଣ୍ମଯଃ॑ । ଅଂତ॑ରେଣ॒ ତାଲୁ॑କେ । ଯ ଏ॒ଷ ସ୍ତନ॑ ଇଵାଵ॒ଲଂବ॑ତେ । ସେ᳚ଂଦ୍ରଯୋ॒ନିଃ । ଯତ୍ରା॒ସୌ କେ॑ଶା॒ଂତୋ ଵିଵର୍ତ॑ତେ । ଵ୍ଯ॒ପୋହ୍ଯ॑ ଶୀର୍ଷକପା॒ଲେ । ଭୂରିତ୍ଯ॒ଗ୍ନୌ ପ୍ରତି॑ତିଷ୍ଠତି । ଭୁଵ॒ ଇତି॑ ଵା॒ଯୌ ॥13॥ ସୁଵ॒ରିତ୍ଯା॑ଦି॒ତ୍ଯେ । ମହ॒ ଇତି॒ ବ୍ରହ୍ମ॑ଣି । ଆ॒ପ୍ନୋତି॒ ସ୍ଵାରା᳚ଜ୍ଯମ୍ । ଆ॒ପ୍ନୋତି॒ ମନ॑ସ॒ସ୍ପତିମ୍᳚ । ଵାକ୍ପ॑ତି॒ଶ୍ର୍ଚକ୍ଷୁ॑ଶ୍ପତିଃ ଶ୍ରୋତ୍ର॑ପତିର୍ଵି॒ଜ୍ଞାନ॑ପତିଃ । ଏ॒ତତ୍ତତୋ॑ ଭଵତି । ଆ॒କା॒ଶଶ॑ରୀରଂ॒ ବ୍ରହ୍ମ॑ । ସ॒ତ୍ଯାତ୍ମ॑ ପ୍ରା॒ଣାରା॑ମଂ॒ ମନ॑ ଆନଂଦମ୍ । ଶାଂତି॑ସମୃଦ୍ଧ-ମ॒ମୃତମ୍᳚ । ଇତି॑ ପ୍ରାଚୀନ ଯୋ॒ଗ୍ଯୋପା᳚ସ୍ଵ ॥14॥

ପୃ॒ଥି॒ଵ୍ଯ॑ଂତରି॑କ୍ଷଂ॒ ଦ୍ଯୋ-ର୍ଦିଶୋ॑ଽଵାଂତରଦି॒ଶାଃ । ଅ॒ଗ୍ନିର୍ଵା॒ଯୁରା॑ଦି॒ତ୍ଯଶ୍ଚ୍॒ଂଦ୍ରମା॒ ନକ୍ଷ॑ତ୍ରାଣି । ଆପ॒ ଓଷ॑ଦଯୋ॒ ଵନ॒ସ୍ପତ॑ଯ ଆକା॒ଶ ଆ॒ତ୍ମା । ଇତ୍ଯ॑ଧିଭୂ॒ତମ୍ । ଅଥାଧ୍ଯା॒ତ୍ମମ୍ । ପ୍ରା॒ଣୋ ଵ୍ଯା॒ନୋ॑ଽପା॒ନ ଉ॑ଦା॒ନସ୍ସ॑ମାନଃ । ଚକ୍ଷୁ॒ଶ୍ରୋତ୍ରଂ॒ ମନୋ॒ ଵାକ୍ ତ୍ଵକ୍ । ଚର୍ମ॑ମା॒ଗ୍-ମ୍॒ସଗ୍ଗ୍ ସ୍ନାଵାଽସ୍ଥି॑ ମ॒ଜ୍ଜା । ଏ॒ତ-ଦ॑ଧିଵି॒ଧାଯ॒ ଋଷି॒-ରଵୋ॒ଚତ୍ ପାଂକ୍ତଂ॒ ଵା ଇ॒ଦଗ୍-ମ୍॒ ସର୍ଵମ୍᳚ । ପାନ୍ଗ୍ତ୍ତେ॑ନୈ॒ଵ ପାଂକ୍ତଗ୍ଗ୍ ସ୍ପୃଣୋ॒ତୀତି॑ ॥15॥

ଓ-ମିତି॒ ବ୍ରହ୍ମ॑ । ଓମିତୀ॒ଦଗ୍-ମ୍ ସର୍ଵମ୍᳚ । ଓମିତ୍ଯେ॒ତ-ଦ॑ନୁକୃତି ହସ୍ମ॒ ଵା ଅ॒ପ୍ଯୋଶ୍ରା॑ଵ॒ଯେତ୍ଯାଶ୍ରା॑ଵଯଂତି । ଓ-ମିତି॒ ସାମା॑ନି ଗାଯଂତି । ଓଗ୍-ମ୍ ଶୋ-ମିତି॑ ଶ॒ସ୍ତ୍ରାଣି॑ ଶଗ୍-ମ୍ସଂତି । ଓମିତ୍ଯ॑ଧ୍ଵ॒ର୍ଯୁଃ ପ୍ର॑ତିଗ॒ରଂ ପ୍ରତି॑ଗୃଣାତି । ଓ-ମିତି॒ ବ୍ରହ୍ମା॒ ପ୍ରସୌ॑ତି । ଓ-ମିତ୍ଯ॑ଗ୍ନିହୋତ୍ର-ମନୁ॑ଜାନାତି । ଓମିତି॑ ବ୍ରାହ୍ମ॒ଣଃ ପ୍ର॑ଵ॒କ୍ଷ୍ଯନ୍ନା॑ହ॒ ବ୍ରହ୍ମୋପା᳚ପ୍ନଵା॒ନୀତି॑ । ବ୍ରହ୍ମୈ॒ଵୋପା᳚ପ୍ନୋତି ॥16॥

ଋତଂ ଚ ସ୍ଵାଧ୍ଯାଯପ୍ରଵ॑ଚନେ ଚ । ସତ୍ଯଂ ଚ ସ୍ଵାଧ୍ଯାଯପ୍ରଵ॑ଚନେ ଚ । ତପଶ୍ଚ ସ୍ଵାଧ୍ଯାଯପ୍ରଵ॑ଚନେ ଚ । ଦମଶ୍ଚ ସ୍ଵାଧ୍ଯାଯପ୍ରଵ॑ଚନେ ଚ । ଶମଶ୍ଚ ସ୍ଵାଧ୍ଯାଯପ୍ରଵ॑ଚନେ ଚ । ଅଗ୍ନଯଶ୍ଚ ସ୍ଵାଧ୍ଯାଯପ୍ରଵ॑ଚନେ ଚ । ଅଗ୍ନିହୋତ୍ରଂ ଚ ସ୍ଵାଧ୍ଯାଯପ୍ରଵ॑ଚନେ ଚ । ଅତିଥଯଶ୍ଚ ସ୍ଵାଧ୍ଯାଯପ୍ରଵ॑ଚନେ ଚ । ମାନୁଷଂ ଚ ସ୍ଵାଧ୍ଯାଯପ୍ରଵ॑ଚନେ ଚ । ପ୍ରଜା ଚ ସ୍ଵାଧ୍ଯାଯପ୍ରଵ॑ଚନେ ଚ । ପ୍ରଜନଶ୍ଚ ସ୍ଵାଧ୍ଯାଯପ୍ରଵ॑ଚନେ ଚ । ପ୍ରଜାତିଶ୍ଚ ସ୍ଵାଧ୍ଯାଯପ୍ରଵ॑ଚନେ ଚ । ସତ୍ଯମିତି ସତ୍ଯଵଚା॑ ରାଥୀ॒ ତରଃ । ତପ ଇତି ତପୋନିତ୍ଯଃ ପୌ॑ରୁଶି॒ଷ୍ଠିଃ । ସ୍ଵାଧ୍ଯାଯ ପ୍ରଵଚନେ ଏଵେତି ନାକୋ॑ ମୌଦ୍ଗ॒ଲ୍ଯଃ । ତଦ୍ଧି ତପ॑-ସ୍ତଦ୍ଧି॒ ତପଃ ॥17॥

ଅ॒ହଂ ଵୃ॒କ୍ଷସ୍ଯ॒ ରେରି॑ଵା । କୀ॒ର୍ତିଃ ପୃ॒ଷ୍ଠଂ ଗି॒ରେ-ରି॑ଵ । ଊ॒ର୍ଧ୍ଵପ॑ଵିତ୍ରୋ ଵା॒ଜିନୀ॑ଵ ସ୍ଵ॒ମୃତ॑-ମସ୍ମି । ଦ୍ରଵି॑ଣ॒ଗ୍-ମ୍॒ ସଵ॑ର୍ଚସମ୍ । ସୁମେଧା ଅ॑ମୃତୋ॒କ୍ଷିତଃ । ଇତି ତ୍ରିଶଂକୋର୍ଵେଦା॑ନୁଵ॒ଚନମ୍ ॥18॥

ଵେଦମନୂଚ୍ଯାଚାର୍ଯୋଽଂତେଵାସିନ-ମ॑ନୁଶା॒ସ୍ତି । ସତ୍ଯଂ॒ ଵଦ । ଧର୍ମଂ॒ ଚର । ସ୍ଵାଧ୍ଯାଯା᳚ନ୍ମା ପ୍ର॒ମଦଃ । ଆଚାର୍ଯାଯ ପ୍ରିଯଂ ଧନମାହୃତ୍ଯ ପ୍ରଜାତଂତୁଂ ମା ଵ୍ଯ॑ଵଚ୍ଛେ॒ତ୍ସୀଃ । ସତ୍ଯନ୍ନ ପ୍ରମ॑ଦିତ॒ଵ୍ଯମ୍ । ଧର୍ମାନ୍ନ ପ୍ରମ॑ଦିତ॒ଵ୍ଯମ୍ । କୁଶଲାନ୍ନ ପ୍ରମ॑ଦିତ॒ଵ୍ଯମ୍ । ଭୂତ୍ଯୈ ନ ପ୍ରମ॑ଦିତ॒ଵ୍ଯମ୍ । ସ୍ଵାଧ୍ଯାଯପ୍ରଵଚନାଭ୍ଯାଂ ନ ପ୍ରମ॑ଦିତ॒ଵ୍ଯମ୍ ॥19॥

ଦେଵପିତୃକାର୍ଯାଭ୍ଯାଂ ନ ପ୍ରମ॑ଦିତ॒ଵ୍ଯମ୍ । ମାତୃ॑ଦେଵୋ॒ ଭଵ । ପିତୃ॑ଦେଵୋ॒ ଭଵ । ଆଚାର୍ଯ॑ଦେଵୋ॒ ଭଵ । ଅତିଥି॑ଦେଵୋ॒ ଭଵ । ଯାନ୍ଯନଵଦ୍ଯାନି॑ କର୍ମା॒ଣି । ତାନି ସେଵି॑ତଵ୍ଯା॒ନି । ନୋ ଇ॑ତରା॒ଣି । ଯାନ୍ଯସ୍ମାକଗ୍-ମ୍ ସୁଚ॑ରିତା॒ନି । ତାନି ତ୍ଵଯୋ॑ପାସ୍ଯା॒ନି ॥20॥

ନୋ ଇ॑ତରା॒ଣି ।ଯେ କେ ଚାସ୍ମଚ୍ଛ୍ରେଯାଗ୍-ମ୍॑ସୋ ବ୍ରା॒ହ୍ମଣାଃ । ତେଷାଂ ତ୍ଵଯାଽଽସନେ ନ ପ୍ରଶ୍ଵ॑ସିତ॒ଵ୍ଯମ୍ । ଶ୍ରଦ୍ଧ॑ଯା ଦେ॒ଯମ୍ । ଅଶ୍ରଦ୍ଧ॑ଯାଽଽଦେ॒ଯମ୍ । ଶ୍ରି॑ଯା ଦେ॒ଯମ୍ । ହ୍ରି॑ଯା ଦେ॒ଯମ୍ । ଭି॑ଯା ଦେ॒ଯମ୍ । ସଂଵି॑ଦା ଦେ॒ଯମ୍ । ଅଥଯଦି ତେ କର୍ମଵିଚିକିତ୍ସା ଵା ଵୃତ୍ତଵିଚିକି॑ତ୍ସା ଵା॒ ସ୍ଯାତ୍ ॥21॥

ଯେ ତତ୍ର ବ୍ରାହ୍ମଣା᳚-ସ୍ସମ୍ମ॒ର୍॒ଶିନଃ । ଯୁକ୍ତା॑ ଆଯୁ॒କ୍ତାଃ । ଅଲୂକ୍ଷା॑ ଧର୍ମ॑-କାମା॒ସ୍ସ୍ଯୁଃ । ଯଥା ତେ॑ ତତ୍ର॑ ଵର୍ତେ॒ରନ୍ । ତଥା ତତ୍ର॑ ଵର୍ତେ॒ଥାଃ । ଅଥାଭ୍ଯା᳚ଖ୍ଯାତେ॒ଷୁ । ଯେ ତତ୍ର ବ୍ରାହ୍ମଣା᳚-ସ୍ସମ୍ମ୍॒ର୍॒ଶିନଃ । ଯୁକ୍ତା॑ ଆଯୁ॒କ୍ତାଃ । ଅଲୂକ୍ଷା॑ ଧର୍ମ॑-କାମା॒ସ୍ସ୍ଯୁଃ । ଯଥା ତେ॑ ତେଷୁ॑ ଵର୍ତେ॒ରନ୍ । ତଥା ତେଷୁ॑ ଵର୍ତେ॒ଥାଃ । ଏଷ॑ ଆଦେ॒ଶଃ । ଏଷ ଊ॑ପଦେ॒ଶଃ । ଏଷା ଵେ॑ଦୋପ॒ନିଷତ୍ । ଏତଦ॑ନୁଶା॒ସନମ୍ । ଏଵମୁପା॑ସିତ॒ଵ୍ଯମ୍ ।ଏଵମୁଚୈତ॑ଦିପା॒ସ୍ଯମ୍ ॥22॥

ଶଂ ନୋ॑ ମି॒ତ୍ର-ଶ୍ଶମ୍ ଵରୁ॑ଣଃ । ଶଂ ନୋ॑ ଭଵତ୍ଵର୍ଯ॒ମା । ଶଂ ନ॒ ଇଂଦ୍ରୋ॒ ବୃହ॒ସ୍ପତିଃ॑ । ଶଂ ନୋ॒ ଵିଶ୍ଣୁ॑-ରୁରୁକ୍ର॒ମଃ । ନମୋ॒ ବ୍ରହ୍ମ॑ଣେ । ନମ॑ସ୍ତେ ଵାଯୋ । ତ୍ଵମେ॒ଵ ପ୍ର॒ତ୍ଯକ୍ଷଂ॒ ବ୍ରହ୍ମା॑ସି । ତ୍ଵମେ॒ଵ ପ୍ର॒ତ୍ଯକ୍ଷଂ॒ ବ୍ରହ୍ମାଵା॑ଦିଷମ୍ । ଋ॒ତମ॑ଵାଦିଷମ୍ । ସ॒ତ୍ଯମ॑ଵାଦିଷମ୍ । ତନ୍ମାମା॑ଵୀତ୍ । ତଦ୍ଵ॒କ୍ତାର॑ମାଵୀତ୍ । ଆଵୀ॒ନ୍ମାମ୍ । ଆଵୀ᳚ଦ୍ଵ॒କ୍ତାରମ୍᳚ ।

ଓମ୍ ଶାଂତିଃ॒ ଶାଂତିଃ॒ ଶାଂତିଃ॑