𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃

𑌓𑌂 𑌨𑌮𑌃 𑌪𑌰𑌮𑌾𑌤𑍍𑌮𑌨𑍇 । 𑌹𑌰𑌿𑌃 𑌓𑌮𑍍 ॥

𑌸𑍁𑌕𑍇𑌶𑌾 𑌚 𑌭𑌾𑌰𑌦𑍍𑌵𑌾𑌜𑌃 𑌶𑍈𑌬𑍍𑌯𑌶𑍍𑌚 𑌸𑌤𑍍𑌯𑌕𑌾𑌮𑌃 𑌸𑍌𑌰𑍍𑌯𑌾𑌯𑌣𑍀 𑌚 𑌗𑌾𑌰𑍍𑌗𑍍𑌯𑌃 𑌕𑍌𑌸𑌲𑍍𑌯𑌶𑍍𑌚𑌾𑌶𑍍𑌵𑌲𑌾𑌯𑌨𑍋 𑌭𑌾𑌰𑍍𑌗𑌵𑍋 𑌵𑍈𑌦𑌰𑍍𑌭𑌿𑌃 𑌕𑌬𑌂𑌧𑍀 𑌕𑌾𑌤𑍍𑌯𑌾𑌯𑌨𑌸𑍍𑌤𑍇 𑌹𑍈𑌤𑍇 𑌬𑍍𑌰𑌹𑍍𑌮𑌪𑌰𑌾 𑌬𑍍𑌰𑌹𑍍𑌮𑌨𑌿𑌷𑍍𑌠𑌾𑌃 𑌪𑌰𑌂 𑌬𑍍𑌰𑌹𑍍𑌮𑌾𑌨𑍍𑌵𑍇𑌷𑌮𑌾𑌣𑌾𑌃 𑌏𑌷 𑌹 𑌵𑍈 𑌤𑌤𑍍𑌸𑌰𑍍𑌵𑌂-𑌵𑌁𑌕𑍍𑌷𑍍𑌯𑌤𑍀𑌤𑌿 𑌤𑍇 𑌹 𑌸𑌮𑌿𑌤𑍍𑌪𑌾𑌣𑌯𑍋 𑌭𑌗𑌵𑌂𑌤𑌂 𑌪𑌿𑌪𑍍𑌪𑌲𑌾𑌦𑌮𑍁𑌪𑌸𑌨𑍍𑌨𑌾𑌃 ॥1॥

𑌤𑌾𑌨𑍍‌ 𑌹 𑌸 𑌋𑌷𑌿𑌰𑍁𑌵𑌾𑌚 𑌭𑍂𑌯 𑌏𑌵 𑌤𑌪𑌸𑌾 𑌬𑍍𑌰𑌹𑍍𑌮𑌚𑌰𑍍𑌯𑍇𑌣 𑌶𑍍𑌰𑌦𑍍𑌧𑌯𑌾 𑌸𑌂​𑌵𑌁𑌤𑍍𑌸𑌰𑌂 𑌸𑌂​𑌵𑌁𑌤𑍍𑌸𑍍𑌯𑌥 𑌯𑌥𑌾𑌕𑌾𑌮𑌂 𑌪𑍍𑌰𑌶𑍍𑌨𑌾𑌨𑍍‌ 𑌪𑍃𑌚𑍍𑌛𑌤 𑌯𑌦𑌿 𑌵𑌿𑌜𑍍𑌞𑌾𑌸𑍍𑌯𑌾𑌮𑌃 𑌸𑌰𑍍𑌵𑌂 𑌹 𑌵𑍋 𑌵𑌕𑍍𑌷𑌾𑌮 𑌇𑌤𑌿 ॥2॥

𑌅𑌥 𑌕𑌬𑌂𑌧𑍀 𑌕𑌾𑌤𑍍𑌯𑌾𑌯𑌨 𑌉𑌪𑍇𑌤𑍍𑌯 𑌪𑌪𑍍𑌰𑌚𑍍𑌛 𑌭𑌗𑌵𑌨𑍍‌ 𑌕𑍁𑌤𑍋 𑌹 𑌵𑌾 𑌇𑌮𑌾𑌃 𑌪𑍍𑌰𑌜𑌾𑌃 𑌪𑍍𑌰𑌜𑌾𑌯𑌂𑌤 𑌇𑌤𑌿 ॥3॥

𑌤𑌸𑍍𑌮𑍈 𑌸 𑌹𑍋𑌵𑌾𑌚-
𑌪𑍍𑌰𑌜𑌾𑌕𑌾𑌮𑍋 𑌵𑍈 𑌪𑍍𑌰𑌜𑌾𑌪𑌤𑌿𑌃 𑌸 𑌤𑌪𑍋𑌽𑌤𑌪𑍍𑌯𑌤 𑌸 𑌤𑌪𑌸𑍍𑌤𑌪𑍍𑌤𑍍𑌵𑌾 𑌸 𑌮𑌿𑌥𑍁𑌨𑌮𑍁𑌤𑍍𑌪𑌾𑌦𑌯𑌤𑍇।
𑌰𑌯𑌿𑌂 𑌚 𑌪𑍍𑌰𑌾𑌣𑌂𑌚𑍇𑌤𑌿 𑌏𑌤𑍌 𑌮𑍇 𑌬𑌹𑍁𑌧𑌾 𑌪𑍍𑌰𑌜𑌾𑌃 𑌕𑌰𑌿𑌷𑍍𑌯𑌤 𑌇𑌤𑌿 ॥4॥

𑌆𑌦𑌿𑌤𑍍𑌯𑍋 𑌹 𑌵𑍈 𑌪𑍍𑌰𑌾𑌣𑍋 𑌰𑌯𑌿𑌰𑍇𑌵 𑌚𑌂𑌦𑍍𑌰𑌮𑌾𑌃 𑌰𑌯𑌿𑌰𑍍𑌵𑌾 𑌏𑌤𑌤𑍍‌ 𑌸𑌰𑍍𑌵𑌂-𑌯𑌁𑌨𑍍𑌮𑍂𑌰𑍍𑌤𑌂 𑌚𑌾𑌮𑍂𑌰𑍍𑌤𑌂 𑌚 𑌤𑌸𑍍𑌮𑌾𑌨𑍍𑌮𑍂𑌰𑍍𑌤𑌿𑌰𑍇𑌵 𑌰𑌯𑌿𑌃 ॥5॥

𑌅𑌥𑌾𑌦𑌿𑌤𑍍𑌯 𑌉𑌦𑌯𑌨𑍍 𑌯𑌤𑍍 𑌪𑍍𑌰𑌾𑌚𑍀𑌂 𑌦𑌿𑌶𑌂 𑌪𑍍𑌰𑌵𑌿𑌶𑌤𑌿 𑌤𑍇𑌨 𑌪𑍍𑌰𑌾𑌚𑍍𑌯𑌾𑌨𑍍‌ 𑌪𑍍𑌰𑌾𑌣𑌾𑌨𑍍‌ 𑌰𑌶𑍍𑌮𑌿𑌷𑍁 𑌸𑌨𑍍𑌨𑌿𑌧𑌤𑍍𑌤𑍇।
𑌯𑌦𑍍𑌦𑌕𑍍𑌷𑌿𑌣𑌾𑌂-𑌯𑌁𑌤𑍍‌ 𑌪𑍍𑌰𑌤𑍀𑌚𑍀𑌂-𑌯𑌁𑌦𑍁𑌦𑍀𑌚𑍀𑌂-𑌯𑌁𑌦𑌧𑍋 𑌯𑌦𑍂𑌰𑍍𑌧𑍍𑌵𑌂-𑌯𑌁𑌦𑌂𑌤𑌰𑌾 𑌦𑌿𑌶𑍋 𑌯𑌤𑍍𑌸𑌰𑍍𑌵𑌂 𑌪𑍍𑌰𑌕𑌾𑌶𑌯𑌤𑌿 𑌤𑍇𑌨 𑌸𑌰𑍍𑌵𑌾𑌨𑍍‌ 𑌪𑍍𑌰𑌾𑌣𑌾𑌨𑍍‌ 𑌰𑌶𑍍𑌮𑌿𑌷𑍁 𑌸𑌨𑍍𑌨𑌿𑌧𑌤𑍍𑌤𑍇 ॥6॥

𑌸 𑌏𑌷 𑌵𑍈𑌶𑍍𑌵𑌾𑌨𑌰𑍋 𑌵𑌿𑌶𑍍𑌵𑌰𑍁𑌪𑌃 𑌪𑍍𑌰𑌾𑌣𑍋𑌽𑌗𑍍𑌨𑌿𑌰𑍁𑌦𑌯𑌤𑍇।
𑌤𑌦𑍇𑌤𑌦𑍍 𑌋𑌚𑌾𑌽𑌭𑍍𑌯𑍁𑌕𑍍𑌤𑌮𑍍‌ ॥𑍭॥

𑌵𑌿𑌶𑍍𑌵𑌰𑍂𑌪𑌂 𑌹𑌰𑌿𑌣𑌂 𑌜𑌾𑌤𑌵𑍇𑌦𑌸𑌂 𑌪𑌰𑌾𑌯𑌣𑌂 𑌜𑍍𑌯𑍋𑌤𑌿𑌰𑍇𑌕𑌂 𑌤𑌪𑌂𑌤𑌮𑍍‌।
𑌸𑌹𑌸𑍍𑌰𑌰𑌶𑍍𑌮𑌿𑌃 𑌶𑌤𑌧𑌾 𑌵𑌰𑍍𑌤𑌮𑌾𑌨𑌃 𑌪𑍍𑌰𑌾𑌣𑌃 𑌪𑍍𑌰𑌜𑌾𑌨𑌾𑌮𑍁𑌦𑌯𑌤𑍍𑌯𑍇𑌷 𑌸𑍂𑌰𑍍𑌯𑌃 ॥𑍮॥

𑌸𑌂​𑌵𑌁𑌤𑍍𑌸𑌰𑍋 𑌵𑍈 𑌪𑍍𑌰𑌜𑌾𑌪𑌤𑌿𑌃 𑌸𑍍𑌤𑌸𑍍𑌯𑌾𑌯𑌨𑍇 𑌦𑌕𑍍𑌷𑌿𑌣𑌂𑌚𑍋𑌤𑍍𑌤𑌰𑌂 𑌚।
𑌤𑌦𑍍𑌯𑍇 𑌹 𑌵𑍈 𑌤𑌦𑌿𑌷𑍍𑌟𑌾𑌪𑍂𑌰𑍍𑌤𑍇 𑌕𑍃𑌤𑌮𑌿𑌤𑍍𑌯𑍁𑌪𑌾𑌸𑌤𑍇 𑌤𑍇 𑌚𑌾𑌂𑌦𑍍𑌰𑌮𑌸𑌮𑍇𑌵 𑌲𑍋𑌕𑌮𑌭𑌿𑌜𑌯𑌂𑌤𑍇 𑌤 𑌏𑌵 𑌪𑍁𑌨𑌰𑌾𑌵𑌰𑍍𑌤𑌂𑌤𑍇।
𑌤𑌸𑍍𑌮𑌾𑌦𑍇𑌤 𑌋𑌷𑌯𑌃 𑌪𑍍𑌰𑌜𑌾𑌕𑌾𑌮𑌾 𑌦𑌕𑍍𑌷𑌿𑌣𑌂 𑌪𑍍𑌰𑌤𑌿𑌪𑌦𑍍𑌯𑌂𑌤𑍇। 𑌏𑌷 𑌹 𑌵𑍈 𑌰𑌯𑌿𑌰𑍍𑌯𑌃 𑌪𑌿𑌤𑍃𑌯𑌾𑌣𑌃 ॥𑍯॥

𑌅𑌥𑍋𑌤𑍍𑌤𑌰𑍇𑌣 𑌤𑌪𑌸𑌾 𑌬𑍍𑌰𑌹𑍍𑌮𑌚𑌰𑍍𑌯𑍇𑌣 𑌶𑍍𑌰𑌦𑍍𑌧𑌯𑌾 𑌵𑌿𑌦𑍍𑌯𑌯𑌾𑌤𑍍𑌮𑌾𑌨𑌮𑌨𑍍𑌵𑌿𑌷𑍍𑌯𑌾𑌦𑌿𑌤𑍍𑌯𑌮𑌭𑌿𑌜𑌯𑌂𑌤𑍇।
𑌏𑌤𑌦𑍍𑌵𑍈 𑌪𑍍𑌰𑌾𑌣𑌾𑌨𑌾𑌮𑌾𑌯𑌤𑌨𑌮𑍇𑌤𑌦𑌮𑍃𑌤𑌮𑌭𑌯𑌮𑍇𑌤𑌤𑍍‌ 𑌪𑌰𑌾𑌯𑌣𑌮𑍇𑌤𑌸𑍍𑌮𑌾𑌨𑍍𑌨 𑌪𑍁𑌨𑌰𑌾𑌵𑌰𑍍𑌤𑌂𑌤 𑌇𑌤𑍍𑌯𑍇𑌷 𑌨𑌿𑌰𑍋𑌧𑌃। 𑌤𑌦𑍇𑌷 𑌶𑍍𑌲𑍋𑌕𑌃 ॥10॥

𑌪𑌂𑌚𑌪𑌾𑌦𑌂 𑌪𑌿𑌤𑌰𑌂 𑌦𑍍𑌵𑌾𑌦𑌶𑌾𑌕𑍃𑌤𑌿𑌂 𑌦𑌿𑌵 𑌆𑌹𑍁𑌃 𑌪𑌰𑍇 𑌅𑌰𑍍𑌧𑍇 𑌪𑍁𑌰𑍀𑌷𑌿𑌣𑌮𑍍‌।
𑌅𑌥𑍇𑌮𑍇 𑌅𑌨𑍍𑌯 𑌉 𑌪𑌰𑍇 𑌵𑌿𑌚𑌕𑍍𑌷𑌣𑌂 𑌸𑌪𑍍𑌤𑌚𑌕𑍍𑌰𑍇 𑌷𑌡𑌰 𑌆𑌹𑍁𑌰𑌰𑍍𑌪𑌿𑌤𑌮𑌿𑌤𑌿 ॥11॥

𑌮𑌾𑌸𑍋 𑌵𑍈 𑌪𑍍𑌰𑌜𑌾𑌪𑌤𑌿𑌸𑍍𑌤𑌸𑍍𑌯 𑌕𑍃𑌷𑍍𑌣𑌪𑌕𑍍𑌶 𑌏𑌵 𑌰𑌯𑌿𑌃 𑌶𑍁𑌕𑍍𑌲𑌃 𑌪𑍍𑌰𑌣𑌸𑍍𑌤𑌸𑍍𑌮𑌾𑌦𑍇𑌤 𑌋𑌷𑌯𑌃 𑌶𑍁𑌕𑍍𑌲 𑌇𑌷𑍍𑌟𑌂 𑌕𑍁𑌰𑍍𑌵𑌂𑌤𑍀𑌤𑌰 𑌇𑌤𑌰𑌸𑍍𑌮𑌿𑌨𑍍‌ ॥12॥

𑌅𑌹𑍋𑌰𑌾𑌤𑍍𑌰𑍋 𑌵𑍈 𑌪𑍍𑌰𑌜𑌾𑌪𑌤𑌿𑌸𑍍𑌤𑌸𑍍𑌯𑌾𑌹𑌰𑍇𑌵 𑌪𑍍𑌰𑌾𑌣𑍋 𑌰𑌾𑌤𑍍𑌰𑌿𑌰𑍇𑌵 𑌰𑌯𑌿𑌃।
𑌪𑍍𑌰𑌾𑌣𑌂-𑌵𑌾𑌁 𑌏𑌤𑍇 𑌪𑍍𑌰𑌸𑍍𑌕𑌂𑌦𑌂𑌤𑌿 𑌯𑍇 𑌦𑌿𑌵𑌾 𑌰𑌤𑍍𑌯𑌾 𑌸𑌂​𑌯𑍁𑌁𑌜𑍍𑌯𑌂𑌤𑍇 𑌬𑍍𑌰𑌹𑍍𑌮𑌚𑌰𑍍𑌯𑌮𑍇𑌵 𑌤𑌦𑍍𑌯𑌦𑍍𑌰𑌾𑌤𑍍𑌰𑍌 𑌰𑌤𑍍𑌯𑌾 𑌸𑌂​𑌯𑍁𑌁𑌜𑍍𑌯𑌂𑌤𑍇 ॥13॥

𑌅𑌨𑍍𑌨𑌂-𑌵𑍈𑌁 𑌪𑍍𑌰𑌜𑌾𑌪𑌤𑌿𑌸𑍍𑌤𑌤𑍋 𑌹 𑌵𑍈 𑌤𑌦𑍍𑌰𑍇𑌤𑌸𑍍𑌤𑌸𑍍𑌮𑌾𑌦𑌿𑌮𑌾𑌃 𑌪𑍍𑌰𑌜𑌾𑌃 𑌪𑍍𑌰𑌜𑌾𑌯𑌂𑌤 𑌇𑌤𑌿 ॥14॥

𑌤𑌦𑍍𑌯𑍇 𑌹 𑌵𑍈 𑌤𑌤𑍍𑌪𑍍𑌰𑌜𑌾𑌪𑌤𑌿𑌵𑍍𑌰𑌤𑌂 𑌚𑌰𑌂𑌤𑌿 𑌤𑍇 𑌮𑌿𑌥𑍁𑌨𑌮𑍁𑌤𑍍𑌪𑌾𑌦𑌯𑌂𑌤𑍇।
𑌤𑍇𑌷𑌾𑌮𑍇𑌵𑍈𑌷 𑌬𑍍𑌰𑌹𑍍𑌮𑌲𑍋𑌕𑍋 𑌯𑍇𑌷𑌾𑌂 𑌤𑌪𑍋 𑌬𑍍𑌰𑌹𑍍𑌮𑌚𑌰𑍍𑌯𑌂-𑌯𑍇𑌁𑌷𑍁 𑌸𑌤𑍍𑌯𑌂 𑌪𑍍𑌰𑌤𑌿𑌷𑍍𑌠𑌿𑌤𑌮𑍍‌ ॥15॥

𑌤𑍇𑌷𑌾𑌮𑌸𑍌 𑌵𑌿𑌰𑌜𑍋 𑌬𑍍𑌰𑌹𑍍𑌮𑌲𑍋𑌕𑍋 𑌨 𑌯𑍇𑌷𑍁 𑌜𑌿𑌹𑍍𑌮𑌮𑌨𑍃𑌤𑌂 𑌨 𑌮𑌾𑌯𑌾 𑌚𑍇𑌤𑌿 ॥16॥