બ્રહ્મલોકે ચ યે સર્પાઃ શેષનાગ પુરોગમાઃ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 1 ॥

વિષ્ણુલોકે ચ યે સર્પાઃ વાસુકિ પ્રમુખાશ્ચ યે ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 2 ॥

રુદ્રલોકે ચ યે સર્પાસ્તક્ષક પ્રમુખાસ્તથા ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 3 ॥

ખાંડવસ્ય તથા દાહે સ્વર્ગં યે ચ સમાશ્રિતાઃ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 4 ॥

સર્પસત્રે ચ યે સર્પાઃ આસ્તીકેન ચ રક્ષિતાઃ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 5 ॥

મલયે ચૈવ યે સર્પાઃ કાર્કોટપ્રમુખાશ્ચ યે । [પ્રલયે]
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 6 ॥

ધર્મલોકે ચ યે સર્પાઃ વૈતરણ્યાં સમાશ્રિતાઃ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 7 ॥

સમુદ્રે ચૈવ યે સર્પાઃ પાતાલે ચૈવ સંસ્થિતાઃ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 8 ॥

યે સર્પાઃ પર્વતાગ્રેષુ દરીસંધિષુ સંસ્થિતાઃ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 9 ॥

ગ્રામે વા યદિ વારણ્યે યે સર્પાઃ પ્રચરંતિ હિ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 10 ॥

પૃથિવ્યાં ચૈવ યે સર્પાઃ યે સર્પાઃ બિલસંસ્થિતાઃ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 11 ॥

રસાતલે ચ યે સર્પાઃ અનંતાદ્યાઃ મહાવિષાઃ ।
નમોઽસ્તુ તેભ્યઃ સુપ્રીતાઃ પ્રસન્નાઃ સંતુ મે સદા ॥ 12 ॥

ઇતિ સર્પ સ્તોત્રમ્ ।