ବ୍ରହ୍ମଲୋକେ ଚ ୟେ ସର୍ପାଃ ଶେଷନାଗ ପୁରୋଗମାଃ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 1 ॥

ଵିଷ୍ଣୁଲୋକେ ଚ ୟେ ସର୍ପାଃ ଵାସୁକି ପ୍ରମୁଖାଶ୍ଚ ୟେ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 2 ॥

ରୁଦ୍ରଲୋକେ ଚ ୟେ ସର୍ପାସ୍ତକ୍ଷକ ପ୍ରମୁଖାସ୍ତଥା ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 3 ॥

ଖାଂଡଵସ୍ୟ ତଥା ଦାହେ ସ୍ଵର୍ଗଂ ୟେ ଚ ସମାଶ୍ରିତାଃ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 4 ॥

ସର୍ପସତ୍ରେ ଚ ୟେ ସର୍ପାଃ ଆସ୍ତୀକେନ ଚ ରକ୍ଷିତାଃ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 5 ॥

ମଲୟେ ଚୈଵ ୟେ ସର୍ପାଃ କାର୍କୋଟପ୍ରମୁଖାଶ୍ଚ ୟେ । [ପ୍ରଲୟେ]
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 6 ॥

ଧର୍ମଲୋକେ ଚ ୟେ ସର୍ପାଃ ଵୈତରଣ୍ୟାଂ ସମାଶ୍ରିତାଃ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 7 ॥

ସମୁଦ୍ରେ ଚୈଵ ୟେ ସର୍ପାଃ ପାତାଲେ ଚୈଵ ସଂସ୍ଥିତାଃ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 8 ॥

ୟେ ସର୍ପାଃ ପର୍ଵତାଗ୍ରେଷୁ ଦରୀସଂଧିଷୁ ସଂସ୍ଥିତାଃ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 9 ॥

ଗ୍ରାମେ ଵା ୟଦି ଵାରଣ୍ୟେ ୟେ ସର୍ପାଃ ପ୍ରଚରଂତି ହି ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 10 ॥

ପୃଥିଵ୍ୟାଂ ଚୈଵ ୟେ ସର୍ପାଃ ୟେ ସର୍ପାଃ ବିଲସଂସ୍ଥିତାଃ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 11 ॥

ରସାତଲେ ଚ ୟେ ସର୍ପାଃ ଅନଂତାଦ୍ୟାଃ ମହାଵିଷାଃ ।
ନମୋଽସ୍ତୁ ତେଭ୍ୟଃ ସୁପ୍ରୀତାଃ ପ୍ରସନ୍ନାଃ ସଂତୁ ମେ ସଦା ॥ 12 ॥

ଇତି ସର୍ପ ସ୍ତୋତ୍ରମ୍ ।