ബ്രഹ്മലോകേ ച യേ സര്പാഃ ശേഷനാഗ പുരോഗമാഃ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 1 ॥

വിഷ്ണുലോകേ ച യേ സര്പാഃ വാസുകി പ്രമുഖാശ്ച യേ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 2 ॥

രുദ്രലോകേ ച യേ സര്പാസ്തക്ഷക പ്രമുഖാസ്തഥാ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 3 ॥

ഖാംഡവസ്യ തഥാ ദാഹേ സ്വര്ഗം യേ ച സമാശ്രിതാഃ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 4 ॥

സര്പസത്രേ ച യേ സര്പാഃ ആസ്തീകേന ച രക്ഷിതാഃ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 5 ॥

മലയേ ചൈവ യേ സര്പാഃ കാര്കോടപ്രമുഖാശ്ച യേ । [പ്രലയേ]
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 6 ॥

ധര്മലോകേ ച യേ സര്പാഃ വൈതരണ്യാം സമാശ്രിതാഃ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 7 ॥

സമുദ്രേ ചൈവ യേ സര്പാഃ പാതാലേ ചൈവ സംസ്ഥിതാഃ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 8 ॥

യേ സര്പാഃ പർവതാഗ്രേഷു ദരീസംധിഷു സംസ്ഥിതാഃ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 9 ॥

ഗ്രാമേ വാ യദി വാരണ്യേ യേ സര്പാഃ പ്രചരംതി ഹി ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 10 ॥

പൃഥിവ്യാം ചൈവ യേ സര്പാഃ യേ സര്പാഃ ബിലസംസ്ഥിതാഃ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 11 ॥

രസാതലേ ച യേ സര്പാഃ അനംതാദ്യാഃ മഹാവിഷാഃ ।
നമോഽസ്തു തേഭ്യഃ സുപ്രീതാഃ പ്രസന്നാഃ സംതു മേ സദാ ॥ 12 ॥

ഇതി സര്പ സ്തോത്രമ് ।