പല്ലവി (കീരവാണി)
ഗീതാസാരം ശൃണുത സദാ
മനസി വികാസം വഹതമുദാ
കാമം ക്രോധം ത്യജത ഹൃദാ
ഭൂയാത് സംവിത് പരസുഖദാ
ചരണം
വിഷാദ യോഗാത് പാര്ഥേന
ഭണിതം കിംചിന്മോഹ ധിയാ
തം സംദിഗ്ധം മോചയിതും
ഗീതാശാസ്ത്രം ഗീതമിദം ॥ 1 ॥
സാംഖ്യം ജ്ഞാനം ജാനീഹി
ശരണാഗതി പഥ മവാപ്നുഹി
ആത്മ നിത്യ സ്സർവഗതോ
നൈനം കിംചിത് ക്ലേദയതി ॥ 2 ॥
(മോഹന)
ഫലേഷു സക്തിം മൈവ കുരു
കാര്യം കര്മ തു സമാചര
കര്മാബദ്ധഃ പരമേതി
കര്മണി സംഗഃ പാതയതി ॥ 3 ॥
കര്മാകര്മ വികര്മത്വം
ചിംതയ ചാത്മനി കര്മഗതിം
നാസ്തി ജ്ഞാനസമം ലോകേ
ത്യജ ചാഹംകൃതി മിഹ ദേഹേ ॥ 4 ॥
(കാപി)
വഹ സമബുദ്ധിം സർവത്ര
ഭവ സമദര്ശീ ത്വം ഹി സഖേ
യോനനുരക്തോ ന ദ്വേഷ്ടി
യോഗീ യോഗം ജാനാതി ॥ 5 ॥
മിത്രം തവ തേ ശത്രുരപി
ത്വമേവ നാന്യോ ജംതുരയി!
യുക്തസ്ത്വം ഭവ ചേഷ്ടാസു
ആഹാരാദിഷു വിവിധാസു ॥ 6 ॥
(കല്യാണി)
അനാത്മരൂപാ മഷ്ടവിധാം
പ്രകൃതി മവിദ്യാം ജാനീഹി
ജീവ സ്സൈവ ഹി പരമാത്മാ
യസ്മിന് പ്രോതം സർവമിദം ॥ 7 ॥
അക്ഷര പര വര പുരുഷം തം
ധ്യായന് പ്രേതോ യാതി പരം
തത സ്തമേവ ധ്യായന് ത്വം
കാലം യാപയ നശ്യംതം ॥ 8 ॥
(ഹിംദോള)
സർവം ബ്രഹ്മാര്പണ ബുദ്ധ്യാ
കര്മ ക്രിയതാം സമബുദ്ധ്യാ
ഭക്ത്യാ ദത്തം പത്രമപി
ഫലമപി തേന സ്വീക്രിയതേ ॥ 9 ॥
യത്ര വിഭൂതി ശ്ശ്രീ യുക്താ
യത്ര വിഭൂതി സ്സത്ത്വയുതാ
തത്ര തമീശം പശ്യംതം
നേര്ഷ്യാ ദ്വേഷൌ സജ്ജേതേ ॥ 10 ॥
(അമൃതവര്ഷിണി)
കാലസ്തസ്യ മഹാന് രൂപോ
ലോകാന് സർവാന് സംഗ്രസതി
ഭക്ത്യാ ഭഗവദ്രൂപം തം
പ്രഭവതി ലോക സ്സംദ്രഷ്ടും ॥ 11 ॥
ഭക്തി സ്തസ്മിന് രതിരൂപാ
സൈവ ഹി ഭക്തോദ്ധരണചണാ
ഭാവം തസ്യാ മാധായ
ബുദ്ധിം തസ്മി ന്നിവേശയ ॥ 12 ॥
(ചാരുകേശി)
ക്ഷേത്രം തദ്‍ജ്ഞം ജാനീഹി
ക്ഷേത്രേ മമതാം മാ കുരു ച
ആത്മാനം യോ ജാനാതി
ആത്മനി സോയം നനു രമതേ ॥ 13 ॥
സാത്ത്വിക രാജസ താമസികാ
ബംധന ഹേതവ അഥവര്ജ്യഃ
ത്രയം ഗുണാനാം യോതീത-
സ്സൈവ ബ്രാഹ്മം സുഖമേതി ॥ 14 ॥
(ഹംസാനംദി)
ഛിത്വാ സാംസാരികവൃക്ഷം
പദം ഗവേഷയ മുനിലക്ഷ്യം
തത്കില സർവം തേജോ യത്
വേദൈ സ്സർവൈ സ്സംവേദ്യം ॥ 15 ॥
സൃഷ്ടി ര്ദൈവീ ചാസുരികാ
ദ്വിവിധാ പ്രോക്താ ലോകേസ്മിന്
ദൈവേ സക്താ യാംതി പരം
ആസുരസക്താ അസുരഗതിം ॥ 16 ॥
(ശ്രീ)
നിഷ്ഠാ യജ്ഞേ ദാനേ ച
തപസി പ്രോക്താ സദിതി പരാ
സത്കില സഫലം സശ്രദ്ധം
തത്കില നിഷ്ഫല മശ്രദ്ധം ॥ 17 ॥
ധര്മാന് സർവാന് ത്യക്ത്വാ ത്വം
ശരണം വ്രജ പര-മാത്മാനം
മോക്ഷം പ്രാപ്സ്യസി സത്യം ത്വം
സംതത സച്ചിദാനംദ ഘനം ॥ 18 ॥
