ପଲ୍ଲଵି (କୀରଵାଣି)
ଗୀତାସାରଂ ଶୃଣୁତ ସଦା
ମନସି ଵିକାସଂ ଵହତମୁଦା
କାମଂ କ୍ରୋଧଂ ତ୍ୟଜତ ହୃଦା
ଭୂୟାତ୍ ସଂଵିତ୍ ପରସୁଖଦା
ଚରଣଂ
ଵିଷାଦ ୟୋଗାତ୍ ପାର୍ଥେନ
ଭଣିତଂ କିଂଚିନ୍ମୋହ ଧିୟା
ତଂ ସଂଦିଗ୍ଧଂ ମୋଚୟିତୁଂ
ଗୀତାଶାସ୍ତ୍ରଂ ଗୀତମିଦଂ ॥ 1 ॥
ସାଂଖ୍ୟଂ ଜ୍ଞାନଂ ଜାନୀହି
ଶରଣାଗତି ପଥ ମଵାପ୍ନୁହି
ଆତ୍ମ ନିତ୍ୟ ସ୍ସର୍ଵଗତୋ
ନୈନଂ କିଂଚିତ୍ କ୍ଲେଦୟତି ॥ 2 ॥
(ମୋହନ)
ଫଲେଷୁ ସକ୍ତିଂ ମୈଵ କୁରୁ
କାର୍ୟଂ କର୍ମ ତୁ ସମାଚର
କର୍ମାବଦ୍ଧଃ ପରମେତି
କର୍ମଣି ସଂଗଃ ପାତୟତି ॥ 3 ॥
କର୍ମାକର୍ମ ଵିକର୍ମତ୍ଵଂ
ଚିଂତୟ ଚାତ୍ମନି କର୍ମଗତିଂ
ନାସ୍ତି ଜ୍ଞାନସମଂ ଲୋକେ
ତ୍ୟଜ ଚାହଂକୃତି ମିହ ଦେହେ ॥ 4 ॥
(କାପି)
ଵହ ସମବୁଦ୍ଧିଂ ସର୍ଵତ୍ର
ଭଵ ସମଦର୍ଶୀ ତ୍ଵଂ ହି ସଖେ
ୟୋନନୁରକ୍ତୋ ନ ଦ୍ଵେଷ୍ଟି
ୟୋଗୀ ୟୋଗଂ ଜାନାତି ॥ 5 ॥
ମିତ୍ରଂ ତଵ ତେ ଶତ୍ରୁରପି
ତ୍ଵମେଵ ନାନ୍ୟୋ ଜଂତୁରୟି!
ୟୁକ୍ତସ୍ତ୍ଵଂ ଭଵ ଚେଷ୍ଟାସୁ
ଆହାରାଦିଷୁ ଵିଵିଧାସୁ ॥ 6 ॥
(କଲ୍ୟାଣି)
ଅନାତ୍ମରୂପା ମଷ୍ଟଵିଧାଂ
ପ୍ରକୃତି ମଵିଦ୍ୟାଂ ଜାନୀହି
ଜୀଵ ସ୍ସୈଵ ହି ପରମାତ୍ମା
ୟସ୍ମିନ୍ ପ୍ରୋତଂ ସର୍ଵମିଦଂ ॥ 7 ॥
ଅକ୍ଷର ପର ଵର ପୁରୁଷଂ ତଂ
ଧ୍ୟାୟନ୍ ପ୍ରେତୋ ୟାତି ପରଂ
ତତ ସ୍ତମେଵ ଧ୍ୟାୟନ୍ ତ୍ଵଂ
କାଲଂ ୟାପୟ ନଶ୍ୟଂତଂ ॥ 8 ॥
(ହିଂଦୋଳ)
ସର୍ଵଂ ବ୍ରହ୍ମାର୍ପଣ ବୁଦ୍ଧ୍ୟା
କର୍ମ କ୍ରିୟତାଂ ସମବୁଦ୍ଧ୍ୟା
ଭକ୍ତ୍ୟା ଦତ୍ତଂ ପତ୍ରମପି
ଫଲମପି ତେନ ସ୍ଵୀକ୍ରିୟତେ ॥ 9 ॥
ୟତ୍ର ଵିଭୂତି ଶ୍ଶ୍ରୀ ୟୁକ୍ତା
ୟତ୍ର ଵିଭୂତି ସ୍ସତ୍ତ୍ଵୟୁତା
ତତ୍ର ତମୀଶଂ ପଶ୍ୟଂତଂ
ନେର୍ଷ୍ୟା ଦ୍ଵେଷୌ ସଜ୍ଜେତେ ॥ 10 ॥
(ଅମୃତଵର୍ଷିଣି)
କାଲସ୍ତସ୍ୟ ମହାନ୍ ରୂପୋ
ଲୋକାନ୍ ସର୍ଵାନ୍ ସଂଗ୍ରସତି
ଭକ୍ତ୍ୟା ଭଗଵଦ୍ରୂପଂ ତଂ
ପ୍ରଭଵତି ଲୋକ ସ୍ସଂଦ୍ରଷ୍ଟୁଂ ॥ 11 ॥
ଭକ୍ତି ସ୍ତସ୍ମିନ୍ ରତିରୂପା
ସୈଵ ହି ଭକ୍ତୋଦ୍ଧରଣଚଣା
ଭାଵଂ ତସ୍ୟା ମାଧାୟ
ବୁଦ୍ଧିଂ ତସ୍ମି ନ୍ନିଵେଶୟ ॥ 12 ॥
(ଚାରୁକେଶି)
କ୍ଷେତ୍ରଂ ତଦ୍ଜ୍ଞଂ ଜାନୀହି
କ୍ଷେତ୍ରେ ମମତାଂ ମା କୁରୁ ଚ
ଆତ୍ମାନଂ ୟୋ ଜାନାତି
ଆତ୍ମନି ସୋୟଂ ନନୁ ରମତେ ॥ 13 ॥
ସାତ୍ତ୍ଵିକ ରାଜସ ତାମସିକା
ବଂଧନ ହେତଵ ଅଥଵର୍ଜ୍ୟଃ
ତ୍ରୟଂ ଗୁଣାନାଂ ୟୋତୀତ-
ସ୍ସୈଵ ବ୍ରାହ୍ମଂ ସୁଖମେତି ॥ 14 ॥
(ହଂସାନଂଦି)
ଛିତ୍ଵା ସାଂସାରିକଵୃକ୍ଷଂ
ପଦଂ ଗଵେଷୟ ମୁନିଲକ୍ଷ୍ୟଂ
ତତ୍କିଲ ସର୍ଵଂ ତେଜୋ ୟତ୍
ଵେଦୈ ସ୍ସର୍ଵୈ ସ୍ସଂଵେଦ୍ୟଂ ॥ 15 ॥
ସୃଷ୍ଟି ର୍ଦୈଵୀ ଚାସୁରିକା
ଦ୍ଵିଵିଧା ପ୍ରୋକ୍ତା ଲୋକେସ୍ମିନ୍
ଦୈଵେ ସକ୍ତା ୟାଂତି ପରଂ
ଆସୁରସକ୍ତା ଅସୁରଗତିଂ ॥ 16 ॥
(ଶ୍ରୀ)
ନିଷ୍ଠା ୟଜ୍ଞେ ଦାନେ ଚ
ତପସି ପ୍ରୋକ୍ତା ସଦିତି ପରା
ସତ୍କିଲ ସଫଲଂ ସଶ୍ରଦ୍ଧଂ
ତତ୍କିଲ ନିଷ୍ଫଲ ମଶ୍ରଦ୍ଧଂ ॥ 17 ॥
ଧର୍ମାନ୍ ସର୍ଵାନ୍ ତ୍ୟକ୍ତ୍ଵା ତ୍ଵଂ
ଶରଣଂ ଵ୍ରଜ ପର-ମାତ୍ମାନଂ
ମୋକ୍ଷଂ ପ୍ରାପ୍ସ୍ୟସି ସତ୍ୟଂ ତ୍ଵଂ
ସଂତତ ସଚ୍ଚିଦାନଂଦ ଘନଂ ॥ 18 ॥
